Morgunblaðið - 13.01.1985, Blaðsíða 23
MORGUNBLAÐIÐ, SUNNUDAGUR 13. JANÚAR 1985 B 23
*
Attræður:
Magnús Brynjólfs-
son verkstjóri
Magnús Brynjólfsson, verk-
stjóri, Vífilsgötu 22, er áttræður í
dag. Af því tilefni langar mig að
árna honum heilla og færa honum
þakkir og blessunaróskir okkar
presta og starfsliðs Hallgríms-
kirkju. Vona ég að hann fyrirgefi
mér það, þótt sjálfur sé hann frá-
bitinn öllu svona „tilstandi".
„Bnginn veit sína ævina fyrr en
öll er,“ sagði Hallgrímur í hollu
heilræði, og víst er það satt. Ólík-
legt er að honum Magnúsi — eða
nokkrum manni, hafi dottið í hug
að hann ætti eftir að verða kirkju-
smiður, þegar hann var við gegn-
ingar eða sló dælurnar austur í
Brennu í Gaulverjabæjarhreppi.
Þó þótti hann liðtækur til flestra
hluta, úrtöku duglegur, vinnusam-
ur, verklaginn og verkhagur vel,
allra manna samviskusamastur.
Nú, svo lá leiðin hingað á mölina
og hér stofnaði hann heimili með
eiginkonu sinni, Guðnýju Guð-
mundsdóttur. Eignuðust þau þrjá
syni, Brynjólf, sem látinn er fyrir
nokkrum árum, Guðmund og
Hrafn. Magnús lagði gjörva hönd
á margt, aðallega í byggingar-
vinnu og tók þátt í smíði margra
stórhýsa, sem prýða borgina
okkar.
Hann var líka í því einvalaliði,
sem Byggingafélagið Storð stefndi
saman á Skólavörðuholtið til að
taka til hendi við smíði Hall-
grímskirkju. Þá var Magnús fer-
tugur og sveiflaði hakanum létti-
lega er hann ruddi burt grjótinu
og ruðningum á þessu ljóta holti
inn á milli bragga og byssuhreiðra
og annarra leifa heimsstyrjaldar-
innar. Síðan hafa leiðir Magnúsar
og Hallgrímskirkju ekki skilið til
þessa dags. Ég hygg að einstætt
muni vera, og ætti heima í heims-
metabók, að Magnús hefur bundið
öll járn í þessa miklu byggingu.
Það eru ófáir tugir tonna af járni,
sem Magnús hefur jafnhent
þarna, beygt og bundið, því ramm-
gert er þetta hús flestum húsum
fremur.
Þótt Magnús láti ekki mikið yfir
því og hlæi bara við, þá hef ég
lúmskan grun um að honum þyki
vænt um þetta lífsverk sitt. A.m.k.
vill hann sjá þvi lokið, segist enda
hafa alist upp við það að hlaupa
ekki frá óloknum verkum. Það er
gott að vita til þess, að hann hefur
farið höndum um hvern járnbút
og vír með sömu alúðinni, sam-
viskuseminni og trúmennsku þess
sem ekki skilar af höndum fyrr en
svo væri unnið sem best mátti
verða. Hallgrímskirkja hefur átt
því láni að fagna að samhentir og
samviskusamir menn hafa frá
upphafi unnið að byggingar-
framkvæmdum. Bnda hygg ég að
fjármunir, sem að langmestum
hluta hefur verið gjafafé, hafi
nýst ótrúlega vel í þessu mikla
verki. Allir velunnarar Hallgríms-
kirkju standa i mikilli þakkar-
skuld við þá menn alla, lífs og
liðna. Senn líður að verkalokum
kirkjusmiða Hallgrímskirkju.
Magnús Brynjólfsson getur litið
með stolti á dagsverk sitt. Hann
hefur átt hlut að ævintýri sem
ekki á sér hliðstæðu, unnið að því
að smíða helgidóm, sem íslenska
þjóðin, alþýða þessa lands, hefur
reist Guði til dýrðar í minningu
skáldsins ástsæla, Hallgríms Pét-
urssonar.
Enn er Magnús léttur á fæti og
teinréttur og ber ekki með sér að
átta tugir ára séu að baki og mikið
strit löngum. Svo er hann líka ein-
staklega léttur í lund, greindur
maður og víðlesinn, og sækir sér
enn ánægju og heilsubót í lestur
góðra bóka. Hygg ég að margur
langskólagenginn hafi minni
þekkingu á fornsögum okkar en
hann.
Nú samgleðjumst við honum á
heiðursdegi og biðjum honum allr-
ar Guðs blessunar í bráð og lengd.
Við hugsum líka með blessunar-
óskum til Guðnýjar, sem dvelur á
sjúkrahúsi, og óskum sonum
þeirra og ástvinum öllum gæfu og
gengis.
Karl Sigurbjörnsson
í dag er Magnús Brynjólfsson,
verkstjóri, Vífilsgötu 22, áttræður.
