Morgunblaðið - 17.05.1979, Blaðsíða 13
MORGUNBLAÐIÐ, FIMMTUDAGUR 17. MAÍ1979
13
Kvæði Þórarins Eld-
jáms í nýrri útgáfu
Bókaútgáfan IÐUNN hefur sent
frá sér nýja útgáfu af Kvæðum
Þórarins Eldjárns með nýjum
teikningum eftir Sigrúnu Eldjárn.
Kvæðabók Þórarins kom fyrst út í
ágúst 1974 og áður en árið var á
enda höfðu birzt þrjár prentanir
af bókinni sem allar seldust upp á
skömmum tíma. Þessar viðtökur
lesenda munu eiga sér fáar hlið-
stæður þegar um er að ræða
fyrstu ljóðabók ungs skálds.
Gagnrýnendur tóku bókinni einn-
ig mjög lofsamlega. Bar þeim
saman um að ljóð Þórarins væru
skemmtileg og einnig að þau væru
„ný, gagngert öðruvísi en allir
aðrir yrkja“, eins og einn ritdóm-
ari komst að orði. Annar tók svo
djúpt í árinni að hann teldi bókina
helztu nýjung í íslenzkri ljóðagerð
síðustu tuttugu árin eða svo.
Hin nýja útgáfa á Kvæðum
Þórarins Eldjárns er til komin
vegna óska fjölmargra lesenda um
að bókin mætti aftur verða að-
gengileg á markaði. Snið útgáf-
unnar er með sama hætti og á
Disncyrímum Þórarins sem út
kom í fyrra og mikla eftirtekt
vöktu. Sigrún Eldjárn hefur teikn-
að bókarkápu. Bókin er 56 bls.,
prentuð í Odda.
(Fréttatilkynning fr-' forlaginu).
Einar Júlíusson eðlisfræðingur:
Um líknardráp
Þorsteinn Gylfason hefur ritað
skilmerka grein um líknardráp í
Morgunblaðið. Hef ég nokkuð við
hana að athuga frá heimspekilegu
sjónarmiði. Þorsteinn segir að í
fyrsta lagi virðumst við ekki geta
sagt að lífið sé gott sem slíkt og
tekur dæmi um hermann fastan í
brennandi bíl sem biður félaga
sinn um að skjóta sig sem hann
gerir. Þessa setningu Þorsteins
get ég engan veginn fallist á. Að
sjálfsögðu er lífið gott sem slíkt.
Það er sjálft markgildi hins góða
eins og sannl úkurinn er markgildi
hins rétta. Það er ekkert sem gerir
lífið að gæðum, hvorki hamingja,
ánægja, auðæfi eða önnur svoköll-
uð lífsgæði. Líf í fátækt, sársauka
og óhamingju verður að teljast
betra en ekkert líf, og því er
óhjákvæmilegt að telja mannlífið
gott sem slíkt á sömu forsendum
og við teljum sannleikann réttan
sem slíkan. Ég get í raun ekki
rökstutt þetta betur. Þetta er í
sjálfu sér erfið spurning en ég
held að flestir hljóti að komast að
sömu niðurstöðu ef þeir íhuga
málið af gaumgæfni.
Dæmi Þorsteins um hermann-
inn er marklaust. Það er erfitt að
segja hvaða hugsanir og til-
finningar bærast í heila manns
við þessar kringumstæður en það
er alls ekki.hægt að fullyrða að
þær séu honum minna virði en
ekki neitt og að honum sé fyrir
bestu að þær séu eyðilagðar. Ég
hef þá trú að þessar síðustu
hugsanir hafi sem aðrar sitt gildi,
og jafnvel meira gildi en flestar
aðrar. Það má vera að Þorsteinn
eða aðrir séu ósammála því, en ég
er ekki einn um þessa skoðun.
Kristin kirkja kennir til dæmis að
það sé aldrei of seint að iðrast.
Samkvæmt þeirri kenningu er
aldrei að vita nema byssumaður
hafi sent félaga sinn til eilífra
kvala í Helvíti, þegar hann átti
möguleika á að komast til Himna-
ríkis eftir fáein augnablik?
