Morgunblaðið - 12.10.1999, Blaðsíða 18

18 ÞRIÐJUDAGUR 12. OKTÓBER 1999
MORGUNBLAÐIÐ
VIÐSKIPTI
Eva ehf, sameinast NTC hf. sem rekur Sautján og fieiri tískuverslanir
Fjórtán verslanir í
Kringlunni og miðbænum
Morgunblaóið/Sverrir
Forsvarsmenn NTC hf. og Evu ehf. eftir undirritun samningsins. Ásgeir Bolli Kristinsson og Svava Johansen frá
NTC, Marta Bjarnadóttir og Jónína Þórarinsdóttir frá Evu ehf. og Sigurður Bollason, NTC. Fyrir aftan standa
Kristjón Grétarsson og Þórarinn Ólafsson frá Evu ehf. og Aðalsteinn Pálsson frá NTC.
NTC hf., sem m.a. rekur tískuversl-
unina Sautján, hefur keypt öll
hlutabréf í Evu ehf. Þar með verð-
ur til keðja 14 tískuverslana, með
um 150 starfsmenn í Kringlunni og
miðbænum.
NTC hf. rekur fyrir verslanirnar
Smash, Deres og Morgan, auk
Sautján. Undir merkjum Evu ehf.
eru tískuverslanimar Eva, Gallery
og Centrum, ásamt húsgagnaversl-
uninni Company. NTC mun taka
yfir rekstur þessara verslana, auk
nýju verslunarinnar In Wear sem
opnuð verður í Kringlunni á
fimmtudag.
Marta Bjarnadóttir, eigandi Evu
ehf., segist ánægð með samninginn
við NTC hf. og vonar að fyrirtækið
styrkist við sameininguna. „Við
höldum að þetta sé rétti tímapunkt-
urinn til að selja, núna rétt fyrir
aldarlok. Við erum búin að vera í
þessu í þrjátíu ár og samkeppnin
fer harðnandi. Okkur bauðst tæki-
færi til að sameinast sterku og rót-
grónu fyrirtæki og ákváðum að taka
tilboði sem við teljum ágæt skipti
fyrir báða aðila,“ segir Marta.
Hún mun ásamt öðru starfsfólki
Evu ehf. vinna áfram við sameinað
fyrirtæki fyrst um sinn en segist
hafa ótalmargt að snúa sér að fyrir
sig og fjölskyldu sína í framhaldinu.
Hlutafé Evu ehf. 25-30% af
heildarhlutafé
Asgeir Bolli Kristinsson og Svava
Johansen eru eigendur NTC hf.
„Samningurinn á sér ekki langan
aðdraganda en þetta tók um það bil
viku. Eftir viðræður gerðum við eig-
endum Evu ehf. tilboð og þeir tóku
því,“ segir Bolli. Hann segir hlutafé
Evu ehf. verða um 25-30% af heild-
arhlutafé NTC hf. Að sögn Bolla
munu viðskiptavinir ekki koma til
með að taka eftir breytingum. „Það
er stefnt að því að hagræða eins og
við getum í rekstrinum og vonandi
tekst að lækka vöruverð."
Svava segir verslanirnar verða
reknar með óbreyttum hætti fyrst
um sinn. „Eigendur Evu ehf. munu
starfa með okkur, að minnsta kosti
fram að áramótum. Svo erum við að
skoða alla möguleika á því hvernig
hægt er að hagræða og samnýta
möguleika fyrirtækjanna." Hún
segir rekstur húsgagnaverslunar-
innar Company vera til athugunar.
„Við höfum hug á að halda áfram
innflutningi og sölu á húsgögnum
en það færist einmitt í vöxt erlendis
að verslanir í stærri kantinum bjóði
til sölu tískufatnað og húsgögn und-
ir sama þaki.“
Deutsche
í við-
ræðum
við SBC
New York. Reuters.
ÞÝZKI fjarskiptarisinn
Deutsche Telekom leitar að al-
þjóðlegum samherja og á í við-
ræðum við Ameritech Corp.
og SBC Communications, sem
hafa fengið leyfi frá banda-
rískum yfirvöldum til að sam-
einast.
I blaðinu Welt am Sonntag
er þess ekki getið um hvaða
tengsl yrði að ræða. Talsmað-
ur Deutsche Telekom sagði að
fyrirtækið tæki ekki þátt í
vangaveltum.
