Morgunblaðið - 28.06.1988, Blaðsíða 53
8861 ÍVSÍJI. .82 aUDAaUU3ia< .OIQAJaVIUDaOM
MORGUNBLAÐIÐ, ÞRIÐJUDAGUR 28. JÚNÍ 1988
Sð
53
Ég hygg því, að vinir hans, öll „afa-
börnin" og hinir eldri, sem urðu
umhyggju hans og tryggðar aðnjót-
andi, séu því fleiri en almennt gerst.
Hann var einn þessara mannvina,
sem gat ætíð ljáð háum sem lágum
eyra og lagt gott eitt til flestra
mála. Hann skyldi ávallt reiðubúinn
til aðstoðar og reyndar var það
svo, að ótrúlega margir samferða-
menn nutu hjálpsemi hans. Það á
ekki hvað síst við um okkur, sem
höfum dvalið í Birmingham, Alab-
ama, um lengri eða skemmri tíma
við nám og störf.
í 30 ár var hann stoð og stytta
hinna fjölmörgu, sem áttu þess
kost að komast til framhaldsnáms
í tannlækningum við Háskólann í
Birmingham, Alabama.
Ég hygg, að Pálmi hafi verið
kennari af guðs náð. Tannlæknahá-
skólinn í Birmingham naut starfs-
krafta hans í þrjá áratugi. Það var
snjall leikur rektors þess skóla, að
á Pálma til sín árið 1958. Sá fyrr-
nefndi, dr. J. Volker, þekkti vissu-
lega mannkosti Pálma frá Tufts
University, þar sem þeir höfðu ver-
ið samtíða.
Það var um leið framandi og
ánægjulegt fyrir undirritaðan að
koma fyrst tl Birmingham árið
1972, hefja þar framhaldsnám og
kynnast svo fjölmörgum fyrrver-
andi og þáverandi nemendum
Pálma, sem dáðust að kennsluhátt-
um hans og framgangi öllu.
Pálma var einkar lagið að laða
fram alla kosti hvers nemanda
sinna. Það var sannarlega ekki ein-
leikið, hve oft hann fékk „hæstu
einkunn" tannlæknanema, ár eftir
ár, á meðan samkennarar allt um
kring fengu „aulaverðlaun" fyrir
kennslu. I Bandaríkjunum er sem
sé ekki aðeins tíðkað að gefa nem-
endum einkunnir heldur fá kennar-
ar einnig sinn skerf og oft slæman.
Þann kross gat verið erfitt að bera.
Pálmi bar aldrei svo mikið sem flís
þess kross.
Það er umhugsunarvert, hvaða
eðliseiginleikar það voru nákvæm-
lega, sem Pálmi átti svo gnógt af,
sem gerðu hann svo vinsælan kenn-
ara. Hann kenndi mér aldrei, enda
störf okkar á sitt hvoru sviðinu.
Menn sögðu þó ljúfmennskuna ein-
stæða, það kom mér ekki á óvart,
og um leið hefði hann eitthvert það
lag á mönnum, að þeir gátu ekki
annað en gert allt sem í þeirra valdi
stóð til að þóknast. honum. Menn
hlutu að skammast sín fyrir að
standa sig illa hjá dr. Möller..Allt
var gert án hávaða. Hann lítilækk-
aði aldrei nemanda að öðrum ásjá-
andi og heyrandi. Menn voru talað-
ir til á annan hátt. Hann var það
mikill mannþekkjari og gæskuríkur,
að hann vissi svo lifandis ósköp
vel, hvernig hægt var að og lítil-
lækka eða jafnvel „eyðileggja"
nemanda með hroka og ef til vill
ósvífni.
Síst skulu orð mín sKÍlin svo, að
Pálmi hafi litið fram hjá vesæl-
mennsku, slugsi og drolli. Hann var
sjálfur afar vandur að virðingu sinni
innan Medical Center og ætlaðist
til mikils af mönnum.
Það var sunnudaginn 19. júní,
þegar vestanáttin var hvað leiðin-
legust og stríðust hér við vestur-
strönd íslands, að dáður vinur okk-
ar svo margra, dr. Pálmi Möller,
andaðist í heimabæ sínum í Banda-
ríkjunum. Þessi umtalaða vestanátt
með rigningu, stinningskalda og
jafnvel stormi, er í svo marga daga
hafði skapraunað okkur hér heima,
fannst mér síðar sem verið hefði
sem teikn þess sem koma skyldi.
Þegar ég hefði jafnað mig eftir
fréttimar um fráfall Pálma, síðla
dags, var eins og lægðaraðirnar
leystust upp og vesturhiminninn,
tær og logagylltur um stundarsakir
það kvöld, minnti mig á allt atferli
Pálma.
Pálmi Möller fæddist 4. nóvem-
ber árið 1922 á Sauðárkróki. Faðir
hans var Jóhann Georg Möller,
verzlunarstjóri þar, sonur Jóhanns
G. Möller, kaupmanns á Blönduósi,
og Alvildu Möller. Móðir Pálma var
Þorbjörg, dóttir Pálma Þóroddsson-
ar, prests á Hofsósi, og Önnu Jóns-
dóttur.
