Morgunblaðið - 08.06.1984, Blaðsíða 27

MORGUNBLAÐIÐ, FÖSTUDAGUR 8. JÚNÍ 1984
27
fjölda nefnda á vegum kaupstað-
anna beggja. Þá má geta þess að
hann átti sæti í fyrstu stjórnum
Ungmenna- og íþróttasambands
Austurlands og Sambands sveit-
arfélaga i Austurlandskjördæmi
og formaður íþróttabandalags
Vestmannaeyja var hann um
skeið.
Kynni okkar Hrólfs heitins hóf-
ust er hann réðst til starfa sem
sveitarstjóri Mofellshrepps. Við
höfðum reyndar hist nokrum sinn-
um, m.a. á fundum sveitarstjórn-
armanna, og við Kristján heitinn,
yngri bróðir hans, síðast fræðslu-
stjóri Austurlands, vorum góðir
vinir og skólabræður. Þegar
Hrólfur heitinn kom til starfa hjá
hreppnum fundum við fljótt, að
þar fór reyndur og glöggur sveit-
arstjórnarmaður og öruggur í öll-
um athöfnum. Samstarfið allt
gekk eftir því. Unnið var að margs
konar nauðsynlegum framkvæmd-
um í ört vaxandi byggðarlagi und-
ir traustri og farsælli forystu
sveitarstjórans.
Hjá því fór ekki, að um Hrólf
heitinn blési á stundum kaldur
gustur, eins og alla, sem slíkum
störfum gegna, en þess minnist ég
ekki að hann hafi nokkru sinni
tekið afstöðu til manna, sem til
hans leituðu sem sveitarstjóra,
eftir hugsanlegum þjóðmálaskoð-
unum þeirra. Hann taldi sig fyrst
og síðast þjón þess fólks, sem
hann starfaði fyrir.
ótal margs er að minnast nú frá
þessum árum, en fátt eitt verður
nefnt. Þó get ég ekki stillt mig um
að nefna, hversu mjög Hrólfur
heitinn lagði sig fram um að leysa
vandamál þeirra Vestmanneyinga
er leituðu ásjár hreppsins eftir
eldana í Heimaey í ársbyrjun
1973. Þá fundum við greinilega
hve sterk ítök Eyjarnar og fólkið
þar átti í honum.
Meðan Hrólfur heitinn starfaði
sem sveitarstjóri kom fram sú
hugmynd innan hreppsnefndar að
sýslumaður Kjósarsýslu opnaði
umboðsskrifstofu í Mosfellshreppi
til hagræðis fyrir íbúa upphreppa
sýslunnar, sem ella þyrftu að reka
erindi við embættið suður í Hafn-
arfirði. óeðlilega langan tíma tók
að koma máli þessu í höfn og það
varð ekki fyrr en 1. ágúst 1979 að
skrifstofan var opnuð í húsnæði,
sem Hrólfur heitinn lagði til. Þar
starfaði hann síðan hálfan daginn,
nánast þrotinn að kröftum, en
sinnti sínum skyldum eigi að síð-
ur. Mér er enn minnisstætt, hve
ánægður Hrólfur heitinn var, þeg-
ar skrifstofan var opnuð. Nauð-
synjamáli fyrir íbúana var komið í
höfn og hann fann ríkulega hversu
ánægðir þeir voru með þá þjón-
ustu, sem hann gat veitt þeim.
Því nefni ég þetta sérstaklega
hér, að mér finnst þetta lýsandi
dæmi um lífsviðhorf Hrólfs heit-
ins og lífsstarf allt, þ.e. löngunin
til þess að verða samferðamönn-
unum að liði.
Hrólfur heitinn var tvíkvæntur.
Fyrri konu sína, Ólöfu Andrés-
dóttur missti hann árið 1959. Þeim
varð fjögurra barna auðið, sem öll
eru á lífi. Þau eru: Andri Valur,
stöðvarstjóri á Reykjavíkurflug-
velli, kvæntur Sunnu Karlsdóttur,
Ingólfur, verkfr. og framkv.stjóri
Hitaveitu Akraness og Borgar-
fjarðar, kvæntur Hönnu Jónsdótt-
ur, Gunnhildur, gift Jóhanni
Edvin Stefánssyni, húsasmið og
Bryndís, gift Engilbert Gíslasyni,
framkv.stjóra.
Eftirlifandi kona hans er
Hrefna Sveinsdóttir, skósmiðs í
Vík í Mýrdal Jónssonar og konu
hans, Sólveigar Magnúsdóttur, og
varð þeim þriggja sona auðið, en
þeir eru: Sveinn, húsasmiður,
kvæntur Láru Bryndísi Björns-
dóttur, Daði, lauk prófi frá Sam-
vinnuskóianum nú í vor, og Arnar
Þór, lauk grunnskólaprófi í vor.
