Morgunblaðið - 19.12.1982, Blaðsíða 2
2
MORGUNBLAÐIÐ, SUNNUDAGUR 19. DESEMBER 1982
Fundir
í báðum
þing-
deildum
Nýtt heimsmet
í hljóðfæraleik
„JÍJ, MIKIL ósköp, ég er himinlif-
andi. Þetta hefur tekist framar öll-
um vonum," sagði Jóhann G. Jó-
hannsson hjá SATT, Samtökum al-
þýðutónskálda og tónlistarmanna,
er Morgunblaðið ræddi við hann
eftir að heimsmetinu hafði verið
náð á maraþontónleikum SATT og
Tefla ytra
um áramót
TAFLFÉLAG Reykjavíkur hefur
ákveðið að styrkja nokkra unga
skákmenn til þátttöku í mótum í út-
löndum um áramótin, með því aö
greiða fargjöld þeirra.
Lárus Jóhannesson tekur þátt í
alþjóðlegu móti unglinga 20 ára og
yngri í Halsberg í Svíþjóð frá 28.
desember til 5. janúar, en þar
verða tefldar níu umferðir eftir
Monrad-kerfi.
Þá verða Arnór Björnsson og
Björn Sveinn Björnsson sendir á
alþjóðlegt mót unglinga 18 ára og
yngri í Plymouth í Englandi 4.-7.
janúar, þar sem tefldar verða sjö
umferðir eftir Monrad-kerfi.
Tónabæjar upp úr kl. 23 á föstu-
dagskvöld.
„Ég held að okkur hafi tekist
með þessum maraþontónleikum að
skapa vissa stemmningu á meðal
almennings og tónlistarmannanna
sjálfra og um leið að vekja athygli
á þeirri miklu grósku, sem nú er í
íslenskri popptónlist. En ég vil
taka það skýrt fram, að þetta hefði
verið ómögulegt án einstaklega
góðrar samvinnu við Tónabæ og
Æskulýðsráð og þá hafa fjölmiðl-
arnir stutt vel við bakið á okkur,“
sagði Jóhann ennfremur.
Þegar klukkan sló ellefu í fyrra-
kvöld hafði heimsmetið, 321 klst.,
verið jafnað og áfram var haldið á
fullri ferð inn i nóttina. Tónleikum
þessum lýkur ekki formlega fyrr en
á morgun, en hljómsveitin Trúður-
inn er síðust á dagskrá. Hún ætlar
sér að reyna að setja íslandsmet og
ieika í rúman sólarhring. Metið er
nú sem stendur í eigu hljómsveit-
arinnar Gift, sem sló 20 tíma met
Pass.
Hljómsveitin Upplyfting mun í
dag leggja sitt af mörkum til þess-
ara tónleika og um leið verður
haldið jólaball í Tónabæ. í kvöld
kemur svo hljómsveitin DRON, sig-
urvegarinn úr Músíktilraunum ’82,
fram.
Morgunblaðiö/Rax.
Þessi mynd var tekin á tólfta tímanum í fyrrakvöld, þegar heims-
metið hafði verið slegið.
Iðnaðarráðuneytið ekki
fráhverft þriðja eignar-
aðila að járnblendinu
segir Paul Falck hjá Elkem-samsteypunni
Karl Þorsteins og Sævar
Bjarnason verða sendir á
Astoria-skákmótið í Hamar í Nor-
egi 2.-8. janúar, þar sem tefldar
verða níu umferðir eftir Monrad-
kerfi, en þar er búist við þátttöku
stórmeistara og alþjóðlegra meist-
ara. Sævar tekur væntanlega
einnig þátt í Gausdal-mótinu
9.—15. janúar. Jafnframt tekur
Ágúst Karlsson nýbakaður
unglingameistari þátt í Astoria-
mótinu, en það er Skáksamband
íslands sem sendir hann til móts-
ins.
Þá teflir Elvar Guðmundsson á
Evrópumeistaramóti unglinga,
sem hefst i Gröningen í Hollandi á
morgun, mánudag.
