Morgunblaðið - 09.04.1981, Blaðsíða 17
MORGUNBLAÐIÐ, FIMMTUDAGUR 9. APRÍL 1981
17
*
Aðalfundur Iðnaðarbanka Islands hf.:
BankaráA oj? bankastjórar. Frá vinstri: Sigurður MaKnússon. Kristinn Guðjónsson. Kjartan ólaísson. Þórður Grondal, Gunnar J.
Friðriksson, Sigurður Kristinsson fundarstjóri, Ragnar Önundarson aðstoðarbankastjóri, Pétur Sæmundsen bankastjóri og Gísli
Benediktsson fundarritari.
Innlánsaukning varð 76% -
hin mesta í sögu bankans
10% meiri aukning en nemur meðalaukningu banka og sparisjóða
MORGUNBLAÐINU heíur borizt
eftirfarandi fréttatiikynning um
aðalfund Iðnaóarbanka tslands hf.:
Aðalfundur Iðnaðarbanka íslands
hf. var haldinn laugardaginn 28.
mars sl., á Hótel Sögu. Árið 1980 var
Iðnaðarbankanum mjög hagstætt ár,
hvort sem litið er á innlánsþróun,
rekstrarafkomu eða lausafjárstöðu.
Heildarinnlán bankans í lok ársins
voru 22,1 milljarður króna, eftir 76%
aukningu á árinu. Er það mesta
innlánsaukning milli ára í sögu
bankans. Lausafjárstaðan batnaði á
árinu, og nam meðalinnistæða á
viðskiptareikningi bankans í Seðla-
bankanum 340 m. gkr. samanborið
við 114 m. gkr. árið áður. Tekjuaf-
gangur til ráðstöfunar eftir afskrift-
ir var 442 m. gkr., samanborið við 81
m. gkr. árið áður. Á aðalfundinum
var ákveðið að auka hlutafé bankans
um 60% með útgáfu jöfnunarhluta-
bréfa, úr 1.037,5 m. gkr. í 1.660 m.
gkr.
Fundarstjóri á aðalfundinum var
Sigurður Kristinsson, forseti Lands-
sambands iðnaðarmanna og fund-
arritari var Gísli Benédiktsson,
skrifstofustjóri Iðnlánasjóðs. Fund-
inn sátu um 200 hluthafar og meðal
fundarmanna var iðnaðarráðherra
Hjörleifur Guttormsson.
í upphafi fundarins minntist for-
maður bankaráðs, Gunnar J. Frið-
riksson, Sveins B. Valfells, en hann
var formaður bankaráðs á árunum
1963—1974. Þessu næst flutti for-
maður bankaráðsins skýrslu banka-
ráðs um starfsemina á sl. ári. í
upphafi ræðu sinnar rakti hann
þróun efnahagsmála árið 1980. Því
næst vék hann að peningamálunum
og byrjaði á því að rekja þróunina í
vaxtamálum á síðastliðnum árum.
Rifjaði hann upp þá lánskjarastefnu
sem mótuð var í ágúst 1977 og fólst í
því að vöxtum var skipt upp í
verðbótaþátt vaxta og grunnvexti.
Grunnvextir skyldu fastir og tiltölu-
lega lágir, en verðbótaþátturinn
endurskoðaður á 3ja mánaða fresti
með hliðsjón af verðlagsþróun. Hafi
þessu kerfi, sagði Gunnar, verið
ætlað að auka traust sparifjáreig-
enda á gildi sparnaðar og þeim lofað
að samræmi skyldi vera milli inn-
lánsvaxta og verðbólgu. Við þessi
loforð var ekki staðið, með þeim
afleiðingum að vextir stóðu óbreyttir
í rúmt ár eða þar til í maí 1979. Nú
höfðu loforðin hins vegar verið
lögfest með svokölluðum Ólafs-lög-
um. f kjölfar þeirra hafi vextir verið
hækkaðir verulega og upp verið
tekin ný meðferð vaxta af útlánum,
með því að verðbótaþáttur vaxta
hafi nú verið lagður við höfuðstól
lána, og síðan komið til greiðslu eins
og'hann. Jafnframt hafi verið tekin
upp skraning svokallaðrar láns-
kjaravísitölu. Enn treystust stjórn-
völd hins vegar ekki til að standa við
gefin loforð, ekki einu sinni þótt í lög
hefðu verið leidd. í júlí 1980 var hins
vegar gefin heimild til þess að opna
verðtryggða innlánsreikninga,
bundna til 2ja ára, en undirtektir
sparifjáreigenda hafi verið dræmar,
vegna hins langa binditíma.
