Morgunblaðið - 24.05.1995, Blaðsíða 13
MORGUNBLAÐIÐ
LANDIÐ
MIÐVIKUDAGUR 24. MAÍ 1995 13
„Syngjandi sælir
og glaðir“
Hornafirði - Það sem liðið er af
maímánuði hefur mikið verið um
að vera í ráðstefnu- og mótahaldi
hér í Hornafirði. Ný afstaðið er
svokallað Kötlumót, en þar koma
saman sunnlenskir karlakórar, en
mót af þessu tagi eru haldin
fimmta hvert ár.
Mótið að þessu sinni sóttu 7
kórar að gestgjöfunum meðtöld-
um, Karlakórnum Jökli. Mikill und-
irbúningur liggur að móti sem
þessu en það voru um 350 karlar
auk maka þeirra sem komu hingað
og nefndi formaður Kötlu, Ómar
Valdimarsson, það í setningaræðu
sinni að þegar ákveðið var að halda
mótið hér í Hornafirði hafi sannast
það sem margur Sunnlendingurinn
vill halda fram að það er mun
lengra frá Reykjavík til Horna-
ijarðar en frá Hornafirði til
Reykjavíkur, en þeim var sannar-
lega bætt það upp með góðum
mótökum gestgjafanna. Konunum
var boðið upp á fjölbreytta dagskrá
á mótsdaginn þegar karlar þeirra
voru að slípa raddir sínar fyrir tón-
leika dagsins. Tónleikarnir voru
vel sóttir af heimamönnum og var
enginn svikinn af því að hlusta á
það sem í boði var. Hver kór fyrir
sig söng í upphafi 2 lög og síðan
tók við samsöngur allra kóranna,
Kötlukórinn, og undirleik annaðist
Sinfóníuhljómsveit íslands, og
munu þeir sem hlýddu á seint
gleyma því og þeim áhrifum sem
söngurinn og undirleikurinn hafði
á þá. Efnisvalið var fjölbreytt, allt
frá sígildum kórlögum til japansks
ljóðs sem Fóstbræður fluttu á jap-
önsku. Einnig var frumflutt efni í
dagskránni og voru það Karlakór-
inn Jökull og Karlakór Reykjavíkur
sem það fluttu. Heiðurinn af þeim
lögum áttu Hornfirðingarnir Guð-
bjart Össurarson sem átti báða
textana og lögin áttu þeir Sigjón
Bjamasonar og Jóhann Morávek.
Endaði síðan mótið með miklum
dansleik mótsgesta og ef einhvern-
tíma hefur verið komist nálægt því
að lyfta þaki af húsi með söng þá
var mál manna að það hafi verið
á þeim dansleik og undrast það
enginn sem hlýddi á Kötlukórinn
fyrr um daginn.
Morgunblaðið/Sigrún Sveinbjömsdóttir
STJÓRNENDUR og undirleikarar sem þátt tóku í Kötlumótinu.
Höfrungnr og út-
selur veiðast á línu
Suðureyri - Eitt af því sem gerir
sjómennsku og veiðar svo spenn-
andi er það að vita aldrei hversu
mikið veiðist og hvað það er sem
kemur upp með veiðarfærunum
eftir að þeim hefur verið rennt í
sjóinn.
Snorra Sturlusyni og Óskari
Guðmundssyni á m/b Sóley IS, 6
tonna báti frá Suðureyri, brá nokk-
uð í brún er þeir voru að draga lín-
una 40 sjómílur út af Barða þegar
stór og svart ferlíki nálgaðist bátinn
úr undirdjúpunum. í ljós kom að
200 kg og 2,5 m höfrungur hafði
flækt sig í línunni. Ekki tókst þeim
, félögum að innbyrða skepnuna og
var henni því slefað í land.
Sama dag fékk Ólafur Gústafs-
son á m/b Hrönn 150 kg útsel sem
hafði fiækt sig í línuna hjá honum.
Fyrr um daginn hafði sá er lagði
línuna við hliðina á m/b Hrönn
verið að kvarta yfir því að búið
væri að bíta stór stykki úr nokkr-
um vænum þorskum er hann var
að fá á' línuna. Hvort sökudólgur-
inn hefur þarna fengið makleg
málagjöld skal ósagt látið en ljóst
er að það eru fleiri að keppast við
að veiða úr þorskstofninum en ís-
lensku sjómennirnir og greinilega
hart barist um hvern ugga.
Sannkallaður hvalreki
Eftir að höfrungnum hafði verið
landað, eins og lög gera ráð fyrir,
var hann skorinn á höfninni á
Suðureyri og var þeim sem vildu
boðið fá sér soðningu í pottinn.
Morgunblaðið/Sturla Páll Sturluson
SNORRI Sturluson, skipsljóri
á m/b Sóley, við höfrunginn
sem hann veiddi á Iínu út af
Barða. Hann mældist 2,5
metrar á lengd og vóg 200 kg.
