Morgunblaðið - 14.10.1987, Blaðsíða 63
MORGUNBLAÐIÐ, MIÐVIKUDAGUR 14. OKTÓBER 1987
63
Þessir taringdu ...
Selkjöt -
hvar fæst það?
Strandamaður hringdi:-
„Nú er svo komið, þrátt fyrir
allar niðurgreiðslumar, að lamba-
kjöt er orðið dýrara en svo að
almenningur geti keypt það. Um
verðsamkeppni er heldur ekki að
ræða og er þar að líkindum kom-
in skýringin á hinu háa fram-
leiðsluverði kjötsins. Þó væri hægt
að hafa ódýrt kjöt á boðstólnum
hér á landi og nóg er til af því.
Til skamms tíma þótti selkjöt fyr-
irtaks matur enda er kjötið mjög
gott sé það matreitt rétt. Væri
ekki tilvalið að koma selkjötinu á
markaðinn. Þannig gæti fólk
fengið ódýrt og gott kjöt. Að lok-
um vil ég spyija hvort selkjöt fáist
í einnhverri matvöruverslun hér í
borginni."
Fyrirtæki eiga að bera
íslensk nöfn
M.E. hringdi:
„Fyrir skömmu birtist grein í
Velvakanda þar sem höfundurinn
hafði á orði að hann verslaði ekki
að nauðsynjalausu við fyrirtæki
sem bera erlend nöfn. Ég hef lengi
haft þennan hátt á, að versla síður
við fyrirtæki með erlendum nöfn-
um, því ég tel að íslensk fyrirtæki
eigi að bera íslensk nöfn.“
Gleraugri
Gleraugu í ljósu hulstri fundust
fyrir skömmu. Eigandinn getur
hringt 1 síma 671114.
Lyklar
Leðuról af tegundinni Et egner
með fjórum húslyklum fannst í
miðbænum fyrir skömmu. Eig-
andinn getur vitjað hennar í
pósthúsinu í Umferðarmiðstöð-
inni.
Gullarmband
Breitt kvengullarmband með
múrsteinamynstri tapaðist í
Reykjavík að öllum líkindum í
ágúst. Finnandi vinsamlegast
hringi í Bergljótu í síma 35433.
Gullhringur
Guilhringur merktur „Þín
Gyða“ fannst fyrir skömmu. Eig-
andinn getur hringt í síma 72758
eftir kl. 19.
Dagur vonar:
Einstæður listviðburður
Kæri Velvakandi.
Mig langar til að fá að koma á
framfæri innilegu þakklæti til Leik-
félags Reykjavíkur, Birgis Sigurðs-
sonar og allra aðstandenda
sýningarinnar Dagur vonar, sem
ég sá í gærkvöldi. Ég var lengi að
sofna þegar heim kom og þetta leik-
rit kom meira róti á huga minn en
mig hefði órað fyrir. Hér er um
einstæðan listviðburð að ræða. Með
þessu verki hefur Birgir skipað sér
í hóp okkar fremstu leikritaskálda.
Ég veit ekki hvort menn hafa gert
sér ljóst að með Degi vonar er Birg-
ir orðinn okkar mesta leikritaskáld
síðan Jóhann Siguijónsson og Guð-
mundur Kamban hurfu af sjónar-
sviðinu. Til hamingju Birgir.
Leikritið Dagur vonar er bæði mis-
kunnarlaust og grimmt og á
stundum er orðkyngi slík, að áhorf-
andinn má hafa sig allan við að
meðtaka innihaldið — en þvílíkt
skáld! í sýningunni eru mörg falleg-
ustu atriði sem ég minnist að hafa
séð á leiksviði.
Sýning leikfélagsins er þrekvirki
og markar á vissan hátt tímamót
lfka, þótt við höfum löngum fengið
að sjá þar marga góða sýningu.
Leikstjórn Stefáns Baldurssonar og
hin sérkennilega en fallega leik-
mynd Þórunnar Þorgrímsdóttur
mynda samtvinnaðan snilldar-
ramma utan um leikinn, sem mér
fannst í heildina allt að því óað-
finnanlegur. Þama er valinn maður
í hveiju hlutverki; Margrét Helga
Jóhannsdóttir verður ógleymanleg
móðir, sem í lokin stendur eftir í
harmrænni reisn, Guðrún Gísladótt-
ir, sem með tærum sársauka
geðsjúklingsins smaug inn að
hjartarótum, Sigríður Hagalín,
virðuleg, hlý og sönn, Sigurður
Karisson svo ógeðfelldur að með
ólíkindum var og loks tveir ungir
menn, sem ég hef ekki séð á sviði
áður en unnu báðir leiksigur að
þessu sinni, Þröstur Leó Gunnars-
son og Valdimar Flygenring. Allur
leikurinn var svo sannur — ég stóð
mig að því hvað eftir annað að
gleyma því að ég var að horfa á
persónur í leikriti, ég var nefnilega
að horfa á lifandi fólk af holdi og
blóði sem snart mig sjálfa til tilfinn-
ingalegrar þátttöku í örlögum þess.
