Morgunblaðið - 15.09.1989, Blaðsíða 24

24
MORGUNBLAÐIÐ FÖSTUDAGUR 15.: SEPTEMBER 1989
^Fundur með iðnaðarráðherra um orkulindir:
Byg-giiig1 álvers yrði lyfti-
stöng fyrir atvinnulífið
Um 2.400 ársverk á 5 árum til byggingar 200.0001 álvers
JÓN Sigurðsson iðnaðarráðherra
segist sannfærður um að unnt sé
að ná samkomulagi við erlend fyr-
irtæki um stækkun álversins í
Straumsvík og byggingu nýs ál-
vers. A fundi sem iðnaðarráðu-
...- jjiMííí ————i
vHC
Laugardagur:
Dansleikur
Miðaldamenn
ásamt
Hallbirni Hjartarsyni
skemmta.
Boröapantanir í síma 22200.
Hótel KEA
neyti og Iðnþróunarfélag Eyja-
fjarðar héldu á Akureyri í fyrra-
kvöld sagði ráðherra að sterklega
kæmi til greina að nýtt álver yrði
staðsett við Eyjafjörð.
Varðandi val á staðsetningu sagði
hann að skoða þyrfti ýmis atriði,
landrými, hafnarskilyrði, umhverfi,
tengsl við raforkukerfi og stærð ná-
lægs vinnumarkaðar. Jón sagði að
Islendingar væru ekki einráðir um
hvar álveri væri komið fyrir, erlendir
samstarfsaðilar hefðu sínar eigin
skoðanir þar um. Hann sagði að
ekki hefði verið tekin afstaða til þess
hvar æskilegast væri að staðsetja
nýtt álver, en hafin væri enduskoðun
á umhverfisathugunum sem gerðar
voru í Eyjafirði og einnig í Reyðar-
firði fyrir um áratug.
„Því má raunar hiklaust halda
fram að Eyjafjarðarsvæðið sé eina
svæðið utan suðvesturhorns landsins
sem hafi nógu stóran vinnumarkað
til þess að taka með góðu móti við
svo viðamiklum iðnrekstri sem álver
í fullri stærð er,“ sagði Jón. Hann
sagði að ekki færi á milli mála hversu
mikil lyftistöng álver yrði atvinnulíf-
inu í byggðum Eyjafjarðar, en til að
ljúka byggingu 200 þúsund tonna
álvers, eins og talað er um, þyrfti
um 2.400 ársverk sem dreifast
myndu á 4-5 ára byggingatíma, auk
þess sem óbein áhrif yrðu einnig
mikil. Til samanburðar sagði hann
að ársverk í byggingaiðnaði á Norð-
urlandi eystra árið 1987 hefðu verið
um eitt þúsund.
Strandlengjan frá Hjalteyri
inn Kræklingahlíð eini
staðurinn fyrir álver
Staðsetning álvers við Eyjafjörð
var rækilega könnuð af staðarvals-
nefnd á sínum tíma og einn þeirra
staða sem til greina þótti koma var
á Dysnesi í Arnarneshreppi skammt
norðan Akureyrar. Varðandi stað-
setninguna sagði Sigfús Jónsson
bæjarstjóri á Akureyri á fundinum
að ljóst væri að landfræðilega yrði
ekki hægt að finna álveri stað austan
megin í firðinum, á Svaibarðsströnd-
inni og á Arskógsströndinni væri
byggð of þétt. Eini staðurinn sera
til greina kæmi væri á strandlengj-
unni frá Hjalteyri og inn Kræklinga-
hlíðina. A fundinum kom fram að lóð
undir álver af þeirri stærð sem nú
er talað um, þurfi að vera um einn
kílómetri að lengd á nokkuð jafn-
sléttu landi.
Iðnaðarráðherra sagði skilyrði fyr-
ir álver nokkuð góð að Dysnesi, en
ekki væri hægt að líta framhjá því
að Eyjafjörður væri mikið landbún-
aðarhérað og því þyrfti að huga vel
að umhverfisáhrifum stóriðju. Með
nútímahreinsibúnaði væri hægt að
draga mjög úr flúor- og brenni-
steinsmengun sem helst er hætta á
að stafi frá álveri. Niðurstaða athug-
ana staðarvalsnefndar á líklegri
loftmengun frá álveri í Dysnesi
leiddu í ljós að breytingar hlytu að
verða á landbúnaði í næsta nágrenni
við álverið.
Dúsa meðan gengið er frá
samningum fyrir sunnan?