Deutsche Telekom hefur
reynt að finna alþjóðlegan
samstarfsaðila síðan fyrirtæk-
ið var einkavætt að hluta fyrir
nokkrum árum.
SBC og Ameritech verða
stærsta svæðissímfélag Banda-
ríkjanna með samruna sínum,
sem er rúmlega 70 milljarða
dollara virði og einn sá mesti
sem um getur.
Fá Frakkar
Global One?
Um leið hermir tímaritið
Focus að Deutsche Telekom
vilji binda enda á samstarf sitt
í Global One við France Tele-
com og Sprint í Bandaríkjun-
um. Sprint verður hvort sem
er að segja sig úr Global One
þegar 115 milljarða dollara
samningurinn um samruna
Sprint og WorldCom verður
að veruleika.
„Ef Frakkar bjóða gott verð
geta þeir fengið Global One,“
sagði stjórnarformaður Tele-
kom í samtali við Focus.
Nestle SA semur
um sölu deilda
Zurich. Reuter.
• •
Ossur hf. hækkar
um 46% frá útboði
NESTLE SA í Sviss hefur samið um
sölu hluta Evrópudeiidar, sem hefur
haft frystan mat á sínum snærum,
og mestalla Findus-deildina í banda-
rísk-sænsku fjárfestingarfélagi.
Velta fyrirtækjanmna nemur
592,9 milljónum dollara og kaup-
andinn er EQT Scandinavia BV.
Sérfræðingar segja að salan sé
staðfesting á því að Nestle sé reiðu-
Ránarborg
keypti hlut
KG í SH
RÁNARBORG ehf., eignar-
haldsfyrirtæki Þorsteins Vil-
helmssonar, var kaupandinn að
5,5% hlut Kristjáns Guðmunds-
sonar hf. á Rifi í Sölumiðstöð
hraðfrystihúsanna, sem seldur
var í síðustu viku. Nafnvirði
bréfanna var 82,8 milljónir
króna, en þau voru seld á geng-
inu 4,45. Kaupverðið er því ríf-
lega 368 milljónir króna.
Þorsteinn Vilhelmsson stað-
festi í samtali við Morgunblað-
ið að Ránarborg væri kaup-
andi hlutabréfanna. Hann vildi
að öðru leyti ekki tjá sig um
málið eða hvað fyrir honum
vekti með kaupunum. Þor-
steinn er einn af þremur
stærstu hluthöfum í Samheija
hf. og hann á einnig stóran
hlut í Hraðfrystihúsinu -
Gunnvöru í Isafjarðarbæ.
búið að losa sig við fyrirtæki, sem
skila litlum hagnaði, jafnvel eins
þekkt merki og Findus.
Samningurinn nær til allrar
frystrar matvöru, sem Nestle fram-
leiðir í Bretlandi og á Norðurlönd-
um, og hluta starfseminnar - aðal-
lega grænmetis og fisks - í fimm
Evrópulöndum.
Að sögn Nestle munu 14 verk-
smiðjur í sjö Evrópulöndum skipta
um eigendur og um 3.500 starfs-
menn fá nýjan vinnuveitanda.
Findus-merkið verður eign EQT
Scandianvia alls staðar í heiminun
nema í Sviss og á Ítalíu.
Salan er liður í þeirri stefnu
Nestle að endurskipuleggja fram-
leiðslu sína á frystum mat í Evrópu
með því að leggja meiri áherzlu á
tilbúna rétti, snarl og pítsur.
BREIÐBANDS-, kapal- og net-
stjóri AT&T-fjarskiptarisans í
Bandaríkjunum, sem kom fjármál-
um Tele-Communications Inc. á
réttan kjöl, er á förum frá fyrirtæk-
inu eftir sjö mánuði í starfi að þess
sögn.
Hindery hóf störf hjá fyrirtækinu í
marz þegar AT&T keypti Tele-
Communications Inc., annað stærsta
kapalfyrirtæki Bandaríkjanna, en
hefur ákveðið að hætta til að sinna
öðrum áhugamálum að sögn AT&T.
VIÐSKIPTI með hlutabréf í Össuri
hf. námu 126 milljónum króna á
Verðbréfaþingi íslands í gær, á
fyrsta skráningardegi félagsins á
Aðallista VÞI. Gengi bréfanna fór
hæst í 37 yfir daginn en endaði í 35.
I almennu hlutafjárútboði Össurar í
síðasta mánuði var gengi bréfanna
24. Gengi hlutabréfa í félaginu hef-
ur því hækkað um 46% frá útboðs-
degi.
