Morgunblaðið - 21.07.1984, Blaðsíða 13
MORGUNBLAÐIÐ, LAUGARDAGUR 21. JÚLÍ 1984
13
Nýjar tillögur um Arnarnesveg
Séð yfír Vífílsstaði þar sem verið er að vinna við framkvæmdir á hinni nýju Reykjanesbraut.
Vegurinn færður ofar
að hreppamörkum Kópa-
vogs og Reykjavíkur
Morgunblaöiö/Friöþjófur
Séð frá Rauðavatni yfír Reykjavfk. Fremst á myndinni má sjá
þar sem framkvæmdir eru hafnar við Arnarnesveg, þar sem
hann tengist Suðurlandsvegi.
NÝJAR tillögur liggja nú fyrir um legu Arnarnesvegar um
Vatnsendahæð, ofan byggðar í Breiðholti, en samkvæmt þeim
hefur vegurinn nú verið færður fjær efstu byggðinni í Selja-
hverfí, upp undir hreppamörk Reykjavíkur og Kópavogs. Að
sögn Zophoníasar Pálssonar, skipulagsstjóra, taka hinar nýju
tiliögur mið af óskum íbúa Seljahverfís frá því í vor, að færa
veginn fjær byggðinni, og mun hann samkvæmt tillögum þess-
um liggja í um hundrað metra fjarlægð, þar sem hann kemur
næst efstu húsum í byggðinni.
Tæplega þrjú þúsund íbúar
Seljahverfis skrifuðu síðastlið-
ið vor undir mótmæli gegn
fyrirhugaðri legu Arnarnes-
vegar og fóru þess á leit við
borgarstjórn Reykjavíkur, að
legu vegarins yrði breytt. í
greinargerð er fylgdi áskorun-
inni var lögð áhersla á útivist-
argildi svæðisins, vegurinn
væri of nálægt byggðinni og
myndi gnæfa yfir í brekku svo
hætta væri á mikilli hávaða-
og útblástursmengun í jaðri
byggðarinnar. Þá var einnig
bent á slysahættu auk þess
sem vegarstæðið var talið
slæmt og of kostnaðarsamt.
Samkvæmt þeim tillögum, sem
nú liggja fyrir, hefur vegurinn
verið færður ofar, í samræmi
við þessar óskir, og mun hann
liggja rétt við hreppamörk
Reykjavíkur og Kópavogs.
Tillögurnar hafa ekki verið
samþykktar formlega í borgar-
stjórn Reykjavíkur eða bæjar-
stjórn Kópavogs, en bæjar-
stjórn Garðabæjar hefur sam-
þykkt legu vegarins fyrir sitt
leyti, þar sem hann tengist
hinni nýju Reykjanesbraut
fyrir ofan Garðabæ. Fram-
kvæmdir við gerð vegarins eru
hafnar þar og eins þar sem
hann tengist Suðurlandsvegi
við Rauðavatn.
Teikning af legu Arnarnesvegar við Vatnsendahæð samkvæmt nýju tillögunum.
„Nú er ég einn
og yfirgefinn"
— skrifaði Bali
frá íslandi
Diun, 19. jðlf. Frá Önnu Bjnrnndóttur,
fréttnriUru Mbl.
Fálkaáhugamenn í V-Þýskalandi
eiga ekki sjö dagana sæla. Þeir
vantreysla hver öðnim, sverta
mannorð hvers annars og sumir
senda hótunarbréf. Gabriella Bali,
sem sat inni á íslandi í 5 daga fyrir
eggj*l>jófnað ásamt eiginmanni
sínum, Peter Bali, hefur fengið hót-
unarbréf, upphringingar og orðið
fyrir annars konar ónæði síðan hún
kom heim frá fslandi.
Hún mætti með nafnlaust hót-
unarbréf í réttarhöldin yfir Bali í
Daun í Eifel í síðustu viku og
sagði að það hlyti að hafa komið
frá gamalli vinkonu Balis. Þessi
vinkona heitir Ingrid Húbner og
er gift gömlum vini Balis. Hún
hélt við Bali um tíma og þau
bjuggu saman í rúmt ár. Það
slitnaði upp úr sambandinu og
hún lofaði eiginmanninum að
eiga ekki meira saman við Bali
að sælda. Hún segist hafa drukk-
ið með honum kaffi í hádeginu
einstaka sinnum síðan 1982, en
annars ekki haft neitt samband
við hann þangað til hann skrifaði
henni allt í einu bréf frá íslandi
hinn 1. júní sl.
„Foreldrar hennar (Gabriellu)
borguðu 20.000 marka (um
Baly og kona hans, Gabrielle, í
réttarsalnum í Þýzkalandi.
200.000 ísl. kr.) sektina og hún
gat farið til Þýskalands", skrif-
aði Bali í bréfinu, sem Hubner
las upp úr fyrir blm. Mbl. á heim-
ili sínu í Köln á miðvikudag. „Til
allrar óhamingju hefur Gaby
sótt um skilnað og ég sit nú einn
og yfirgefinn og hef engann til að
hjálpa mér i vandræðum mínum
hér.“ Heimilisfang og sími fylgdi
með. Hubner fékk bréfið 6. eða 7.
júní og svaraði tæpum hálfum
mánuði seinna. Bali var þá kom-
inn langleiðina til Þýskalands og
hún heldur að bréfið hljóti að
vera hjá Interpol (alþjóðalög-
reglunni).
Húbner hafði samband við
stjúpföður Balis eftir að hún
fékk bréfið og spurði hvort hann
gæti ekki hjálpað „stráknum"
eins og hún kallar Bali. Stjúpfað-
irinn sagði að hann myndi hjálpa
honum ef Bali bæði sig sjálfur
um hjálp, en Bali ku aldrei hafa
haft samband við hann frá ís-
landi. Hann talaði bara við bróð-
ur sinn sem gat ekki hjálpað
honum um peninga. Bali hefur
lítið samband við fjðlskyldu sína,
foreldrar Bali-hjónanna vissu til
dæmis ekki að þau væru gift fyrr
en þau fengu fréttirnar af hand-
tökunni á Islandi. Þau hafa verið
gift í tæp tvö ár en flestir héldu
að þau byggju bara saman.
Tengdamóðir Balis sagði i sam-
tali í dag að Gabriella hefði ekki
minnst á neinn skilnað við sig.
Ingrid Húbner sagðist ekki
þekkja Gabriellu Bali vel. Hún
hefði bara hitt hana tvisvar en
kunningjar segðu sér að hún
væri „heimsk geit“. Hún brást
hin versta við þegar talið barst
að hótunarbréfinu. „Hún hefði
ekki komist lifandi út úr réttar-
salnum ef ég hefði verið þar,“
sagði hún og sagði það hina
mestu fásinnu að hún skrifaði
nafnlaus bréf. Peter Bali er sagð-
ur hafa nefnt Klaus, eiginmann
Ingrid Húbner, í yfirheyrslum á
íslandi og sagt að hann hafi sent
sig í þjófsferðina til íslands.
Híibner þvertekur að sjálfsögðu
fyrir það.