Morgunblaðið - 25.04.1992, Blaðsíða 30

Morgunblaðið/Rúnar Þór
Fylgst með Andrésarleikunum
Lísa Njálsdóttir, Halldóra F. Sigurgeirsdóttir og Ása Katrín Gunnlaugs-
dóttir eru á meðal keppenda á Andrésar andarleikunum sem staðið
hafa yfir í Hiíðarfjalli síðustu daga, en leikunum lýkur í dag, Iaugar-
dag. Þær stöllur fylgdust grannt með framvindu mála á leikunum og
skrifuðu hjá sér tímann hjá keppendum.
Héraðsskjala-
safnið kynnt
almenningi
SUNNUDAGINN 26. apríl nk.
er kynningardagur skjalasafna
á íslandi.
Tilgangur dagsins er að kynna
almenningi starfsemi safnanna,
sýna fram á tilgang þeirra og
hvetja fólk til að afhenda þangað
handrit sín og skjöl. Af þessu til-
efni verður Héraðsskjalasafnið í
Brekkugötu 17 opið þennan dag
frá kl. 14. til 18. Sýning verður á '
skjölum úr safninu og tekið verður
á móti ábendingum um skjöl sem
vert væri að varðveita á þessu
safni eða öðrum skjalasöfnum.
(Fréttatilkynning)
---------------
Leikfélag Menntaskólans á Akureyri:
Betlaraóperan frum-
sýnd 1 Samkomuhúsinu
LEIKFÉLAG Menntaskólans á Akureyri frumsýnir Betlaraóperuna
eftir John Gay í Samkomuhúsinu næstkomandi mánudagskvöld, 27.
apríl.
Leikstjóri er Jón Stefán Krist-
jánsson, leikari og leiklistarkennari
við skólann. Alls taka 17 leikarar
og söngvarar þátt í uppfærslunni,
en um 25 manna hópur hefur starf-
að að sýningunni með einum eða
öðrum hætti.
Betlaraóperan er gamalt verk,
skrifað árið 1728 og fjallar um hlið-
stætt efni og hin sígilda Túskild-
ingsópera, en þetta verk er sett upp
í samtímabúningi. Fjöldi sönglaga
prýðir verkið, rú.a. tíu nútímasöng-
lög, þá verða einnig í sýningunni
lög eftir Atla Heimi Sveinsson, sem
gerð voru fyrir flutning verksins í
útvarpi auk þess sem a.m.k. tvö lög
úr upprunalegum flutningi þess eru
í þessari sýningu menntskælinga.
Betlaraóperan verður sýnd fjór-
um sinnum, mánudags-, þriðju-
dags-, miðvikudags- og fimmtu-
dagskvöld.
Hátíðarsýning á
Islandsklukkunni
LEIKFÉLAG Akureyrar heldur upp á 75 ára afmæli sitt í dag,
laugardag, með sérstakri hátíðarsýningu á Islandsklukkunni eftir
Halldór Laxness. Þá verður í kvöld hátíðardagskrá í Laugaborg
í Eyjafjarðarsveit. I tilefni afmælisins kemur út bókin Saga leik-
listar á Akureyri 1860-1992. Fjöldi gesta mun heiðra félagið með
komu sinni á leiksýninguna.
Úr íslandsklukkunni eftir Halldór Laxness.
Leikfélag Akureyrar var stofn-
að 19. apríl árið 1917 en helstu
hvatamenn þess voru Júlíus
Havsteen, Sigurður E. Hlíðar og
Hallgrímur Valdimarsson. Harald-
ur Bjömsson var einn helsti mátt-
arstólpi félagsins fyrsta áratuginn
og síðan tóku við Ágúst Kvaran,
Jón Norðfjörð og fleiri. Leikfélag
Akureyrar var í áratugi eitt at-
kvæðamesta áhugaleikfélag
landsins, allt þar til það var gert
að atvinnuleikhúsi árið 1973.
Afmælis Leikfélags Akureyrar
verður minnst í dag, laugardag.
Sérstök hátíðarsýning verður á
íslandsklukkunni eftir Halldór
Laxness kl. 15, en auk þess að
vera afmælisverk leikfélagsins
varð íslandsklukkan fyrir valinu
til heiðurs höfundi hennar sem nú
^itendur á níræðu.
Þó Leikfélag Akureyrar sé 75
ára gamalt, er leiklistarstarfsemi
á Akureyri mun eldri og í tilefni
afmælisins gefur LA nú út hið
mikla ritverk Haraldar Sigurðs-
sonar, Saga leiklistar á Akureyri
1860-1992 þar sem saga allra
leiktilburða á Akureyri er rakin í
þau 132 ár sem vitað er um leik-
sýningar þar. Bókin er rúmar 400
blaðsíður og um 600 ljósmyndir
prýða söguna. Fyrstu eintök
bókarinnar verða opnuð á hátíð-
inni í dag.
I kvöld verður haldin af-
mælishátíð í Laugaborg í Eyja-
fjarðarsveit með borðhaldi,
hljóðfæraleik, skemmtiatriðum,
ræðuhöldum og dansi.
Pjöldi gesta mun heiðra leikfé-
lagið með komu sinni á leiksýning-
una og afmælishátíðina, þ.ám.
forseti íslands, frú Vigdís Finn-
bogadóttir, menntamálaráðherra,
Ólafur G. Einarsson, frú Auður
Laxness og ótalmargir aðrir
GRÁMANN, smásaga Valgc-irs
Skagfjörðs, Akureyri, hlaut
fyrstu verðlaun I smásagnasam-
keppni Menningarsamtaka
Norðurlands og Dags.
