Morgunblaðið - 06.07.1999, Blaðsíða 52

MORGUNB LAÐIÐ
} 52 ÞRIÐJUDAGUR 6. JÚLÍ 1999
• ■________________________
Dýraglens
^ Hann verður að halda í það ^ sem hann ó þarna uppi! J
'Æáí'1 iSirrlfc'
° IÞU&F
j fi
—0
Jfl&J
Ljóska
BREF
TIL BLAÐSINS
Kringlunni 1 103 Reykjavík • Sími 569 1100 • Símbréf 569 1329
Grein Stefáns
Kristj ánssonar
í Sportveiðiblaðinu
Frá Þórólfí Antonssyni og
Sigurði Guðjónssyni:
FYRIR skömmu kom Sportveiði-
blaðið út. Þar er á undarlegan svo
ekki sé sagt sóðalegan hátt vakin
athygli á annars þörfu málefni,
sem er verndun Elliðaánna. Höf-
undur greinarinnar er Stefán Kri-
stjánsson. Þar fá flestir sem að
málum hafa komið ádrepu, en
starfsmenn Veiðimálastofnunar
einna harðasta hríð. Ádrepan var
á mjög lágu plani, svo fæst af því
er svara vert. Þó verður ekki hjá
því komist að taka eitt fram og
það er að þær dylgjur um að hleg-
ið sé að Þresti Elliðasyni á kaffi-
stofu okkar eru fjarri öllum sann-
leika. Ekki nema þá þegar Þröst-
ur lítur inn og segir eitthvað
skemmtilegt sem oft gerist. Sam-
starf við hann hefur verið gott,
þótt stundum sé ágreiningur um
málefni erum við menn til að ræða
það á öðrum nótum en gerist á síð-
um Sportveiðiblaðsins þessa dag-
ana. Tilgangurinn er greinilega að
gera starfsmenn Veiðimálastofn-
unar ótrúverðuga, hvaða meðulum
sem þarf að beita.
Ur því Stefán Kristjánsson telur
sig þess umkominn að vera með
refsivöndinn á lofti og vita betur
um flesta hluti en aðrir sem mikla
vinnu hafa lagt fram máli þessu til
stuðnings, viljum við spyrja um
eftirfarandi:
1. Á hverju byggir þú það að
80% gönguseiða drepist í árósnum?
2. Af hverju segir þú að ekki
hafi verið varað við mengun í ánum
af hálfu Veiðimálastofnunar, eða
hefur þú ekki kynnt þér skýrslur
stofnunarinnar áður en þú skrifað-
ir greinina? (Sjá skýrslu VMST-
R/92015 sem skrifuð var 1992 og
margar greinar síðan.)
3. Getur þú sýnt fram á með
óyggjandi hætti að kviðpokaseiða-
sleppingar hafi áhrif á laxgengd í
Elliðaám eða vísað í rannsóknir
máli þínu til stuðnings? Eða hefur
þú ekki kynnt þér rannsóknir sem
fram hafa farið á sambandi hrygn-
ingarstofns og nýliðunar, veiðiálagi
og árangri seiðasleppinga í Elliða-
ám? Þær niðurstöður eru allar til
reiðu.
Ef ekki koma skýr svör við
þessu hljóta ummæli þín að dæm-
ast ómerk. Að öðru leyti erum við
tilbúnir til málefnalegra rökræðna
um rannsóknir okkar í Elliðaánum
hvenær sem er.
ÞÓRÓLFUR ANTONSSON og
SIGURÐUR GUÐJÓNSSON,
starfa hjá Veiðimálastofnun og m.a.
við rannsóknir í Elliðaám.
Að berjast
við ímyndanir
Ég hef ákveðið að sækja því
aðeins um framhaldsskóla sem
hafa golflið..
Heldurðu ekki að þú þurfir háa
meðaleinkunn?
Nei, það eina sem þeim er leggja
upp úr er að þú getir farið par 5
holu í tveimur...
Frá Jakobi Bjömssyni:
í BRÉFI Hrafnhildar Ýrar
Víglundsdóttur, ferðaráðgjafa, til
Morgunblaðsins frá 22. júní sl.,
„Brostnar vonir“, segir svo:
„Hálendið okkar, heimili elds,
vatns og ísa, á undir högg að sækja
þessa dagana. Hætta er á að stór-
um hluta þess verði sökkt undir
vatn án þess að skeyta nokkuð um
mótmælaraddir íslensku þjóðar-
innar.“ Og ennfremur:
„Það hryggir mig óstjórnlega að
börnin okkar eigi aldrei eftir að sjá
Herðubreiðarlindir í sinni fegurstu
mynd eða einstakt landslag Eyja-
bakkanna."
Mér vitanlega hefur aldrei kom-
ið til orða að taka Herðubreiðar-
lindir undii’ miðlunarlón eða að
leggja raflínu yfir þær. Sama er að
segja um Hvannalindir, sem
Hrafnhildur nefnir raunar ekki.
Þótt raforkuvinnsla á Islandi
væri næstum áttfölduð frá því sem
hún var 1998 myndi hún aðeins
leggja hald á tæplega 4% af miðhá-
lendinu. Jafnvel þótt við tvöföldum
þá tölu eru það tæplega 8% af mið-
hálendinu. Átta hundraðshlutar,
eða minna, geta með engu móti
talist „stór hluti“. Það eru því tóm-
ir hugarórar að hætta sé á að stór-
um hluta hálendisins verði sökkt
undir vatn og áhyggjur Hrafnhild-
ar Ýrar af örlögum Herðubreiðar-
linda eða stórs hluta hálendisins
eru því ástæðulausar. Hér er um
ímyndaða hættu að ræða. En um-
ræður um mál þurfa að vera
grundvallaðar á staðreyndum en
ekki ímyndunum.
Um Eyjabakkana er það að
segja að Alþingi hefur með sam-
þykkt heimildarlaganna um Fljóts-
dalsvirkjun 1981 heimilað að þar
verði gert miðlunarlón. Sú heimild
var í rauninni staðfest að nýju
1993, fyrir sex árum, með því að
ákveða að lögin um umhverfismat
frá því ári skuli ekki ná til mann-
virkja sem heimiluð höfðu verið
fyrir gildistöku þeirra. Eyjabakkar
fara því undir vatn nema Alþingi
afturkalli virkjunarheimildina með
nýjum lögum. Það getur Alþingi
gert en það kynni að vísu að kosta
ríkissjóð, þ.e. skattgreiðendur, ein-
hverja milljarða í skaðabætur.
Ekkert er við því að segja að
Hrafnhildur Ýr sé ósammála þess-
um ákvörðunum Alþingis og berjist
fyrir því að þingið endurskoði þær.
Líklega afgreiðir Alþingi fá mál án
þess að einhverjir séu ósammála
niðurstöðunni.
JAKOB BJÖRNSSON,
fv. orkumálastjóri.
Allt efni sem birtist f Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan,
hvort sem er með endurbirtingu eða á annan hátt. Þeir sem afhenda blað-
inu efnitil birtingar teljast samþykkja þetta, ef ekki fylgir fyrirvari hér
að lútandi.