Þá ól Hrólfur heitinn upp dóttur
Hrefnu, Elsu Þorsteinsdóttur,
húsmóður í Mosfellssveit.
Enginn flýr örlög sín. Það varð
Hrólfi heitnum, skapríkum ákafa-
manni, þung raun að missa heils-
una á góðum starfsaldri. Sú hefði
orðið raunin með fleiri. í síðustu
heimsóknum mínum til hans fann
ég þó hve mikil huggun honum var
velgengni barnanna, en hjá þeim
og Hrefnu var hugur hans. Henn-
ar þáttur í langri og erfiðri bar-
áttu gleymist seint.
Á kveðjustund látins vinar
þakka ég samfylgd og samvinnu,
sem aldrei bar skugga á. Ég minn-
ist með gleði þeirra stunda, sem
við áttum saman og ræddum sam-
eiginleg áhugamál og vandamál
líðandi stundar.
í samstarfi okkar öllu var und-
irritaður þiggjandinn.
Einlægar samúðarkveðjur sendi
ég Hrefnu, börnum, barnabörnum
og skyldmennum öllum. Blessuð sé
þeim og okkur minningin um
drengskaparmanninn Hrólf Ing-
ólfsson. Tómas Sturlaugsson
Ólafía Sigríöur
Jómdóttir - Minning
Fædd 21. maí 1929.
Dáin 1. júní 1984.
Ólafía var fædd að Keldunúpi á
Síðu, en fluttist með foreldrum sín-
um og systkinum að Mosum um
ferminaraldur.
Mér er minnisstæður einn fagur
og mildur haustmorgunn á Kirkju-
bæjarklaustri árið 1944.
Það kom ung og falleg stúlka í
hlaðið á Kirkjubæjarklaustri í fylgd
með föður sínum, aðeins fimmtán
ára gömul. Þetta var hún Óla, eins
og hún var oftast kölluð. Hún var að
koma í vinnu til Guðrúnar og Valdi-
mars á Klaustri. Þetta voru okkar
fyrstu kynni. óla var á Klaustri
þennan vetur, ’44—’45 við öll algeng
störf, bæði innan bæjar og utan.
Það var oft langur vinnudagur hjá
Ólu. í þá daga voru ekki skráðir
vinnutímar sólarhrings, og Óla klár-
aði sín störf fyllilega á við þá sem
eldri voru.
Eftir veru sína á Klaustri fór Óla
til Reykjavíkur og vann þar marg-
vísleg störf, bæði til sjós og lands.
Eitt ár var hún í Danmörku, og eitt
ár vann hún í mötuneyti Áburðar-
verksmiðju ríkisins, svo eitthvað sé
nefnt. Óla stofnaði eigið fyrirtæki,
Hraðhreinsun Austurbæjar í Kópa-
vogi, sem hún starfrækti nú síðast
ásamt manni sínum, Daníel.
Óla hafi orð á því að vera sfn á
Klaustri hefði verið einn skemmti-
legsti þáttur í lífi sínu. „Þá gat ég
alltaf hlegið."
Óla var mjög trygglynd. Það kom
best fram þegar ég var á siúkrahús-
um, fáir komu oftar en Ola. Fyrir
það þakka ég henni sérstaklega.
Flestir hafa sínar áætlanir, það
vissi ég að óla hafði, þó hún væri
orðin sárveik.
Hér er þessu lokið. Það var klippt
á lífsþráðinn. Óla svífur nú á eilífð-
arbraut. Ólu þakka ég fyrir allt.
Ég votta eiginmanni, systkinum
og vinum innilega samúð og kveðju
mfna.
Sigurður Skúlason
Þúfa í Kjós
45 km vegalengd frá Reykjavík
Einnar viku dvöl, byrjar á laugardegi. Ennþá laus námskeið
þ.á m. næsta sem er frá 9.—16. júní.
Útreiöartúr á hverjum degi og undirstööuatriði, einnig tvær veiöi-
feröir aö Meðalfellsvatni. Allur búnaöur, hestar og uppihald nem-
enda tilheyra námskeiöinu. Nemendur geta komiö með eigin
hross ef vilja.
Kvöldvökur og fl. skemmtilegt. Upplýsingar í síma 22997 alla virka
daga frá kl. 9—6, eöa á Þúfu laugardaga og á kvöldin í síma
667047. Ódýr dvöl. Hringið strax.
Geymiö auglýsinguna.
Föt
fyrir
sumar
og sól
Fallegur Ijós
og léttur
sumarfatnaður
frá Evrópu
Herrahúsið
Aðalstræti 4.
Herrahúsió
Bankastræti 7.
Ódvrustu viöarkolin í bænum!
ARMULA 1A S. 686-111 — Eiðstorgi 11 S. 29366.