Morgunblaðið - 03.05.1984, Blaðsíða 48

* ' » ' * ■
■%*<
Opiö öll fimmtudags-, föstudags-,
laugardags- og sunnudagskvöld.
AUSTURSTRÆTI 22,
INNSTRÆTI,
SÍMI 11633

Opid alla daga frá
kl. 11.45-23.30.
SaetJa&iMn
AUSTURSTRÆTI 22,
INNSTRÆTI,
SÍMI 11633.
FIMMTUDAGUR 3. MAI 1984
VERÐ í LAUSASÖLU 20 KR.
Hjónin úrskurðuð í gæzluvarðhald:
Grunuð um að vera á snær-
um þekktra þýzkra fálkaþjófa
ÞÝZKU hjónin, sem úrskuröuð voru í
gæzluvarðhald til 9. maí í Sakadómi
Reykjavíkur síödegis í gær, hafa enga
viðhlítandi skýringu gefíð á fálkaeggj-
unum, sem fundust í fórum þeirra
þegar þau voru handtekin í Gilsfírði á
mánudagskvöldið. Þau segjast hafa
fundið eggin á víðavangi fyrir tilviljun
og hafí ekki gert sér grein fyrir að um
fálkaegg væri að ræða. Þau neita að
hafa rænt hreiður fálka. En f fórum
þeirra fannst fullkominn sigbúnaður,
Hjónin segjast hafa fundið fálkaeggin á víðavangi
— Þrír íslandsfálkar fundust fyrir stuttu í Köln
tæki til þess að varðveita egg og kort
þar sem fálkaslóðir voru merktar.
Samkvæmt heimildum Mbl. telur
v-þýzka lögreglan, að ungu hjónin
séu á snærum þekktra fálkaþjófa —
Cieselski-feðganna, sem hafa legið
undir grun um að stela ungum og
eggjum hér á landi, og hefur þeim
verið vísað úr landi. Fyrir skömmu
fundust þrír íslandsfálkar í hýbýl-
um þeirra í Köln í V-Þýzkalandi.
Ungu hjónin voru stödd hér á landi
í fyrra, og samkvæmt heimildum
Mbl., leikur grunur á að þau hafi þá
útvegað þeim feðgum egg eða unga
héðan.
Svo sem fram kom í Mbl. þá hef-
ur eggjum verið stolið úr fimm
fálkahreiðrum í Þingeyjarsýslum.
Ekki liggur ljóst fyrir hvort eggin,
sem fundust í fórum hjónanna, séu
úr Þingeyjarsýslum eða Dölum.
Hjónin staðhæfa að eggin séu úr
Dölunum og að þau hafi fundið þau
liggjandi á víðavangi.
Sjá bls. 5: „Cieselski-feðgum vís-
að úr landi 1978.“
ICBLANOAIR
1" ■ " m r 11
Flugleiðir
selja tvær
DC-8 þotur
Á FUNDI stjórnar Flugleiða, sem
haldinn var í gær, var ákveðið að taka
tilboði bandarísks flugfélags í tvær
DC-8-63CF flugvélar Flugleiða. Sam-
kvæmt upplýsingum Mbl. er söluverð-
ið á bilinu 9—10 milljónir dollara,
jafnvirði 270—300 milljóna króna.
Um er að ræða flugvélina TF-
FLE, sem undanfarin ár hefur verið
leigð til fraktflugs hjá erlendum
flugfélögum. Sú flugvél yrði afhent
í byrjun ágústmánaðar. Hin flug-
vélin er TF-FLB, sem notuð er í
áætlunarflugi Flugleiða á Norður-
Atlantshafsleiðinni, og yrði hún af-
hent í októbermánuði. Kaupandi
flugvélanna mun láta skipta um
hreyfla á þeim, en það kostar um 18
milljónir Bandaríkjadala fyrir
hvora flugvél.