Þessi athugasemd mín um það á
hvaða forsendu beri að líta á lífið
sem gæði, veikir að sjálfsögðu ekki
heldur styrkir niðurstöðu
Þorsteins að heimild til líknar-
drápa megi aldrei í lög leiða.
Einar Júlíusson.
Nýtt
símanúmer
á afgreiöslu
blaösins
83033
fltofgtiiililafrift
Halldór I. Eliasson:
Athugun á athugasemd
Þrír áhrifamenn í sjávarút-
vegi birtu grein í Mbl. 8. maí
s.l., þar sem þeir gagnrýna ýmis
atriði úr erindi eftir dr. Jóhann-
es Nordal. Án þess að fjalla
almennt um þá gagnrýni vil ég
benda á ákveðið atriði hennar,
þar sem viðhöfð er hugsun eða
afstaða, sem reyridir stjórnend-
ur ættu að vera vaxnir upp úr.
Þetta atriði kemur fram í um-
mælunum: „Hann fullyrðir að
fræðilega hafi verið sýnt fram
á, að skynsamlegt sé að leggja
auðlindaskatt á útgerðina með
sölu veiðileyfa, en þau fræði eru
okkur ókunn“. Jafnvel þótt höf-
undarnir hafi ekki lesið þær
vísindagreinar, sem hér um
ræðir, eða telji sér ekki skylt að
skilja slíkar greinar, þá ætti
þeim að vera í lófa lagið að fá
útskýringar hjá þar til hæfum
mönnum. Það hefur hingað til
ekki verið talið athafnamönn-
urn til hnjóðs að notfæra sér
vísindalega þekkingu, jafnvel
þótt þeir hafi ekki skilið inntak
hennar til fulls. Við gerum
þetta nú öll í okkar daglega lífi
Ilalldór I. Eiíasson
meir eða minna og sjómenn
hafa ekki verið eftirbátar ann-
arra í því efni, nema síður sé.
Höfundarnir þrír halda
áfram: „Við höfum velt því fyrir
okkur, hvernig slíkt kerfi yrði í
framkvæmd, en án niðurstöðu.“
Varla er nú von að þeir komist
að niðurstöðu meðan fræðin eru
þeim ókunn, enda benda þær
spurningar sem fylgja ekki til
þess, að þremenningarnir hafi
lagt mikla vinnu í að kynna sér
málið. Auðvitað lagfærir sala
veiðileyfa ein sér ekki okkar
sjúka efnahagskerfi og það
mætti vissulega hugsa sér
framkvæmdina þannig, að ver
væri af stað farið en heima
setið. Að þremenningarnir ótt-
uðust klúðurslega framkvæmd
gæti ég vissulega skilið, en þá er
að ræða málið útfrá því sjónar-
miði.
Vonandi festast sjómenn ekki
lengi í þeim sama vanda og
bændur hafa veriö, að vera allt
of margir með of mikinn við-
búnað til að ná fyrirfram tak-
mörkuðum afköstum. Satt er,
að vegna yfirburða sjávarút-
vegsins geta útvegsmenn leyft
sér verulega meiri sóun verð-
mæta en bændurnir, án þess að
það bitni eins á tekjunum, en að
því gæti þó komið.
Seltjn., 10. maí
-
Ferðakynning ■»
HÓTEL SÖGU FÖSTUDAGINN 18. MAÍ
Kynntar nýjar .
feröaslóöir
JAMAICA
og
MALTA
Borðhald hefst kl. 19.30 stundvíslega
MATSEÐILL Aöalréttur: Kebab Créole.
Eftirréttur: Coupe Conchita.
FERÐAKYNNING Verö aöemS kr 4°°°'
TIZKUSYNING
LIMBODANSKEPPNI íslandsmetstilraun.
BINGÓ 3 utanlandsferðir.
*
ASADANS Síðasta pariö á gólfinu hlýtur ferðavinning.
DANSAÐ Hljómsveit Ragnars Bjarnasonar,
TIL KL. 02.00 leikur fyrir dansi.
Borðapantanir í dag eftir kl. 16.00 í síma 20221.
KYNNIR: Magnús Axelsson.
Samvinnuferdir-Landsýn
Austurstræti 12, sími 27077