Gunnar J. Friðriksson vék þessu
næst að hinum nýju 6 mánaða
verðtryggðu innlánsreikningum sem
hann taldi að marka mundu tíma-
mót á islenskum peningamarkaði.
Hér sé um að ræða einfalt og
aðgengilegt form sparnaðar, sem
tryggi örugga ávöxtun og sé bundið
til tiltölulega skamms tíma. Gera
verði ráð fyrir að þetta leiði til þess,
að sparnaður fari nú á ný vaxandi.
Það sem að innlánsstofnunum snýr
er í fyrsta lagi, sagði Gunnar, að
finna þessum innlánum farveg í
verðtryggðum útlánum og í öðru lagi
hvernig mæta skuli þeim vanda, sem
skapast af mjög litlum vaxtamun
milli innlána og útlána og sveiflum,
sem kunna að verða á lánskjaravísi-
tölu. Það færi ekki milli mála, að
stjórnendum banka yrði mikill vandi
á höndum að aðlaga bankarekstur-
inn þessum nýju aðstæðum og temja
sér ný vinnubrögð, þar sem skipt
væri um frá skömmtun yfir til
sölumennsku.
Formaður bankaráðsins sagði að
verðtryggingin mundi gera óvægnar
kröfur til þeirra, sem hyggja á
fjárfestingar, en hún gerir skilyrð-
islausar kröfur um arðsemi fjárfest-
ingarinnar. Eftir svo langvarandi
verðbólgu og neikvæða raunvexti
þurfa menn að sjálfsögðu nokkurn
tíma til að átta sig á hinum nýju
aðstæðum. En grundvallarskilyrði
er, ef takast á að auka aftur sparnað
í landinu, að sparifjáreigendur geti
treyst því, að ekki verði svikist aftan
að þeim og sparifé þeirra gert
upptækt. Ekki er hægt að kalla þá
meðferð, sem sparifjáreigendur hafa
þurft að sæta undanfarna áratugi,
annað en eignaupptöku. Upptöku á
sparifé ráðdeildarfólks, fyrst og
fremst úr hópi fullorðinna og ungl-
inga. Það hefur ekki þótt heiðarlegt
að fá að láni pund af smjöri og skila
aftur hálfu, sagði Gunnar J. Frið-
riksson að lokum.
Bragi Hannesson, bankastjóri,
skýrði því næst reikninga bankans.
Heildarinnlán bankans jukust árið
1980 um 9.561 m. gkr. og námu í
árslok 22.128 m. gkr. Aukningin á
árinu nam 76,1% og er það 3ja áríð í
röð, sem innlán bankans aukast
verulega að raungildi. Miðað við
lánskjaravisitölu er raungildisaukn-
ingin 15,4% á sl. ári og 10% meiri
aukning, en sem nemur meðalaukn-
ingu banka og sparisjóða.
Heildartekjur bankans námu 8.107
m. gkr. og heildargjöld 7.664 m. gkr.
Reksturskostnaður bankans var í
heild 1.708 m. gkr. og jókst um 65% á
árinu. Hæsti liður rekstrarkostnað-
arins er eins og áður launakostnaður
og nam hann 1.119 m. gkr. á árinu.
Meðalfjöldi starfsfólks var 121 árið
1980 samanborið við 108 árið áður.
Aukningin er 12,2%. Færslufjöldi
bankans jókst hins vegar um 15% á
árinu. Tekjuafgangur til ráðstöfunar
eftir afskriftir var 442 m. gkr. Eigið
fé bankans jókst um 102% á árinu,
en sé hið nýja hlutafé, sem boðið var
út og selt 1980, dregið frá er
aukningin 82%. Miðað við lánskjara-
vísitölu er raungildisaukning eigin
fjárins 19,3%. Þar sem aukning
eigin fjárins var meiri en innláns-
aukningin, þá hækkaði eiginfjár-
hlutfall bankans, þ.e. eigið fé í
hlutfalli við niðurstöðutölur efna-
hagsreiknings, úr 7,4% í 8,2% á
árinu.
Bragi Hannesson skýrði loks frá
aukinni starfsemi veðdeildar bank-
ans á árinu. Lántökur veðdeildarinn-
ar hjá Lífeyrissjóðum voru samtals
778,6 m. gkr. á árinu. Er þar um
þreföldun að ræða frá fyrra ári.
