Morgunblaðið - 08.05.1968, Blaðsíða 4
4
‘ MoáGUNBLAÐIÐ, MlÐVlkUDAGUR 8. MAÍ 1968
-f==*0ILAJLEi£VUI
Raubarárst'ig 31
S'imi 22-0-22
IV1AGIMÚSAR
jSKIPHOLJI 21 SÍMAR 21190
H eftir lokun simi 40381
Hverfisgötu 103.
Sími efUr lokuu 31160.
LITLA
BÍLALEIGAN
Ingólfsstræti 11.
Hagstætt leigugjald
Sími 14970
Eftir lokun 14970 eða 81748
SigurSur Jónsson.
BÍLALEIGAN
- VAKUR -
Sundlaugavegi 12. Simi 35135.
Eftir lokun 34936 og 36217.
BÍLALEIG AN
AKBRAUT
NÝIR VW 1300
SENDUM
SÍMI 82347
Skolphreinsun
Losa um stífluð niðurfalls
rör. Niðursetningu á brunn-
um. — Smáviðgerðir. Vanir
menn. Sótthreinsum að
verki loknu. — Sími 23146.
Vnrnhlutir
í OPEL
Bremsuborðar.
Bremsuhlutir.
Demparar.
Spindilkúlur.
Stýrisendar.
Slitboltar.
Rafmagnshlutir.
Kúplingspressur .
Vatnsdælur.
og fleira.
Ávallt fyrirliggjandi úrval
varahluta í flesta bíla .
Kristinn Guðnason hf.
Klapparstíg 27 - Sími 12314.
Nýjar kenningar
í efnahagsmálum
Jón Lýösson, Hólmgarði
45, skrifar m.a.:
„Velvakandi góður!
Illa hefur gengisbreytingin
komið við oss marga, en hefur
nokkur rannsakað við hverja
hún hefur komið verst? Ætli
það séu ekki einmitt náms-
menn, eins og fyrri daginn, sem
hafa orðið fyrir barðinu á
þessu höggi? Ég held þessu
ekki fram, en mig grunar það
vegna þess sem ég hef heyrt á
tal fólks um þessi efni. Allir
hugsandi menn eru sammála
um að gengisbreytingin var
nauðsyn og að allir verða að
skipta byrðunum jafnt með
sér, en ætli allir geri sér grein
fyrir því hvernig ástatt var í
kjaramáium námsfólks fyrir
gengisbreytingu? Það hygg ég
ekki vera. Stúdent segir mér
að breytingin hafi kostað náms
menn erlendis 40% smækkun
fjár síns. Menntaskólanemar
telja, að nú sé ekki lengur
grundvöllur fyrir listsýningar
og fleiri slíkri starfsemi í al-
mennings þágu, fjárhagslega
séð(?). Góður vinur minn, sem
ég kýs að nefna H„ fullyrðir,
að unnt sé að ráða bót á þess-
um vanda. Hann segir: „Hvern-
ig væri, þegar gengið er lækk-
að, að hækka blaðaverð, lækka
vöruverð, hækka kaup fólks
og lækka tollana. Með ýmsum
þannig víxl-hækkunum og
lækkunum mætti ná hlutfalls-
legu jafnvægi miðað við það
sem áður var“. Ég er ekki hag-
spekingur, en fróðlegt væri að
heyra álrt þeirra, sem góð skil
kunna á verzlun og viðskipt-
um á þessum tillögum kunn-
ingja míns. Geta þeir væntan-
lega fengið rúm í þessum dálk-
um til þess að verja sjónarmið
sín, því oft er gaman að slík-
um blaðadeilum.
it Blaðaþætti vantar
um íjármál
Fólk hefur meiri áhuga á
fjármálum en margir álíta.
Vantar slíka þætti í blöðin, sem
kynna oss almenningi hina
flóknu viðskiptahætti nútím-
ans og færa nær okkur raun-
verulegt gildi peninga og eigna.
Mér er það vel kunnugt, að
margur hefur fengið illan skeil
sökum ónógrar þekkingar, þeg-
ar peningamál eru annars veg-
ar.
