Morgunblaðið - 04.11.1984, Blaðsíða 48

48
MORGUNBLAÐIÐ, SUNNUDAGUR 4. NOVEMBER 1984
Sauðfjárslátrun f sláturhúsi SS við Laxá f Leirárereit
Haustslátnm sauðfjár lokið;
Slátrað rúmlega 100
þús. fjár færra en í fyrra
Meðalfallþungi dilka töluvert á 15. kíló
Nú er haustslátrun sauöfjár lokið
að mestu. Ljóst er orðið að meðal-
fallþungi dilka er í betra lagi, tölu-
vert á fimmtánda kflð að meðaltali,
en á sfðasta ári var meðalfallþung-
inn 13,9 kfló. Þá er Ijóst orðið að
mun ferra sauðfé var slátrað nú en
undanfarin ár. Blaðamaður ræddi
við allmarga sláturhússtjóra og for-
svarsmenn sláturleyfishafa til að
afia upplýsinga um tölulegar niður-
stöður sláturtíðarinnar.
Þegar teknar eru saman niður-
stöður úr slátrun þeirra slátur-
leyfishafa sem haft var samband
við kemur í ljós að í þessum slát-
urhúsum var i haust slátrað að
meðaltali 12 til 13% færra fé en í
fyrra. Miðað við að svo sé einnig
hjá öðrum sláturhusum hefur ekki
verið slátrað nema svo sem 770
þúsund kindum í ár, eða rúmlega
100 þúsund fjár færra en í fyrra.
Þó dilkar séu almennt vænni en i
fyrra virðist kindakjötsfram-
leiðslan ætla að dragast saman
um nálægt 1200 tonn og verða í ár
talsvert innan við 12 þúsund tonn.
Mikil fækkun sláturfjár
í sláturhúsi Kaupfélags Borg-
firðinga í Borgarnesi var slátrað
56.550 dilkum, sem er 10.200 dilk-
um færra en á síðastliðnu ári, og
5.950 fullorðnu fé, sem er 2.480
kindum færra en í fyrra eða sam-
tals 62.500 fjár, sem er 12.680
færra en í fyrra. Meðalfallþungi
dilka reyndist 11,29 kg, sem er 860
grömmum betra en í fyrra, en þá
var fallþunginn 13,43 kg að meðal-
tali. Slátrun i Borgarnesi lauk 30.
október.
í sláturhúsi Verslunar Sigurðar
Pálmasonar hf. á Hvammstanga
var slátrað 8.400 fjár alls i hinni
reglulegu haustslátrun, þar af
7.400 lömbum, en forsvarsmenn
fyrirtækisins búast við að í ár
verði slátrað um 9.000 fjár í allt,
sem er svipaður fjöldi og í fyrra.
Meðalfallþungi dilka reyndist 14,6
kg, sem er 200 grömmum hærra en
i fyrra. Af innleggjendum hjá
sláturhúsinu er Ósbúið í Miðfirði
fjárflest með um 600 fjár en Egg-
ert Pálsson á Bjargshóli í Miðfirði
lagði inn flest fé af einstaklingum.
Hæsta meðalfallþunga af einstök-
um innleggjendum var Trausti
Jónsson á Hvalshöfða í Hrútafirði
með en Jón Björnsson í Laufási
átti þyngsta dilkinn sem vó 27,1
kg-
Góð meðalvigt á Norðurlandi
Haustslátrun lauk 23. október í
sláturhúsi Sölufélags Austur-
Húnvetninga á Blönduósi. Þar var
slátrað alls um 49 þúsund fjár, 44
þúsund lömbum og 5 þúsund full-
orðnu fé. Er þetta 5 þúsund dilk-
um færra en í fyrra en einu þús-
undi fleira af fullorðnu. Meðalfall-
þungi dilka reyndist 14,8 kg, en
var 14,4 kg á siðastliðnu ári. Er-
lendur Eysteinsson á Stóru-Giljá
var fjárflesti innleggjandinn með
um 900 fjár alls en hann var auk
þess með mjög góðan meðalfall-
þunga, tæp 17 kg. Hæsti meðal-
fallþunginn var þó hjá Kristjáni
Sigfússyni á Húnsstöðum, 17,3 kg.
Vænsti dilkurinn kom frá Reyni
Hallgrímssyni á Kringlu i Torfa-
lækjarhreppi en hann lagði sig á
29 kíló.