Fólk lét ekki segja sér það tvisvar
og var lítið eftir annað en beina-
grindin þegar dagur var að kveldi
kominn og því ljóst að hér var um
sannkallaðan hvalreka að ræða
fyrir Súgfirðinga.
FRÁ aðalfundi Norræna skólasetursins. Morgunbiaðið/Davið Pétursson
Aðalfundur Norræna skóla-
setursins á Hvalfjarðarströnd
Grund, Skorradal - Fyrstu rekstr-
armánuðurnir voru erfíðir en bjart-
sýni ríkir um rekstur skólasetursins
næstu mánuði. Hluthafar snúa bök-
um saman og stilla upp stjórn sem
kjörin var með lófaklappi.
Aðalfundurinn var haldinn í
Skójasetrinu laugardaginn 20. maí
sl. í skýrslu fráfarandi stjórnar-
formanns, Ásgeirs Halldórssonar,
kom fram að reksturinn, þá 5
mánuði sem skólasetrið starfaði á
sl. ári, var afar erfiður og aðsókn
ekki í samræmi við væntingar sem
í upphafi voru gerðar. Rekstrar-
halli var 12.446.208 kr. Hlutafé
samkvæmt félagssamþykktum er
40.000 kr. og er óselt hlutafé í
árslok 1994 89.108.366 kr. Stofn-
kostnaður skólasetursins ásamt
áhöldum og innanstokksmunum
varð 104.053.027 kr. Rekstrar-
tekjur þá 5 mánuði sem starfsem-
in var rekin sl. ár skilaði 5.566.000
kr. svo fyrstu 4 mánuðir ársins
skila tekjuafgangi þrátt fyrir
kennaraverkfall og þar með tekju-
leysi í 6 vikur í vetur þ.e. febrúar
og mars.
Bókanir í sumar og haust eru
all þokkalegar. Margir hópar inn-
lendir og útlendir eru búnir að stað-
festa pantanir. Samvinnuferðir-
Landsýn hafa tryggt sér helming
gistirýmis í 2-3 mánuði sumarsins.
Eftir ágæta umræðu um fortíð
og framtíð Norræna skólasetursins
var gengið til stjórnarkjörs. Eftir-
taldir voru tilnefndir og kjörnir með
lófaklappi: Guðmundur Eiríksson,
sr. Jón Einarsson, Konráð Konráðs-
son, Sæmundur Sigmundsson og
Búi Vífilsson. Til vara voru kjörnir:
Guðjón Georgsson og Jónas Guð-
mundsson. Endurskoðandi er Jón
Þ. Hallson, löggiltur endurskoðandi
og félagskjörnir skoðunarmenn eru
Brynja Þorbjörnsdóttir og Snorri
Þorsteinsson.
Að aðalfundi loknum kom ný-
kjörin stjórn saman til fyrsta fund-
ar síns. Á þeim fundi var Guðmund-
ur Eiríksson kjörinn formaður
stjórnarinnar.
Nýjasta
hártískan
kynnt
Egilsstöðum - Félag hárgreiðslu-
og hárskerameistara á Austurlandi
stóð fyrir komu Sólveigar Leifs-
dóttur til Egilsstaða og halda þar
sýnikennslu um nýja strauma í
hártískunni.
Áslaug Ragnarsdóttir formaður
félagsins sagði að félagið stæði
fyrir svona heimsóknun einu sinni
til tvisvar á ári, til að kynna það
nýjasta hveiju sinni fyrir félags-
mönnum. Félagsmenn eru af nán-
ast öllu Austurlandi, frá Vopna-
firði til Hafnar í Hornafirði, og var
mjög góð mæting á þessa sýni-
kennslu.
Morgunblaðið/Anna Ingólfsdóttir
SÓLVEIG Leifsdóttir sýndi
nýjustu strauma hártískunnar.
Morgunblaðið/Ámi Helgason
Fuglasýning
leikskóla-
barna
Stykkishólmi - Haldin var sýning
á vinnu barnanna í leikskólanum
í Stykkishólmi um síðustu helgi.
I vetur hafa þau verið að vinna
með fugla og var sýningin árang-
ur starfsins. Hún var mjög falleg
og fjölbreytt. Mikil vinna liggur
að baki og liefur hún stuðlað að
auknum.þroska barnanna. Ótal
fuglar voru á sýningunni sem þau
höfðu búið til úr margskonar efni
og eins var reynt að líkja eftir
umhverfi fuglanna. Auk þess
höfðu þau samið sögur og ljóð um
fuglana sem greinilega voru orðn-
ir góðir vinir þeirra. I leikskólan-
um eru 84 krakkar á aldrinum
2-6 ára. Við leikskólann starfa
um 12 manns.