Morgunblaðið - 14.06.1985, Blaðsíða 17

MORGUNBLAÐIÐ, FÖSTUDAGUR 14. JÚNÍ 1985
17
Hallgrímur við eitt verka sinna.
Hallgrímur Helgason
sýnir í Listmunahúsinu
SÝNING á verkum Hallgríms Helgasonar verður opnuð f Listmunahúsinu,
laugardaginn 15. júní kl. 14. Á sýningunni eru 30 olíumálverk auk fjölda
teikninga unnum á sl. vetri.
Hallgrímur er fæddur árið 1959,
stundaði nám við Myndlista- og
Handíðaskóla íslands í einn vetur
og við Akademíuna í Miinchen
annan vetur. Hann hcfur áður
haldið 6 einkasýningar og tekið
þátt í 3 samsýningum.
„Ég er sammála Gunnlaugi
Scheving um að það eigi að vera
maður í hverri mynd,“ sagði Hall-
grímur, er blm. innti hann eftir
því hvaða viðfangsefni væru hon-
um hugleiknust. „Ég llt á verk mín
fyrst og fremst sem nokkurs kon-
ar óð til mannslíkamans, og leit-
ast þá frekar við að fegra hann en
afskræma. Sumir segja mig mála
mikið af feitum konum. Ég lít
hinsvegar á þær sem traustar kon-
ur og miklar. Það er rétt að taka
fram,“ bætti hann við „að í verk-
um mínum er engin pólitísk ádeila
eða boðskapur, heldur endur-
spegla þau áhuga minn fyrir fjöld-
anum.“
Aðspurður kvaðst Hallgrímur
ánægður með þá grósku og þróun
sem væri í myndlist um þessar
mundir, abstrakt-stefnan væri á
undanhaldi, endurreisnar-stíllinn
í sókn.
„Málverkið er orðið aðalmiðill
myndlistarinnar og hef ég trú á að
framundan sé mikið blómaskeið
fyrir myndlistarmenn,“ sagði
Hallgrímur að lokum.
Sölusýningin í Listmunahúsinu
er opin virka daga frá kl. 10—18
en frá 14—18 um helgar. Mánu-
daginn 17. júní verður opið frá kl.
14—20, en lokað þriðjudaginn 18.
sem og yfirleitt á mánudögum.
Sýningin stendur til 30. júní.
Minnisvarði reistur til heiðurs
sjómönnum frá Drangsnesi
Drangsncsi, 5. júní.
SJÓMANNADAGURINN var hald-
inn hátíðlegur á Drangsnesi þrátt
fyrir óhagstætt veður framan af degi
með rigningu og kalsa.
Dagskráin hófst kl. 10:30 með
helgistund í Drangsneskapellu, er
sóknarpresturinn, séra Flóki Krist-
insson, leiddi. Að því búnu var
gengið út á klettana í miðju kaup-
túninu spölkorn fyrir ofan
Drangsnesbryggju. Þar hefir fyrir
forgöngu slysavarnadeildarinnar
Bjargar verið reistur varði í minn-
ingar- og heiðursskyni við drangs-
neska sjómenn, lífs og liðna. Val-
gerður Magnúsdóttir í Hamravík,
heiðursfélagi slysavarnadeildarinn-
ar, afhjúpaði minnisvarðann.
Við þetta tækifæri var sæmdur
heiðursmerki Guðmundur Hall-
dórsson skipstjóri á Drangsnesi
fyrir fengsæla og farsæla sjó-
mennsku í áratugi.
Eftir hádegi hófst síðan
skemmtidagskrá á leikvelli
Drangsnesskóla og Drangsnes-
bryggju með margvísiegri keppni
og leikjum. Veður fór batnandi er á
daginn leið.
Grásleppuvertíð er nu um það bil
að ljúka við Steingrímsfjörð og
hafa aflabrögð verið með betra
móti í vor. til marks um það má
geta þess að lítil tveggja manna
trilla hefir landað 14 tonnum af
hrognum til söltunar á Drangsnesi,
og mun það vera aflametið þar að
þessu sinni. ÞHE
Franskur ráðgjafí við
byggingu nýrrar verslunar-
miðstöðvar Hagkaups
„Verslunarferðin á að vera ánægja en ekki kvöð,“ segir
Paul Gilain, forstjóri Société des Centres Commerciaux
Morgunblaðið/ÓI.K.M.
