Morgunblaðið - 26.10.1993, Blaðsíða 17
MORGUNBLAÐIÐ ÞRIÐJUDAGUR 26. OKTÓBER 1993
17
31. LANDSFUNDUR SJALFSTÆÐISFLOKKSINS I LAUGARDALSHOLL
Hallalaus fjárlög
án skattahækkana
í ÁLYKTUN landsfundar um skattamál segir að Sjálfstæðisflokkur-
inn telji jöfnuð í ríkisfjármálum vera forgangsverkefni, þegar í stað
verði að hefjast handa við gerð áætlunar um lækkun ríkisútgjalda
sem tryggi hallalaus fjárlög án þess að til skattahækkana komi. Við
afgreiðslu ályktunarinnar var vísað til miðsljórnar tillögu gegn mis-
munun við skattlagningu einstakra stétta. I umræðum kom fram að
með þessu var vísað til sjómannaafsláttar.
Þorsteinn Halldórsson í Kópavogi
lagði til að í stað þess að ályktun
landsfundar ítrekaði þá afstöðu
Sjálfstæðisflokksins að atvinnu-
greinum verði ekki mismunað við
álagningu opinberra gjalda yrði
sagt að hvorki atvinnugreinum né
stétt launþega yrði mismunað. Til-
lögunni var andmælt og vísað til
miðstjórnar að tillögu m.a. Friðriks
Sophussonar fjármálaráðherra.
Tekjuskattshlutfall þarf að
lækka
í skattamálaályktun segir einnig
m.a. að Sjálfstæðisflokkurinn muni
standa við að hátekjuskatturinn
falli niður að tveimur árum liðnum.
Einnig að þótt jákvæð skref hafi
verið tekin með fækkun og lækkun
frádráttarliða við skattlagningu
launa ítreki Sjálfstæðisflokkurinn
að tekjuskattshlutfall launamanna
þurfi að lækka. Þá segir að ekki
komi til greina að skattleggja nema
annaðhvort eign eða eignatekjur,
annað leiði til tvísköttunar og þar
með ofsköttunar.
Þá er lögð áhersla að áfram verði
haldið á þeirri braut í skattamálum
að fjármagna hluta af starfsemi
hins opinbera með þjónustugjöld-
um, sem séu til þess fallin að efla
kostnaðarvitund þeirra sem njóta
þjónustu og veita, og stuðla þannig
að sparnaði og betri meðferð al-
mannaijár.
Starfshópur á landsfundinum
sem fjallaði um viðskipta- og neyt-
endamál lagði til í ályktun að ríkis-
fyrirtæki og hlutur ríkisins í at-
vinnufyrirtækjum skyldu seld eða
lögð niður og voru í því efni talin
upp 22 fyrirtæki. Þeirra á meðal
voru Þjónustumiðstöð ríkisverð-
bréfa, mötuneyti og veislusalir rík-
isins, Þormóður rammi hf., Flugstöð
Leifs Eiríkssonar, Skólavörubuðin,
Á.T.V.R., Ríkisútvarpið, Byggða-
stofnun og ríkisbankarnir. Sam-
ræmingarnefnd landsfundarins
felldi hins vegar upptalningu fyrir-
tækjanna út úr ályktuninni áður en
hún var tekin til afgreiðslu á sunnu-
dag og einnig tillögu starfshópsins
um að matarskatturinn verði af-
lagður með öllu.
Landsfundurinn samþykkti
ályktun um húsnæðismál þar sem
segir að til að auðvelda ungu fólki
að koma sér upp eigin íbúð beri að
stuðla að því að hægt verði að veita
húsbréfalán fyrir 80-90% íbúðarS-
verðs til þeirra sem eru að kaupa
fyrstu íbúð. Jafnfram verði fólki
gefinn kostur á að velja um mis-
munandi lánstíma í húsbréfakerf-
inu. Samþykkt var að húsbréfa-
deildin verði gerð að hlutafélagi
með eignaraðild ríkisins, ríkis-
ábyrgð verði takmörkuð og aðeins
veitt fyrir þá sem eru að byija sinn
búskap og einnig verði kannað
hvort húsbréf með ríkisábyrgð geti
tekið við hlutverki félagsíbúðalána.
