Morgunblaðið - 13.03.1977, Blaðsíða 7
MORGUNBLÁÐIÐ, SUNNUDAGUR 13. MARS 1977
7
Svo segir eldforn sögn, að
þegar blóð hrundi á jörðina
af bróðurvigi hafi morðinginn
heyrt af himni rödd, sem
brenndi sig inn í seka sál
,,Hvað hefur þú gjört? Heyr,
blóð bróður þins hrópar til
min af jörðunni," en bróður-
morðinginn svaraði: „Á ég
að gæta bróður míns?"
„BLÓÐ
BRÓÐUR
ÞÍNS"
Aldir hafa runnið, árþús-
undir, og enginn fær mælt
þær hrannir blóðs, sem siðan
hafa hrunið á jörðina, jörð
þar sem bræður skyldu búa
saman Og þegar sök bítur
sekan mann, erafsökunin
enn hin sama og Kains: ,,Á
ég að gæta bróður míns?" Á
ég að bera ábyrgð á blóði
hans og tárum?
Það er ekki aðeins um
bróðurmorð i bókstaflegri
merkingu að ræða Það er
hægt að gera sitt hvað svi-
virðilegra og verra við mann-
lega sál en að myrða likama
hennar. Ber ég að einhverju
marki ábyrgð á böli annarra
manna, jafnvel þótt i fjar-
lægð búi? Ber ég ábyrgð á
því, að á auðugri jörð svelta
hundruð milljóna en aðrir lifa
þar við óhófsmunað? , Á ég
að gæta bróður mins?"
Mun ekki sú spurn hafa i
hugum margra vaknað þegar
Carter Bandarikjaforseti rauf
þá diplomatísku hefð, að láta
afskiptalausa hverja þá
svivirði sem i öðru landi var
framin, ef um land varað
ræða, sem hagkvæmt væri
að eiga efnaleg eða stjórnleg
samskipti við?
Ef réttlætiskennd væri
sæmileg í siðuðum vestræn-
um heimi væru menn fyrir
löngu orðnir ofsaddir á mark-
leysishjali mannréttinda-
nefndar Sameinuðu þjóð
anna. Idi Amin, austantjalds-
löndin og Chile sitja við eitt
og sama borð og lagsbræður
þeirra herra fleiri Þetta er
ekki ný saga, en vegna aðild-
ar Sovjet-Rússa að Helsinki
• sáttmálanum hafa fregniraf
taumlausum ofsóknum
stjórnarherranna í Kreml
gegn mönnum þar eystra,
sem hafa þor til að fylgja
sannfæringu sinni eftir, vakið
undrun og reiði um gervallan
heim
egar það gerist að B: nda-
ríkjaforseti sýnir þann
, ódiplomatiska" drengskap,
að sýna samúð ofsóttum
mönnum þar eystra og for-
dæma glæpi gegn þeim-auk
kúgunar alþýðu og frelsis-
sviptingar i mörgum mynd-
um — þá gerist það á fundi
sjálfrar mannréttindanefndar
Sameinuðu þjóðanna, að
rússneski fulltrúinn ris úr
sæti til að lýsa yfir þvi, að
forseta Bandaríkjanna komi
ekkert við það sem innan
rússneskra landamæra ger-
ist Þó hafði Carter ekki farið
lengra en að minna Kreml-
mennina á það, sem þeir
höfðu lofað að virða þegar
þeir undirrituðu Helsinki-
sáttmálann
,.Á ég að gæta bróður
mins?" Á ég að láta mig það
engu skipta, að bróðir i öðru
landi er andlega heill lokaður
inni i geðveikrahælum árum
og árum saman, eða að hann
er dæmdur til þrælkunar-
vinnu fangabúðanna vegna
þess að hann gat ekki lengur
neitað sér um hreinna loft en
það, sem herrarnir í Kreml
skömmtuðu honum, og vildi
fá að lifa manneskjulegra lifi
en unnt er undir ráðstjórn?
Okkur er sagt að verið sé
aðskapa nýjan kommún
isma, svokallaðan
..evrókommúnisma", sem
afneiti að vissu marki mið-
stjórnarvaldinu í Kreml Þeg-
ar forystumenn stærstu
kommúnistaflokka Vestur-
landa, ítaliu, Frakklandsog
Spánar, komu saman fyrir
skömmu, lýstu þeir raunar
andúð á ofsóknunum austan
tjalds, en til þess að styggja
nú engan austur þar forð
uðust þeir að nefna menn
eða lönd, sem andúðinni
væri beint gegn Er þessum
mönnum alvara? Eða er hér
aðeins um herbragð að ræða
og hræðslu við almennings-
álitið á Vesturlöndum meðan
þeir eru að berjast þar til
valda?
