Morgunblaðið - 13.02.1985, Blaðsíða 2
2
MORGUNBLAÐIÐ, MIÐVIKUDAGUR 13. FEBRÚAR 1985
Skuggaráðuneyti
verkalýðsmála-
ráðs stofnað
„SKUGGARÁÐUNEYTI verkalýðsmálaráðs Alþýðubandalagsins hefur verið
stofnað," segir einn af um tuttugu og fimm óánægðum forustumönnum verka-
lýðshreyfingarinnar, flokksbundnum í Alþýðubandalaginu, sem komu saman
til um tveggja og hálfs klukkustunda fundar í gærkvöldi til að bera saman ráð
sín.
Fundinn sátu m.a., samkvæmt
heimildum Mbl., þeir Ásmundur
Stefánsson forseti ASÍ, Þröstur
Ólafsson framkvæmdastjóri
Dagsbrúnar, Guðmundur J. Guð-
mundsson formaður Verkamanna-
sambands íslands og Dagsbrúnar,
Guðmundur Þ. Jónsson formaður
Landssambands iðnverkafólks og
Benedikt Davíðsson formaður
Sambands byggingarmanna. Að
sögn viðmælenda Mbl. úr hópnum
eiga allir fundarmenn það sameig-
inlegt að vera óánægðir með niður-
stöðu kjörs nýrrar stjórnar verka-
lýðsmálaráðs Alþýðubandalagsins
á síðasta aðalfundi og hyggst hóp-
urinn marka stefnu verkalýðsfor-
ingja í kjarabaráttu næstu mán-
aða, án íhlutunar „annarra", eins
og komist var að orði.
Á fundinum var rætt um helstu
mál sem snúa að verkalýðnum í
dag, þar á meðal húsnæðismál og
launa- og kjaramál. Menn komu
sér saman um að hittast á ný strax
í næstu viku.
Halldór Blöndal um aukna greiðslubyrði:
Breytist allt ef
tekst að koma verð-
bólgunni niður
„ÞETTA verður allt mjög auðvelt viðfangs, ef okkur tekst að koma verðbólg-
unni niður á viðráðanlegt stig. Þá breytast allar þessar stærðir og tölur og þá
sér fólk að lánin lækka. Þá skapast einnig skilyrði fyrir því að sparifé safnist á
ný inn í bankana og við stöndura fjárhagslega betur,“ sagði Halldór Blöndal
alþingismaður Sjálfstæðisflokksins og einn helsti talsmaður þingflokksins í
húsnæðismálum, aðspurður um aukna greiðslubyrði lífeyrissjóðslána og ann-
arra verðtryggðra lána.
Halldór sagði ennfremur: „Ég
hef haldið því fram síðan verð-
trygging lána var tekin upp, að þau
væru til of skamms tíma, sérstak-
lega þó hjá bönkunum, þannig að
umskiptin urðu alltof snögg frá því
að menn fengu lán sem verðbólgan
hjálpaði til aö greiða niður og svo
nú, þegar þeir verða að greiða lánin
til baka á skemmri tíma og með
raunvöxtum.
Aðalvandamálið er í bönkunum,
en það virkar svo inn á lífeyrissjóð-
ina og húsnæðislánakerfið, þannig
að vanskil hlaðast þar upp líka. í
mínum huga er ekki nema ein leið
til úrbóta og hún er að gera fólki
kleift að greiða lánin.“
Halldór sagði, að hann sæi enga
leið að ná þeim árangri ( æðandi
verðbólgu. Vandann sagði hann
hafa orðið til á verðbólguárunum
1979 til 1983 og þá hefði fólk komist
í vandann. Hann sagði síðan:
„Reynslan sýnir okkur, að það eru
engin töframeðul til á meðan við
höfum verðbólgu sem er í 50% og
þar fyrir ofan. Hins vegar verður
þetta mjög auðvelt viðfangs, ef
okkur tekst að koma verðbólgunni
niður á viðráðanlegt stig.“
Halldór Blöndal sagði að iokum:
„Ég vil aðeins benda á, að eftir að
Alþýðuflokkurinn tók við stjórnun
húsnæðismála árið 1978 keyrði
fyrst um þverbak. Þá var fótunum
gersamlega kippt undan bygging-
arsjóðunum og þeir hafa ekki náð
sér síðan, enda hefur engin tilraun
verið gerð til þess, fyrr en með
löggjöf nú á síðasta vetri.