Þá verði sköpuð skilyrði fyrir banka
til að hasla sér völl á vettvangi
húsnæðislána og í kjölfar þessara
breytinga verði Húsnæðisstofnun
ríkisins lögð niður í núverandi
mynd.
Deilt um eignarrétt í
Iðnlánasjóði
Nokkrar deilur urðu um eignar-
rétt á Iðnlánasjóði við umræður um
iðnaðarmálaályktun landsfundar-
ins. í drögum sem lögð voru fyrir
landsfundinn segir að Iðnlánasjóði
verði breytt í hlutafélag og ríkis-
ábyrgð sjóðsins afnumin. Hluthafar
verði þeir er lagt hafi sjóðnum til fé
í samræmi við framlög þeirra. Var
þessari síðustu setningu breytt í
starfshópi á þann veg að „iðnaður-
inn fái viðurkenndan eignarrétt sinn
á sjóðnum," eins og það er orðað í
endanlegri ályktun fundarins. Har-
aldur Sumarliðason, formaður Sam-
taka iðnaðarins, sagði að um
margra ára skeið hefðu verið deilur
milli stjórnvalda og iðnaðarins um
þessi mál en samkomulag hefði loks
tekist fyrr á þessu ári og sagði
RÚV reki eitt
útvarp án
afnotagjalda
LANDSFUNDUR Sjálfstæðis-
flokksins vill að Ríkisútvarpið
útvarpi hljóðvarpsdagskrá á
einni rás sem höfði til breiðs
hlustendahóps. Afnotagjöld
verði afnumin og Ríkisútvarpinu
markaður annar tekjustofn.
í ályktun fundarins um menning-
armál segir að endurskoða verði
starfsemi Ríkisútvarpsins með það
að markmiði að það gegni fyrst og
fremst menningarhlutverki, komi
fram sem samnefnari þjóðarinnar
og efli innlenda dagskrárgerð. Það
verði best gert með markvissri og
vel skipulagðri sjónvarpsdagskrá
og hljóðvarpsdagskrá á einni rás,
sem höfði til breiðs hlustendahóps.
Skipulag RÚV verði endurskoðað
með það fyrir augum að draga úr
yfirbyggingu og leggja aukna
áherslu á framleiðslu dagskrárefn-
is. Þar komi útboð vel til álita, þar
sem þau séu vel fallin til að styrkja
stöðu sjálfstæðra framleiðenda.
Haraldur eðlilegt að stjórnvöld og
samtök iðnaðarins kæmu sér saman
um hvað í því fælist að iðnaðurinn
fengi eignarrétt sinn viðurkenndan.
Eignaraðildað Landsvirkjun
endurskoðuð
Landsfundurinn samþykkti
ályktun í orkumálum um að endur-
skoða þurfi heildarskipan orkufyrir-
tækja og ábyrgð orkufyrirtækja og
hagkvæmni verði aukin. Til að ná
þessu markmiði verði kannað sér-
staklega að sameina dreifiveitur,
breyta rekstrarformi orkufyrir-
tækja í hlutafélög og endurskoða
eignaraðild að Landsvirkjun.
Morgunblaðið/Sverrir
Kjartan Gunnarsson, framkvæmdasljóri Sjálfstæðisflokksins, ráðfær-
ir sig við Salome Þorkelsdóttur, sem stýrði landsfundi, og Friðrik
Sophusson, varaformann Sjálfstæðisflokksins.
I' ■ ■■ ^ 1
VETRI?
Líttu inn á næstu ESSO-stöð. Við bjóðum
sérstaka vetrarþjónustu fyrir bílinn þinn.
Starfsfólk okkár veit hvað gera þarf.
Olíufélagið hf
-hvernig sem viðrar
NOTUM GRÓFMYNSTRUD VETRARDEKK.
HÖGUM AKSTRI EFTIR AÐSTÆÐUM
GATNAMALASTJORI