,.Á ég að gæta bróður
mins?" Hvað segir kristinn
dómur um það?
Meginkenning meistarans
frá Nasaret um manninn er
sú, að sérhvert morð sé
bróðurmorð, hverglæpur
gegn öðrum sé gegn bróður
þinum, að bræðralagið bindi
alla menn i eina .mannfélags-
fjöiskyldu og viðurkenni ekki
mörk milli landa og þjóða Þó
er því lýst yfir i sjálfri mann-
réttindanefnd Sameinuðu
þjóðanna, að annað land
varði ekkert um það, sem i
Kreml eða Prag er aðhafzt en
frjálshuga menn i víðri veröld
hljóta að fordæma
Er þetta kommúnisminn i
framkvæmd, óhugsandi að
hann geti örðuvisi verið?
. Á ég að gæta bróður
míns? , Þannig geturenginn
sá, sem vill bera kristið nafn
spurt til að afsaka sjálfan sig,
enginn s.em vill muna Ung-
verjaland, Tékko-Slóvakiu,
Pólland, Chile, Suður-Afríku
og aðfarirnar austan tjalds,
sem nú eru á flestra frjálsra
manna vörum þessa dagana,
— hinir þegja
Engan veginn svo, að i
einræðisríkjum einum séu
allar syndir drýgðar. Fjarri fer
þvi Bandarikjamenn og vest-
rænar þjóðir ættu að skyggn-
ast um í eigin ranni Þar eru
syndir nægar En fremur en
allt annað blóð, sem til him-
ins hrópar um þjóðfélagslegt
ranglæti, er nú sú mannfyrir-
litning, sem lýsir sér i
brjálæðislegum ofsóknum
gegn þeim þegnum austan
tjalds, sem þora að krefjast
þess að fá að hugsa
Ágæta grein i viðtalsformi
um lifsviðhorf sín og þó eink-
um stjórnmálaviðhorf, sem
birtist i Eimreiðinni 1 972,
nefnir Jónas Haralz banka-
stj : Kjölfesta frjálshyggjunn
arertrúiná manninn
Trúin á manninn, enginn
hefur sýnt betur en Albert
Schweitzer með heimspeki
sinni um , lotninguna fyrir Iíf-
inu", hve virðingin fyrir
mannhelgi er miðlæg i Krists-
kenningunni, trúin á mann-
inn, heilagan rétt hans og
skyldur við samfélagið
Þvi miður eru ekki í ein-
ræðisrikjum einum stórar
syndir drýgðar gegn kenn-
ingu Krists um manninn Af
skræmiskenning afturhalds-
guðfræðinnar um að mann
eðlið sjálft sé gjörspillt, og
sjúkleg áherzla á synd hans
og botnlausa sekt er ósam-
rimanleg þeirri kenningu
meistarans mikla, sem
kenndi að svo verðmæt væri
sjálfum Guði sál eins smæl-
ingja á jörðu, að himnarnir
bergmáluðu fagnaðarsöngva
yfir einni sál, sem sneri á
himinleiðir
Er þá til nema eitt svar,
aðeins eitt við spurninni æva-
gömlu , Á ég að gæta bróður
míns?" — i austri og vestri,
norðri og suðri?
0p\a ttif)/)
frá Bing og Gröndal er kominn
RAMMAGERÐIN,
Hafnarstræti 19
s_______________________)
klædaskápar
Nú höfum við opnað söluskrifstofu í hjarta
borgarinnar í
Miðbæjarmarkaðnum, Aðaistræti 9.
Ný sending af hinum geysivinsælu Star klæðaskápum
var að koma.
Star klæðaskápana er hægt að skipuleggja eftir þörfum
hvers og eins
Sama lága verðið eða um kr. 28.000 - per lengdar-
meter.
LÆKKAÐ VERÐ:
Eigum nú til ýmsa staka skápa úr við og viðarlíki, sem
við seljum á lækkuðu verði Einnig franskar rimla
skápahurðir.
STAR-skápa í allt húsiö
BÚSTOFN hf.
Söluskrifstofa, MiSbæjarmarkaðnum, sími 81077
simi 81663.