Bandaríski skákmaðurinn John
Collins, sem oft hefur verið nefndur
faðir skáklistarinnar í Bandarikjun-
um, kemur hingað til lands i boði
Taflfélags Reykjavíkur og Skáksam-
bands íslands um áramótin með hóp
bandarískra skákmanna, sem er
eins konar unglingalandslið Banda-
ríkjanna í þeirri íþróttagrein.
Að sögn Jóhanns verður ekki lát-
ið sitja við svo búið. Um helgina
eru svonefndir dægurtónlistardag-
ar, þar sem boðnir verða til sölu
happdrættismiðar SATT, sem
dregið verður úr á Þorláksmessu.
Þá hefur SATT á döfinni að reyna
að opna veitingastaðina fyrir
hljómsveitum í miklu ríkari mæli
en verið hefur og ennfremur er
unnið að aukinni hlutdeild íslensks
efnis í poppþáttum sjónvarpsins.
„Markmiðið með þessu öllu sam-
an er að auka fjölbreytnina í
skemmtanalífi borgarbúa og ann-
arra. Takist okkur að opna veit-
ingahúsin fyrir lifandi tónlist á ný,
tel ég merkum áfanga í sögu SATT
náð,“ sagði Jóhann.
Collins kemur með sveit sína 29.
desember og verður hópurinn hér
til 3. janúar. í hópnum eru 23
ungmenni á aldrinum 12—17 ára,
sem valin hafa verið úr hinum
ýmsu ríkjum Bandaríkjanna.
Ungmennin eru hvert um sig í
hópi sterkustu skákmanna við-
komandi ríkis.
Osló, 16. deseraber. Kri Jan Erik Laoré
fróttaritara Mbl.:
„EFTIR fyrstu viðbrögðum íslenska
iðnaðarráðuneytisins að dæma, virð-
ist okkur sem það sé ekki fráhverft
því, að til komi þriðji eignaraðilinn að
járnblendiverksmiðjunni á Grundar-
tanga,“ sagði Paul Falck, yfirmaður
upplýsingamála hjá Elkem-samsteyp-
unni norsku, í viðtali, sem fréttaritari
Mbl. í Osló átti við hann i dag.
Að sögn Falcks hefur Elkem haft
samband við ýmis fyrirtæki, sem
talin eru hafa áhuga á þessum
rekstri á íslandi, en að svo stöddu
vildi hann ekki segja hvaðan og
hver þessi fyrirtæki væru. „Það
liggur í hlutarins eðli, að við getum
ekki gefið upplýsingar um það fyrr
en við vitum með vissu hvort Is-
lendingar hafa áhuga á þriðja eign-
araðilanum," sagði Paul Falck.
Ýmsar ástæður eru fyrir áhuga
Elkems á nýjum eignaraðila. Með
honum opnast nýir markaðir, nýjar
hugmyndir skipta miklu fyrir
framleiðsluþróunina og að síðustu
dreifist tímabundinn halli og mik-
ill fjármagnskostnaður nýrrar
verksmiðju á fleiri herðar. Falck
tók það skýrt fram, að Elkem
myndi ekki draga sig út úr rekstr-
inum þótt nýr eignaraðili fengist
ekki nú.
„Markaðsverð á kísilmálmi er
lágt um þessar mundir og er þar
um að kenna efnahagslegum sam-
drætti í heiminum og erfiðleikun-
um í stáliðnaði. Við búumst hins
vegar við batnandi tíð þótt ekki sé
unnt að segja hvenær það verði,
enda hagfræðingar ekki á eitt sátt-
ir um það,“ sagði Paul Falck.
„Framleiðsla járnblendis mun
ávallt verða vænlegt verkefni fyrir
íslendinga og Norðmenn. Við ráð-
Kópavogur:
íbúð skemmd-
ist af eldi
ÍBÚÐ í Engihjalla 9 I Kópavogi
skemmdist talsvert af eldi á föstu-
dagskvöld og var þrennt flutt á
slysadeild með snert af reykeitrun,
en fólkið fékk fljótlega að fara heim
aftur, samkvæmt upplýsingum sem
Mbl. fékk hjá slökkviliði Reykjavík-
ur.
