Morgunblaðið - 17.11.1984, Blaðsíða 3

MORGUNBLAÐIÐ, LAUGARDAGUR 17. NÓVEMBER 1984
3
Eldur í flugvél á Reykjavíkurflugvelli:
Stökk í ljósum logum út
úr brennandi flugvélinni
BANDARÍSKUR Rugmadur
slapp naumlega út úr logandi
flugvél á Reykjavíkurflugvelli
laust eftir klukkan níu í gœr-
morgun. Eldur kom upp í vélinni
þegar flugmaðurinn hugðist
ræsa hana og varð hún alelda á
skammri stundu og átti maður-
inn fótum fjör að launa, en hann
stökk í Ijósum logum út úr
brennandi flugvélinni. Eldur
hafði læst sig í buxur hans þegar
hann stökk út.
Slökkviliðið á Reykjavíkur-
flugvelli kom á staðinn
skömmu eftir að eldurinn
kviknaði og tókst að slökkva
hann á skammri stundu.
Flugvélin er mikið brunnin að
innan, en hreyflar, vængir og
stél eru óskemmd.
Flugvélin er af gerðinni
Cessna Skyhawk, tveggja
hreyfla, annar hreyfillinn er
að aftan hinn að framan. Mað-
urinn kom hingað til lands frá
Okiahoma í Bandaríkjunum á
fimmtudag og hugðist ferja
vélina til nýrra eigenda í
V-Þýzkalandi.
Þetta var önnur tilraunin til
að ferja flugvélina austur um
haf, en áður hafði hún bilað.
Morgunblaðið/Árni Sæberg
Cessna-fhigvélin er mikið brennd að innan en hins vegar eru vængir,
hreyflar og stél óskemmd.
Vélin var ekki i fullkomnu
standi því maðurinn hafði
komið fyrir gashitatækjum í
vélinni til þess að hita upp
klefann. Hann hafði komið
fyrir aukaeldsneyti í gúmmí-
tanki og brúsa inni í vélinni,
alls um 250 lítrum af eldfimu
flugvélabenzíni, sem hann
geymdi fyrir aftan sæti
flugmanns.
Flugmaðurinn sagði svo frá,
að megn benzinstækja hefði
verið í vélinni þegar hann kom
út í morgun og því hefði hann
loftað út. Þegar hann hugðist
gangsetja vélina hefði eld-
blossi komið undan mælaborð-
inu og læst sig í benzínið.
Skipti engum togum að vélin
varð alelda á skömmum tíma
og átti maðurinn fótum fjör að
launa. Hann slapp án meiðsla
því hann var í svokölluðum
blautbúningi.
Flugmaðurinn á að baki
mikla reynslu i ferjuflugi yfir
Atlantshafið. Hefur hann fer-
jað um 130 flugvélar yfir Atl-
antshafið. Hann fór af landi
brott um miðjan dag í gær eft-
ir að hafa gefið skýrslu um at-
vikið.
Tvöföldun
rækjuafla
RÆKJUAFLI hefur nánast tvöfald-
ast í ár miöaö viö síöasta ár. Um
síöustu mánaöamót voru komin á
land 19.905 tonn af rækju, en á
sama tíma í fyrra var rækjuaflinn
10.283 tonn.
Mestu hefur verið landað af
rækjunni á Vestfjörðum eða rúm-
lega 8 þúsund tonnum á móti 6.500
tonnum í fyrra. Á Norðurlandi er
aukningin þó enn meiri. Þar var
landað 7.434 tonnum fyrstu 10
mánuðina í ár en 2.311 tonnum á
sama tíma í fyrra. Á Reykjanesi
var landað tæpum 3 þúsund tonn-
um fyrstu 10 mánuði þessa árs, en
956 tonnum á sama tímabili f
fyrra.
Hörpudiskafli er heldur minni i
ár en á sama tíma í fyrra. Var
9.484 tonn fyrstu 10 mánuðina í
ár, en 10.337 tonn sama tíma í
fyrra.
Veiðitíma
trillubáta
lýkur senn
NÚ ER SÝNT, samkvæmt skýrslum
Fiskifélags íslands, að afli báta und-
ir 10 brúttólestum aö stærö fer
nokkuð yfir þau viömiöunarmörk,
sem ákveöin voru í reglugerö um
stjórnun botnfiskveiöa frá 8. febrúar
síöastliönum.
Sjávarútvegsráðuneytið hefur
þvf gefið út reglugerð, sem bannar
allar fiskveiðar báta undir 10 brl.
frá og með 21. nóvember til ára-
móta næstkomandi.
Verzlunarmenn á
Akureyri felldu:
Búist við
boðun verk-
falls í
desember
Akureyri, 16. nóvember.
ÁITATÍU og sjö af tæplega eitt þús-
und meölimum Félags verslunar- og
skrifstofufólks á Akureyri, voru á
fundi félagsins í gær þar sem til um-
ræðu voru nýgerðir kjarasamningar.
Stjórn félagsins mælti þar meö þvf að
samningarnir yröu samþykktir en svo
fór aö 48 fundarmanna greiddu at-
kvæöi gegn samningunum, 32 sögðu
já og sjö seðlar voru auöir. Eftir að
samningarnir höföu þannig veriö
felldir var kosin nefnd á fundinum til
þess aö starfa meö stjórn og trúnaö-
armannaráði að samningaviðræðum.
í nefndina voru kosin fimm úr hópi
þeirra sem harðast böröust gegn sam-
þykkt samninganna.
Jóna Steinbergsdóttir formaður
félagsins var spurð hvað hún hefði
að segja eftir þessa afgreiðslu: „Ég
mælti með samþykkt þessara
samninga, hafði setið fundi i sið-
ustu samningalotunni og var
sannfærð um að eins og mál þróuð-
ust væri þetta besti kosturinn sem
við ættum völ á þrátt fyrir það að
við værum að sjálfsögðu ekki full-
komlega ánægð. Stjórn og trún-
aðarmannaráð hafði einnig sam-
þykkt þessa samninga fyrir sitt
leyti. Nú er komið fram að félags-
menn okkar sætta sig ekki við
þessa niðurstöðu og því verður að
hefja samningalotuna á ný.“
Nýkjörin samninganefnd mun
þinga í kvöld og taka þar ákvarðan-
ir um framhald en búast má við að
félagið boði til verkfalls í desember
enda var á fundinum i gær gerð
samþykkt til stjórnar og trúnaðar-
mannaráðs að boða verkfall.
G. Berg.

Kaupmannahöfn
Ástarsamband til eilífðar
Ödýrasta

okkar til
mpmim
kostar aðeins
kr. 10.785
Nú bjóða Flugleiðir ódýrar ferðir til Kaupmanna-
hafnar, fyrir þá sem vilja lyfta sér upp í skammdeg-
inu. Verðin eru einstakíega hagstæð: Þriggja daga
ferð kostar aðeins kr. 10.785.- Innifalið er flug og
gisting í 2 manna herbergi, morgunverður og
söluskattur. Flugvallarskattur bætist við verðið.
Fjögurra daga ferð kostar kr. 11.329.-
Sjö daga ferð kostar kr. 15.209.-
Sérstakur afsláttur er veittur fyrir börn.
Frekari upplýsingar veita söluskrifstofur Flugleiða,
umboðsmenn og ferðaskrifstofur
FLUGLEIDIR
ÓSA