Þessar auknu lántökur endurspegl-
uðust síðan í þreföldun á lánveiting-
um veðdeildarinnar á árinu, en hún
veitti 108 lán samtals að fjárhæð
770,3 m. gkr.
Ragnar Önundarson, aðstoðar-
bankastjóri, gerði því næst grein
fyrir starfsemi Iðnlánasjóðs árið
1980. Árið 1980 voru afgreidd 352
lán, samtals að fjárhæð 5.579,7 m.
gkr. Árið áður voru afgreidd lán
samtals að fjárhæð 3.250,0 m. gkr. op
nemur aukningin 72% milli ára.
Útistandandi lán sjóðsins í árslok
1980 námu 11.729,1 m. gkr. saman-
borið við 7.127,0 m. gkr. árið áður. Er
aukning heildarútlána því 65% á
árinu.
Iðnaðarráðherra, Hjörleifur Gutt-
ormsson, kvaddi sér næst hljóðs.
Sagði hann í upphafi máls sins, að sú
samvinna ríkis og einstaklinga, sem
kæmi fram í fjórðungs eign hluta-
fjár ríkisvaldsins í Iðnað„ oankan-
um væri einstök í bankakerfinu og
sagðist hann trúa því að hvorum
aðila um sig væri stuðningur af
hinum. Síðan sagði iðnaðarráðherra,
að ársreikningar Iðnaðarbankans
fyrir árið 1980 hefðu verið lagðir
fyrir iðnaðarráðuneytið. Reikn-
ingarnir sýndu grósku í starfsemi og
góða rekstrarafkomu. Iðnaðarbank-
inn skipi nú verðugan sess í banka-
kerfinu, nyti trausts og virðingar,
svo sem innlánaaukning hans á
árinu 1980, 76,1%, sýni ljóslega.
Flokkun útlána bankans sé með líku
Frá -* 'Hundi Iðnaðarbanka íslands
Bragi Hannesson bankastjóri
skýrir reikninga bankans.
Ragnar önundarson aðstoðar-
bankastjóri gerir grein fyrir
starfsemi Iðnlánasjóðs.
Gunnar J. Friðriksson, formað-
ur bankaráðs, flytur skýrslu
bankaráðs.
sniði og undanfarin ár. Hlutur
iðnaðarins er yfir 40% og einstakl-
inga 25%. Hlutföll þessi virðist
eðlileg og skapa bankanum ha-
gkvæmar þróunaraðstæður. Þótt
bankinn beri nafn með rentu, sem
banki iðnaðarins í landinu, megi
hann ekki einhæfast, heldur verði
hann, eins og hann geri, að stunda
alhliða bankastarfsemi og veita al-
menningi nauðsynlega þjónustu.
Sagðist iðnaðarráðherra vilja við
þetta tækifæri flytja stjórnendum
bankans þakkir fyrir ánægjulegt
samstarf á liðnu ári og þeim, ásamt
öðru starfsfólki bankans, þakklæti
fyrir vel unnin störf.
Á aðalfundinum var samþykkt að
greiða hluthöfum 4% arð af hlutafé
bankans í árslok 1980. Einnig var
samþykkt að auka hlutafé bankans
um 60% eða 622,5 m. gkr., með
útgáfu jöfnunarhlutabréfa. Þá sam-
þykkti aðalfundur bankans breyt-
ingar á samþykktum og reglugerðum
bankans.
I bankaráð voru kjörnir Gunnar J.
Friðriksson, Gunnar Guðmundsson
og Sveinn S. Valfells. Varamenn
voru kjörnir Magnús Helgason,
Sveinn Sæmundsson og Leifur Agp-
arsson. Iðnaðarráðuneytið skipaði
þá Sigurð Magnússon og Kjartan
Ólafsson sem aðalmenn í bankaráðið
og Guðjón Jónsson og Guðrúnu
Hallgrímsdóttur sem varamenn.
Endurskoðendur voru kjörnir ‘'eir
Haukur Björnson og Þóríeifui s-
son. Einnig var kosinn Sveinn jons-
son, löggiltur endurskoðandi. Banka-
stjórar Iðnaðarbankans eru Bragi
Hannesson og Pétur Sæmundsen og
aðstoðarbankastjóri er Ragnar Ön-
undarson.