Sigurður Gísli Pálmason, forstjóri Hagkaups (tv.), Paul Gilain, franski
ráðgjafinn, og Ragnar Atli Guðmundsson, framkvæmdastjóri nýju bygg-
ingarinnar.
HAGKAUP er um þessar mundir
að hefja byggingu verslunarmið-
stöðvar í nýja miðbænum í Reykja-
vík og hefur fengið fyrirtækið
“Société des Centres Commeric-
aux“ til ráðgjafar. Forstjóri fyrir-
tækisins, Paul Gilain, var hér
staddur fyrir nokkru og átti blaða-
maður Morgunblaðsins við hann
stutt samtal um fyrirtæki hans og
fleira.
„Fyrirtæki þetta er franskt og
sér um að reisa verslunarmið-
stöðvar út um allan heim,“ sagði
Paul Gilain. „Það er það stærsta
sinnar tegundar í Evrópu. Ég hef
aðsetur í Belgíu og er forstjóri
fyrir þeirri deild sem hefur um-
sjón með löndum utan Frakk-
lands. Fyrirtækið hefur umsjón
með milljónum fermetra og á
sjálft um 18 verslunarmiðstöðv-
ar. Ég vil taka það fram að við
erum við satt að ségja hreyknir
af starfseminni."
— Verður verslunarmáti fólks
þannig í framtíðinni að öll inn-
kaup fara fram í slíkum verslun-
armiðstöðvum?
„Ég held að það verði svo að
einhverju leyti og er þegar orðið
víða. Þegar borgirnar tóku að
breiða úr sér og fólk flutti í út-
hverfin varð að sjálfsögðu að
fylgja þessari þróun. Nú er orðið
mjög algengt að fólk eigi bíla og
hafa t.d. Bandaríkjamenn verið
kallaðir „þjóð á hjólum" og sama
má segja um ykkur íslendinga.
Fólki finnst gott að geta gert
öll innkaup á sama stað og ekki
þarf að hafa áhyggjur af börn-
unum á meðan verslað er. í flest-
um miðstöðvum okkar er einnig
boðið upp á margskonar uppá-
komur, listsýningar o.fl. í fallegu
umhverfi þannig að fólk ætti að
geta notið þess að versla á þess-
um stöðum. Innkaupin ættu að
vera ánægja, ep ekki kvöð.
Hins vegar er ljóst að verslan-
ir verða áfram í miðborgum.
Þróunin hefur verið sú að versl-
anir hafa stofnað útibú í versl-
unarmiðstöðvum og þannig fært
út kvíarnar. Ég býst við að það
sama eigi við hér á íslandi og
annars staðar, að alltaf sé hópur
fólks sem hefur áhuga á að búa í
miðborginni."
— Nú verður verslunarmið-
stöð Hagkaups ekki staðsett í út-
hverfi heldur í hinum svokallaða
nýja miðbæ Reykjavíkur.
Hvernig líst þér á þessa stað-
setningu?
„Mér líst mjög vel á hana,“
sagði Paul Gilain. „Staðsetning-
in er mjög góð bæði vegna þess
hve verslunarmiðstöðin er
miðsvæðis og ekki síst vegna
þess hve hún er stutt frá þeim
stað þar sem Hagkaup er nú með
verslun. Þarna verður lögð
áhersla á að hafa fjölbreyttar
verslanir, skemmtistaði og veit-
ingahús. f framtíðinni verður
þetta staður þar sem fólk kemur
ekki einungis til að versla, held-
'ur einnig til að hittast og rabba
saman á veitingahúsi og
skemmta sér.
Þetta hefur verið góður hópur
sem unnið hefur að skipulagn-
ingu þessarar verslunarmið-
stöðvar. Margir halda að þeir
geri allt best sjálfir, en þessir
menn hafa gert sér grein fyrir að
það er alltaf gott að fá þá til
hjálpar sem vel þekkja til
verka,“ sagði Paul Gilain að lok-
um.