Ungu hjónin koma úr Sakadómi Reykjavíkur í fylgd með lögreglumönnum eftir að þau voru úrskurðuð í gæzluvarðhald. Morgunbiaðið/Júiius.
Stjómarfrumvarp vegna ríkis- og lánsfjármála á Alþingi í dag:
Heimild til 10% bindiskyldu
innlánsstofnana í Seðlabanka
— Ráðherrarnir virðast hafa gleymt að skýra þingflokknum frá þessu, segir Ólafur G. Einarsson
Á FUNDI ríkisstjórnarinnar að
morgni 1. maí var ákveðið að í stjórn-
arfrumvarpi um ráðstafanir í ríkis- og
lánsfjármálum, sem lagt verður fram
á Alþingi í dag, verði aflað heimilda
fyrir ríkisstjórnina til að taka upp á ný
sveigjanlega bindiskyldu innláns-
stofnana í Seðlabankanum. Heimildin
gerir ráð fyrir 10% bindiskyldu að
sögn Steingríms Hermannssonar for-
sætisráðherra. f ríkisstjórninni var
rætt um að leggja þennan nýja lið
fjármálaaðgerðanna fyrir þingflokka
stjórnarliöa á fundum þeirra í gær til
endanlegrar afgreiðslu.
Að sögn forsætisráðherra sam-
þýkkti þingflokkur Framsóknar
heimildina til bindiskyldunnar á
fundi sínum í gær. Formaður þing-
flokks Sjálfstæðisflokksins, Ólafur
G. Einarsson, hafði ekki heyrt
minnst á mál þetta, er blm. Mbl.
spurði hann um afgreiðslu þing-
flokksins, eftir fund hans í gær.
Eftir nánari eftirgrennslan, m.a.
samtal við viðskipta- og banka-
málaráðherra, Matthías Á. Mathie-
sen, sagði þingflokksformaðurinn
síðan í viðtali við blm. Mbl. um
kvöldmatarleytið, að svo virtist sem
ráðherrarnir hefðu gleymt að skýra
þingflokknum frá þessu. Hann kvað
þá ólíklegt að unnt yrði að ná sam-
an þingflokksfundi síðar í gær-
kvöldi, en kvaðst ætla að ráðherr-
arnir myndu úr því sem komið væri
hafa samband við þingmenn til að
skýra þeim frá þessu.
Stjórnarfrumvarpið sem forsæt-
isráðherra flytur mun að hans sögn
fjalla um ráðstafanir bæði í ríkis-
og lánsfjármálum. Aðspurður sagði
hann að gert yrði ráð fyrir allt að
1,9 milljörðum kr. í nýjum erlend-
um lánum. Hann var spurður, hvort
10% bindiskylduheimildin þýddi, að
einnig gæti komið til hækkana á
vöxtum. Hann kvað þvert nei við
því. Hér væri einvörðungu um að
ræða heimild til handa ríkisstjórn-
inni, ef þenslan í peningamálum
yrði of mikil. Hann sagði að hér
væri um svipaða heimild að ræða og
gilt hefði á árunum 1981 til 1983.
Hann sagði ennfremur: „Það má
segja að þetta sé nauðsynlegt vegna
þess að vextir verða ekki hækkaðir.
Það er reyndar ekki nema þrennt
sem Seðlabankinn getur gert til að
draga úr þenslu. Það er í fyrsta lagi
vaxtahækkanir, í öðru lagi binding
og í þriðja lagi að draga úr endur-
kaupum. Það er engin ástæða til að
hækka vexti og því þykir rétt að
hafa þessa heimild fyrir hendi, ef
þensla verður of mikil í bankakerf-
inu.“
Spurt og svarad
um garðyrkju-
og byggingarmál
LESENDUR Morgunblaðsins eru
minntir á, að eins og undanfarin
ár býður blaðið upp á lesenda-
þjónustu um garðyrkju. Geta les-
endur á næstu vikum snúið sér til
blaðsins með spurningar er varða
garðyrkju og verður leitast við að
svara þeim í þættinum „Spurt og
svarað um garðyrkju'*.