Það er ekki oft sem ég hef fund-
ið mig knúna til að setjast niður
eftir leiksýningu og þakka fyrir
mig, en upplifun eins og þessa hrist-
ir maður ekki auðveldlega af sér
og hverfur á vit hversdagsleikans
heldur er auðugri og vonandi betri
manneskja á eftir. Á slfkum sýning-
um eru við minnt á mátt listarinnar
og leikhússins. Af einhverjum
ástæðum dró ég að sjá þessa sýn-
ingu í fyrravetur, þótt margir hefðu
hælt henni í mín eyru og þess vegna
langar mig til þess að segja við
hugsanlega lesendur þessa bréfs,
sem áhuga hafa á fjölbreytni
mannlífsins og mannskepnunni í
öllum sinum hrikalega margbreyti-
leika — missið ekki af þessari
einstæðu leikhúsreynslu.
Elfsabet Bjamadóttir
Ííh LniGíBvaiii^ítxlOiíAon u i,»n Uat»i
HEILRÆÐI
Slysavamafélag íslands vekur athygli á því að á morgun, 15.
október, er alþjóðadagur hvíta stafsins. Hvíti stafurinn er tákn
blindra og sjónskertra og er þeim lífsnauðsynlegt hjálpartæki
til þess að komast áfram í umferðinni.
Sýnum blindum og sjónskertum tillitssemi og réttum þeim hjálp-
arhönd á ferðum þeirra.
.nlU.-iu
O! tUJL (V^
\ FUSAR
Lagerkerfi
Tyrir
vönibretti
ogfleira
Með þessu stórkostlega
fyrirkomulagi næst hámarksnýting
á lagersvæði. Mjög hentugt kerfi
og sveigjanlegt við mismunandi
aðstæður. Greiður aðgangur fyrir
lyftara og vöruvagna.
Ávallt fyrirliggjandi.
Leitið upplýsinga.
UMBOÐS OG HEILDVERSLUN
BÍLDSHÖFDA 16 SÍML6724 44
%
0DEXION
IMPEX-hillukerfi
án boltunar
Útsöiustaðin
LANDSSMIÐJAN HF. — Verslun
Ármúla 23 • Sfmi (91)20680
STRAUMRÁS SF. — Akureyri
Sími (96)26988
r
LANDSSMIÐJAN HF.
RÁÐSTEFNU
Félags viðskipta- og hagfræð-
inga, sem vera átti fimmtudag-
inn 15. okt. nk., er frestað til
fimmtudagsins 29. okt. nk., sök-
um þess hve fjárlögin eru seint
tilbúin.
Nánar auglýst síðar.
Félag viðskipta- og
hagfræðinga
IÐNTÆKNISTOFNUN
Stofnun og reksturfyrirtækja
fyrir konur
Rekstrartæknideild ITÍ gengst enn einu sinni
(17. skipti) fyrir námskeiði í stofnun og rekstri
fyrirtækja fyrir konur. Námskeiðinu er ætlað að
auka skilning þátttakenda á rekstri, hvað eigin
atvinnurekstur útheimtir og hvað þurfi að at-
huga og varast.
Efni: Stofnáætlun, frumkvöðull, viðskiptahug-
mynd, fjármál, félagsform og fleira.
Þátttakendur: Ætlað öllum konum, sem hafa hug
á að stofna fyrirtæki, vinna í eigin fyrirtæki, vinna
við stjórnun og þeim, sem hafa áhuga á rekstri.
Tími: 19.-24. október kl. 19.00-22.00 og 09.00-
12.00 (laugardag), frí á föstudag.
Staður: Iðntæknistofnun íslands, Keldnaholti.
Þátttökugjald: Kr. 7800. Innifaldar eru veitingar
og kennslugögn, þar með talin bókin Fyrirtækið
mitt. ,
Skráning í síma 687000. Takmarkaður fjöldi þátt-
takenda.
Rekstrartæknideild ITÍ.
L
-4-