Natturuverndarfelag Suðvesturlands:
Náttúruskoðunar- og
söguferð um Keflavfk
NVSV fer náttúruskoðunar-
og söguferð laugardaginn 15.
júní um Keflavík. Farið verður
frá barnaskólanum við Sólvalla-
götu kl. 14.45. Hægt verður að
fara í bílinn í Reykjavík við
Norræna húsið kl. 13.30, Nátt-
úrugripasafnið, Hverfisgötu 116
(við Hlemm) kl. 13.45 og Nátt-
úrufræðistofu Kópavogs, Digra-
nesvegi 12, kl. 14.00.
Leiðsögumenn verða Sig-
mundur Einarsson sem lýsir
jarðfræði svæðisins, Guðleifur
Sigurjónsson ræðir um gróður-
farið og Skúli Magnússon fræðir
okkur um sögu- og örnefni.
Aætlað er að ferðinni ljúki við
barnaskólann kl. 18.30. Síðan
verður ekið að Norræna húsinu
með viðkomu á sömu stöðum og
á leiðinni suður eftir. Fargjald
er kr. 200 en 300 fyrir þá sem
koma af Reykjavíkursvæðinu.
Frítt fyrir börn í fylgd fullorð-
inna. Öllum er heimil þátttaka.
Ekið verður vestur í Gróf og
litið á gamla bæjarstæðið. Einn-
ig verður Grófin skoðuð og litið
verður á gömlu garðlöndin á
Berginu, en líkur eru til að þar
hafi fyrst verið ræktað græn-
meti og kartöflur í Keflavík. Ef
veður leyfir verður farin göngu-
ferð út á Berg að Brenninípu.
Síðan haldið upp í heiðina út
með Garðvegi og Keflavíkurborg
skoðuð. (Gömul fjárborg frá
fyrri öldum). Því næst ekið um
bæinn og hann skoðaður. Hugað
verður að ýmsu öðru sem for-
vitnilegt er að skoða. Síðast ligg-
ur leiðin út á Vatnsnes og niður
á Bás. Jarðsaga svæðisins býður
upp á minniháttar setlög,
skemmtilegar opnur í berg-
grunninn og fornar strandmynd-
anir.
Náttúrulegt gróðurlendi svæð-
isins er mest lágplöntugróður
með grastegundum og blóm-
plöntum innan um. Fjaran er að-
allega klettafjara. Fjölbreytni
gætir í ræktun á svæðinu og til-
raunir hafa verið gerðar til að
aðlagast sem best veðurfari og
öðrum vaxtarskilyrðum. Við lít-
um á Skrúðgarðinn í þessu sam-
bandi. Af náttúruminjum má
nefna Hólmsbergið og Rósasels-
tjarnirnar. Á svæðinu eru mann-
vistarminjar sem vert er að
vernda, t.d. gömlu verslunarhús-
in frá síðustu öld, Keflavíkur-
borg, hluti af gamla veginum yf-
ir Miðnesheiði og minjar gam-
alla hafnarmannvirkja. Vatns-
nesið og Básinn minna á starf-
semi fyrr á öldum. { Keflavík er
Frá Keflavík
gott byggðasafn. Fjölbrauta-
skólinn bauð í vetur upp á nýja
námsgrein, „Jarðfræði og saga
Suðurnesja," sem er virðingar-
vert framtak til að auka þekk-
ingu fólks á eigin umhverfi.
Tímaritið Faxi sem gefið er út
í Keflavík flytur mikinn fróðleik
frá fyrri tíð og hefur bjargað
miklu frá gleymsku.
Ef rétt er að staðið getur
Keflavík orðið hlýlegur bær með
náttúrlegu ívafi og aðgengi-
legum sögulegum minjum. Til að
flýta fyrir því að svo geti orðið
þurfa allir að leggjast á eitt.
Bæjaryfirvöld ættu í samvinnu
við áhugamannasamtök að
hreinsa allt rusl af óbyggðum
svæðum og vinnufélagar ættu að
sameinast um að halda umhverfi
sínu á vinnustað snyrtilegu, efni
og tæki yrðu greidd af vinnuveit-
anda. Við munum renna um
hlaðið hjá tveim fyrirtækj-
um/stofnunum þar sem um-
gengni er til fyrirmyndar.
(Frá NVSV.)