Morgunblaðið - 10.05.1989, Blaðsíða 17

MORGUNBLAÐIÐ MIÐVIKUDAGUR 1Ö. MÁÍ 1989
17
Jóhannes Árnason er annar úr þeim
hópi sem gengið hefur á vit skap-
ara síns. Að honum er mikill
mannskaði. Áfram liggja leiðir sam-
an og nú í lagadeild HÍ. Jóhannes
var svo sannarlega á réttri hillu
þar, ágætur námsmaður með
.juridiskan sans“; tók enda prýðis-
próf í maí 1963. I þeim hópi vorum
við 9 og kveður Jóhannes fyrstur
þaðan. Okkar á meðal var hann
tryggur vinur og óumdeildur heið-
ursmaður.
Jóhannes Árnason (skírnarnafn)
var fæddur 20. apríl 1935 á Pat-
reksfirði. Foreldrar: Sturlaugur
Friðriksson, sölum. í Reylqavík og
Anna Sigríður Jóhannesdóttir frá
Flatey á Breiðafirði. Hann ólst upp
með móður sinni og móðursystur,
Elínu, á Patreksfirði.
Jóhannes gegndi mörgum störf-
um á meðan hann var við laganám,
sem við margir þurftum að gera,
orðnir barnakarlar, enda námslána-
farganið eigi komið til sögunnar.
Hann var m.a. um tíma erindreki
Sjálfstæðisflokksins, einn vetur rit-
ari fjárveitinganefndar, auglýsinga-
stjóri hjá dagblaðinu Vísi. Að námi
loknu hófst svo lífsstarfið.
Frá 1. júní 1963 er Jóhannes
ráðinn sveitarstjóri á Patreksfirði.
Þvi starfi gegnir hann til ársloka
1968 er hann tekur við starfi sýslu-
manns í Barðastrandarsýslu, en því
gegndi hann til 1982. Jóhannes var
bundinn þessu héraði sterkum
tryggðarböndum, það fann ég vel
er ég sótti hann heim og fór um
byggðir í hans fylgd.
Sú stund er ég stóð með þeim
Jóhannesi sýslumanni og Þórði
hreppstjóra frá Látrum, á brún
sjálfs Látrabjargs gleymist aldrei.
Það hlýtur að hafa verið erfið
ákvörðun að taka sig upp og flytja
búferlum, svo sem Jóhannes og fjöl-
skylda hans gerðu 1982, er hann
varð sýslumaður í Snæfells- og
Hnappadalssýslu, með aðsetri í
Stykkishólmi. Aldrei heyrðist æðru-
orð þar um og er mér kunnugt um
að Jóhannesi féll dvölin vel í nýju
umdæmi.
Auk sinna opinberu embættis-
starfa sinnti Jóhannes félagsmálum
mikið enda maðurinn ósérhlífin og
hæfileikamikill. Hann var ávallt
áhugasamur um málefni stéttar
sinnar og var formaður Sýslu-
mannafélags Jslands árin 1984—87.
Jóhannes vann gott starf sem odd-
viti sýslunefnda, hann vildi veg síns
héraðs mikinn og sýndi það í verki.
Má nefna forgöngu um áframhald
útgáfu árbókar Barðstendinga, þar
sem hann tók upp merki Jóhanns
Skaptasonar, sýslumanns, og ný-
lega hóf Snæfellsnessýsla útgáfu
héraðsritsins Snæfellings, þar sem
Jóhannes ritar ágæta grein.
Undir hans forustu gekk sýslu-
nefnd rösklega fram um endurreisn
SNYRTIVÖRU-I
IJYNNING
A MORGUN
fimmtud 11 .maí
kl. 13-18
SbtÁyj
PARIS
SNYRTIVÖRUR
SEM FAGFOLKIÐ VELUR
MIRRA
snyrtivöruverslun
LAUGAVEGI 61-63
Norska húss í Stykkishólmi. Amts-
bókasafnið þar naut og mikils vel-
vilja frá Jóhannesi. Frá 1972 var
Jóhannes í stjórn hlutafélags um
rekstur Hótel Bjarkalundar, í stjórn
flóabátsins Baldurs frá 1975, um
árabil formaður sjúkrasamlags
A-Barð., o.fl. mætti nefna.
