Morgunblaðið - 26.08.2000, Blaðsíða 43

MORGUNBLAÐIÐ
MINNINGAR
LAUGARDAGUR 26. ÁGÚST 2000 43
HELGA SJÖFN
FORTESCUE
+ Helga Sjöfn
Fortescue fædd-
ist í Reykjavik 19.
janúar 1984. Hún
lést á gjörgæsludeild
Landspítalans 14.
ágúst síðastliðinn og
fór útför hcnnar
fram frá Grensás-
kirkju 23. ágúst.
Elsku Helga mín, nú
þegar ég er að kveðja
þig rifjast upp fyrir
mér sagan sem ég bjó
til um járnbrautarlest-
ina og dýrin og sagði
þér svo oft þegar ég var að svæfa þig.
Þetta var þegar við vorum að kynn-
ast, þú þá tveggja ára. Þá bjuggum
við í Akurgerði í Reykjavík, svo flutt-
um við austur að Völlum til ömmu og
afa í sveitinni, þar vannst þú hjörtu
allra eins og annars staðar. Þú varst
fyrsta barnabarnið þeirra eins og þú
varst fyrsta barnabarnabarnið henn-
ar nöfnu þinnar, Sigríðar Helgu
ömmu, sem ég veit að hefur tekið á
móti þér þegar þú fórst héðan.
Við fluttum nú íljótlega til Hvera-
gerðis, þar fjölgaði nú hratt í heimili.
Fyrst fengum við hundinn, hana
Tönju, svo systur þína, hana Maríu,
þær voru þér báðar svo kærkomnar.
Þar eignaðistu þína fyrstu alvöru
vinkonu, hana Sigrúnu, þar hófstu
einnig skólagönguna. Já, þar áttum
við oft mikið af góðum stundum eins
og þegar Tanja átti alla hvolpana og
allar ferðirnar í réttirnar. Leiðir
okkar skildu svo þegar ég og
mamma þín skildum en þó ekki alveg
sem betur fer, núna síðustu árin átt-
um við nokkrar góðar stundir sam-
an, réttarferð, ferminguna þína og
afmælið mitt sem ég hélt upp á í
sveitinni, það var þá sem ég uppgötv-
aði að þú varst ekki lengur barn
heldur ung kona.
Elsku Helga mín, þú vannst þér
strax stað í hjarta mér þegar við
kynntumst og hann mundu alltaf
eiga.
Bjössi pabbi.
Elsku Helga okkar. Nú hefur Ijós
þitt slökknað, þú sem áttir svo stóra
drauma og hafðir allt sem þurfti til
að framfylgja þeim. Nú þegar þú ert
farin frá okkur varðveitum við minn-
ingar okkar um þig eins og gull.
Efst í huga okkar eru minningar
sem tengjast íshokkíinu, sérstaklega
fyrsti leikurinn sem þú spilaðir, við
vorum svo stolt þegar við fylgdumst
með þér á ísnum. Baráttugleðin og
krafturinn sem skein frá þér á svell-
inu var yndislegur. Þessi minning
ásamt öllum hinum munu varðveit-
ast í hjarta okkar alla tíð.
Þín er sárt saknað.
Þó að kali heitur hver
hylji dali jökull ber
steinar tali og allt hvað er
aldrei skal ég gleyma þér!
(Vatnsenda-Rósa)
Ólafur bróðir, Brynhildur
og Róbert. Snær.
Síðan ég kynntist
Helgu Sjöfn, ung að
aldri, hefur mér þótt
mjög vænt um hana og
hún var fyrirmyndin
mín. Þegar von var á
henni til Jónu systur
minnar og Ottós, sem
var sambýlismaður
hennar og faðir Helgu
Sjafnar, spurði ég 1000
sinnum hvort hún færi
nú ekki að koma. Þegar
Jón Ingi var kominn í
heiminn, bróðir hennar
og systursonur minn,
fórum við alltaf með
hann í „mömmó“ og skemmtum okk-
ur öll þrjú konunglega.