Ingimar Brynjólfsson formaður
héraðsnefndar Eyjafjarðar sagði að
horfur í landbúnaði hefðu orðið til
þess að nefndin hefði ályktað um
málið í vor. Hann sagði það spurn-
ingu um ár hvenær jarðir færu í
eyði, en nú þegar væru átta jarðir í
Arnarneshreppi að heita mætti í eyði,
þ.e. réttur til að framleiða væri svo
lítill að ekki dygði til framfærslu. „Ég
lít ekki björtum augum á landbúnað-
inn í dag og það er mín bjargfasta
skoðun að ef hér risi stóriðja myndi
hún bæði styrkja dreifbýlið og þétt1
býlið,“ sagði Ingimar.
Sigríður Stefánsdóttir bæjarfull-
trúi Alþýðubandalagsins á Akureyri
innti ráðherra eftir því hvort hann
óttaðist ekki þá byggðaröskun sem
fylgdi í kjölfar stækkunar álversins
í Straumsvík, sem væri það eina sem
ákveðið væri í þessum efnum og þar
væri um að ræða uppbyggingu á
suðvesturhorninu einn ganginn enn.
Sigurður J. Sigurðsson forseti bæjar-
stjórnar Akureyrar, sem stjórnaði
pallborðsumræðum spurði ráðherra
í framhaldi af fyrirspurn Sigríðar
hvort álversumræða á Eyjafjarðar-
svæðinu væri dúsa upp í norðanmenn
á meðan gengið væri frá samningum
fyrir sunnan.
Iðnaðarráðherra sagði að auðvitað
horfðu menn á byggðaþróunaráhrifin
af uppbyggingu álversins í
Straumsvík, en þetta væri hagstæð-
ast í stöðunni. Til að ná fram jafn-
vægi og sem æskilegastri þróun
byggðar í landinu þyrfti að hugsa
lengra fram í tímann og þora að
taka ákvarðanir.
ATVINNUAUGl YSINGAR
Húsasmíðameistari
getur tekið að sér verkefni, úti sem inni.
Upplýsingar í símum 671475 og 43744 eftir
kl. 18 á kvöldin.
Spennandi uppeld-
isstarf í boði
Menntun á uppeldissviði, tónilstarsviði, eða
myndlistarsviði nauðsynleg.
Upplýsingar í síma 653060 eða á kvöldin í
síma 29798.
Hjólbarðaþjónusta
Starfsmenn óskast í hjólbarðaþjónustu að
Smiðjuvegi 32, Kópavogi.
Upplýsingar gefur verkstjóri í síma 44880.
Sólning hf.
Verkamenn
Viljum ráða vana byggingaverkamenn að
Blönduvirkjun.
Upplýsingar í síma 622700 á skrifstofutíma
og um helgina hjá Gísla Kristóferssyni í síma
45928.
Fossvirki.
Kennarar - kennarar
- kennarar
Kennara vantar til almennrar kennslu við
grunnskólann, Suðureyri. Húsnæði í boði -
flutningsstyrkur - staðaruppbót.
Nánari upplýsingar hjá skólastjóra í síma
94-6119.
Skóianefnd.
Þrif
Starfsfólk óskast til þess að þrífa nýjar íbúð-
ir við Grandaveg. Tímabundin vinna.
Upplýsingar í síma 20812 á skrifstofutíma.
BYGGINGAFELAG
6YLFA & GUHNARS
Verkamenn óskast
Óskum eftir að ráða verkamenn. Vinnustæði
Grafarvogur, Skúlagata og Grandavegur.
Einungis vanir og reglusamir menn koma til
greina.
Upplýsingar í síma 20812 á skrifstofutíma.
BY6GIN6AFÉLAG
6YLFA & 6UNNARS
Afgreiðslustarf
Starfskraftur óskast í tískuverslun á Stór-
Reykjavíkursvæðinu.
Tilboð sendist auglýsingadeild Mbl. fyrir 22.
september merkt: „Tíska-9035“
Sölumaður
Fyrirtæki sem selur þekkt hreinsiefni og til-
heyrandi þjónustu til stóreldhúsa og mat-
vælaiðnaðarins, óskar eftir góðum starfs-
krafti til sölu- og þjónustustarfa. Viðkomandi
þarf að vera laghentur og enskumælandi
vegna námsskeiða erlendis. Æskilegur aldur
24-34 ár. Góð laun í boði fyrir réttan mann.
Tilboð leggist inn á auglýsingad. Mbl., merkt:
„Sölumaður-7124“ fyrir 20. sept.
SVÆÐISSTJÓRN MÁLEFNA FATLAÐRA
NORÐURLANDIVESTRA
Pósthólf 32
560 VARMAHLÍÐ
Þroskaþjálfar
Svæðisstjómin óskar eftir að ráða forstöðu-
mann við leikfangasafnið á Blönduósi. Leik-
fangasafnið þjónar börnum á skólaaldri í
Austur- og Vestur-Húnavatnssýslu.
Upplýsingar gefa forstöðumaður leikfanga-
safns, sími 95-24188 og framkvæmdastjóri
svæðisstjórnar í síma 95-35002.