í sláturhúsi Kaupfélags Skag-
firðinga á Sauðárkróki var slátrað
39.579 lömbum og 3.243 fullorðnu
fé i haust eða samtals 42.822 fjár.
Er það 4.911 kindum færra en á
síðasta ári. Meðalfallþungi dilka
reyndist sá besti í þessari könnun
Morgunblaðsins, 15,155 kg. sem er
856 gr meira en í fyrra þegar með-
alfallþunginn var 14,299 kg.
Vænsti dilkurinn i sláturhúsinu vó
32,7 kg, en hann var frá Leifi Þór-
arinssyni í Keldudal en það var
jafnframt þyngsti dilkurinn sem
upplýsingar fengust um í þessari
samantekt. Hjá Birgi Þórðarsyni
á Ríp kom fé með bestan meðal-
fallþunga, 19 kíló.
Kílói vænni dilkar hjá
Þingeyingum en í fyrra
í sláturhúsi Kaupfélags Suður-
Þingeyinga á Húsavík reyndist
meðalfallþungi dilka vera 1 kilói
betri en í fyrra, eða 14,6 kg. Þar
var slátrað 35.208 lömbum og
3.922 fullorðnu, samtals 39.130
fjár. Er þetta 4.587 kindum færra
en á síðasta ári. Vænsti dilkurinn
kom frá Félagsbúinu Múla i Aöal-
dal, hann vó 26,5 kg, en hæsta
meðalvigtin var á innlögðum dilk-
um frá Engidal í Bárðardal, 21 kg.
Slátrun lauk 12. október á Húsa-
vík.
Slátrun lauk 24. október i slát-
urhúsum Kaupfélags Héraösbúa
en félagið rekur sláturhús á Eg-
ilsstöðum, Fossvöllum, Reyðar-
firði og Borgarfirði. Alls var slátr-
að 54.827 fjár, 50.674 lömbum og
4.153 fullorðnu. Er þetta mikil
fækkun frá siðustu haustslátrun
þvi i fyrra var slátrað 5.854 kind-
um fleira hjá kaupfélaginu. Með-
alfallþungi dilka reyndist 726,5
grömmum meiri en i fyrra, eða
14,2541 kg. Eiríkur M. Kjerúlf i
Vallholti i Fljótsdal átti vænsta
dilkinn sem vó 30,8 kg.
Í sláturhúsum Kaupfélags
Austur-Skaftfellinga á Höfn og
Fagurhólsmýri reyndust dilkar
260 grömmum léttari en í fyrra að
meðaltali en það eru einu slátur-
húsin i þessari könnun Mbl. þar
sem meðalvigtin reyndist lægri en
í fyrra. Meðalfallþunginn hjá
KASK var 13,96 kg, en 14,22 kg í
fyrra. Vænsta dilkinn átti Þor-
steinn Sigurjónsson i Bjarnarnesi
sem vó 30,4 kg. Slátruninni lauk
24. október og var slátrað ails
31.218 kindum sem er 107 kindum
fleira en í fyrra.
23 þúsund fjár færra hjá SS
í þeim 7 sláturhúsum á Suður-
og Vesturlandi sem Sláturfélag
Suðurlands rekur var slátrað um
135.400 fjár alls i haust, 122.400
lömbum og 13.000 fullorðnu. Er
þetta 23.300 fjár færra en í fyrra,
því haustið 1983 var slátrað
139.800 dilkum og 18.900 fullorðnu
i sláturhúsum SS. Meðalfallþungi
dilka reyndist 13,97 kg, var í fyrra
13,15 kg og var því 820 gr hærri í
ár. Sláturhús SS eru á Kirkjubæj-
arklaustri, Vík, Djúpadal, Hellu,
Laugarási, Selfossi og við Laxá I
Leirársveit.
í sláturhúsi Friðriks Friðriks-
sonar hf. í Þykkvabæ var slátrað
17.545 kindum í ár sem er heldur
fleira en í fyrra. Meðalfallþungi
dilka er um það bil einu kílói betri
en í fyrra, eða nálægt fjóru og
hálfu kílói. Hrafnkell óðinsson á
Snjallsteinshöfða lagði inn vænsta
dilkinn, hann vó 28,3 kg.