Morgunbiaðið hefur fengið
Hafliða Jónsson, garðyrkju-
stjóra Reykjavíkurborgar, til að
svara þeim fyrirspurnum sem
kunna að berast, og geta lesend-
ur komið þeim á framfæri í
síma 10100 milli kl. 13 og 15
mánudaga til föstudaga. Svörin
birtast síðan í blaðinu nokkrum
dögum síðar.
Morgunblaðið minnir einnig
lesendur sína á sams konar
þjónustu um byggingarmál, og
er tekið við fyrirspurnum um
þau mál í sama sfma og á sama
tíma.
Vetrarvertíðin:

Óttalegur ræfill
U
ALMENNT afíaleysi hefur verið síð-
an um páska og afli í aprílmánuöi á
vertíðinni mun alls staðar minni nú
en á sama tíma í fyrra. Þá virðist
mun minna af þorski nú en í fyrra og
víða standa menn frammi fyrir því
að ná ekki aflakvóta sínum á vertíð-
inni. f heild virðist það, sem af er
vertíðinni nú, lakara en í fyrra og
var þó síðasta ár með þeim verri.
Sem dæmi um afíabrögðin í apríl sl.
má nefna að um helmingi minni afli
barst þá á land í Þorlákshöfn en í
sama mánuði í fyrra.
Á Höfn í Hornafirði fengust
þær upplýsingar, að vertíðin nú
hefði gengið mun verr en í fyrra
og mættu menn þar hafa sig alla
við, ætluðu þeir að ljúka kvóta sín-
um á vertíðinni. Innveginn fiskur
hjá frystihúsi KASK er nú tæpum
2.000 lestum minni en á sama tíma
í fyrra eða 5.623 lestir nú á móti
7.483 lestum í fyrra.
í Vestmannaeyjum segja heim-
ildarmenn Mbl., að botninn sé
dottinn úr vertíðinni og fjórir bát-
ar séu þegar búnir að taka upp
netin. Lítið hafi að undanförnu
fengizt í trollið og aprílmánuður
hafi verið slakur.
Á hafnarvigtinni í Þorlákshöfn
sögðu menn, að vertíðin væri ótta-
legur ræfill og um helmings mun-
ur á afla í apríl nú og í fyrra. Lítið
hefði fengizt af þorski að undan-
förnu, en svolítið ýsukropp hefði
verið hjá nokkrum bátum.
Jón Júlíusson á hafnarvigtinni í
Sandgerði sagði, að vertiðin væri
orðin algjör ræfill, þetta hefði ver-
ið nánast sviðið frá páskum og
miklum mun verra en í fyrra.
Bátaaflinn í apríl hefði verið 1.644
lestir en 2.635 í fyrra og væri mun-
urinn því nær 1.000 lestir.
I Grindavík sögðu vigtarmenn,
að vertíðin væri heldur rýr. Marz
hefði verið lélegur en apríl svipað-
ur og í fyrra enda hefðu aflabrögð
verið léleg þá. Menn væru aðeins
að kroppa í 6 tommu möskvann en
svo virtist sem búið væri að drepa
hrygningarstofninn.
í Keflavík hefur aprílmánuður
verið lélegur frá páskum og mun
lakari en í fyrra. Þokkalegur afli
var verið framan af og nú eru afla-
hæstu bátarnir komnir með rúmar
900 lestir.
Vigtarmenn í Reykjavík sögðu
vertíðina óttalega hörmung, afli
væri nánast enginn og því væri
þetta mun verra en hin lélega
vertíð í fyrra. Flestir væru því í
vandræðum með að ljúka kvóta
sínum fyrir vertíðarlok.
Frá Olafsvík hefur afli verið
mjög tregur á netunum og nánast
enginn eftir páska. Þó hefur verið
góður afli á handfæri að undan-
förnu.