Morgunblaðið - 09.06.1983, Blaðsíða 2
MORGUNBLAÐIÐ, FIMMTUDAGUR 9. JÚNÍ 1983
Atvinnuleysi í maí:
Seyðfirðingar buðu nýju ferjuna velkomna í blíðviðrinu í gær.
Seyðisfjörður:
Mikið um dýrðir
við komu Norröna
SeyAisfirði 8. júní. Krá Hirti Gíslasyni, blaðamanni Mornunblaðsins.
I>AÐ var mikið um dýrðir hér á Seyð-
isfirði í dag þegar mf. Norröna kom í
fyrsta skipti hingað til lands. brettán
bátar smáir og stórir sigldu á móti
skipinu og fylgdu því síðan til lands.
Bátsverjar höfðu á lofti færeyska og
íslenzka fána og sungu söngva til
heiðurs skipinu.
Þegar komið var til hafnar var
öllum sem vildu boðið að skoða
skipið en auk þess var sérstök mót-
tökuathöfn fyrir rúmlega hundrað
manns. Var þeim borinn matur og
aðrar veitingar. Síðan héldu bæði
færeyskir og íslenzkir áhrifamenn
ræður. í ræðum þeirra kom fram
veruleg ánægja með þetta nýja skip
sem þeir töldu staðfestingu á nauð-
syn farþegaflutninga á sjó frá ís-
landi til nágrannalandanna.
Þegar skipið lagði frá Serabster í
Skotlandi á mánudagsmorgun virt-
ust veðurguðirnir vera mjög
hlynntir þessari áætlunarferð. I
Skotlandi sá ekki ský á lofti, „Pent-
illinn" var eins og í rjómalogni, og
sömu veðurblíðuna fengu ferða-
langar ekki aðeins til Færeyja,
heldur alla leið til íslands.
GAS-
VATNSHITARI
Hentugur fyrir bað og uppvask
t.d. í sumarbústaðinn ogbátinn,
auðvelt að færa úr stað.
KJOLUR SF.
Borgartún 33.105 Reykjavík. Símar 21490 - 21846
Morgunblaðið ræddi við nokkra
farþega um borð og voru þeir sam-
mála um að gott væri að sigla með
skipinu. Og þeir sem áður höfðu
siglt með Smyrli töldu sig ekki geta
borið skipin saman, svo fullkomið
væri nýja skipið.
Óli Hammer framkvæmdastjóri
Smyril-line sagði við komuna í dag
að hann hefði orðið mjög snortinn
af viðtökunum. Þær hefðu verið
einstakar og sýndu hug Austfirð-
inga og skilning á mikilvægi þess-
ara sanjgangna. Þær tengdu ekki
aðeins saman ísland og Færeyjar,
heldur meirihluta Vestur-Evrópu.
Ólafur Már Sigurðsson tók á móti
skipinu fyrir hönd hafnarnefndar,
sem hann veitir formennsku og fór
mörgum og góðum orðum um skipið
og þessa samgöngubót.
ís hækkar um
allt að 25%
ÍS OG ísvörur hækkuðu í vikunni í
kjölfar á hækkun landbúnaðarvara.
Sem dæmi um hækkunina má nefna
að venjulegur ís í brauðformi hækk-
aði úr 25 krónum í 30 krónur, eða
um 20%.
Þá hækkaði ís í brauðformi með
súkkulaðidýfu úr 30 krónum í 35
krónur, eða um 16,7%, eða nokkru
minna. Mjólkurhristingur eða
„milk shake" hækkaði úr 40 krón-
um í 50 krónur, eða um 25%.
Þrefalt meira en
meðaltal síðustu ára
18.275 atvinnuleysisdagar voru
skráðir á landinu öllu í maímánuði
sl. Svarar það til þess að 840 manns
hafi verið á atvinnuleysisskrá allan
mánuðinn. Skráðum atvinnuleysis-
dögum hefur fækkað um tæplega
3.200 frá apríl en í maímánuði í fyrra
voru hins vegar ekki skráðir nema
7.500 atvinnuleysisdagar, þannig að
atvinnuástandið er nú mun lakara.
Árin 1975—1982 voru að meðaltali
skráðir um 6.600 atvinnuleysisdagar
í maí, sem er rétt þriðjungur af
skráðu atvinnuleysi nú.
Atvinnuleysisdögum fækkaði
alls staðar á landinu í maí frá
fyrra mánuði nema á Reykjanesi,
þar fjölgaði þeim lítillega vegna
bruna frystihúss í Keflavík. Sá
mikli munur sem er á atvinnuleysi
nú miðað við fyrri ár veldur
áhyggjum vegna sumarvinnu
skólafólks, enda voru 384 skóla-
nemendur skráðir atvinnulausir í
Reykjavík í lok maí af þeim 650
sem þá voru skráðir í Reykjavík.
Reikna ekki með
álagningu veggjalds
„ÉG GERI ekki ráð fyrir því að veg-
gjald verði lagt á, en þarna er hins
vegar gat upp á 130 milljónir króna
og því verður þá einungis hægt að
mæta á tvo vegu,“ sagði Steingrímur
Hermannsson forsætisráðherra á
blaðamannafundi í gær, er hann var
spurður hvort seilst yrði í vasa al-
mennings með veggjaldi, eins og
fráfarandi ríkisstjórn hafði gert til-
lögu um, til að brúa þetta bil upp á
130 milljónir króna, til að endar fjár-
mögnunar vegaáætlunar nái saman.