Gullið er
náttúrujárn
Annars hef ég ágæta
lausn á gjaldeyrisvandamálun-
um: Setja dsllarinn frían, losa
hann undan þessari gulláþján
(því ,að gullið er nú einu sinni
ekki annað en gult náttúru-
járn), losa aðra gjaldmiðla við-
líka böndum og taka upp eina
alþjóðamynt, sem ekki er hftgt
að fella og engum er hagur í
að hrófla við, (hvernig sem
vinur vor de Gaulle bregzt við
þessari uppástungu minni!).
-A Út og utan
Nú er rætt í borginni
orðtakið út til íslands og utan
af Fróni vegna skrifa í Les-
bókinni og þáttar í útvarpinu.
Ef trúa skal orðum útvarps-
mannsins, skal ekki segja út-
lendingur heldur vestlending-
ur, ef maður vill vera reglu-
lega „órígínal“ í tali, því að
hann segir að út þýði vestur að
fornu. Samkvæmt því ættu
Vestfirðir nútímans að heita
Útfirðir og Vestur-heimur Út-
heimur, Vestur-Húnavatns-
sýsla Út-Húnavatnssýsla, Vest-
urbærinn Útbær og s. frv. Hver
maður sér, að þetta er endi-
leysa. Þarna hafði blaðamað-
urinn rétt fyrir sér og sannast
þar, að íslenzkir blaðamenn eru
síður en svo þau andlegu pela-
börn og menningarlegu
óbermi sem sumir hafa sagt.
Og ekki eru það góð meðmæli
fyrir norrænudeild háskólans,
að hún skuli útskrifa mann
„meistara", sem ekki veldur
sínu eigin máli betur en raun
ber vitni og svo slysast til, að
orð hans og skoðanir varpast
um allt landið og festast í
(hver veit hvað mörgum)
barns- (og fullorðins-) heila.
Þjófótt böra
Á göngu minni um borg-
ina hef ég margsinnis orðið
vitni að lúalegu bragði stálp-
aðra barna. Þau biðja mann
um aura í strætó, segjast haía
týnt fargjaldi sínu, og hlaupa
svo út í buskann strax og mað-
ur hefur í grandaleysi viljað
rétta hjálparhönd með fimm-
krónuseðli eða þvílíku. Svo oft
sem ég farið flatt á þessari
„velgjörðastarfsemi", að ég
undrast, hve börn eru orðin
frökk í smáþjófnuðum. Hver á
sökina? Heimilin? Skólarnir?
Hver? En hér er þörf úrbóta.
Ég er orðinn langeygður eftir
svörum, því að aldrei vill
neinn við neitt kannast. Ekki
að ég sjái endilega eftir aurun-
um, því að ekki mundi ég hika
við að styrkja Barnaspítala-
sjóð Hringsins eða Mæðra-
styrksnefnd ef svo má hjálpa,
en það er sálarástand þessara
barna sem eitthvað er bogið
við.
-A Saknaði bóka
og blaða
Margt prýðisgott er í sjón
varpinu, en eitt er það, sem ég
sakna: Bókaþáttar, þar sem
bókum og bókmenntum eru
gerð skil. Ég veit með vissu, að
bókin heldur sínu gildi þrátt
fyrir sjónvarp og kvikmyndir,
eftir samræður við fólk af öll-
um aldri, kynjum og stéttum.
Enginn getur hugsað sér Is-
land bókalaust land, né íslend-
inga bókalausa þjóð. Ekki
sofna ég vel án þess að kíkja í
bók fyrst. Ég man hversu erf-
itt það var í hótelinu í París að
róa hugann eftir erilsaman
dag, þegar hinn tryggi föru-
nautur, íslenzka bókin, var ekki
til staðar. Eða hve undrandi
og jafnframt feginn ég varð í
hóteii í London, þegar stúlkan
færði mér Morgunblaðið með
morgunkaffinu (hafði þá ein-
hver rekizt með það inn um
morguninn og skilið eftir, og
var það reyndar 14 daga gam-
alt!) og las ég það með
áfergju, enda ekkert heyrt að
heiman alla ferðina í útlönd-
um.
★ H-dagur
Nú er H-dagurinn 26.
maí eins og sumir vita (!) og
í því tilefni datt mér eftirfar-
andi í hug:
Horft er fram að há-degi,
hann mun koma um síðir.
Vagneklana við segi:
„Verið þið nú blíðir!“
Ásamt mínum beztu kveðj-
um til þín, Velvakandi, sem
hefur veitt oss svo margháttaða
skemmtun og fróðleik, vil ég
árna þér allra heilla í starfi og
óska þess að þjóðfélagið verði
einhverntíma svo gott að eng-
inn þurfi að kvarta.
