Morgunblaðið - 14.05.1982, Blaðsíða 3

MORGUNBLAÐIÐ, FÖSTUDAGUR 14. MAÍ1982
3
í fréttinni er sagt frá aöalfundi
Krabbameinsfélags Islands, sem var
haldinn 7. maí sl. Formaður félags-
ins, dr. Gunnlaugur Snædal yfir-
læknir, skýrði frá starfseminni síð-
asta árið. Var hún svipuð og áður, en
þó var fjöldi kvenna sem mætti í
hópskoðun í hámarki. Ætlunin er að
auka leitarstarfið þegar flutt verður
í nýja húsið. Verður þá aukin leit að
krabbameini í leghálsi og brjóstum
en einnig eru nú til athugunar niður-
stöður nefndar sem lagt hefur mat á
hagkvæmni leitar að krabbameini í
ristli og endaþarmi, svo og í öðrum
líffærum.
Það kom einnig fram að Krabba-
meinsfélagið er að berjast fyrir því
að tryggður verði fjárhagslegur
grundvöllur þeirrar þjónustustarf-
semi sem félagið rekur.
I framhaldi af aðalfundinum sagði
Hrafn Tulinius yfirlæknir frá breyt-
ingum á tíðni krabbameins og
Gunnlaugur Geirsson yfirlæknir
ræddi um hvernig mæting hefur ver-
ið í leitarstöðinni. Þá voru kynnt þau
þrenn sjúklingasamtök sem starfa í
tengslum við Krabbameinsfélagið,
þ.e. Stómasamtökin, Samhjálp
kvenna og Ný rödd.
Stjórn Krabbameinsfélags íslands
var endurkosin. Hana skipa: Dr.
Gunnlaugur Snædal formaður, með-
stjórnendur Baldvin Tryggvason
sparisjóðsstjóri, Erlendur Einarsson
forstjóri, Hjörtur Hjartarson for-
stjóri, Matthías Johannessen rit-
stjóri, Ólafur Örn Arnarson yfir-
læknir, Sigurður Björnsson læknir,
Tómas Árni Jónasson læknir og
Vigdís Magnúsdóttir hjúkrunarfor-
stjóri. Framkvæmdastjóri Krabba-
meinsfélags íslands er Halldóra
Thoroddsen.
GUNNAR Thoroddsen forsætisráö-
herra, sem nú er i opinberri heimsókn
í V-I>ýskalandi, var í V-Berlín í gær.
Forsætisráðherra skoðaði i gær
þinghúsið í Berlín, Berlinarmúrinn og
heimsótti bókasafn borgarinnar. Há-
degisverð snæddi forsætisráðherra í
boði borgarstjórans í V-Berlín, Rich-
ards von Weizsiicker. Síðari hluta
dagsins sat forsætisráðherra fund
með iðnaðar- og verslunarráðinu í
V-Berlín, einnig skoðaði hann
Egypska safnið þar í borg.
I gærkveldi hlýddi forsætisráð-
herra á tónleika hjá fílharmóniu-
hljómsveitinni í Berlin, en hljóm-
sveitin heldur upp á 100 ára afmæli
sitt um þessar mundir.
Litið yfir til Austur-Berlínar.
Svipmynd frá fræðslufundi sem haldinn var i tengslum við aðalfund Krabbameinsfélags íslands 7. maí sl.
*
Krabbameinsfélag Islands:
Nýtt hús við Hvassaleiti
KRABBAMEINSFÉLAGIÐ undirbýr
nú byggingu nýs húss fyrir starfsemina
á lóð sem félagið hefur fengið úthlutað
við Hvassaleiti í Reykjavík. Fjársöfnun
verður í haust og stefnt að því að fram-
kvæmdir hefjist næsta vor. Þeim á að
Ijúka á árinu 1984, segir i frétt frá
félaginu.
Að loknum aðalfundi hélt Ásgeir
Theodórs læknir fyrirlestur um leit
að krabbameini í meltingarvegi og
víðar. Einnig var sagt frá áætlunum
um byggingarframkvæmdir og frá
starfi „Landsráðs gegn krabba-
meini", sem stofnað var hinn 4. maí
1982, til að beita sér fyrir landssöfn-
un í haust. Þess má geta að lands-
ráðið mun bráðlega opna skrifstofu í
Tjarnargötu 4, sími 25175 frá kl.
13—17. Framkvæmdastjóri ráðsins
er Eggert Ásgeirsson. Það voru 38
félagasamtök sem tóku þátt í stofn-
fundinum, en aðild að samtökum
þessum er öllum heimil.
Viktor Korchnoi:
„Bíð milli vonar og ótta
eftir fjölskyldu minni“
„KONA mín, Bella Korchnoi, er nú í Síberíu, en sonur okkar átti að losna úr
fangelsi í dag (fimmtudag). Hvort sú hefur orðið raunin, veit ég ekki og veit
ekki fyrr en um helgina, þegar Bella kemur til Leningrad," sagði Viktor
Korchnoi, hinn landflótta sovéski skákmaður, í samtali við Mbl. i gærkvöldi.
Igor, sonur þeirra, lauk við að afplána refsingu fyrir að hafa neitað að gegna
herþjónustu. Á næstu vikum á fjölskylda Korchnois að fá að fara frá Sovét-
ríkjunum samkvæmt samkomulagi sem Friðrik Ólafsson gerði við Sovét-
menn.
„Ég met áhuga heimspressunn-
ar á lausn þessa máls og vona að á
næstunni muni fjölskylda mín fá
að fara úr landi. Friðrik Ólafsson,
forseti FIDE, hefur látið í ljósi
bjartsýni á farsæla lausn málsins
og ég bíð nú milli vonar og ótta
eftir fjölskyldu minni," sagði
Korchnoi.
„Mér hefur ekki verið boðið á
neitt sterkt skákmót í ár. Ægivald
Sovétmanna verður sífellt erfið-
ara við að eiga og einangrun mín í
skákheiminum eykst stöðugt. í
júlí mun ég tefla á tveimur
skákmótum í Sviss, en þau verða
ekki skipuð sterkum skák-
mönnum. Þetta er mjög bagalegt,
því ég fæ ekki nauðsynlega æfingu
til að halda mér í toppformi."
— Hverja telur þú möguleika á
að Friðrik Ólafsson verði endur-
kjörinn forseti FIDE?
„Ég vona innilega að hann verði
endurkjörinn. Það yrði alvarlegt
áfall fyrir skákíþróttina ef Fil-
ippseyingurinn Campomanes yrði
kjörinn forseti. Ég hef lýst honum
sem alþjóðlegum glæpamanni í
bók sem nýlega er komin út eftir
mig. Vestræn ríki munu að líkind-
um fylkja liði að baki Friðriki og
ég vona að Sovétmenn og fylgiríki
þeirra muni gera slíkt hið sama.
Sovétmenn gera sér grein fyrir, að
kosning Campomanesar gæti klof-
ið skákheiminn,“ sagði Viktor
Korchnoi.
Félagar jafnt sem
fararskjótar
BMW fákarnir sameinast um þá kosti, sem gæðingar einir hafa. ^
Enginn kaupir gæðing óséðan og því bjóðum við þér að reyna BMW.
Það er aðeins stigsmunur á þeim, eftir því úr hvaða flokki þeir eru.
II IV
«__

£
KRISTINN GUÐNASON HF.
SUÐURLANDSBRAUT 20, SÍMI 86633