Hann var og virkur í félögum
sjálfstæðismanna. Varaþingmaður
Vestfjarða var hann um skeið og
átti þá setu um tíma á Alþingi. I
frístundum sínum að sumrinu var
laxveiði öðru æðri, að mati Jóhann-
esar. Hann var bráðsnjall veiðimað-
ur og naut þeirrar íþróttar, ekki
síst ef hann hafði í fýlgd með sér
syni sína. Þessi mál bar oft á góma
á haustdögum. Jóhannes Árnason
var gæfumaður í einkalífí sínu.
Hann kvæntist 20. maí 1961, Sig-
rúnu Siguijónsdóttur úr Reykjavík,
prúðri kostakonu sem bjó honum
og börnum þeirra hlýlegt og traust
heimili.
Börn þeirra eru: Ólafur Þór f.
1961, að ljúka prófi í félagsfræði
HÍ. Anna Berglind, f. 1965, stúdent
við nám í París. Siguijón f. 1966,
stúdent við nám HÍ í rafmagnsverk-
fræði. Elín f. 1971, við nám í MA,
Akureyri.
Þau hjón áttu barnaláni að fagna.
Jóhannes lét sér mjög annt um vel-
ferð barna sinna og var þeim mik-
ill félagi. Þau eiga nú um sárt að
binda og bið ég þeim og móður
þeirra huggunar og styrks. Einnig
sendi ég aldraðri móður, systrum
og öðrum venslamönnum mínar
dýpstu samúðarkveðjur.
Með Jóhannesi Árnasyni sýslu-
manni er genginn mætur maður,
prýðilegur og dugandi embættis-
maður sem hafði víðtæka þekkingu
á lífshagsmunamálum landsbyggð-
ar og lagði sig fram um að vinna
sín skylduverk vel af hendi og spar-
aði sig aldrei.
Ef til vill ofgerði hann heilsu sinni
einmitt nú á síðustu tímum með
gríðarlegu vinnuálagi.
Nú þegar vorið er komið við
Breiðafjörð og öll náttúran er að
bijóta af sér hlekki vetrar er sárt
að sjá á bak góðum manni, sem svo
óvænt var frá okkur hrifinn, langt
um aldur fram.
Megi hans heimkoma verða góð.
Friðjón Guðröðarson
Nú verður kvaddur hinstu kveðju
góður vinur og félagi, Jóhannes
Árnason sýslumaður, sem lést í
Reykjavík þann 30. apríl. Andláts-
fregnin sem barst til Stykkishólms
þann 1. maí kom eins og reiðarslag
og minnti mig á þá köldu staðreynd
að enginn veit sína ævi fyrr en öll
er. Ég var búinn að horfa lengi
dags á fánastöngina við sýsluskrif-
stofuna með íslenska fánanum
blaktandi í hálfa stöng og hefði
vafalaust aldrei getað ímyndað mér
hvernig komið var, svo gjörsamlega
var þessi fregn mér fjarri. Daginn
áður en þau hjónin óku til
Reykjavikur átti ég símtal við Jó-
hannes heitinn, var hann þá hress
og kátur eins og hann átti vanda til.
Kynni okkar Jóhannesar má
rekja aftur til áranna er hann var
sýslumaður Barðstrendinga, þá var
hann um tíma stjórnarmaður í
stjórn Flóabátsins Baldurs. Eftir að
hann varð sýslumaður Snæfellinga
kom hann aftur inn í stjórn Baldurs
og tók síðan við stjómarformennsku
árið 1985 og gegndi því til hinsta
dags.
Frá upphafi umræðu um full-
komna feiju yfir Breiðafjörð var
Jóhannes heitinn ávallt harður
hvatamaður þessa málefnis. Hann
sat í tveimur nefndum um byggingu
SJÁ slÐU 34
AU.T AD
50% AFSIÁTTUR
L JÓS - GJAFAVARA -HÚSGÖGN
SUMAR FREISTINGAR ERU TIL ÞESS AÐ FALLA FYRIR ÞEIM.

PARSEM PÚ GENGUR AD GÆDUNUM ViSUM
ELOHÚSHÚSGÖGN, STAKIR STÓLAR,
HÆGINDASTÓLAR, B0RÐST0FUB0RÐ,
SÓFARO.FL. O.FL.
Borgartún 29. Sími 20640