Virðingarfyllst,
Jón Lýðsson".
Undir þessa dsk tekur Vel-
vakandi af heilum hug, þótt
uppfylling hennar geti kostað
hann atvinnuna.
if Vilja læra að
matbúa grænmeti
Velvakandi góður!
Fyrir skömmu komum við
saman nokkrar húsmæður.
Að sjálfsögðu barst talið að
mat og matreiðslu, þar sem það
er okkar, „aðaldjobb“. Okkur
kom saman um það, að við
gætum gert ýmislegt til þess
að gera starfið skemmtilegra
og eftirsóknarverðara. T.d.
með því að auka fjölbreytni í
matargerðinni. Ektamakarnir
eru farnir að borða grunsam-
lega oft úti og láta okkur eftir
að sitja heima við snarlið og
krakkana.
Nú viljum við reyna ein-
hverjar nýjar leiðir til þess að
halda körlunum heima, a.m.k.
á matartímum.
Þeir kvarta margir hverjir
um slappleika og slen eftir vet-
urinn.
Okkur datt í hug að reyn-
andi væri að útbúa einhverja
rétti úr nýju grænmeti, þar sem
nú er sá tími að mikið af því
er að koma á markaðinn, og
þeir falla alltaf fyrir því, sem
er fjörgandi og vítamín-auk-
andi, að ekki sé nú minnst á
línurnar.
Hjá flestum okkar er það
þannig, að við þvoum gulræt-
urnar, og setjum þær svo á
borðið, og söxum salatblöðin og
hellum yfir þau skyrsósu.
Þetta virðist ekki vera nógu
freistandi, þegar til lengdar læt-
ur.
Við höfum haft spurnír af
því, að á Heilsuhælinu í Hvera
gerði og í matstofu Náttúru-
lækningafélags Reykjavíkur í
hótel Skjaldbreið séu fram-
reiddir réttir úr ýmiss konar
grænmeti, nýju og niðursoðnu.
Nú langar okkur til þess að
koma þeirri beiðni á framfæri
við forráðamenn þessara stofn-
ana, að okkur verði gefinn kost
ur á að kynnast þessari teg-
und matreiðslu.
Við leggjum til að komið
verði á sýnikennslu í meðferð
grænmetis og tilbúningi græn-
metisrétta. Æskilegt væri, að
það væri framkvæmt af mat-
reiðslukonum þeim, er sjá um
tilbúning þessara rétta á fyrr-
greindum stöðum. Við viljum
bera fram þær tillögur, að sýni
kennsla fari fram á matstofu
N.L.F.R. í hótel Skjaldbreið frá
kl. 4 til 6 einu sinni í viku og
spáum því, að aðsókn verði nóg
til þess að hægt verði að halda
því áfram til haustsins, en þá
kemur aftur til greina niður-
suða á grænmeti til vetrarins.
Við teljum ekki heppilegt að
hafa fleiri í einu en átta til tíu
húsmæður eða þátttakendur, til
þess að hafa af því full not.
Við erum reiðubúnar að
greiða allan kostnað, sem af
þessu leiðir.
Okkur finnst, að þetta muni
verða góð auglýsing fyrir græn
metisseljendur. — Þeir myndu
ef til vill láta okkur hafa hrá-
efnið með einhverjum afslætti.
Þetta myndi verða áhrifarík
auglýsing fyrir þessar græn-
metisstofnanir.
Við húsmæðurnar beinum
eindregið áskorun til þeirra,
sem þarna ráða málum, að
verða við óskum okkar.
Með þökk fyrir birtinguna,
Húsmóðir".
Fæst nokkurt ætt grænmeti
hér? Annars er hugmyndin
ágæt, ef úr einhverju er að
moða. En seint hyggur Vel-
vakandi, að afsláttur fáist hjá
ríkismónópólinu, sem höndlar
með grænmetið.
STÓRFELLD VERDLÆKKIIN
Ný sending af HUDSON
Pasalong sokkabuxum
komin í verzlanir.
Úrval lita — lægra verð.
HUDSON-merkið tryggir
meiri vörugæði.
DAVÍÐ S. JÓNSSON
& CO. H.F.
Símt 24-333.