INNLENT
Vínarkvöld á
Hótel Sögu
I KVÖLD verður haldið Vínarkvöld að Hótel Sögu og er það Ferðaskrifstof-
an Farandi og fyrirtækið Gildi hf. sem hafa haft veg og vanda af kvöidinu.
Tveir austurrískir söngvarar, Gabriele Salzbacher, sópran, og Friedrich
Springer, tenór, koma fram á Vínarkvöldinu ásamt undirleikara sfnum,
Norbert Huber. Við komu austurríska tónlistarfólksins til landsins sl. föstu-
dag, var haldinn fundur með blaðamönnum þar sem dagskrá Vínarkvöldsins
var ky nnt.
Að sögn Haraldar Jóhannesson-
ar, forstjóra Faranda, hefst Vín-
arkvöldið kl. 18.00 með kvöldverði.
Að honum loknum munu austur-
rísku gestirnir skemmta fólki með
léttri óperu- og óperettumúsík.
m.a. eftir Jóhann Strauss, Franz
Lehar og Robert Stolz.
Sópransöngkonan Gabriele
Salzbacher starfar við Landesthe-
ater Salzburg, en Friedrich
Springer, sem komið hefur fram
viða í Austurrríki, mun ekki vera
fastráðinn eins og stendur. Undir-
leikarinn, Norbert Huber, sem
einnig leikur á orgel, starfar sem
tónlistarkennari. Þau þremenn-
ingarnir eru hér í fyrsta sinn og
kváðust hafa orðið frá sér numin
við komuna til iandsins. „Island er
mjög framandi og vissulega ólíkt
heimalandi okkar,“ sagði Springer
og hin tóku í sama streng. „Það
kom mér á óvart að hér eru nær
engin tré, en hins vegar er ekki
næstum því eins kalt og við höfð-
um búist við,“ sagði Salzbacher.
Að sögn Haraldar Jóhannesson-
ar er þetta í fyrsta skipti sem
hann gengst fyrir slíku Vínar-
kvöldi en hins vegar hefur Ferða-
skrifstofan Farandi skipulagt vor-
ferðir til Vínarborgar undanfarin
ár. „Með Vínarkvöldinu er ætlunin
að vekja áhuga manna á Vínar-
borg og vorferðunum," sagði Har-
aldur, „og vonandi verður það ár-
viss viðburður.“
Á myndinni eru talið frá vinatri: Friedrich Springer, tenórsöngvari, Haraldur
Jóhannesson, forstjóri Ferðaskrifstofunnar Faranda, Gabriele Salzbacher,
sópransöngkona, og Norbert Huber, undirleikari. Mbi./Bjarni
Á myndinni eru Einar Erlendsson sem situr við litljósritunarvél og fjær
grillir í Egil Sigurðsson Ijósmyndara.
Myndverk, ný ljós
myndavinnustofa
NÝLEGA opnaði fyrirtækið Mynd-
verk Ijósmyndavinnustofu í nýjum
húsakynnum að Ármúla 17. Um leið
tók fyrirtækið í notkun nýja véla-
samstæðu sem býr til litljósrit í há-
um gæðaflokki á pappfr eða sérstaka
filmu, sem ætluð er til notkunar á
myndvörpur.
Litirnir á ljósritunum eru í
mjög háum gæðaflokki og hafa
mjög gott ljósþol, og auk þess er
skerpa ljósritanna mjög mikil, að
því er segir í frétt frá fyrirtækinu.
Hægt er að minnka eða stækka
frummyndina um leið og hún er
mynduð.
önnur nýjung hjá Myndverki er
tækniteiknunarþjónusta, sem sér-
staklega miðast við hðnnun á
myndrænu efni fyrir fyrirlestra.
Sér fyrirtækið um alla uppsetn-
ingu, teiknun og frágang slíks efn-
is.
Myndverk er ungt fyrirtæki sem
hefur frá upphafi haft það
markmið að bjóða upp á nýjungar
í ljósmyndaþjónustu. Býður fyrir-
tækið meðal annars upp á hand-
stækkanir eftir skyggnum á papp-
ír eða filmu sem er sérstaklega
ætluð fyrir auglýsingakassa meö
ljósi í. Auk þess býður Myndverk
upp á ýmiss konar sérhæfða
ljósmyndun og tæknilega ráðgjöf.
Eigendur Myndverks eru Einar
Erlendsson ljósmyndafræðingur
og eiginkona hans Ásta Hall-
dórsdóttir fatahönnuður.