Morgunblaðið - 30.07.1974, Blaðsíða 20
20 MORGUNBLAÐIÐ, ÞRIÐJUDAGUR 30. JULl 1974
„Ei' þetta er ekki þjóðhátíðarstemmn-
ing, hvernig á hún þá að vera?”
Morgunblaðsmenn ræða við gesti á þjóðhátíðinni á Þingvöllum
Fólki virðist
líða svo vel
Niðri I einni lautinni, nokkru
fyrir utan sjálft hátíðarsvæðíð,
hittum við mæðgur úr Reykja-
vík, Guðrúnu Ágústu og Ólöfu
Jónsdóttur. „Við fórum nú
fyrst og fremst vegna veðurs-
íns“, sögðu þær, þegar við
spurðum, hvers vegna þær
hefðu lagt það á sig að skunda á
Þingvöll. „En okkur langaði
líka einfaldlega til að hafa
komið hingað á hátíðina“.
Þær sögðust hafa lagt af stað
um hádegið, en höfðu horft á þá
dagskrárliði í sjónvarpinu, sem
þá höfðu farið fram. „Það kom
mjög vel út þar. Ég hugsa, að
það sé jafnvel betra að fylgjast
með ræðunum og sjálfri dag-
skránni yfirleitt í sjónvarpinu.
Það er svolítið erfitt að fylgjast
með þessu hér vegna örtraðar-
innar", sagði Ólöf.
„En eftir því að dæma sem
við höfum séð, þá virðist þetta
hafa tekizt alveg ljómandi vel.
Veðrið er líka búið að vera
yndislegt. Þetta er auðvitað allt
undir veðrinu komið, og það
getur ekki verið betra en
núna“.
Við spurðum Guðrúnu
Agústu að því, hvort hún hefði
verið viðstödd hátíðarnar á
Þingvöllum 1930 eða 1944.
„Nei“, sagði hún, „þegar
Alþingishátíðin var 1930, fór ég
til kunningjafólks míns austur í
Rangárvallasýslu og passaði
þar hús og fólk, til þess að hinir
kæmust á Þingvöll."
Þær mæðgur voru alveg sam-
mála um, að stemmningin á
Þingvöllum þennan þjóð-
hátíðardag gæti varla verið
betri. „Það virðást allir vera
ánægðir og fólki virðist líða svo
vel.“
Ólöf Jónsdóttir og móðir hennar, Guðrún Ágústa: „Fórum einkum vegna veðursins ...“
Sigfús og Sólveig frá Selfossi sátu f hlfðinni og fylgdust með dagskránni.
„Skipulagið
mjöggott”
Sigfús Kristinsson og Sólveig
Þórðardóttir frá Selfossi sátu í
brekkunni fyrir ofan hátíðar-
svæðið og fylgdust með dag-
skránni.
„öll skipulagning í sambandi
við þessa hátíð er til fyrir-
myndar“, sagði Sigfús. „Það er
líka sérstaklega ánægjulegt,
hvað vel hittist á með veður, og
mér liggur við að segja óvenju-
legt miðað við oftast, þegar efnt
er til hátfðarhalda hér á Þing-
völlum."
— Finnið þið meira til þess í
dag en aðra daga, að þið eruð
Islendingar?
„Það er vissulega öðruvfsi og
hefur önnur áhrif á mann að
vera við svona hátíðarhöld,
enda er hér afskaplega góð og
skemmtileg stemmning", sagði
Sólveig. „Dagskráin er þjóðleg
og að mfnum dómi alveg ágæt,
þótt hún hefði kannski mátt
vera eitthvað fjölbreyttari“,
bætti Sigfús við. „Annars hefur
þessi hátið tekizt mjög vel og
svo er með allar hátíðir, þegar
veðrið er svona gott. Gott veður
er forsenda þess, að svona
hátfðarhöld heppnist".
Þau Sólveig og Sigfús komu á
hátfðina rétt eftir hádegi og
komu nýja Gjábakkaveginn,
sem þau kváðu vera alveg ljóm-
andi skemmtilega leið.
Eina tækifærið á ævinni
til að fara á þjóðhátíð
Þau höfðu verið í sumar-
bústað við Þingvallavatn frá
því á föstudag, en höfðu mætt á
sunnudaginn á þjóðhátíðina.
Þau heita Erla Thomsen, Anna
Sigurðardóttir og Erlingur
Kristjánsson, ásamt strákunum
Pétri og Sigurði, úr Hafnarfirði
og Reykjavfk.
Höfðu þau farið til Þingvalla
fyrst og fremst til að vera í
sumarbústaðnum eða fyrst og
fremst til að fara á þjóðhátfð-
ina? „Aðallega auðvitað til að
fara hingað. Þetta er sennilega
eina tækifærið, sem maður fær
á ævinni til að fara á þjóð-
hátíð", segja þau og hlæja.
„Þetta er allt alveg stórffnt.
Skreytingarnar og skipulagið
hafa tekizt vel. En veðrið er
númer eitt“.
Og dagskráin? „Hún er
kannski einum of hátíðleg. Það
hefði mátt hafa eitthvað fyrir
krakka og unglinga. Það vantar
eitthvað til að hafa ofan af fyrir
þeim hérna".
Þau höfðu aldrei verið á
Þingvallahátfð áður, enda ungt
fólk. Anna sagði okkur, að hún
hefði verið sex mánaða 1944,
þannig að hún hefði því miður
ekki komizt á Þingvöll þá.
Ætluðu þau að sjá alla dag-
skrána? „Eiginmaðurinn ræður
öllu um, hvort við horfum á
sportið", sagði Anna. „Hann er
sportmaðurinn f fjölskyld-
unni“.
„Ætli það nú“, svaraði Erl-
ingur dræmt. „Ætli það verði
ekki börnin, sem ráða því“.
Erla Thomsen, Erlingur Krlstjðnsson og Anna Sigurðardóttir, ásamt Pétri og Sigurði: „Allt alveg
stórffnt...“