Pálmi lauk stúdentsprófi frá MR
vorið 1943 og prófi í efnafræði frá
Háskóla íslands vorið 1944. Þá
verða þáttaskil í lífi Pálma, er hann
heldur til Bandaríkjanna og hefur
nám í tannlæknisfræði við Tufts
University í Boston og útskrifast
þaðan árið 1948.
Næstu tíu ár starfaði Pálmi við
tannlækningar hér í Reykjavík en
hélt síðan til Bandaríkjanna að nýju,
lauk framhaldsnámi í munngerva-
lækningum, tannsmíði, og starfaði
við kennslustörf og rannsóknir við
University of Alabama í Birming-
ham til hinsta dags.
Pálmi varði doktorsritgerð fyrst-
ur íslenskra tannlækna við lækna-
deild Háskóla íslands voru 1971.
Fjallaði ritgerð hans um klofinn
góm og klofna vör hjá íslendingum.
Auk þessa rannsóknarverkefnis
vann Pálmi aðallega að rannsókn-
um á útbreiðlsu og tíðni munnsjúk-
dóma hér á landi og fyrirbyggjandi
aðgerðum gegn tannskemmdum og
ritaði allmargar greinar þar um og
l flutti fyrirlestra víða svo og um
fyrstgreint rannsóknarverkefni.
Pálma hlotnaðist margvíslegur
heiður og viðurkenningar fyrir störf
sín. Hann var m.a. heiðursfélagi í
Tannlæknafélagi íslands og heið-
ursfélagi tannlækna í Norður-
Ameríku.
Þau kynntust og bundust ung
böndum, Málfríður Oskarsdóttir og
Pálmi. Meðal okkar voru þau jafnan
nefnd í sömu andrá. Þau giftu sig
árið 1945 og eignuðust synina þrjá,
Pálma, Óskar og Jóhann, sem allir
búa í Bandaríkjunum.
Þau voru engir venjulegir íslend-
ingar í Birmingham, Dadda og
Pálmi. Víst vilja íslendingar al-
mennt líta á sig sem gestrisnar
manneskur. En bæði var það svo,
að þau hjón átti yndislegt heimili,
þar sem allir voru velkomnir og svo
var það hitt, hve vel manni gat lið-
ið hjá þeim. Þau voru að visu mjög
ólíkir persónuleikar, en einhvem
veginn var það svo, að kostir beggja
töfruðu mann.
Kæra Dadda, Jóhann, Óskar og
Pálmi. Við Kristín sendum ykkur
okkar hlýjustu samúðarkveðjur.
Guð blessi minningu Pálma Möll-
er.
Sigurjón H. Ólafsson
Birting- afmælis- og
minningargreina
Morgnunblaðið tekur afmælis- og minningargreinar til
birtingar endurgjaldslaust. Tekið er við greinum á rit-
sljórn blaðsins á 2. hæð í Aðalstræti 6, Reykjavík og á
skrifstofu blaðsins í Hafnarstræti 85, Akureyri.
Athygli skal á því vakin, að greinar verða að berast með
góðum fyrirvara. Þannig verður grein, sem birtast á í miðviku-
dagsblaði að berast síðdegis á mánudegi og hliðstætt er með
greinar aðra daga.
I minningargreinum skal hinn látni ekki ávarpaður. Ekki
eru tekin til birtingar frumort ljóð um hinn látna. Leyfilegt er
að birta ljóð eftir þekkt skáld, 1—3 erindi og skal þá höfund-
ar getið. Sama gildir ef sálmur er birtur. Meginregla er sú,
að minningargreinar birtist undir fullu nafni höfundar.
Við birtingu afmælisgreina gildir sú regla, að aðeins eru
birtar greinar um fólk sem er 70 ára eða eldra. Hins vegar
eru birtar afmælisfréttir með mynd í dagbók um fólk sem er
50 ára qða eldra.
//_/_/_/yj
«41111
OJEEN
Ég þakka öllum þeim, sem sýndu mér vinsemd
og hlýhug á áttrœÖis afimeli mínu 7. júní sl.
GuÖ blessi ykkur öll.
Málfríður Jósepsdóttir.
Nýlagaö kaffi
10-12 bollar tilbúnir á aðeins
5 mínútum.
Gæði, Þekking,
Þjónusta
A. KARLSSON HF.
HEILDVERSLUN, BRAUTARHOLTI28
SlMI: 91 -27444
Meir en 12 gerðir af
háfumálagereða
til afgreiðslu með
stuttum fyrirvara.
Háfarnir fást í
svörtu, hvrtu,
kopar, messing
og ryðfríu stáli
500 eða 1000
m3viftur.
III'
Einar Farestveit &Co.hf.
Borgartúni 28, símar 91-16995,91-622900.
'ERBLOÐ
Á FÖSTUDÖGUM
Auglýsingar í Daglegt líf þurfa að hafa
borist fyrir kl. 12.00. á föstudögum og
íblaðiðÁdagskráfyrirkl. 12.00
á miðvikudögum.
/ -bl^ allra landsmanna