Morgunblaðið - 28.08.1980, Blaðsíða 21

MORGUNBLAÐIÐ, FIMMTUDAGUR 28. ÁGÚST 1980
21
ASÍ lýsir stuðningi
við pólska verkamenn
MIÐSTJÓRN Alþýðusambands íslands
sendi í gær eftirfarandi skeyti með
ályktun sinni til Alþýðusambands Pól-
lands, í tilefni þeirra atburða sem þar eru
og hafa verið að gerast undanfarið.
„Miðstjórn Alþýðusambands íslands
lýsir stuðningi sínum við baráttu pólskra
verkamanna fyrir kjarabótum og lýðrétt-
indum. Það er frumskylda verkalýðssam-
taka að styðja verkafólk í baráttu þess
fyrir bættum kjörum og réttindum. Al-
þýðusamband íslands skorar því á Al-
þýðusamband Póllands að veita málstað
verkafólks í yfirstandandi deilu allan
mögulegan stuðning og krefst þess að
stjórnvöld komi til móts við réttmætar
kröfur verkfallsmanna.“
Lýsi samúð og
stuðningi við
pólska verkamenn
— segir Karl Steinar
Guðnason varaform.
Verkamannasambandsins
„ÞESSIR atburðir sýna að komm-
únisminn getur ekki staðist sem
stjórnkerfi og því fer fjarri að
unnt sé að veita fólki lýðræði og
mannsæmandi lífskjör undir slík-
um stjórnarháttum." sagði Karl
Steinar Guðnason, varaformaður
Verkamannasambands íslands i
gær, er Morgunblaðið spurði
hann álits á atburðunum í Pól-
landi siðustu daga og vikur.
„Ég vil lýsa yfir fyllstu samúð
og samstöðu með pólskum verka-
mönnum í baráttu þeirra," sagði
Karl Steinar ennfremur, „og Al-
þýðusambandið hefur þegar lýst
yfir fyllsta stuðningi við þessar
aðgerðir pólsks verkafólks. Heim-
urinn bíður nú og fylgist með
framvindu mála í Póllandi, og það
sem þar er að gerast getur haft
mikil áhrif á afstöðu manna til
þeirra valdhafa, sem nú ráða
ríkjum í Austur-Evrópu. Hér er
því á ferðinni mál sem snertir
mun fleiri aðila en þá verkamenn
sem í verkfalli eru, þó þeir standi
vissulega í hita bardagans," sagði
Karl Steinar að lokum.
Samstaða verka-
fólksins aðdáun-
arverð
— segir Jón Kjartans-
son, formaður Verkalýðs-
félags Vestmannaeyja
„ÞESSIR hlutir. sem eru að
gerast í Póllandi eru mjög
athyglisverðir og að mörgu
leyti aðdáunarvert hversu sam-
staðan er mikil meðal verka-
fólksins," sagði Jón Kjartans-
son, formaður Verkalýðsfélags
Vestmannaeyja, í samtali við
Mbl. er hann var inntur álits á
atburðunum, sem hafa verið að
gerast í Póllandi á undanförn-
um dögum. en hann ferðaðist
vítt um Pólland og heimsótti
starfsbra'ður sína á sl. sumri.
„Til dæmis um þessa miklu
stéttarsamstöðu, sem greinilega
ríkir þarna, var reynt ítrekað af
hálfu stjórnvalda, að sundra
henni með því að taka út vissa
lykilhópa og bjóða þeim gull og
græna skóga. Þessir hópar
sögðu hins vegar nei, það verður
ekkert samið nema við okkur
alla í einu.
Þróunin í Póllandi er sér-
staklega merkileg fyrir þær
sakir, að það hefur lengi böglast
fyrir okkur, sem köllum okkur
sósíalista, að verkalýðshreyf-
ingar í austantjaldsríkjunum
eru hreinlega ríkisreknar. Á
þessu virðist ætla að verða
breyting í Póllandi, ef fer fram
sem horfir, að fólkinu takist að
brjóta sig undan þessu valdi. Þá
er vonandi að þetta sé upphafið
að þróun í þessa átt í öðrum
austantjaldsríkjum" sagði Jón
Kjartansson ennfremur.
Þá kom það fram hjá Jóni að
hann tæki fyllilega undir sam-
þykkt ASÍ, þar sem lýst er
fullum stuðningi við verkamenn
í Póllandi.
Hef gert álykt-
unina að minni
— segir Guðmundur J.
Guðmundsson. formaður
Verkamannasambandsins
„ÉG hef í raun engu við
samþykkt Alþýðusambands
íslands vegna málsins að
bæta. enda greiddi ég henni
atkvæði mitt. Það má því
segja að ég hafi gert hana að
minni," sagði Guðmundur J.
