Morgunblaðið - 06.07.1983, Blaðsíða 5
MORGUNBLAÐIÐ, MIÐVIKUDAGUR 6. JÚLÍ 1983
5
Geir Hallgrímsson utanrfkisriðherra og Marshall Brement sendiherra Bandarikjanna i íslandi undirrita samkomu-
lag um byggingu nýrrar flugstöðvarbyggingar i Keflavfkurflugvelli. — Ljósm. Mbi. Emiii*.
Orðsendingar um flugstöðvarbyggingu:
Jarðvegsvinna boðin út í
sumar - byggingarfram-
kvæmdir á næsta ári
Framkvæmdir við nýja flugstöð á
Keflavíkurflugvelli hefjast þegar i
þessu ári. Öll jarðvegsvinna verður
boðin út í sumar. Unnið er að út-
boðsgögnum byggingarfram-
kvæmda, sem hefja i 1984. Kostnað-
arhlutur íslendinga er áætlaður 20
til 25 milljónir dollara. Heildar-
framlag Bandaríkjamanna verður 20
milljónir dala, hvert sem endanlegt
kostnaðarverð reynist, sagði Geir
Hallgrímsson utanríkisriðherra i
blaðamannafundi í gær. Auk þess
greiða þeir, samkvæmt eldra sam-
komulagi, allan kostnað við fram-
kvæmdir utanhúss, flughlaðs, vega
og leiðslna. Flugstöðin verður ís-
lenzk eign þegar; sem og önnur
mannvirki er varnarliðið fer úr
landi. Þátttaka Bandaríkjamanna í
þessum kostnaði helgast af því að
þeir fá gömlu flugstöðina til afnota,
hafa hag af því eins og íslendingar
að aðskilja almenna flugumferð og
varnarliðsstarf og fi afnot af hinni
nýju byggingu í neyðartilfellum.
Þetta eru efnisleg atriði úr svörum
ráðherrans við fyrirspurnum blaða-
manna.
Samkvæmt varnarsamningi
milli ríkjanna er það á valdi ís-
lenzkra stjórnvalda að ákveða,
hverskonar ástand skuli meta sem
neyðartilfelli. Vonandi kemur
aldrei til slíks, sagði ráðherrann.
Utanríkisráðherra var spurður,
hvort gagnstæð sjónarmið, þ.e. að
Bandaríkjamenn einir eða Islend-
ingar einir reiddu fram kostnað
við flugstöðvarbygginguna, hefðu
verið rædd í ríkisstjórn. Hann
sagði að hér væri farin réttlát leið
í kostnaðarskiptingu, miðað við
aðstæður, og að höfðu samráði við
ríkisstjórn og utanríkismálanefnd
Alþingis. Alþingi hefði þegar gefið
grænt ljós á byrjunarframkvæmd-
ir með framlagi á fjárlögum 1983
og áframhaldandi fjárveitingar
væru bundnar samþykki þess.
Hér fara á eftir orðsendingar
þær, sem þeir skiptust á í gær,
Geir Hallgrímsson utanríkisráð-
herra og Marshall Brement sendi-
herra Bandaríkjanna;
Orösending sendiherra
Bandaríkjanna
„Herra utanríkisráðherra.
Ég leyfi mér að vísa til sam-
þykktrar bókunar frá 18. júlí 1979
og nýlegra viðræðna milli fulltrúa
Bandaríkjanna og íslands varð-
andi byggingu flugstöðvar með
tvíþættu hlutverki á Keflavíkur-
flugvelli (hér á eftir nefnd „flug-
stöð“) svo og til samkomulags
milli fulltrúa Bandaríkjanna og
íslands varðandi verklýsingu,
hönnun og staðsetningu flugstöðv-
arinnar.
Eftirfarandi samkomulag hefir
náðst milli ríkisstjórnar Banda-
ríkjanna og ríkisstjórnar fslands
(hér á eftir nefndar „aðilar") varð-
andi framkvæmd ofangreindrar
samþykktrar bókunar:
1. Flugstöðin skal notuð í þágu
almenns flugrekstrar af hálfu rík-
isstjórnar íslands og af hervöldum
Bandaríkjanna á ófriðartímum
eða í neyðartilfellum í samræmi
við varnarsamninginn milli lýð-
veldisins íslands og Bandaríkja
Ameríku á grundvelli Norður-
Atlantshafssamningsins frá 5.
maí 1951 og hlutaðeigandi samn-
inga og samþykkta.
