Morgunblaðið - 03.09.1991, Side 38

38
MORGUNBLAÐIÐ ÞRIÐJUDAGUR 3. SEPTEMBER 1991
Fjórðungsþing Norðlendinga:
Samþykkt að stefna að stofn-
un tvennra nýrra samtaka
FJÓRÐUNGSSAMBAND Norð-
lendinga verður að öllum líkind-
um lagt niður í núverandi mynd.
A fjórðungsþingi á Húsavík var
tillaga þess efnis samþykkt sam-
hljóða og nefndir skipaðar til að
undirbúa stofnun tvennra lands-
hlutasamtaka, í sínu kjördæmi
hvor. Ekki hefur verið afráðið
hvar hin nýju samtök hafa bæki-
stöðvar.
Á fjórðungsþinginu var tillagan
Fyrirlestur
um heilsu
almennings
BO Hendricson, læknir og for-
stöðumaður heilsugæslustöðvar-
innar í Arjeplog í Svíþjóð heldur
fyrirlestur í Félagsmiðstöðinni í
Lundarskóla á Akureyri í kvöld,
þriðjudag, kl. 20.
Fyrirlesturinn nefnist „Hvað geta
íþróttahreyfingin og heilbrigðis-
stéttir gert sameiginlega til þess
að efla heilsu almennings?" Allt
áhugafólk um málefnið er velkomið,
en að fyrirlestrinum standa Heilsu-
gæslustöðin á Akureyri, íþrótta- og
tómstundaráð Akureyrar og
íþróttabandalag Akureyrar.
--------------
Todmobile,
Sálin og Point
Blank í 1929
TÓNLEIKAR verða í veitinga-
staðnum 1929 í kvöld. Þar leika
hljómsveitirnar Sálin hans Jóns
mins, Todmobile, Point Blank,
en hana skipa þeir Mezzorforte-
menn, Friðrik Karlsson, Eyþór
Gunnarsson, Gunrdaugur Briem
og Jóhann Ásmundsson, ásamt
þeim Pétri Grétarsyni og Kjart-
ani Valdimarssyni. Ennfremur
mun Ellen Kristjánsdóttir verða
þeim til fulltingis.
í næstu viku halda þessar sömu
sveitir af landi brott til tónleika-
halds í Danmörku og eru þessir
tónleikar liður í undirbúningi fyrir
þá ferð.
Vert er að geta þess að í 1929
verður ekkert aldurstakmark og því
öllum heimil innganga. Tónleikarnir
hefjast kl. 22.00.
um uppstokkun fjóðrungssambands-
ins meginmálið auk þess sem fjallað
var um skýrslu nefndar um skipulag
í Byggðastofnunar, um nýjar leiðir
í byggðamálum. Ingunn St. Svavars-
dóttir, formaður sambandsins, sagði
að eðlilega hefðu þingmenn eytt
mestum kröftum í að fjalla um tillög-
una um breytta starfshætti. Fjallað
hefði verið um málið í stórri nefnd
og það síðan afgreitt með svohljóð-
andi tillögu fjórðungsmála- og alls-
hetjamefndar:
Fjórðungsþing Norðlendinga,
haldið á Húsavík 30. og 31. ágúst
.1991, samþykkir að kjósa tvær 3ja
manna nefndir, eina úr hvoru kjör-
dæmi, sem hafi það verkefni að
undirbúa stofnun landshlutasam-
taka sveitarfélaga á Norðurlandi á
kjördæmagrundvelli í samræmi við
104. grein sveitarstjórnarlaga og
leggja niðurstöður sínar fyrir reglu-
legt fjórðungsjiing 1992, eða auka-
þing sem haldið yrði fyrr ef ástæða
þykir til.
Samhliða stofnun nýrra landshlut-
asamtaka yrði Fjórðungssamband
Norðlendinga lagt niður.
Þessi tillaga var samþykkt
samhljóða.
I undirbúningsnefndir stofnunar
nýrra samtaka í hvoru kjördæmi
voru kjörnir á Norðurlandi eystra:
Halldór Jónsson á Akureyri, Einar
Njálsson á Húsavík og Jóhannes
Sigfússon á Gunnarsstöðum í Þistil-
firði. Á Norðurlandi vestra eru í
nefndinni: Bjarni Þór Einarsson á
Hvammstanga, Valgarður Hilmars-
son á FVemstagili í Langadal og
Björn Sigurbjörnsson á Sauðárkróki.
Ekki óhagstætt fjárhagslega
Ingunn sagði að á þinginu hefðu
heyrst raddir um að leggja ijórð-
ungssambandið einfaldlega niður og
láta héraðsnefndir hveija á sínum
stað annast þau mál sem sambandið
hefði séð um til þessa en þær radd-
ir hefðu ekki fengið hljómgrunn.