Guðmundsson. formaður
Verkamannasambands ís-
lands, í samtali við Mbl.. er
hann var inntur álits á at-
burðunum í Póllandi undan-
farna daga.
Guðrún Ifarðardóttir fer með hlutverk Helenu Snorradóttur.
Logi Egilsson fer með hlutverk
ívars Karlssonar. verkfræð-
ings.
Magnús Gylfi Þorsteinsson leik-
ur Jónas Hjaltason, heildsala og
eiginmann Helenu.
Þórunn Hafstein leikur Gunn-
hildi Jónsdóttur, sálfræðing og
Gylfi Gautur Pétursson leikur
Sigurð laganema.
um sakamál í þættinum
Réttur er settur
Verður sýndur í
sjónvarpinu í
tvennu lagi, á laug-
ardag og sunnudag
UM HELGINA verður sýndur í
sjónvarpinu þátturinn Réttur
er settur, sem sjónvarpið hefur
gert í samvinnu við Orator,
félag laganema. Réttur er sett-
ur fjallar að þessu sinni um
sakamál og hefur þættinum
verið valið heitið Leyndarmál
Helenu. Þátturinn verður sýnd-
ur í tvennu lagi og verður fyrri
hlutinn á dagskrá sjónvarpsins
kl. 21.00 á laugardagskvöld og
siðari hlutinn kl. 20.35 á sunnu-
dagskvöld.
Tryggvi Gunnarsson, formaður
Sjónvarpsnefndar Orators sagði í
samtali við Mbl., að samvinna
Sjónvarpsins og Orators um gerð
þáttanna Réttur er settur hefði
hafist fljótlega eftir að. íslenska
sjónvarpið tók til starfa og hefði
yfirleitt verið unnið að gerð eins
þáttar á hverjum vetri. „Þáttur-
inn, sem sýndur verður um helg-
ina, er viðamesta verkefnið, sem
ráðist hefur verið í fram að þessu
og ástæðan er ekki síst það
viðfangsefni, sem fyrir valinu
varð, en þátturinn fjallar að
þessu sinni um sakamál og það
alvarlegt. Bæði er þátturinn
lengri er fyrri þættir og lögð var
áhersla á að taka þáttinn upp í
réttu umhverfi, ef svo má að orði
komast. Þannig fengum við afnot
af húsnæði Rannsóknarlögreglu
ríkisins í Kópavogi til að taka
upp yfirheyrslur og annað, sem
lýtur að rannsókn málsins og öll
fettarhöld voru kvikmynduð í
gamla bæjarþingsalnum í Hegn-
ingarhúsinu við Skólavörðustíg.
Efni þáttarins og lengd gaf einn-
ig tilefni til að sýna hann í
tvennu lagi,“ sagði Tryggvi.
Alls koma fram í þættinum
milli 30 til 40 laganemar sem
leikendur. Tryggvi sagði, að Sjón-
varpsnefnd Orators hefði leitað
til Jónatans Þórmundssonar,
prófessors í refsirétti við laga-
deild Háskólans um aðstoð við
samningu þáttarins. Hefði Jóna-
tan samið þann söguþráð, sem
þátturinn væri byggður á, en
handrit þáttarins hefði verið
samið sameiginlega af Jónatani
og Sjónvarpsnefnd Orators, sem í
áttu sæti Gísli Gíslason, Óskar
Magnússon og Tryggvi Gunnars-
son. Af hálfu sjónvarpsins stjórn-
aði Valdimar Leifsson upptökum
á þættinum.
„Nei, ég vil ekkert segja um
efni þáttarins, því við vonum að
sjónvarpsáhorfendur taki þátt í
því með okkur að leysa gátuna og
finna út hvert er „leyndarmál
Helenu". Annars er það ekki síst
tilgangur þessa þáttar að fræða
fólk um framkvæmd rannsóknar
og meðferð dómstóla á sakamál-
um hérlendis. Framkvæmd þeirra
mála er í ýmsum atriðum önnur
hér heldur en við fáum gjarnan
að sjá í erlendum sjónvarpsþátt-
um og kvikmyndum og það má
kannski segja að þetta sé fyrsti
íslenski sakamálaþátturinn, sem
íslenska sjónvarpið sýnir,“ sagði
Tryggvi.
Hér á síðunni birtast myndir af
helstu leikendum í Leyndarmáli
Helenu.
Tryggvi Agnarsson, sá með pípuna. leikur Finn Pálsson rannsókn-
arlögreglumann, og hann er hér að tala við Jón H.B. Snorrason,
sem leikur Hákon, deildarstjóra hjá Rannsóknarlögreglunni.