Morgunblaðið - 24.10.1997, Blaðsíða 10

10 FÖSTUDAGUR 24. OKTÓBER 1997
MORGUNBLAÐIÐ
FRÉTTIR
Alþingi
Embætti umbodsmanns
aldraðra verði stofnað
LÖGÐ hefur verið fram á Alþingi tillaga til þingsályktunar um
að ríkisstjórnin kanni forsendur fyrir stofnun embættis umboðs-
manns aldraðra sem sinni gæslu hagsmuna og réttinda aldr-
aðra. Fyrsti flutningsmaður tillögunnar er Guðmundur Hall-
varðsson, þingmaður Sjálfstæðisflokksins.
í greinargerð tillögunnar segir m.a. að með hliðsjón af þeim
staðreyndum að íslendingar verða elstir allra þjóða, að um
27.000 íslendingar eru 67 ára og eldri og að hlutfall aldraðra
af heiidaríbúafjölda fer vaxandi sé mikil nauðsyn á að sljórn-
völd taki tillit til hagsmuna aldraðra þegar teknar eru ákvarðan-
ir sem þá varða.
„Umboðsmanni aldraðra væri ætlað að vinna að málum sem
snerta sérstaklega hagsmuni aldraðra, fylgjast með því að sljóm-
völd og einkaaðilar tækju fullt tillit til réttinda, þarfa og hags-
muna aldraðra og setja fram ábendingar og tillögur um úrbæt-
ur í málum er snerta hag aldraðra á öllum sviðum samfélags-
ins,“ segir í greinargerðinni.
Nef nd til að auka aga í skólum
HJÁLMAR Árnason, Guðni Ágústsson og Olafur Örn Haralds-
son, þingmenn Framsóknarflokks, hafa lagt fram þingsályktun-
artillögu um skipan nefndar til að auka aga í skólum landsins.
Er nefndinni m.a. ætlað að birta tillögur til bóta þannig að ís-
lensk ungmenni viti til hvers sé ætlast af þeim og séu fær um
að axla þá ábyrgð.
í greinargerðinni kemur m.a. fram að samband og samstarf
heimila, skóla, íþróttafélaga og ýmissa samtaka, sem starfi í
þágu barna, sé mjög takmarkað og skilaboð til barna um hegð-
an og ábyrgð séu misvísandi og óljós. „Þetta er það sem kallað
hefur verið óagað umhverfi og Ieiðir m.a. til þess að ungmenni
eiga örðugt með að þroska með sér sjálfsaga. Skýrar leikreglur
og agað umhverfi er með öðrum orðum forsenda þess að ein-
staklingur geti náð að þroska með sér nauðsynlegan sjálfsaga,"
segir í greinargerðinni.
„ísland á í aukinni samkeppni við þjóðir heims á flestum svið-
um. Forsenda þess að þjóðin standist hana og geti haldið hér
uppi traustu velferðarþjóðfélagi hlýtur að vera sú að einstakling-
ar alist upp við þau skilyrði að þeir geti þroskað með sér aga
á öllum sviðum."
íslenskt sjónvarpsefni verði textað
SIGRÍÐUR Jóhannesdóttir, þingmaður Alþýðubandalags, lagði
í gær fram tillögu til þingsályktunar um textun íslensks sjón-
varpsefnis.
Meginatriði tillögunnar er að Aiþingi álykti að fela mennta-
málaráðherra að beita sér fyrir því að íslenskt sjónvarpsefni
verði textað eftir því sem við verður komið til hagsbóta fyrir
heyrnardauft fólk sem við núverandi aðstæður á erfitt með að
fylgjast með íslensku efni í sjónvarpi.
Þess er getið í greinargerðinni að annars staðar á Norðurlönd-
um sé textun innlends efnis orðin sjálfsagður liður í rekstri sjón-
varpsstöðva og ennfremur bent á að textun íslensks efnis gæti
bætt mjög lestrargetu heymarskertra bama og unglinga.
Sjómenn fái veiðileyfi eftir
20 ára sjómennsku
SJÓMENN sem hafa starfað í 20 ár samtals á íslenskum fiski-
skipum öðlast rétt til að stunda handfæraveiðar, samkvæmt
fmmvarpi sem Kristinn H. Gunnarsson, þingmaður Alþýðu-
bandalags, hefur lagt fram á Alþingi í annað sinn.