Markaðsvirði Össurar rúmir
7 milljarðar króna
Markaðsverðmæti Össurar hf. er
nú rúmir sjö milljarðar. Mark-
aðsvirði hlutar Össurar Kristins-
sonar í félaginu er nú 3,7 milljarðar
Tæpri viku áður virtist AT%T
bera opinberlega á móti því sem
Hindery hafði sagt. Hann bætist í
hóp nokkurra háttsettra yfirmanna
fyrirtækisins, sem hafa sagt af sér.
Sérfræðingar segja að Hindery eigi
til að vera of opinskár og hafi ekki
kunnað við mikið skrifræði hjá fyr-
irtækinu.
Hindery verður stjómarformanni
AT&T, C. Michael Armstrong,
áfram til ráðuneytis við mótun meg-
instefnu AT&T.
króna en Össur Kristinsson á
49,74% hlut í Össuri hf.
í hálf-fimm fréttum Búnaðar-
bankans Verðbréfa í gær kemur
fram að greiðsludagur þeirra sem
keyptu í útboðinu sé 15. október og
geta því þeir aðilar selt bréf sín án
þess að leggja út fyrir þeim og er
hagnaður hvers kaupanda um 30
þúsund krónur.
Er markaðsverðmætið
of hátt?
„Markaðsverðmæti Össurar er
nú rúmir sjö milljarðar. Að mati
sérfræðinga Búnaðarbankans er
gengi félagsins of hátt miðað við
þær forsendur sem koma fram í út-
boðslýsingu. Marel, með markaðs-
verðmæti upp á rúma 8 milljarða,
er áhugaverðari kostur. Ástæða
þess að þessi fyrirtæki eru borin
saman er að þau eru bæði markaðs-
sækin hátæknifyrirtæki sem búa
við mikla vaxtarmöguleika. Áætlað-
ur hagnaður Össurar á þessu ári er
um 180 m.kr. en Marels allt að tvö-
föld sú fjárhæð. Hjá báðum félög-
um er gert ráð fyrir gríðarlegum
vexti og eru væntingar á markaði
um hagnaðaraukningu. Áhætta
fjárfesta við kaup á hlutabréfum
þeirra er mikil sem sjá má á sveifl-
um á gengi Marels síðustu ár. Telja
verður þó að fjárfestingaráhætta
hluthafa vegna Marels, sem hefur
verið skráð á hlutabréfamarkaði í 7
ár, og hefur vaxið mikið á þeim
tíma með aðhaldi og arðsemiskröf-
um hlutabréfamarkaðar sé minni
en hjá félagi sem verið er að skrá á
markaðinn,“ segir í hálf-fimm frétt-
um Búnaðarbankans.
Umsjónaraðili hlutafjárútboðs
Össurar var Kaupþing hf. í hálf-
fimm fréttum Búnaðarbankans
kemur fram að í útboði því sem nú
er lokið hafi sjóðir Kaupþings
keypt meirihluta þeirra bréfa sem
voru í boði. „Athygli vakti að í út-
boðslýsingu kom fram að Kaupt-
hing Luxembourg SA. var skráð
fyrir 8% hlut. Ekki hefur fengist
uppgefið hver raunverulegur eig-
andi að þeim hlut er þrátt fyrir að
samevrópskar flöggunarreglur
kveði á um að eignist aðili yfir 5% í
félagi beri að tilkynna slíkt. Þekkt
er umræðan um kaup Orca SA. á
hlut í FBA og kröfu Verðbréfa-
þings og Fjármálaeftirlits þess efn-
is að aðilar sem stóðu þar að baki
tilkynntu sig sem þeir og gerðu.
Hins vegar eru tvö félög nú skráð á
hlutabréfamarkaði, Össur og
Baugur, þar sem fjárfestar sitja
ekki allir við sama borð um upplýs-
ingar um stærstu hluthafa.
I útboðslýsingu Baugs sem und-
irrituð er af Kaupþingi og FBA
kemur fram að 20% eigandi að
Baugi sé Compagnie Financiere SA
Luxembourg. Mikilvægt er fyrir
aðra hluthafa að vita hverjir raun-
verulegir eigendur þessara bréfa
eru og getur það haft mikil áhrif á
verðmyndun hlutabréfanna á mark-
aði,“ að því er fram kemur í hálf-
fimm fréttum Búnaðarbankans
Verðbréfa í gær.
Einn æðstu manna
AT&T segir af sér
New York. Reuters.