Morgunblaðið - 25.07.1992, Blaðsíða 20
20
MORGUNBLAÐIÐ LAUGARDAGUR 25. JÚLÍ 1992
Minning:
Eiríkur Hauk-
ur Stefánsson
Fæddur 24. ágúst 1933
Dáinn 17. júlí 1992
Er söfnumst við að kveðja þig hér
í hinsta sinn,
á horfna tímann lítum við til baka.
Þ6 gröfin okkur skilji nú góði vinur minn,
þú gleymist ei, en minningamar vaka.
(Úr fórum Stefáns Vagnssonar
frá Hjaltastöðum)
Svo orti faðir okkar, Stefán
Vagnsson um fallinn félaga og vin.
Þessar ljóðlínur hverfa ekki úr huga
mér, er komið er að svo ótímabærri
og óvæntri kveðjustund okkar
Hauks bróður míns. Minningamar
vaka. Svo sannarlega hrannast upp
í huga minn ótal minningar. Ljúfar
æskuminningar, skemmtilegar og
gáskafullar stundir unglingsáranna,
vinátta og tryggð sem þróaðist með'
okkur eftir því sem árin liðu. Og
aldrei brást.
Við vorum fimm systkinin. Þtjú
þau elstu farin að heiman. Við tvö
þau yngstu eftir í kotinu. Fjögur
ár skildu okkur að, Haukur hafði
vinninginn. Ekki var auður í búi
foreldra okkar, en gleði og ham-
ingja réði þar ríkjum. Þar var gott
að alast upp. Ég dáðist að Hauki
og hafði margar ástæður til að vera
stolt af honum. Sem ungur drengur
smíðaði hann skip og flugvélar sem
voru það fallegasta sem ég hafði
séð. Og teikningamar hans eru
ógleymanlegar. Það minnti á helgi-
athöfn þegar skúffan með teikni-
blokkinni var opnuð og ég fékk að
sjá þessi meistaraverk. Svo hög var
höndin hans. En þessu var hann
ekki að halda á lofti, helst mátti
ekki á það minnast. Slík var hóg-
værðin.
Bréfin sem hann skrifaði mér,
árið sem hann var í Kanada, þá lið-
lega tvítugur vom ævintýri líkust.
Frábærar lýsingar á ótrúlegum at-
burðum og öllu því stórkostlega sem
fyrir augu bar. Þar komu frásagn-
arhæfíleikar hans vel í ljós. Og hans
fallega rithönd rýrði ekki gildi
þeirra. Bréfin vom marglesin og
gott að fá af honum fréttirnar. En
best af öllu var þegar hann kom
aftur heim.
Hann var hrókur alls fagnaðar á
góðri stundu. Þá var ekki hávaðan-
um fyrir að fara. Þá réðu ríkjum
hnyttin tilsvör og frábært skopskyn.
Tryggðin var hans aðalsmerki. Aldr-
ei leið sú vika að ekki kæmi Haukur
í morgunkaffi til mín. Engan vissan
dag, bara þegar tími var til. En
oftar en ekki fann ég fyrir komu
hans áður, var jafnvel búin að hella
uppá könnuna þegar hann birtist.
Alltaf þekkti ég hvemig hann opn-
aði útihurðina, tafði augnablik í for-
stofunni, bankaði tvö til þrjú högg
á millihurðina. Ég þurfti ekki að
fara til dyra, hann var kominn og
notaleg stund í vændum. Og um
margt var spjallað. Bókmennta-
smekkur hans var frábær. Hann
hafði gaman af góðum kvikmynd-
um, helst breskum. Flugið heillaði
hann ungan og oft bar það á góma.
Ferðalög vom rædd, bæði þau sem
vom að baki og oft vom gerðar
áætlanir um ný. Og á létta strengi
var slegið og horft á spaugilegar
hliðar daglegs lífs. Þetta vom mér
ómetanlegar stundir, og ég held að
hann hafi notið þeirra líka. En nú
verða þær ekki fleiri. Mikið mun ég
sakna þeirra og sakna hans, þessa
trausta og tiygga bróður og vinar.