Ingunn ságði að breytingin úr ein-
um samtökum í tvenn yrði ekki
óhagstæð íjárhagslega. Tvenn sam-
tök fengju úr jöfnunarsjóði samtals
um 8,2 milljónir króna en fjórðungs-
samtökin hefðu hingað til aðeins
hlotið úr sjóðnum fjárhæð sem svar-
aði til eins kjördæmis, eða 4,7 millj-
ónir. Þetta, að með nýjum samtökutn
sætu Norðlendingar við sama borð
og aðrir hvað fjárveitingar þessar
snertir, hefði að sönnu ýtt undir að
ákveðið hefði verið að láta reyna á
málið. Ákveðið hefði verið á þinginu
að heimila að kalla saman aukaþing
með vorj til að kanna árangur undir-
búningsstarfsins og stofna svo hin
nýju landshlutasamtök á fjórðungs-
þingi næsta haust.
Akurevrarbær
'Til áhugasamra
Barnaskóla Akureyrar er þörf fyrir kenn-
ara til að sinna sérkennslu, kennslu á
bókasafni og heimilisfræði. Samtals er um
að ræða eina og hálfa stöðu.
Einnig er til umsóknar hlutastarf uppeldis-
fulltrúa og almennt starf á bókasafni.
Upplýsingar gefa skólastjóri í síma
96-24449 (heimasími 96-24661) og að-
stoðarskólastjóri í síma 96-24171
(heimasími 96-26747).
Þingfulltrúar á fjórðungsþingi þungt hugsi. Morgunblaðið/Rúnar Þór
Ingunn sagði ennfremur að
ákveðið hefði verið að kanna fyrst
grundvöll samtakanna og ákveða
síðar hvar þau hefðu aðsetur. Að
vísu hefðu áður komið fram raddir
um að miðstöð samtakanna á vest-
anverðu Norðurlandi gæti orðið á
Blönduósi og á austanverðu svæðinu
á Húsavík. Að baki þeim hugmynd-
um lægi að þetta gæti orðið þessum
stöðum lyftistöng um leið og því
fylgdi valddreifing, enda mætti segja
að Sauðárkrókur og Akureyri hefðu
nóg verkefni sem miðstöðvar eða
stærstu þjónustustaðir kjördæ-
Björn Sigurbjörnsson, flutnings-
maður upphaflegrar tillögu um
stofnun tvennra samtaka í stað
ijórðungssambandsins, sagði að
hugmyndin að baki henni væri ekki
ný. Lengi hefðu verið uppi umræður
um að skipta sambandinu í smærri
einingar og nú væri einfaldlega ver-
ið að stíga til fulls skref sem þokast
hefði í áttina að í nærfellt tvo ára-
tugi. Skipting Norðurlands í tvö
kjördæmi væri orðin gömul stað-
reynd og reynslan hefði sýnt að í
fjölmörgum hagsmunamálum hefði
um árabil verið talið eðlilegra að
vinna í kjördæmum en á Norður-
Ingunn St. Svavarsdóttir, for-
maður Fjórðungssambands
Norðlendinga.
landi öllu. Um það væru dæmi eins
og atvinnuþróunarnefndir, ferða-
málaráð og fræðsluráð og með til-
komu héraðsnefnda hefði verið unn-
ið gott starf í þágu menntamála í
tengslum við rekstur Fjölbrautaskól-
ans á Sauðárkróki og heilbrigðiseft-
irlit væri að komast á grundvöll
héraðsnefnda.
Áskell Einarsson, framkvæmda-
stjóri fjórðungssambandsins, vill að
farið verði varlega í að slíta sam-
bandinu. Hann gat þess í stuttri
ræðu á föstudag að hann teldi rétt
að bíða ögn og láta reyna á hvort
stjórnvöld létu verða að því að
treysta betur stöðu landshlutasam-
taka og taka ákvarðanir í ljósi þess.
Þessi viðvörun hlaut ekki hljóm-
grunn á þinginu eins og sést á sam-
þykkt þess. Áskell sagði í sámtali
við Morgunblaðið að vissulega hefði
lengi stefnt í þessa átt, en menn
skyldu gæta þess að hér væri verið
að skipta í misstóra hluta.
Endurskoðun fjárhagsáætlunar Akureyrarbæjar:
Framkvæmdum við dag-
vist og slökkvistöð frestað
Yfirstandandi verkefni ekki stöðvuð
Á FUNDI bæjarráðs Akureyrar í síðustu viku var fjárhagsáætlun
bæjarins fyrir árið 1991 endurskoðuð og yfirfarin, meðal annars í
ljósi þeirra áfalla sem bærinn verður fyrir vegna gjaldþrota Álafoss
og ístess. Samþykkt var meðal annars að fresta byggingu nýrrar
dagvistar og breytingum á nýju húsnæði slökkvistöðvar en stöðva
ekki verk sem þegar eru hafin. Málið verður endanlega afgreitt á
fundi bæjarstjórnar í dag.