Það er jafnan talið, að staðfesta í
starfi beri vott um trausta skap-
gerð og góð störf. Magnús hefir
sýnt óvenju mikla staðfestu í
starfi, og mér finnst endilega, að
hann hljóti að komast í einhverja
metabók, þegar fram líða stundir,
ef til vill ekki heimsmetabók, en
áreiðanlega íslandsmetabók, því
að hann hefir unnið hálfa ævina
eða 40 ár við byggingu einnar og
sömu kirkjunnar, og þá er ekki
nema um eina kirkju hérlendis að
ræða: Hallgrímskirkju. Það má
því segja um hann fremur en
nokkurn annan, að hann hafi reist
þá kirkju og má hann vera stoltur
af.
Ég hygg, að hann hafi unað sér
vel við kirkjusmíðina. Alltaf er
hann hress í tali, ef komið er að
máli við hann og jafnan er hann
bjartsýnn, að kirkjusmíðinni ljúki
farsællega. Með himin Guðs að
þaki hefir hann í kirkjuskipinu ár-
um og áratugum sáman haldið
sínar guðsþjónustur, vitandi það,
að hann er að byggja musteri
Drottni til dýrðar. Það má vissu-
lega halda guðsþjónustur með
margvíslegu móti. Það er hægt
með hamar i hendi og hvert annað
verkfæri, og raunar er sérhvert
velrækt starf á sinn hátt guðs-
þjónusta.
Magnús er einkar traustur mað-
ur. Hann hefir í starfi sínu unnið
til mikils hróss, en ég held, að það
sé ekki að hans skapi að höfð séu
um það mörg orð, því að hann er
líka hógvær maður. í samhentum
hópi kirkjusmiða hefir hann starf-
að langa ævi. Fyrir það vil ég
þakka og bið ég honum blessunar
Guðs á merkum tímamótum.
Já, allt, sem horfir hátt tekur
sinn tíma. Það hefir tekið lengri
tíma að reisa Hallgrímskirkju en
kirkjuna á Reyni í Mýrdal í þjóð-
sögunni frægu. Bnda var kirkju-
smiðurinn þar enginn venjulegur
maður. Svo hafði samist með hon-
um og kirkjubóndanum, að ef
hann heyrði nafn sitt nefnt, skyldi
hann verða af kaupinu. En kaupið
var einkasonur bónda á sjötta ári.
Þegar kirkjusmíðin var langt
komin varð bóndi áhyggjufullur.
Lagðist hann eitt sinn fyrir á hól
nokkrum og heyrði þá kveðið í
hólnum og nefnt nafnið Finnur.
Gekk hann þá glaður til kirkju-
smiðs, sem þá var að tegla hina
síðustu fjöl yfir altarinu og ætlaði
að festa hana og sagði við hann:
„Senn ertu þá búinn, Finnur
minn." Við þessi orð varð smiðn-
um svo bilt við, að hann felldi fjöl-
ina og hvarf.
Þegar ég segi við afmælisbarn-
ið, vonandi innan tíðar: „Senn ertu
þá búinn, Magnús minn,“ veit ég
að viðbrögð hans verða önnur, og
ég vona af heilum hug, að hann
megi „telgja síðustu fjölina yfir
altarinu" m.ö.o. sjá Hallgríms-
kirkju fullgerða.
Ragnar Fjalar Lárusson
FRAM
TÖLVUSKÓLI
Tölvunámskeiö
fyrir unglinga
Grunnnámskeið um tölvur og
þ tölvuvinnslu fyrir unglinga
Markmiö námskeiösins er aö veita haldgóða grunnþekkingu
um tölvur og tölvuvinnsiu, uppbyggingu tölva, helstu geröir og
notkunarmöguleika þeirra. Fariö er m.a. í eftirfarandi atriði:
★ Saga, þróun og uppbygging tölva.
★ Grundvallarhugtök tölvunarfræöinnar.
★ Notkunarmöguleikar og notkunarsvið tölva.
★ Kynning á notendaforritum til ritvinnslu og skrárvinnslu.
★ Forritunarmál, forritun og uppbygging forrita.
★ Framtíðarhorfur í tölvumálum.
Engra inntökuskilyröa er krafist á námskeiö þessi og sækja
þau unglingar á aldrinum 12—16 ára. Námskeiö þessi henta
þeim unglingum er áhuga hafa á tölvum og tölvuvinnslu, hvort
sem þau hafa yfir aö ráöa tölvu eöa ekki. Enda er þaö markmiö
Tölvuskólans FRAMSÝN aö aðstoða alla þá er áhuga hafa á aö
auka eigin þekkingu og undirbúa framtíö sína á öld tæknivæö-
Ingar og tölvuvinnslu.
Ný námskeiö að hefjast.
Takmarkaöur þátttakendafjöldi.
Innritun og nánari upplýsingar fást í síma 91-39566, frá kl.
10:00 til 12:00 og 13:00 til 18:00.
Hinir fjölmörgu nemendur okkar eru okkar bestu meömælendur.
Tölvunám er fjárfesting í framtíð þinni.
Tölvuskólinn FRAMSYN, Síðumúli 27,108 Rvík., S: 91-39566.
VERÐTRYGGÐU R
3JAMANAÐA
REIKNINGUR
Ársvextir auk verdttyggingar
Stuttur
binditími
GóÖ
ávöxtun
Landsbankinn sér um innlausn Spariskírteina Ríkissjóðs.
LANDSBANKINN
Græddur er geymdur eyrir