Ég held nú samt að ég eigi eftir
að finna þessa tilfinningu að hann
sé að koma í morgunkaffið. Þá helli
ég upp á könnuna, sest í sætið mitt
og gef mig minningunum á vald.
Og þær vaka.
Hrafnhildur Stefánsdóttir.
í dag verður gerð útför móður-
bróður míns og vinar, Hauks Stef-
ánssonar frá Sauðakróki. Við ótíma-
bært fráfall hans sækja fast á ljúfar
minningar um góðan frænda og vin.
Veit ég, að þær munu fylgja mér
ófölskvaðar til leiðarloka.
Eiríkur Haukur Stefánsson var
fæddur á Hjaltastöðum í Blönduhlíð
24. ágúst 1933. Var hann því tæp-
lega 59 ára, er hann andaðist. For-
eldrar hans voru hjónin Helga Jóns-
dóttir og Stefán Vagnsson, sem þar
bjuggu þá. Síðar, meðan Haukur var
þó enn á barnsaldri, fluttist fjöl-
skyldan til Sauðárkróks, þar sem
heimili foreldra hans stóð síðan
meðan bæði lifðu. Enn um sinn
dvaldi þó Haukur allmörg sumur á
gömlum slóðum í Blönduhlíðinni, hjá
góðu fólki á næsta bæ, Hjaltastaða-
koti (nafni þess bæjar var síðar
breytt í Grænumýri). Batt hann
tryggð við Blönduhlíðina enda stóðu
ættir hans þar traustum fótum. í
föðurætt var Haukur m.a. af Djúpa-
dalsætt, svonefndri, sem á sér alda-
langa sögu í Skagafirði (kennd við
bæinn Djúpadal í Blönduhlíð), en afi
hans og amma í móðurætt bjuggu
á Flugumýri í Blönduhlíð.
Að lokinni þeirri skólagöngu, er
þá bauðst á Sauðárkróki, lá leið
Hauks um sinn á vit ævintýra í fjar-
Iægu landi. Til Kanada hélt hann
ásamt æskuvini sínum, Kára Jóns-
syni frá Sauðárkróki, snemma á
sjötta áratugnum. Dvaldi hann þar,
aðallega í Winnipeg, í hálft annað
ár við ýmis störf, en Kári hélt heim
á leið nokkru fyrr. í hópi Vestur-
íslendinga á þeim slóðum átti Hauk-
ur margt skyldmenna, sem reyndust
þeim félögum vel og greiddu götu
þeirra. Er ekki að efa, að utanförin
varð þessum ungu Skagfírðingum
mikil og góð þroskaraun, en á þess-
um tímum voru ferðir íslendinga til
Kanada næsta fátíðar. Áður en ferð-
in væri hafin urðu þeir félagar m.a.
að afla sér fullkomins innflytjenda-
leyfis frá kanadískum stjórnvöldum
— sem ekki mun hafa verið einfalt
mál. í Winnipeg hóf Haukur m.a.
undirbúning að flugnámi, sem hugur
hans stóð mjög til, en eftir að í ljós
kom að hann hafði sjónskekkju
brugðust vonir hans um atvinnuflug-
mannsnám og starfsferil á því sviði.
Veit ég með vissu, að það urðu hon-
um sár vonbrigði, en áhugi hans á
flugi og flugmálum dofnaði þó ekki
og entist honum, margefldur, allt til
dánardags. Enn eru mér í minni
fallegu kortin og myndirnar, sem
hann sendi mér, barnungum frænda
sínum, frá þessu stóra og framandi
landi. Löngu síðar átti hann eftir
að vitja Kanada á ný, og þá í fylgd
konu sinnar. Góð tengsl hafði hann,
fyrr og síðar, við ýmsa Vestur-
íslendinga, einkum frændfólk sitt. Á
banabeði ræddi hann m.a. við mig
um Kanada og hvatti mig mjög til
að fara þangað hið fyrsta og kynn-
ast „æskuslóðum" sínum þar.
