Morgunblaðið - 28.07.1976, Blaðsíða 25
MORGUNBLAÐIÐ. MIÐVIKUDAGUR 28. JULI 1976
25
Vilhjálmur Amason
skipstjóri - Kveðja
F. 27. maí 1896
D. 4. júlí 1976
I ys og þys hversdagsins vill
stundum fara svo, að maður miss-
ir af þvi sem sízt skyldi. Eg hrökk
þvi við, er ég sá mins gamla og
góða vinar, Vilhjálms Arnasonar,
minnzt á prenti. Andlátsfregnin
hafði, einhverra hluta vegna, far-
ið fram hjá mér. Mér fannst sem
strengur hefði brostið eða eitt-
hvað dáið innra með mér. En sár-
ast þótti mér að geta ekki fylgt
honum siðasta spölinn. Eg veit, að
hann virðir mér það til betri veg-
ar eins og hans var háttur á svo
mörgum sviðum.
Af minni hálfu vil ég sizt að
hann fari með öllu óbættur hjá
garði. Ég vil því rifja upp nokkrar
minningar frá okkar kynnum frá
fyrri árum. Þær minningar eru
mér einkar kærar og ljúfar og
ylja um hjartarætur meðan lífs-
anda ég dreg.
Þegar ég kynntist Vilhjálmi
fyrst var hann stýrimaður hjá
Jóni Högnasyni á togaranum
Karlsefni, þar sem ég var þá há-
seti. Nokkru eftir að ég hætti þar
kom hann að máli við kunningja
okkar beggja, Óskar Jónsson frá
Vík, og bað hann að hafa upp á
mér, þar sem hann hefði mikinn
hug á að ráða mig sem pokamann
hjá sér. Um þetta leyti var hann
orðinn skipstjóri á togaranum
Gylli. Svo fór, að ég réðst til hans
og var síðan hjá honum samfellt á
14 vertiðum, fyrst á Gylli en síðar
á Venusi. Eins og gefur að skilja
var ekki alltaf siglt í lygnum sjó
og ýmislegt sem á bjátaði. Reyndi
þá iðulega á þolrif kempunnar,
sem með myndugleik og röggsemi
stjórnaði frá brúnni. En þótt stór-
sjóir beljuðu og öldurnar risu oft
hátt og mótbyr á stundum, féll
aldrei styggðaryrði frá Vilhjálmi í
tninn garð öll þessi ár.
Mér líður seint úr minni atvik,
sem skeði nokkrum árum eftir að
ég réðist til hans. Hann komst að
því, að ég þurfti upp á spitala til
að heimsækja dóttur mína unga,
ATHYGLI skal vakin á því,
að afmælis- og minningar-
greinar verða að berast blað-
inu með góðum fyrirvara.
Þannig verður grein, sem
birtast á í miðvikudagsblaði,
að berast í siðasta lagi fyrir
hádegi á mánudag og hlið-
stætt með greinar aðra daga.
Greinar mega ekki vera í
sendibréfsformi eða bundnu
máli. Þær þurfa að vera vél-
ritaðar og með góðu línubili.
sem þar hafði legið um hríð. Þótti
honum leitt að hafa ekki orðið
þess áskynja fyrr og lét það í ljós
með nokkrum þunga. En eftir það
sá hann svo um, að henni voru
sendar ýmiss konar gjafir á spital-
ann. Auk þess bauð hann að kosta
hana til hvaða náms sem hugur
hennar girntist. Atvikin urðu
hins vegar á þann veg, að þetta
höfðinglega boð var ekki þegið.
En söm var hans gerðin. Lýsir
þetta þelhlýju og hjálpsemi þessa
mæta manns, sem náði ekki að-
eins til hans eigin varna heldur
og annarra.
Vilhjálmur var enginn veifi-
skati. Skaphöfn hans var traust
og örugg og loforðum hans mátti
treysta eins og eftirfarandi saga
sýnir.
Síðast á striðsárunum réð ég
mig í skipsrúm til hans gegn þvi
að þurfa ekki að sigla vegna veik-
inda konu minnar. Féllst hann á
það. Eitt sinn lagði stýrimaðurinn
fast að mér að fara einn túr, þar
sem sérstaklega stæði á, og var að
mér komið að láta til leiðast. En
þegar Vilhjálmur komst að þessu,
þvertók hann fyrir það og sagði að
búið væri að ákveða hitt og þvi
yrði ekki breytt.
Einstök var hann aflakló og
stóðu þar fáir honum á sporði. Þvi
til marks skal þess getið að á einni
saltfiskvertáð á Gylli, frá því í
marz og fram á vor, fengust til
jafnaðar 11 tunnur af lifur á sól-
arhring. Hvilikt mok það hefur
verið sjá þeir bezt sem til þekkja.
Minnisstæður er mér siðasti
túrinn, sem ég fór með honum á
Venusi. Byrjaði hann á því að
fara undir Jökul, en hafði þar
stutta viðdvöl, þar sem honum
leizt ekki fiskilegt á þeim slóðum.
Þaðan var siglt beint á Eldeyjar-
bankann, þar sem verið var ein-
skipa í vonzkuveðri og skipið
drekkhlaðið á 4 sólarhringum.
Þegar inn til Hafnarfjarðar kom
spurðu bryggjukarlarnir sín á
milli, hvar i skrambanum karlinn
hefði nú getað nælt í allan þenn-
an afla f snarvitlausu veðri.
Þetta var að visu ekkert eins-
dæmi. Iðulega kom hann á óvart
með því að drekkhlaða skip sitt
meðan aðrir báru úr býtum skarð-
an hlut.
