Morgunblaðið - 20.01.1987, Blaðsíða 57
MORGUNBLAÐIÐ, ÞRIÐJUDAGUR 20. JANÚAR 1987
57
Síðar, er hún var flutt hingað
suður í nágrenni við okkur, vorum
við Heiða oft gestir á heimili henn-
ar og þeirra Vilhjálms, og ávallt
var þar að mæta sömu velvildinni
og hjartahlýjunni eins og áður.
Ég vil þakka henni fyrir allt hið
góða, er ég kynntist í fari hennar,
og fyrir allar ánægjustundirnar,
sem mér gafst að njóta á heimili
hennar. Og kona mín þakkar af
hlýjum hug þessari góðu systur
sinni fyrir allt það ómetanlega, sem
hún veitti henni á bernskuárunum,
gjafír, hlýleika og hjálpsemi, og
fyrir öll systurleg samskipti á þeim
mörgu árum, sem síðan eru liðin.
Ég veit að ég má einnig færa
henni alúðarþakkir og kveðjur fyrir
alla hennar ástúð á langri samleið
frá öðrum systkinum hennar og frá
mökum þeirra og börnum. Öll
minnast þau hennar með þökk.
Nú er hún komin til landsins
fagra, bak við dauðan dyr, þar sem
ríkir kærleikur og æðri máttur. Ég
veit að þar hafa fyrrum famir vinir
fagnað henni heilshugar.
Við hjónin vottum nánustu að-
standendum samúð okkar, en öll
megum við gleðjast yfir þessum
umskiptum, sem nú hafa leitt hana
til þeirra blessuðu bústaða í ríki
himnanna, sem hún hafði búið sér
með lífi sínu hér.
Ingvar Agnarsson
Hún amma mín, Kristensa Tóm-
asdóttir, er dáin. Hún lést eftir
langa og erfiða sjúkdómslegu á
Sólvangi í Hafnarfirði. Fyrir um það
bil einu og hálfu ári veiktist amma
alvarlega og hefur hún síðan legið
á sjúkrabeði — fyrst í Borgarspítal-
anum í Reykjavík og síðan á
Sólvangi. Það var dapurlegt að sjá
þessa konu, sem verið hafði svo
full af lífsþrótti og snör í snúning-
um, liggja lamaða og hjálparvana
mánuð eftir mánuð og engin furða
þótt hún yrði á stundum ósátt við
hlutskipti sitt og vildi fá hvíldina.
Enda var henni fullljóst sjálfri, að
engin von var um bata. Sem endra-
nær var hún hreinskilin og talaði
um hlutina án vífillengja. „Þetta
er ekkert líf, þótt lifað sé,“ sagði
hún við mig kvöld eitt síðastliðið
vor. Þrátt fyrir þessar erfíðu að-
stæður átti hún það til að slá á
léttari strengi og fór þá gjarna með
vísur, sem orðið höfðu til mitt í
hversdagsamstri fólks í sveitinni
hennar vestur á Snæfellsnesi, í
Fróðárhreppi.
Kristensa bjó í Tungu í Fróðár-
hreppi. Giftist hún Kristjáni Þor-
steinssyni árið 1925 og varð þeim
fjögurra barna auðið. Kristján lést
árið 1949. Ég ólst upp á heimili
ömmu minnar í Tungu til átta ára
aldurs og kynntist því nokkuð vel
lífsviðhorfum þessarar sérstöku
konu. Hún tók ævinlega svari
þeirra, sem minna máttu sín, og
komu engar málamiðlanir til greina
í þeim efnum. Jafnframt var hún
hreinskilin í samskiptum sínum við
annað fólk og sumum kann að hafa
fundist hún nokkuð óvægin stund-
um, en hún bar með einhverjum
hætti svip af landinu — svipsterkum
ijöllum og hafróti Breiðafjarðar —
sem hún hafði alist upp við. Hún
gerði ekki aðeins kröfur til ann-
arra, heldur ekki síst til sjálfrar sín
um að lifa með fullri sæmd. Réttlæt-
iskennd hennar var sterk og
óvægin, en jafnframt hafði hún til
að bera mikla hlýju. Mér kenndi
hún reiðinnar býsn af kvæðum og
vísum og kenndi hún mér að lesa
svo fljótt sem auðið varð svo að ég
gæti einnig leitað mér þekkingar á
eigin spýtur í bókum. Hún áleit
þekkinguna hina æðstu dyggð og
las mikið bækur um læknisfræði,
ástarsögur og allt þar á milli.