Heimkominn frá Kanada var
Haukur í fyrstu leitandi um heppi-
lega starfsbraut, en margt gat vissu-
lega komið til greina í því efni enda
hæfileikar nógir og fjölþættir. Atvik
réðust þó svo, að um langskólanám
varð ekki að ræða. Veit ég, að þess
iðraðist hann stundum síðar, þótt
eigi verði annað sagt en að hann
hafi í störfum sínum um ævina feng-
ið sæmilegt viðnám hæfni sinnar og
starfsorku. Má segja, að tilviljun
hafi ráðið því, að hann hóf nám í
húsamálaraiðn í Reykjavík og lauk
hann því námi með góðum vitnis-
burði. Á Sauðárkróki hafði hann síð-
an ærinn starfa sem málarameistari
um langt árabil og gat sér gott orð
fyrir dugnað og smekkvísi á því sviði.
Átti hann þá lengst af samstarf við
Jónas Þór Pálsson. Fyrr á árum
vann ég eitt sumar við málningar-
störf með þeim félögum, undir stjórn
Hauks, og fékk þá eftirminnilega
tilsögn í réttum vinnubrögðum. Á
ég góðar minningar frá þéssu sumri.
Árið 1963 gekk Haukur að eiga
Minnie Leósdóttur hjúkrunarkonu
frá Siglufirði, og stóð heimili þeirra
æ síðan á Sauðárkróki. Reistu þau
sér brátt myndarlegt hús að Víði-
grund 13. Má fullyrða, að heimili
þeirra hjóna hafi borið af mörgum
öðrum fyrir snyrtimennsku, enda
húsráðendur nákvæmir um alla hí-
býlaprýði og daglega háttu, en hitt
var þó meira um vert, sem mætti
gestum þeirra: Hlýtt viðmót og
rausnarskapur, sem seint gleymist.
Þeim hjónum varð eigi barna auð-
ið og atvik höguðu því svo, að börn
Minniar, er hún átti fyrir hjónaband
þeirra Hauks, Sæunn Óladóttir og
Leó Ólason, ólust ekki upp hjá þeim.
Til þeirra bar þó Haukur hlýjan
hug. Var hann alla tíð mjög barngóð-
ur, svo sem frændsystkini hans
mörg mega best þekkja — og þá
ekki hvað síst sá, er þetta ritar. Við
Haukur áttum sameiginlegt æsku-
heimili á Sauðárkróki. Var hann eigi
nema rétt kominn á unglingsár, þeg-
ar ég man fyrst eftir mér. Þar eð
aldursmunur okkar var ekki nema
ellefu ár kom hann þá — og reyndar
æ síðan — fram við mig sem væri
ég yngri bróðir hans, sem margt
WtJKOAUGL YSINGAR
Lokað!
Við höfum lokað næstu viku vegna sumarleyfa.
Opnum aftur þriðjudaginn 4. ágúst.
ÍIÉ| S.ÁRMANN MAGNÚSSON
Skútuvogi 12j - Sími 687070
Tónlistarkennarar
Athugið að atkvæðagreiðsla um nýgerða
kjarasamninga fer fram vikuna 23.-29. júlí.
Kjörgögn hafa verið send til félagsmanna.
Kjörskrá liggur frammi á skrifstofu Kennara-
sambands Islands, Grettisgötu 89.
Takið afstöðu.
Stjórn Félags tónlistarkennara.
Keflavíkursöfnuður!
Auka aðalsafnaðarfundur
Auka aðalsafnaðarfundur í Keflavíkursókn verð-
ur haldinn miðvikudaginn 29. júlí nk. í safnaðar-
heimilinu Kirkjulundi og hefst kl. 20.30.
Dagskrá:
1. Skýrsla fráfarandi sóknarnefndar.
2. Reikningar lagðir fram.
3. Kosning sóknarnefndar og varamanna.
4. Kosning safnaðarfulltrúa og varamanns
hans.
5. Önnur mál.
Bragi Friðriksson, prófastur
Kjaiarnessprófastsdæmis.
FLUGVI RKJ AFÉLAG ÍSLANDS
Borgartúni 22, sími 626110,
105 Reykjavík
Almennur félagsfundur
F.V.F.Í. verður haldinn í Borgartúni 22
fimmtudaginn 30. júlí klukkan 16.00.
1. Atkvæðagreiðsla um nýgerðan kjara
samning.
2. Önnur mál.
Mætið vel og stundvíslega.
Stjórnin.