Slökkviliðið var kvatt á staðinn
klukkan 22.43 á föstudagskvöld og
var þá eldur laus í íbúð á 3. hæð.
Eldur var í stofu íbúðarinnar, en
greiðlega gekk að ráða niðurlögum
hans. Skemmdir urðu talsverðar
af reyk, eldi og sóti, og einnig
skemmdist íbúðin fyrir neðan lít-
illega af vatni. Talið er að eldur-
inn hafi kviknað út frá kerti.
FUNDIR voru í báðum deildum
Alþingis í gær þegar Morgun-
blaðið fór í prentun. I neðri
deild voru afgreidd tvenn lög í
gærmorgun, í fyrsta lagi um
málefni aldraðra, og öðru lagi
frumvarp til laga um breytingar
á lögum um kosningar til Al-
þingis, sem fjallar um notkun
nafnnúmera í sambandi við
utankjörstaðaatkvæðagreiðslu.
í efri deild voru samþykkt
frumvörp, í fyrsta lagi lög um
lengingu orlofs, um að laugardag-
ar í orlofi skuli ekki lengur reikn-
ast sem virkir dagar og að frídag-
ur verzlunarmanna sé löghelgaður
frídagur, í öðru lagi frumvarp til
laga um 40 stunda vinnuviku.
Eftir hádegi var búist við að
fjárlög yrðu afgreidd, þar á meðal
tillaga um heiðurslaun lista-
manna, sem sagt var frá á þing-
síðu Mbl. í gær. Þá var búizt við að
fram kæmi tillaga til þingsálykt-
unar um þinghlé, sem þýðir að rík-
isstjórnin hefur rétt til setningu
bráðabirgðalaga.
um yfir hráefnunum og möguleikar
okkar í ódýrri orkuframleiðslu eru
miklir. Við erum þess líka fullviss-
ir, að þegar úr rætist í efnahags-
málunum munum við endurheimta
okkar sterku stöðu á heims-
markaðnum," sagði Paul Falck, yf-
irmaður upplýsingamála hjá Elk-
em, í viðtalinu við Mbl.
Halldór Blöndal:
Farsælast
að viðhafa
prófkjör
„ÉG ER mjög ánægður yfir því
að prófkjör skuli viðhaft fyrir
þessar alþingiskosningar,“ sagði
Halldór Blöndal alþingismaður í
samtali við Mbl., er hann var
spurður um prófkjör sjálfstæð-
ismanna sem haldið verður í
Norðurlandskjördæmi eystra á
næstunni.
„Ég var alltaf þeirrar skoð-
unar að það myndi reynast
farsælast, því vitaskuld eru
ekki allir sammála um það,
hverjir eigi að skipa efstu sæti
framboðslista Sjálfstæðis-
flokksins, og prófkjör hefur
aldrei verið viðhaft áður í
kjördæminu. Þeir menn sem
ég hef frétt um að gefið hafa
kost á sér, eru allir mjög vel
hæfir,“ sagði Halldór.
„Gagnvart sjálfum mér vil
ég segja það, að samstarf
okkar Lárusar Jónssonar hef-
ur verið mjög gott og ég tel að
efsta sæti framboðslistans
verði vel skipað þar sem hann
er. Ég vona að prófkjörið fari
drengilega fram og menn haldi
sig við þær reglur sem settar
hafa verið og uni niðurstöðum
prófkjörsins að leikslokum,"
sagði Halldór Blöndal.
Fyrsta skóflustungan að tveimur tennisvöllum var tekin í gærmorgun á athafnasvæði TBR við Gnoðarvog
í Reykjavík. Vellirnir munu standa fyrir vestan TBR-húsið. Gerð þeirra á að vera lokið fyrir næsta sumar.
MorgunblaAiA/ RAX.
Collins kemur með
23 unga skákmenn