Árið 1955 flutti amma suður í
Hafnarfjörð og fluttist ég þá einnig
alfarið til móður minnar og fóstra,
sem einnig bjuggu í Hafnarfirði.
Hið nýja oig framandi umhverfi
vafðist ekki fyrir ömmu og stund-
aði hún margvísleg störf eftir að
suður kom. Arið 1961 giftist hún
Vilhjálmi Haraldssyni, sem var sjó-
maður að atvinnu, en hóf vinnu í
landi þegar þau giftust. Hjónaband
þeirra varð báðum farsælt og sér-
stök hlýja ríkti á heimili þeirra, sem
ég og aðrir löðuðust að. Var ég þar
oft þaulsetinn — og fór með þeim
í ferðalög um landið, eftir að Villi
tók bílpróf. Þetta hamingjusama
hjónaband stóð í tuttugu ár, eða
þar til Villi lést eftir erfiða sjúk-
dómslegu árið 1981. Það var sár
missir fyrir ömmu og má segja að
hún hafi ekki borið sitt barr eftir
að hún missti Villa.
Amma stóð sig hetjulega í hel-
stríði sínu, rabbaði við vini og
ættingja um liðna tíð og fylgdist
jafnframt vel með því, sem efst var
á baugi þá og þá stundina. Það er
lærdómsríkt að sjá fólk halda reisn
sinni við slíkar aðstæður. Endur-
minningin er ævarandi hvatning um
hreinskilni, heilbrigða hugsun og
hjartahlýju. Slík kona hefur ekki
lifað til einskis. Ég held að best
fari á að kveðja ömmu með broti
úr kvæði eftir eitt af uppáhalds-
skáldum hennar, Jónas Hallgríms-
son, sem er þá jafnframt kveðja frá
sveitinni hennar, þar sem hún átti
allar sínar rætur.
Sæludalur sveitin bezt,
sólin á þig geislum helli,
snemma risin, seint er sezt,
sæludalur, prýðin bezt.
Þín er grundin gæðaflest,
gleðin æsku, hvíldin elli,
sæludalur sveitiri bezt,
sólin á þig geislum helli.
Ólafur Halldórsson
Nýttu tækifærió!
Notaðu afsláttarávísunina.
Radíóbúðin gefur þér
4000,-kr. hlutdeild í
hagstæðum innkaupum á
20" GoldStar sjónvarpi,
sem náðust vegna
vinsælda GoldStar
hérlendis og geysimikillar
sölu undanfarið.
Klipptu út 4000 kr.
ávísunina og notaðu hana
þegar þú kaupir
GoldStar CBZ-9222E 20"
litasjónvarpið með
þráðlausri fjartýringu, 16
stöðvavali, sérrás fyrir
kabalsjónvarp og sérstök
Audio / Video tenging.
Verðið á GoldStar
CBZ-9222E er 37.980,-
kr. með greiðslukjörum
eða 35.980,-kr.staðgreitt.
w
enefbú notar ávísunina
á færðu siónvarnið á
33.980.-kr. afb. eða
P.S Aðeins er hægt að nota eina ávísun fyrir hvert 20"GoldStar CBZ-9222E sjónvarp.
- —— .—..—13—
Radióbúðin hf.
Skipholti 19 sími 29800
Handhafa
Greiöiögegn
tékka þessum
Krónur Fjögur húsund krónur til greiðslu upp f 20" GoIdStar CBZ-9222E
litasjónvarp
Jjanúar.
Reykjavík
Tókkanr.
ýmislegt
Banki
Reikn.nr.
Upphæö =
Ávísun þessi gildirtil 3. febrúar
til kaupa á 20" GoldStar CBZ-9222E litasjónvarpi.
-....... ...........................