Samkvæmt framvarpinu fá þessir sjómenn rétt til að stunda
handfæraveiðar á bátum sem em 6 brúttólestir að stærð eða
minni, og er veiðileyfið óframseljanlegt og bundið viðkomandi
sjómanni.
Frumvarp til laga um hollustuhætti
Utgtífa starfsleyfa í
höndum ráðherra
GUÐMUNDUR Bjarnason um-
hverfísráðherra mælti fyrir frum-
varpi til laga um hollustuhætti á
Alþingi í gær.
Frumvarpið er
samið af nefnd
sem umhverfis-
ráðherra skipaði í
febrúar 1996 til
að endurskoða
núgildandi lög
um hollustuhætti
og heilbrigðiseft-
irlit. Felur frum-
varpið m.a. í sér
breytingar á heil-
brigðiseftirliti
sveitarfélaga sem miða að því að
skýra það og einfalda.
Lagðar eru til breytingar á starf-
semi Hollustuverndar ríkisins, með-
ferð gjaldskrármála er einfölduð og
refsiákvæði eru gerð skýrari. Enn-
fremur er lagt til að gildissvið lag-
anna nái yfir efnahagslögsöguna
og til farkosta sem ferðast undir
íslenskum fána.
Þá er eitt
helsta nýmæli
frumvarpsins til-
laga um það í 6.
grein hvernig
staðið skuli að
útgáfu starfs-
leyfa. Þar er
kveðið á svo ekki
fari á milli mála
að sé um meng-
andi starfsemi og
meiriháttar at-
vinnurekstur að ræða skuli útgáfa
starfsleyfa vera í höndum umhverf-
isráðherra. í því tilviki er miðað við
að samanlögð fjárfesting sé meiri
en 950 milljónir króna miðað við
byggingarvísitölu í september
1997. Hollustuvernd ríkisins eða
heilbrigðisnefndir sveitarfélaganna
gefa út starfsleyfi í öðrum tilvikum
eftir því sem mælt er fyrir í reglu-
gerð.
Einnig er i 6. grein frumvarpsins
kveðið á um rétt manna til að koma
með athugasemdir áður en starfs-
leyfið er gefið út, svo og um með-
ferð þeirra athugasemda. Er al-
menningi þannig tryggður víðtækur
réttur til að koma að athugasemd-
um sínum, bæði áður en Hollustu-
vernd ríkisins sendir ráðherra til-
lögu sína að starfsleyfi, og eins
áður en ráðherra tekur endanlega
ákvörðun um útgáfu þess.
í framsögu sinni um frumvarpið
í gær sagðist ráðherra m.a. leggja
áherslu á að lög þessi öðlist gildi
sem fyrst, ekki síst til að koma á
réttarvissu varðandi útgáfu starfs-
leyfa.
ALÞINGI
UPPSÖFNUN gróðurhúsalofttegunda í lofthjúpnum er talin
valda hlýnun loftslags á jörðinni.
Eldsneyti
unnið úr
mengmi-
inni?
ÁRNI R. Árnason, þingmaður
Sjálfstæðisflokks, mælti fyrir til-
lögu til þingsályktunar um athug-
un á nýtingarmöguleikum gróður-
húsalofttegunda, á Alþingi í gær.
Tillagan felst í því að Alþingi álykti
að fela iðnaðarráðherra að láta
athuga til hlítar möguleika á að
nýta gróðurhúsalofttegundir til
eldsneytisframleiðslu og í hvers
konar iðnaði eða iðnaðarferlum.
Tillaga þessi var lögð fram á síð-
asta þingi en náði ekki fram að
ganga.
I máli Árna kom fram að veru-
leg aukning hefur orðið á út-
blæstri mengandi lofttegunda hér
á landi á síðustu árum og að slíkt
útstreymi ætti eftir að aukast í
framtíðinni vegna fjárfestinga i
stóriðju og orkufrekum iðnaði sem
fyrirhugað er að rísi hér á landi.