Úrslit voru kunngjörð við hátíð-
lega athöfn í Gamla Lundi við
Eiðsvöll á dögunum. Alls bárust
sem stutt hafa Leikfélag Akur-
eyrar fyrr og nú.
íslandsklukkan er 229. verk-
efni Leikfélags Akureyrar og
er hún síðasta verkefni þessa
leikárs, en sýningin hefur feng-
52 sögu í keppnina frá fólki úr
öllum landsfjórðungum og voru
höfundar frá 12 ára aldri og upp
í tírætt.
Saga Valgeirs þótti að mati
dómnefndar best þeirra, en auk
þess hlaut Rósa Jóhannsdóttir,
Hleiðargarði í Eyjafjarðarsveit
sérstaka viðurkenningu dóm-
ið mikið lof og góðar móttökur.
Aðalstjórn Leikfélags Akur-
eyrar skipa nú Sunna Borg, for-
maður, Þráinn Karlsson og Guð-
laug Hermannsdóttir, en leik-
hússtjóri er Signý Pálsdóttir.
nefndar fyrir sögu sína Orðin í
rykinu.
í dómnefnd sátu Sigurður Jóns-
son, íslenskukennari við Fjöl-
brautaskóla Norðurlands vestra á
Sauðárkróki, Stefán Sæmundsson,
blaðamaður og Þórdís Jónsdóttir
íslenskukennari við Verkmennta-
skólann á Akureyri.
Smásagnasamkeppni Menor og Dags:
Saga Valgeirs Skagfjörðs verðlaunuð
Sýningu
Guðmund-
ar Armanns
að ljúka
SÝNINGU Guðmundar Ár-
raanns Sigurjónssonar lýkur nú
um helgina. Opið verður í dag,
laugardag, og á morgun, sunnu-
dag, frá kl. 14 til 19.
Á sýningunni, sem haldin er í
vinnustofu Guðmundar Ármanns
í Kaupvangsstræti 14, bak við
Myndlistarskólann á Akureyri, eru
32 grafíkverk, dúkristur og ein-
þrykk, en öll verkin eru unnin á
þessu og síðasta ári. Sýningin
hefur fengið góðar viðtökur og
fjölmargir hafa nú þegar séð hana,
en sem fyrr segir lýkur henni nú
um þessa helgi.
Leikfélag Akureyrar 75 ára;
V ortónleikar Passínkórs-
ins í Akureyrarkirkju
PASSÍUKÓRINN ásamt einsöngv-
urum og hljóðfæraleikurum efnir
til tónleika í Akureyrarkirkju á
morgun, sunnudaginn 26. apríl,
kl. 17. Stjórnandi er Roar Kvam,
en einsöngvarar með kórnum eru
að þessu sinni Elísabet F. Eiríks-
dóttir, sópran, Guðlaugur Vikt-
orsson, tenór, og Michael J.
Clarke, bariton.
Á efnisskránni eru verkin „Oh,
sing unto the Lord“ eftir G.F. Hand-
el og „Miss Criolla" eftir argentíska
tónskáldið Ariel Ramirez. Þar að
auki munu Michael J. Clarke, bari-
ton, og Richard Simm, píanóleikari,
flytja tvo þætti úr „Mass“ eftir Leon-
ard Bemstein.
Fyrstu tvö verkin eru trúarleg,
en textinn við verk Handels er 96.
Davíðssálmur. „Miss Criolla" var
samið árið 1963 og náði strax vin-
sældum og hefur verið flutt víða um
heim, hér á landi hefur Kór Lang-
holtskirkju tvisvar flutt þetta verk.
Síðasta verkið sem flutt verður á
tónleikunum samdi hinn kunni
hljómsveitarstjóri og tónskáld Leon-
ard Bemstein að beiðni ekkju John
F. Kennedy í tilefni af opnun
Kennedy Center í Washington D.C.
------» » ♦----
Hestur sló
mann í andlitið
MAÐUR hlaut áverka í andliti eft-
ir að hestur sló til hans.
Maðurinn var ásamt hópi hesta-
manna við rétt skammt frá Hrafna-
gili um hádegisbil á sumardaginn
fyrsta. Svo virðist sem hesturinn
hafi af fælst, en við það datt maður-
inn af baki og vildi þá svo illa til að
hesturinn rak hófinn í andlit hans.
Hlaut maðurinn töluverðan áverka
og blæddi honum mikið.
Ættarmót
í Grímsey
DAGANA 12. til 14. júní næst-
komandi er fyrirhugað að halda
ættarmót afkomenda hjónanna
Ingu Jóhannesdóttur og Guð-
laugs Óla Hjálmarssonar sem
bjuggn í Garði í Grímsey.
Vænst er góðrar þátttöku afkom-
enda þeirra, sem vinsamlega eru
beðnir að tilkynna sig fyrir 15. maí
næstkomandi til Huldu Reykjalín
eða Vilborgar Sigurðardóttur í
Grímsey.
(Fréttatilkynning)
----» ♦-------
Maður slas-
aðist nokk-
uð í bílveltu
MAÐUR slasaðist nokkuð er
jeppi sem hann ók valt og fór
út af Grenivíkurvegi við Ystuvík-
urhóla um hádegi í gær.
Maðurinn ók jeppa og dró hann
háa kerru þar sem í voru tveir kálf-
ar. Að sögn varðstjóra lögreglunnar
á Akureyri virðist sem misvinda
hafi verið á þessum slóðum og tek-
ið hafí í kerruna af þeim sökum,
með þeim afleiðingum að hún valt
og síðan bíllinn.
Okumaður kvartaði um meiðsl í
baki og var hann fluttur á Fjórð-
ungssjúkrahúsið á Akureyri. Bif-
reiðin er mikið skemmd, en kálfarn-
ir sluppu ómeiddir.