Montunbladid/Sigurgeir
Skipt um nót í Guðmundu RE. Sjófuglinn fylgist grannt með ef til
skyldi falla svolítið af loðnu í gogginn.
Stanslaus lodnulöndun í Eyjum
Vestmannaeyjum, 12. febrúar.
í NÓTT og í allan dag hafa verið hér stanslausar landanir úr loðnubát-
um sem hafa streymt hingað drekkhlaðnir af loðnumiðunum útaf
Hornafirði. Löndunarbið er nú hjá báðum bræðslunum og margir bátar
eru á leiðinni til Eyja. Er áætlað að á þessum eina sólarhring verði
landað hér rösklega 10.000 tonnum af loðnu svo nærri má geta að
líflegt og athafnasamt er á hafnarsvæðinu. __ jjkj
Vaxtafrádráttur hjá íbúðarseljendum:
Vísitala framfærslukostnaðar:
26,5 % hækk-
un síðast-
liðna 12
mánuði
KAUPLAGSNEFND hefur reiknað
vísitölu framfærslukostnaðar miðað
við verðlag í febrúarbyrjun 1985.
Reyndist hún vera 126,48 stig miðað
við grunntíma í febrúarbyrjun 1984.
Hækkun visitölunnar frá því
hún var síðast reiknuð lögform-
lega, miðað við verðlag í nóvem-
berbyrjun 1984, er úr 111,79 stig-
um í 126,48 eða 13,14%. Hækkun
vísitölu vöru og þjónustu á sama
tíma er úr 112,22 stigum í 127,35
eða 13,48%. Hækkun vísitölunnar
frá janúarbyrjun til febrúarbyrj-
unar 1985 er úr 122,28 stigum í
126,48 stig eða 3,43%. Af þessari
hækkun starfar 1% af hækkun
húsnæðisliðs, 0,6% af hækkun ým-
issa þjónustuliða og 1,8% af
hækkun ýmissa vöruliða.
Hækkun vísitölunnar um 3,43%
frá janúar til febrúar svarar til
um 49,9% árshækkunar. Hækkun-
in undangengna þrjá mánuði um
13,14% svarar til 63,9% árshækk-
unar, en hækkunin undanfarna 12
mánuði er 26,5%.
Úrskurður ríkisskatta-
nefndar ekki birtur
Í DESEMBER 1983 úrskurðaði ríkis-
skattanefnd að fólki sem selur íbúðir
sínar væri heimilt að færa sem vaxta-
frádrátt á skattframtali sínu þá hækk-
un sem orðið hefur á áhvílandi lánum
á meðan viðkomandi hefur átt fast-
eignina. Þessa frádráttarmöguleika,
sem skiptir fjölda fólks miklu máli, er
ekki getið í leiðbeiningum ríkisskatt-
stjóra um útfyllingu skattframtals né
hefur hann verið birtur á annan hátt.
Sú regla er oftast viðhöfð í fast-
eignaviðskiptum að áhvílandi lán,
t.d. Húsnæðismálastjórnarlán og
lífeyrissjóðslán, eru við sölu að
fullu uppreiknuð til söludags og
koma þannig til frádráttar eign
seljandans í fasteigninni. Ríkis-
skattstjóri og skattstjórar sam-
þykktu ekki hækkun lánanna sem
frádrátt fyrr en einn framteljandi
fór í hart og skaut máli sínu til
ríkisskattanefndar. Ríkisskatta-
nefnd heimilaði, með úrskurði nr.