Sagði hann að um verulegt vanda-
mál væri að ræða og því nauðsyn-
legt að athuga hvort unnt væri að
draga úr útblæstri þessara loftteg-
unda með því að nýta þær. Benti
Árni á að nokkrir innlendir aðilar
sem og erlendir hefðu athugað
slíka möguleika að nokkru leyti. í
greinargerð tillögunnar er til dæm-
is nefndur sá möguleiki að koltví-
oxíð mætti nýta ásamt vetni til
framleiðslu metanóls sem væri
hentugt eldsneyti fyrir bíla og skip
í stað bensíns og olíu. Tillagan
miðast m.a. að því að flýta þessum
athugunum, að sögn Árna, og
koma því til leiðar að dregið verði
úr útblæstri mengandi lofttegunda
hér á landi með því til dæmis að
nýta þær til eldsneytisframleiðslu.
NÝ,
OG ENN BET Rí
NILFISK
Kraftmeiri, nú með 1400W mótor.
Fislétt, aðeins 6.5 kg.
Biðstöðufesting fyrir rör og slöngu.
Og hinn frábæri Nilfisk AirCare®
síunarbúnaður með HEPA H13 síu.
Komdu og skoðaðu nýju
Nilfisk GM-400 ryksugurnar
i?omx
HÁTÚNI6A REVKJAVÍK SÍMI 552 4420
Arbær — raðhús — ein hæð
Glæsilegt ca 150 fm raðhús á einni hæð ásamt
góðum bílskúr. 3—4 svefnherb., endurnýjað bað.
Parket. Fallegur garður. Endurnýjað þak. Frábær
nýting. Verð 12,2 millj.
Hamrahverfi — sjávarlóð
Glæsileg 185 fm einbýli á einni hæð ásamt tvöföld-
um 50 fm bílskúr. Frábær staðsetning við sjáv-
arsíðuna. Möguleiki á 5 góðum svefnherb. Stórar
stofur með glæsilegum arni. Parket. Glæsilegur
garður með góðri sólverönd. Áhv. byggsjóður 3,3
millj. Verð 18,9 millj.
Valhöll fasteignasala,
Mörkinni 3, Reykjavík,
sími 588 4477.
Sjómannaafsláttur
verði afnuminn
PÉTUR H. Blöndal, þingmaður
Sjálfstæðisflokks, hefur lagt fram
á Alþingi frumvarp til laga um
breytingu á lögum um tekjuskatt
og eignarskatt og lögum um stað-
greiðslu opinberra gjalda, en þess-
ar breytingar kveða á um afnám
sjómannaafsláttarins. Frumvarpið
var einnig flutt á síðasta þingi og
er nú flutt í lítið breyttri mynd.
Flutningsmaðurinn segir m.a.
að sjómannaafslátturinn geri það
að verkum að störf við frystingu
í frystitogurum úti á sjó njóti
skattfrelsis á meðan sambærileg
störf í landi eru sköttuð að fullu.
Afslátturinn virki því sem eins
konar niðurgreiðsla á vinnu um
borð í frystitogurum og stuðli
þannig að því að frystingin flyst
út á sjó og valdi atvinnuleysi í
landi.
Þá segir flutningsmaður að yfir
98% þeirra sem hafí greitt til Líf-
eyrissjóðs sjómanna á árinu 1995
hafi verið karlar. „Þannig má segja
að sjómannaafslátturinn sé forrétt-
indi karla og vinni gegn launajafn-
rétti karla og kvenna þar sem yfir-
gnæfandi fjöldi starfsfólks í fisk-
vinnslunni eru konur. Launamunur
sjómanna og fiskvinnslufólks er
mikill. Sjómannaafsláttur eykur
enn frekar þann mun.“
Kristín Halldórsdóttir, þing-
maður Kvennalistans, tók undir
frumvarp Péturs í gær og sagði
m.a. að með afnámi sjómannaaf-
sláttarins yrðu allir jafnari að lög-
um. Guðmundur Hallvarðsson,
flokksbróðir Péturs, sagði hins
vegar að með frumvarpinu væri
verið að ráðast með beinum eða
óbeinum hætti að sjómannastétt-
inni. Sagði hann að frumvarpið
væri tímaskekkja.