Og nú er hann genginn. hinn
einbeitti, þelhlýi, drenglvndi og
glaðlyndi vinur, sem seint mun
gleymast þeim, sem fengu vináttu
hans að njóta og kynntust honum
náið. Seint fæ ég fuliþakkað öll
okkar góðu kynni.
S.l. vor hittumst við í Revkjavik
i siðasta sinni. Þá var gíatt á
hjalla, margar gamlar minningar
rifjaðar upp og um margt var
spjallað frá liðnum dögum bæði i
gamni og alvöru. Þarna kom okk-
ur saman um, að nú l'ærí að stytt-
ast gangan, — lítt tneira en bauju-
vaktin eftir, — enda æviárin orð-
in mörg og í mesta lagi ein 5 ár
þar til hinn fölva jó bæri að garði.
— Já, maðurinn ályktar en Guð
ræður.
Minn kæri vinur er nú horíinn
bak við marbakkann fyrr en við
spáðum. Ef til vill verð ég að bíða
einhver ár til viðbótar. Eða
kannski kem ég í kvöld. Hver
veit? — Allt um það hiakka ég til
okkar næstu endurfunda.
Konu Vilhjálms, börnum og
barnabörnum votta ég innilega
samúð mina.
Blessuð sé minning góðs vinar.
Hafi hann þökk fyrir allt og allt.
Hákon Einarsson,
Vík f Mýrdal.
Frá millisvœða-
mótinu íManila
SOVÉZKI stórmeistarinn Lev
Polugajevsky varð i 2 —3 sæti á
nýafstöðnu millisvæðamóti i Manila
á Fillipseyjum og komst þar með i
áskorendakeppnina öðru sinni
Polugajevsky tefldi af mikilli hörku i
Manila og tapaði aðeins einni skák,
fyrir erfðafjandanum Hort. j skákinni
sem hér fer á eftir á Poiugajevsky i
höggj við landa sinn Balashov. og
leggur hann að velli á skemmtilegan
hátt
Hvltt: Ju Balashov
Svart: L. Polugajevsky
Sikileyjarvorn
1. e4 — c5, 2. RI3 — d6, 3 d4
— cxd4, 4. Rxd4 — Rf6. 5. Rc3
— a6,
(Polugajevsky er öllum öðrum
fróðari um Najdorfafbrigðið)
6 Bg5 — e6, 7. f4 — Rbd7, 8.
Df3 — Dc7, 9 0 0 0 — b5, 10
Bxb5
(Djörf fórn. sem gefur hvitum
nokkra sóknarmöguleika)
10. — axb5, 11. Rdxb5 — Db8,
12. e5
(Hótar 1 3 Dxa8)
12. — Ha5!
(Snjall leikur sem snýr vörn i
sókn. Áður hefur verið leikið hér 1 2
— Bb7 en þá getur hvítur haldið
sókninni áfram með 13 De2)
1 3. exf6 — gxf6
(Nú fær hvitur ekki bjargað liði
sinu og reynir því að þyrla upp
Skák
eftir JÓN Þ. ÞÓR
moldviðri umhverfis svarla kóng
inn)
14. Bh6
(Eftir 14 Bh4 — Hxb5. 15
Rxb5 — Dxb5 ætti hvítur auðvitað
enga von)m
4. — wBbxh,15. Rxd6+ — Ke7.
16. Kb1 — Rb6l, 17. De4 —
Hd8. 18 Rdb5 — Hxb5!
(Einfaldast og sterkast)
19 Rxb5 — Rd5, 20 c4
(Riddarinn mátti auðvitað ekki
hörfa vegna hótunarinnar Rc3+ og
hvita drottningin fellur)
20 — Ba6, 21 cxd5 — Dxb5!
(Nú yrði 22 dxe6 svarað með
Dd3 +)
22. Hhe1 — Bb7, 23 Dxh7 —
Bxd5, 24 Dxh6
(En ekki 24 Hxd5 — Dxd5, 25.
Dxh6 — Dd3 og mátar)
24 — Hb8, 25 Hd2 — Bxa2 + !,
26 Kc1 — Hc8 +, 27 Hc2 —
Hxc2 + , 28 Kxc2 — Dc4+, 29
Kd2 — Db4+, 30 Ke2 — Bc4 + ,
31. Kd1 — Dxb2. 32. He5 —
fxe5, 33. Dg5+ — Kd7 og hvitur
gafst upp
UM þessar mundir stendur yfir f Reykjavík ráóstefna, sem vinnur ad undirbúningi á samanburóar-
rannsóknum á Islendingum annars vegar og Vestur-Islendingum hins vegar. Káðstefnuna sitja
mannfræðingar, félagsfræðingar, læknar o.fl. vfsindamenn, en rannsóknirnar munu verða gerðar frá
sjónarhólum hinna ýmsu fræðigreina. Ekki liggur enn Ijóst fyrir, hvenær þessar rannsóknir munu
hefjast, en ráðstefnunni lýkur f dag.
Myndin er tekin á fundi vísindamannanna í Háskóla tslands.
HEIMSÞEKKTIR
SOVÉTSKIR FIMLEIKAMENN
ÚR OLYMPÍULIÐI SOVÉTRÍKJANNA SÝNA
i ÍÞRÓTTAHÖLLINNI 3., 4. OG 6. ÁGÚST.
Meðal þeirra er NELLI KIM önnur bezta fimleikakona í heiminum í dag.
EINSTAKT TÆKIFÆRI
Forsala aðgöngumiða verður í íþróttahöllinni miðvikudag — fimmtudag —
föstudag í þessari viku kl. 1 7,oo — 19.oo.
FÍMLEIKASAMBAND ÍSLANDS.