Morgunblaðið - 01.02.2000, Blaðsíða 66

- % 66 ÞRIÐJUDAGUR 1. FEBRÚAR 2000 MORGUNBLAÐIÐ
FÓLK í FRÉTTUM
Söngkeppni Samfés 2000 haldin í Garðabæ
Draumurinn
rættist
SÖNGKEPPNI Samfés, Samtaka
félagsmiðstöðva á Islandi, fór fram
síðastliðinn föstudag í íþróttahúsinu
Ásgarði í Garðabæ. Keppendur voru
frá 31 félagsmiðstöð víðs vegar af
landinu og augljóst var að allir höfðu
lagt mikla vinnu í sitt framlag því
. v söngvararnir voru mjög góðir og
framkoman á sviðinu lífleg með hjálp
dansara.
Kynnir keppninnar var Hvati frá
útvarpsstöðinni FM 95,7 en mikil
stemmning var í salnum allan tím-
ann enda um 1.500 ungmenni saman
komin. Dómnefndin var ekki öfunds-
verð af því hlutverki að þurfa að
velja sigurvegara úr þessum glæsi-
lega hópi en dómnefndina skipuðu
þau Hreimur Heimisson söngvari úr
Landi og Sonum og var hann for-
maður dómnefndar, Selma Bjöms-
dóttir söng- og leikkona, Stefán H.
Henrýsson úr Sóldögg og Svali frá
útvarpsstöðinni FM 95,7.
^ Stefnir á söngnám
I ár sigraði stúlka frá félagsmið-
stöðinni Garðalundi í Garðabæ,
Ragnheiður Gröndal að nafni, og
söng hún lagið „To Love You More“
sem betur er þekkt í flutningi Celine
Dion. Ragnheiður sagðist þó ekkert
sérstaklega halda upp á Celine Dion
en var í sjöunda himni yfir sigrinum.
„Mig hefur dreymt um að taka þátt í
þessari keppni síðan að ég var í 7.
bekk svo fyrir mér er þetta draumur
að rætast," sagði Ragnheiður sem er
Morgunblaðið/Jón Svavarsson
Ragnheiður Gröndal sigraði í
söngkeppni Samfés með laginu
„To Love You More“.
nemandi í 10. bekk í Garðaskóla og
er að hugsa um að fara í Menntaskól-
ann í Hamrahlíð næsta haust. „Mér
fannst öll lögin ótrúlega góð og
greinilegt að það voru allir að leggja
sig mikið fram, ég bjóst því ekki við
því að vinna en auðvitað er ég rosa-
lega ánægð.“ Ragnheiður fékk bikar
til eignar og annan sem er farand-
bikar keppninnar. Einnig fékk hún
vegleg verðlaun, s.s. síma, tölvuúr,
geisladisk og margt fleira. „Eg elska
að syngja, það er það skemmtileg-
Erla Hansen söng sig inn í hug
og hjarta viðstaddra.
asta sem ég geri,“ sagði hún hlæj-
andi. „Eg hef farið á söngnámskeið
en ég stefni á söngnám í framtíð-
inni.“
í öðru sæti höfnuðu Arna Rún
Ómarsdóttir, Lilja Helgadóttir og
Gyða Arna Halldórsdóttir frá félags-
miðstöðinni Hólnum í Kópavogi.
Þær sungu lagið „Waterfalls" sem
stúlknasveitin TLC gerði frægt.
Tvær félagsmiðstöðvar skiptu með
sér þriðja sætinu, annars vegar
Tónabær en fulltrúi þeirra var Sig-
urlaug Gísladóttir sem söng lagið
„The Other Side Of the Game“ eftir
Erykuh Badu og hins vegar framlag
Miðbergs í Breiðholtinu en þar voru
unglingarnir með frumsamið lag og
texta. Þau heita Kristín Ýr Bjama-
dóttir, Friðrik Fannar Gíslason og
Pétur Örn Gunnarsson og lagið sem
þau fluttu heitir „Its ok“. Ahorfend-
ur voru rúmlega 1.500 og skemmtu
þeir sér konunglega og greinilegt að
allir voru komnir til að styðja sitt
fólk til sigurs.
r

Kristín Ýr Bjarnadóttir og Hólmfríður Magnúsdóttir úr félagsmiðstöð-
inni Miðbergi. Kristín hafnaði í þriðja sæti í keppninni.
Arna Rún Ómarsdóttir, Lilja Helgadóttir og Gyða Arna Halldórsdóttir
frá félagsmiðstöðinni Hólnum í Kópavogi höfnuðu í öðru sæti.
Hraðlestrarnámskeið!
Á árinu 1999 jókst lestrarhraði nemenda Hraðlestrarskólans
að jafnaði úr 160 orðum á mínútu í 680 orð á mínútu í
fremur erfiðu lesefni. Eftirtekt batnaði um 18%. Afköst í
námi og starfi uxu mikið samfara þessum mikla árangri.
Er ekki komin tími til að þú takir á þínum málum?
Upplýsingar og skráning er í síma 565 9500
HRAÐLESTRARSKÓLINN
http://www.ismennt.is/vefir/hradlestrarskolinn