799/1983, að þessar verðbætur
mætti að fullu draga frá tekjum á
skattframtali.
Eins og áður segir felldi ríkis-
skattanefnd úrskurð sinn í desem-
ber 1983, en þrátt fyrir að nefndinni
sé lögum skv. skylt að birta árlega
úrdrætti úr úrskurðum sem teljast
hafa almennt gildi hefur þessi úr-
skurður ekki enn verið birtur. Sig-
urbjörn Þorbjörnsson, ríkisskatt-
stjóri, sagði í samtali við Mbl. þegar
hann var spurður að því af hverju
þessa úrskurðar ríkisskattanefndar
væri ekki getið i leiðbeiningunum
eöa hann birtur á annan hátt, að
takmörk væru fyrir því hvað hægt
væri að setja í leiðbeiningarnar.
Þar væru fyrst og fremst almennar
upplýsingar um vaxtafrádrátt en
ekki sérstaklega fyrir íbúðaseljend-
ur. Þá sagði hann að það væri ekki
hlutverk ríkisskattstjóra að birta
úrskurði ríkisskattanefndar, það
bæri nefndinni sjálfri að sjá um.
Þeir sem skilað hafa framtölum
sínum en ekki notað þennan frá-
drátt geta látið taka framtöl sín
upp. Ríkisskattstjóri sagði að all-
margir framteljendur hefðu óskað
eftir endurupptöku fyrir fyrri ár
vegna þessa og fengið leiðréttingu
mála sinna.
Framkvæmdir vid K-byggingu
á Landspítalalóð hafnar
— Matthías Bjarnason heilbrigðisráð-
herra tók fyrstu skóflustunguna í gær
Moiyunblaðið/Július
Talið frá vinstri Davíð Á. Gunnarsson, aðstoðarmaður heilbrigðisráðherra,
Jón Helgason, dóms- og kirkjumálaráðherra, Friðrik Sophusson, alþingi^
maður og formaður stjórnarnefndar ríkisspítalanna, og Matthías BjarnasoD,
heilbrigðisráðherra.
MATTHÍAS Bjarnason heilbrigðis-
ráðherra tók í gær fyrstu skóflu-
stungu að K-byggingu Landspítal-
ans. Fjölmenni var við athöfnina og
eftir hana var gestum boðið að
þiggja veitingar í matsal Landspítal-
ans.
Matthías Bjarnason ávarpaði
gesti og sagði hann m.a. að fljót-
lega eftir að hann tók við embaptti
heilbrigðisráðherra hafi hann
fengið í hendur áætlun um bygg-
ingu K-byggingarinnar. Þá höfðu
fjárveitingar verið til hönnunar
verksins allt frá 1979 og áætlun
um framkvæmdir við stoðdeildir
og rannsóknastofubyggingar á
Landspítalalóð höfðu verið lagðar
fram mörgum árum áður. Ekki
hafði tekist að ná samstöðu um
þessar framkvæmdir þannig að
fjárveiting fengist til að hefja
þær.
Hægt að Ijúka byggingunni á
7—8 árum
Matthías Bjarnason sagöi
ennfremur: nEftir að hafa kynnt
mér málið og þær aðstæður sem
nú rikja hér á Landspítalanum
var mér ljóst, að úrbóta var þörf.
bæði hvað varðar að fylgjast með
breyttri tækni á sviði ýmissa
lækninga svo sem krabbameins-
lækninga og vegna þrengsla á
ýmsum stoðdeildum Landspítal-
ans, svo sem rannsóknastofu og
skurðdeild.