Steingrímur sagði að þá yrði
annaðhvort um það að ræða að
ríkissjóður greiddi þennan mis-
mun og þá skipti það út af fyrir
sig ekki máli hvaðan hann tæki
fjármagnið eða að framkvæmdir í
vegamálum yrðu minni, t.d. hvað
varðar tímabundið slitlag eða aðr-
ar framkvæmdir.
Ekki náðist í samgönguráð-
herra, Matthias Bjarnason, í
gærkvöldi til að spyrja hann álits.
Forsetinn til
Vestfjarða
VIGDÍS Finnbogadóttir fer í opinbera
hcimsókn til Vestfjarða 21.—26. júní
nk.
Dagskrá heimsóknar forsetans í
Barðastrandarsýslur birtist í Mbl. á
þriðjudaginn, en í gær var ekki unnt
að fá dagskrá heimsóknar forsetans
til annarra staða hjá forsetaskrif-
stofunni.
8 mánaða fangelsi
fyrir hnífsstungu
KVEÐINN var upp í gærmorgun í
Sakadómi Reykjavíkur dómur í máli
brezks manns, sem stakk mann með
hnífi í húsi hér í borg 20. marz sl.
Dæmdi hlaut átta mánaða fang-
elsisdóm, en þar af eru fimm mánuð-
ir skilorðsbundnir og er skilorðstími
fimm ár. Honum var einnig gert að
greiða allan sakarkostnað.
Dæmdi lýsti því yfir í Sakadómi
að hann vildi una dómi, og honum
verður heldur ekki áfrýjað af ákæru-
valdsins hálfu.
Lögskráning á Haf-
þóri verður iagfærð
„ALLIK skipverjar á Hafþóri eru
tryggðir, frá því var gengið með til-
kynningu til tryggingafélagsins,“
sagði Sæmundur Arilíusson, fram-
kvæmdastjóri Þormóðs ramma á
Siglufirði, í samtali við Mbl., en í
Mbl. í gær kom fram að ekki er búið
að lögskrá á Hafþór og haft eftir
Ingólfi Stefánssyni að skipverjar
væru þess vegna ekki tryggðir.
Sæmundur sagði það rétt að
lögskráning hefði ekki gengið í
gegn. Það væri vegna þess að eng-
inn loftskeytamaður væri um borð
eins og vera ætti lögum sam-
kvæmt. En því yrði kippt í lag
þegar Hafþór kemur til hafnar.
Sagði Sæmundur að menn teldu
enga þörf á loftskeytamanni um
borð í Hafþóri vegna þess að hann
er mest á veiðum með litlu togur-
unum og þeir þurfa ekki að hafa
loftskeytamenn um borð til að
vera í sambandi.
Minnislisti ríkisstjórnarinnar:
Embættismenn hreyfi sig
meira milli starfa en nú tíðkast
„ÉG TEL sumt á þessum lista gott
og nauðsynlegt, annað ekki. Þetta
eru 25 atriði, en ég tel listann ekki
bindandi," sagði Steingrímur Her-
mannsson forsætisráðherra að-
spurður á blaðamannafundi í gær
um hvert innihald umrædds minn-
islista ríkisstjórnarinnar væri. Fram
hefur komið í fréttum vegna stöðu
Tómasar Árnasonar sem forstöðu-
manns Framkvæmdastofnunar, að
stjórnarliðar eru ekki á einu máli
um hvort listinn sé bindandi, en
eins og Mbl. hefur skýrt frá er einn
liður minnislistans þess efnis að for-
stöðumenn fjármálastofnana skuli
ekki gegna þingmennsku.
Samkvæmt heimildum Mbl.
voru eftirtalin atriði meðal þess-
ara 25 á listanum, á meðan á
stjórnarmyndunarviðræðum stóð,
en listinn í endanlegri gerð hefur
ekki verið gerður opinber: For-
stöðumenn fjármálastofnana
gegni ekki þingmennsku. Opin-
berir embættismenn hreyfi sig
meira á milli starfa en nú tíðkast.
Hafist verði handa um byggingu
flugstöðvar á Keflavíkurflugvelli
og framkvæmdum vegna Helgu-
víkur haldið áfram. Vinnubrögð
og starfshættir Alþingis bætt og
fjárveitinganefnd fylgist í aukn-
um mæli með framkvæmd fjár-
laga. Sveitarfélög og samtök
þeirra verði styrkt, verkefni færð
frá ríki til sveitarfélaga. Reglur
um kostnaðarskiptingu milli rfkis
og sveitarfélaga verði endurskoð-
aðar, þannig að fjárhagsleg
ábyrgð fylgi ákvörðunarvaldi um
framkvæmdir og rekstur. Virðis-
aukaskattur verði tekinn upp.
Farið verði sérstaklega ofan í
skattamál fyrirtækja á grundvelli
fyrirliggjandi tillagna. Trygg-
ingakerfið gert einfaldara og hag-
kvæmara. Sett verði nefnd um
orkufrekan iðnað (stóriðjunefnd).
Unnið verði að markvissri
byggðastefnu. Öll sjálfvirk út-
gjöld ríkisins verði endurskoðuð
og „sólarlagsákvæðum" beitt.
Það skal tekið fram að hér hef-
ur aðeins verið drepið á nokkur af
þeim 25 atriðum sem til umræðu
var að sett yrðu á minnispunkta-
seðilinn skömmu áður en gengið
var frá stjórnarsáttmálanum.