FERÐAFÉLAG
ÍSLANDS
MÖRKINNI 6 - SÍMI 682533
Styttri ferðir um helgina
Sunnudagur 26. júlí
Raðgangan um Hvatfjörð 8. ferð.
A. Fjallahringurinn: Kl. 10.30
Hvalfell - Glymur. Gengið út
Botnsdal á fellið (848 m.y.s)
B. Á lægri slóðum: Kl. 13.00
Brynjudalur - Botnsdalur.
Skemmtileg ganga um gamla
þjóðleið yfir Hrísháls. Athugið
breytingu á ferð nr. 2 frá þvf
sem stendur í prentaðri áætl-
un. Verð 1.100,- kr. frftt f. börn
m. fullorðnum. Verið með f síð-
ari hluta raðgöngunnar. Tilvalið
að byrja. Spurning ferðaget-
raunar: Hvert er næstdýpsta
stöðuvatn landsins?
Sunnudagsferð í Þórsmörk kl.
08. Verð 2.500 kr. (hálft gjald
fyrir 7-15 ára). Brottför í allar
ferðir frá Umferðarmiðstöð-
inni, austanmegin (stansað við
Mörkina 6).
Kvöldferð f Strompahella mið-
vikudagskvöldið 29. júf.
Ferðafélag (slands.
Þingvellir um helgina:
Söguferðir um þinghelgi (á
ensku, þýsku og ísiensku).
Gönguferð í Skógarkot og
Hrauntún. Náttúruskoðunar- og
leikjadagskrár fyrir börn.
Upplýsingar í þjónustumiöstöð.
Guðsþjónusta fellur niður vegna
Skálholtshátíðar.
Þjóðgarðsvörður.
UTIVIST
Hallvoigarstig l • simi 614330
Dagsferð sunnud. 26. júlí
Kl. 10.30 Fjallganga nr. 9:
Hengill. Gengið upp Sleggju-
beinsskarð og eftir vesturbrún
Innstadals og þaðan á Skeggja
hæstu brún fjallsins 803 m. y.s.
Brottför frá BSÍ bensínsölu.
Verð 1.000/900.-
Ath.: Áður augl. ferð sunnud.
26. júlí kl. 10.30 Nesjar - Skinn-
húfuhöfði fellur niður.
Sjáumst í Útivistarferð.
Hvítasunnukirkjan
Ffiadelfía
Bænasamkoma í kvöld kl. 20.30.
Allir hjartanlega velkomnir.
Dagskrá vikunnar framundan:
Sunnudagur: Brauðsbrotning
kl. 11.00. Ræðumaður Hafliði
Kristinsson. Almenn samkoma
kl. 20.00. Ræðumaður Hafliði
Kristinsson.
Landsmót hvítasunnumanna
hefst fimmtudaginn 30. júlí í
Kirkjulækjarkoti, Fljótshlíö.
Samkomur í vikunni og um
næstu helgi í Ffladelfíu falla niður.
Sjáumst öll í Kirkjulækjarkoti.
Fella- og Hólakirkja
Kvöldguðsþjónusta kl. 20.30.
Prestur: Sóra Guðmundur Karl
Ágústsson. Ritningarlestur ann-
ast Guðlaugur Heiðar Jakobsson
og Ragnhildur Hjaltadóttir. Org-
anisti: Marteinn H. Friðriksson.
Allir hjartanlega velkomnir.
Heitt á könnunni.
Prestarnir.
;; VEGURINN
jy Kristið samfélag
Smiðjuvegi 5, Kópavogi.
Samkoma kl. 21.00 fyrir ungt
fólk á öllum aldri. Mikill söngur,
gleði og prédikun orðsins.
Allir velkomnir.
„Öll veröldin fagni fyrir Drottnil
... komið fyrir auglit hans meö
fagnaðarsöng!"
Hjálpræðis-
herinn
Kirkjustræti 2
Sunnudag kl. 16: Útisamkoma á
Lækjartorgi.
Kl. 20: Fagnaðarsamkoma fyrir
kapteinana Elbjörgu og Thor
Narve Kvist, nýja flokksforingja
í Reykjavík. Major Daníel Ósk-
arsson stjórnar. Allir velkomnir.