Því beitti ég mér fyrir því að
haustið 1983 voru hönnunarfor-
sendur endurskoðaðar. Fengið var
danskt ráðgjafarfyrirtæki til að
aðstoða íslenska hönnuði. Það er
nú, rúmu ári síðar, að með
breyttri áfangaskiptingu hvað
varðar hönnun byggingarinnar, að
ég tel að við séum hér að hefja
framkvæmd sem með skynsamleg-
um vinnubrögðum er hægt að
ljúka í heild á næstu 7—8 árum.
Þann hluta byggingarinnar sem á
að hýsa krabbameinslækningar
ætti hins vegar að vera hægt að
taka í notkun innan fjögurra ára“.
20 milljónir til byggingarinn-
ar á fjárlögum 1985
Hallgrímur Snorrason, formað-
ur yfirstjómar mannvirkjagerðar
á Landspítalalóð, lýsti aðdrag-
anda bygginarinnar. í máii hans
kom m.a. fram að mikil óvissa haf
ríkt um byggingu K-byggingar
innar á tímabili eða þar til Al
þingi samþykkti í desember sl. ai
veita 20 milljónum króna til bygg
inarinnar á fjárlögum ársins 1985
Hann sagði að nú væri til nægileg
fé til að ljúka jarðvegsfram-
kvæmdum, byggja undirstöður o(
komast nokkuð á leið með upp-
steypu fyrri áfanga hússsins á
þessu ári.
I byggingaráætlun er gert ráð
fyrir að húsið verði reist í
tveimur áföngum. 1 fyrri áfanga
er ætlunin að reisa u.þ.b. þriðjung
hússins og á fyrsti hluti þess,
krabbameinslækningadeild að
vera tilbúinn til notkunar í árs-
byrjun 1988. Samkvæmt frum-
áætlun er kostnaður við þennan
áfanga talinn verða um 225 millj-
ónir króna, en þar af eru um 75
millj. kr. kostnaður við kaup á
tækjum og búnaði. Ef fjárveit-
ingar leyfa gæti síðari hlutinn
orðið tilbúinn fimm árum síðar.
K-byggingin verður þrjár hæðir
og kjallari og mun rísa norðan við
núverandi aðalbyggingar Land-
spítalans. Á fyrstu hæð á að vera
deild fyrir krabbameinslækningar
og deild fyrir dauðhreinsun. Á
annari hæð verður röntgendeild
og á þriðju hæð skurðdeild og
gjörgæsludeild. í kjallara verða
lagnir, tækjabúnaður og bún-
ingsklefar. Fyrsta hæðin verður
um 2.800m2, en efri hæðirnar um
2.200m2 hvor. Nýtanlegt rými
verður alls um 7.600m2 Arkitekt
K-byggingar er Húsameistari
ríkisins og verktaki við upphafs-
framkvæmdir er Sveinbjörn Run-
ólfsson sf.
Hallgrímur sagði að eitt megin-
markmið með K-byggingunni væri
að komið verði upp góðri aðstöðu
til krabbameinslækninga, en eins
og nú er háttað væri öll aðstaða og
tækjabúnaður til krabbameins-
lækninga algerlega ófullnægjandi
og þjónusta við krabbameinssjúkl-
inga minni en veitt væri ( ná-
grannalöndunum. Hann taldi að
með K-byggingunni yrði sköpuð
fullnægjandi aðstaða fyrir þá
mikilvægu starfsemi sem þar á að
vera og mun gera Landspítalanum
kleift að rækja áfram hlutverk
sitt sem þjónustu- og kennslu-
sjúkrahús alls landsins og miðstöð
sérhæfðra lækninga, rannsókna
og kennslu í landinu. Hallgrímur
sagði að það væri mikið fagnaðar-
efni að fé hafi fengist til K-byg(?'
ingarinnar, en að þetta hús leysti
þó ekki allan húsnæðisvanda
Landspítalans. Að lokum þakkaði
hann öllum þeim sem unnu að þv'
að gera þetta kleift en óskaði þess
jafnframt að nægu fé yrði veitt til
þess að hægt yrði að halda frarn-
kvæmdum áfram.