2. Aðilar skulu skuldbinda sig
til greiðslu á samtals 20 milljón-
um króna í jöfnum upphæðum eða
jafngildi í Bandaríkjadollurum til
að ljúka fyrsta gagnlega fram-
kvæmdaráfanga flugstöðvarinnar.
Skuldbinding varðandi framlag til
byrjunarframkvæmda skal vera
fyrir hendi fyrir 1. október 1983.
3. Ríkisstjórn Bandaríkjanna
skal láta í té allt að 20 milljónum
dollara til greiðslu heildarfram-
lags hennar til byggingarinnar.
4. Ríkisstjórn íslands er
skuldbundin til að byggja flug-
stöðina og skal að tilskildu sam-
þykki Alþingis láta í té á réttum
tíma i ljósi ríkjandi efnahags-
ástands á íslandi þær fjárhæðir
sem þörf er á umfram framlag
Bandaríkjanna, sem vitnað er til í
3. mgr. og nauðsynlegar eru til að
fullgera nothæfa flugstöðvarbygg-
ingu.
5. Skilmálar fyrir samvinnu um
byggingu flugstöðvarinnar um-
fram þann verkþátt sem lýst er í 2.
tl. að ofan, og fjallað hefir verið
um af fulltrúum aðilanna á grund-
velli skjals sem vitnað er til í
hinni samþykktu bókun, skulu
ræddir svo fljótt sem verða má í
því skyni að ná samkomulagi um
áætlun varðandi frekari áfanga
byggingarinnar og skilmála þar að
lútandi. Greiðslur samkvæmt 3. og
4. tl. hér að ofan skulu látnar í té
að háðu samþykki þjóðþings
Bandaríkjanna og Alþingis í formí
tvíhliða greiðslna í samra;mi við
byggingaráætlanir.
6. Þegar hafin er almenn starf-
semi í flugstöðinni, skal varnarlið-
ið taka aftur við núverandi flug-
stöðvarbyggingu til afnota í sam-
bandi við almenna starfsemi varn-
arliðsins. Afhendingartími núver-
andi flugstöðvar skal ákveðinn í
nánari viðræðum aðila samkvæmt
5. tl. hér að ofan.
Ég leyfi mér að leggja til að
þessi orðsending og staðfesting
yðar skuli fela í sér samkomulag
milli ríkisstjórna okkar og taka
gildi við dagsetningu svars yðar.
Ég votta yður hr. utanríkisráð-
herra enn á ný sérstaka virðingu
mína.“
Óvíst með framtíð
varðskipsins Þórs
Varðskipið Þór er komið til
hafnar í Reykjavík úr sinni síð-
ustu ferð á þessu ári og að sögn
Gunnars Bergsteinssonar, for-
stjóra landhelgisgæslunnar, er
enn allt óákveðið um hvað gert
verður við skipið, hvort aðalvél
þess sem brotnaði niður í síðasta
mánuði verður gerð upp, eða skip-
inu lagt endanlega. Gunnar sagði
að ákveðið hefði verið að leggja
Þór það sem eftir væri ársins áður
en óhappið með vélina hefði átt
sér stað og áhöfn hans færi yfir á
Óðin og gæfist því góður tími til
að meta hvort borgaði sig að gera
við skipið, sem hann taldi vafa-
mál, þar sem það væri orðið 32ja
ára gamalt.
Orðsending
utanríkisraðherra
„Hr. sendiherra.
Ég leyfi mér að staðfesta mót-
töku orðsendingar yðar frá í dag
varðandi samning milli ríkis-
stjórna okkar um samvinnu við
byggingu flugstöðvar með tví-
þættu hlutverki á Keflavíkur-
flugvelli.
Ég leyfi mér að staðfesta að orð-
sending yðar og þetta svar við
henni skuli fela í sér samkomulag
milli beggja ríkisstjórna okkar
varðandi þetta mál.
Ég votta yður hr. sendiherra
enn á ný sérstaka virðingu rnína."
Sumartilboð
Litir: Rautt, hvítt, dk.blátt.
Verð 225 kr.
Litir: Svart og drapp. Verö 245 kr.
Litir: Hvítt, drapp, dk.blátt.
Verö 225 kr.
Litir: Hvítt, drapp, dk.blátt.
Verö 225 kr.
Litir: Hvítt, drapp, svart. Verö 225 kr.
Litir: Drapp og dk.blátt. Verö 245 kr.