Að sögn Sigurðar J. Sigurðssonar
er endurskoðun sem þessi jafnan
gerð um þetta leyti árs en að þessu
sinni var við alvarlegri efni að eiga
en í venjulegu ári vegna þess mikla
vanda sem á rætur að rekja til þess
að fyrirtækin Álafoss og ístess urðu
gjaldþrota. I kjölfar áfállinna bæj-
arábyrgða vegna þeirra mála þyrfti
að hækka rekstrargjöld um tæplega
80 milljónir króna en þar af eru
áfallnar bæjarábyrgðir um 55 millj-
ónir. Auk þess kæmi til lækkun á
aðstöðugjöldum vegna þessara
gjaldþrotamála og annarra smærri.
Til þess að loka þessu reiknings-
dæmi sagði Sigurður að gripið hefði
verið til þess að fresta til næsta árs
að byggja nýja dagsvist við Helga-
magrastræti, sem áætluð hefði ver-
ið, og auk þess yrði ekki unnið að
breytingum á nýju húsnæði fyrir
slökkvilið Akureyrar á þessu ári
eins og ætlað var. Þó er unnið að
hönnun og undirbúningi þess verks
svo það geti hafist næsta ár. í sam-
bandi við dagvistarmál vildi Sigurð-
ur þó geta þess að í samstarfi við
Fjórðungssjúkrahúsið á Akureyri
yrði komið upp skóladagheimili í
Hamri, félagsheimili Þórs, og það
ætti óbeint að bæta að einhveiju
leyti dagvistarþörf, losaði a.m.k. um
rúm á öðrum heimilum.
Til viðbótar því sem nefnt hefur
verið var ákveðið að Akureyrarbær
yfirtæki hluta rafveitunnar í húsi
bæjarstjómar við Geislagötu, en
rafveitan mun nær áramótum flytja
úr húsinu og hafa alla starfsemi
sína undir einu þaki við Árstíg.
Sigurður sagði að ekki yrðu
stöðvaðar framkvæmdir sem hafnar
væru. Þannig yrði haldið áfram að
malbika götur og ganga frá þeim,
enda væri efni til reiðu og tæplega
unnt að spara sem neinu næmi með
því að stöðva þau verk. Þá yrði fé
veitt til framkvæmda í Listagili eins
og ætlað hefði verið.
„Enda þótt við grípum til þessa
niðurskurðar,“ sagði Sigurður,
„myndast í dæminu gap sem við
verðum að brúa. Það gerum við
með nýjum lántökum sem í heild
verða að upphæð 60 milljónir króna.
Með þessum lánum getum við dreift
hluta áfallanna á næstu 4-5 ár.
Með þessu móti ætlum við að við
mætum áföllunum eins vel og unnt
er í þessari stöðu mála.“
Þórarinn E. Sveinsson, fulltrúi
framsóknarmanna í bæjarstjórn,
sagði í samtali við Morgunblaðið
að ekki væri ástæða til að amast
við þessum tillögum úr því sem
komið væri, enda væri orðið svo
langt liðið á árið. Framsóknarmenn
hefðu að vísu á síðasta fundi bæjar-
stjórnar lagt til að haldið yrði áfram
með dagvistarbyggingu samkvæmt
áætlun en meirihlutinn hefði fellt
þá tillögu og það þjónaði engum
tilgangi að bera hana upp á ný, hún
yrði óðara felld. Hins vegar sagði
hann að hér væri reyndar ekki um
annað að ræða en að breyta upp-
hafstíma verksins, fyrir Iægi að það
yrði boðið út strax eftir áramót og
lokatími verksins yrði eftir sem
áður sá sami og upphaflega hefði
verið áætlað.
Þórarinn sagði að þegar síðasta
fjárhagsáætlun hefði verið gerð
hefðu framsóknarmenn lagt til að
frestað yrði gerð þessarar dagvistar
og það fé sem til hennar átti að
renna lagt í að ljúka við Síðuskóla.
Meirihlutinn hefði lagst gegn því
og frekar kosið að skipta fé milli
skólans og dagvistarinnar. Afieið-
ing áfallanna vegna gjaldþrotamál-
anna væri því einkum sú að seinka
því að Síðuskólaframkvæmdum
lyki, auk lántöku fram í tímann.
Állt þetta mál væri ekki flóknara
en svo að það hefði átt að geta leg-
ið á borðum manna miklu fyrr.