Ég gleymi því aldrei þegar ég og
hún ákváðum í saméiningu að við
ætluðum að vera frænkur þó svo að
við værum ekkert skyldar og enn
þann dag í dag þegar fólk spyr mig
hvernig ég hafi þekkt Helgu Sjöfn
segr ég alltaf „við vorum frænkur".
Ég hef ekki haft mikið samband
við Helgu Sjöfn upp á síðkastið og
þykir mér það mjög slæmt að við
höfum fjarlægst svo hvor aðra á
unglingsárunum því við vorum svo
nánar þegar við vorum yngri. Ég
þakka Guði fyrir að hafa fengið að
kynnast Helgu Sjöfn, því ég hefði
sko alls ekki viljað missa af því að
þekkja þessa yndislegu og frábæru
stelpu.
Eg sakna hennar mjög mikið en
ég veit að henni líður vel þar sem hún
er núna hjá Guði.
Helga Björg Jónsdóttir.
Elsku Helga Sjöfn mín.
Þessar línur eru ábyggilega þær
erfíðustu sem ég hef nokkurn tímann
skrifað, en ég skifa þær vegna þess
að mig langaði að segja þér hve mik-
ið mér hefur alltaf þótt vænt um þig
og hve mikið ég á eftir að sakna þín.
Ég kom heim frá Danmörku sama
dag og fréttin um að þú hefðir látist í
þessu hræðilega slysi birtist. Það var
eins og hjartað í mér hefði stoppað
og ég vissi ekkert hvað ég átti að
gera né hugsa.
Við vorum svo góðar vinkonur
þegar þú bjóst í Garðabænum og
vorum svo oft tvær saman, heima hjá
þér eða mér að leika okkur.
Það fyrsta sem kemur upp í huga
minn er hve smitandi hlátur þinn var
og hvernig þér tókst að lífga upp á
alla í kringum þig. Mér fannst augun
þín vera svo stór og falleg en voru í
senn svo alvarleg og hugsandi, það
var eins og þú værir að hugsa um
eitthvað sem við í kringum þig gæt-
um ekki skilið.
Svo fluttirðu til Reykjavíkur og þá
slitnaði smám saman upp úr sam-
bandi okkar.
Við vorum samt alltaf að hitta
hvor aðra í bænum og á alls konar
skemmtunum, og var alltaf jafn gam-
an að hitta þig aftur, því eins og í
„gamla daga“ varstu alltaf brosandi.
Þú faðmaðir mig svo og kynntir mig
sem vinkonu þína fyrir öllum krökk-
unum sem voru með þér á ferðinni og
þótti mér mjög vænt um það, því við
hittumst svo sjaldan.
Þú varst alltaf svo frábær stelpa
og ég trúi því ekki að þú sért farin í
burtu. Þetta er svo ósanngjarnt að
þú hafir verið tekin svona ung, þú
áttir eftir að upplifa svo margt sem
við vorum búnar að ákveða þegar við
vorum litlar að mundi gerast! Guð
hlýtur að hafa ætlað þér eitthvert
æðra hlutverk hjá sér.
En, elsku Helga Sjöfn mín, hér
kveð ég þig með söknuði og segi stolt
að þú hafir verið vinkona mín og
munir vera það um ókomna tíð.
Ég votta fjölskyldu þinni mína
dýpstu samúð, en ég veit að Guð mun
hjálpa þeim að komast í gegnum
þennan sára missi.
Kær kveðja,
Thelma Kristín Kvaran.
Þú komst í heiminn 19. janúar
1984. Pabbi þinn og mamma voru
bæði ákaflega stolt af litlu stelpunni
sinni og ákváðu að búa fyrstu mán-
uðina heima hjá foreldrum mínum.
Ég hef sjaldan séð jafn stoltan
nýbakaðan föður og hann pabba
þinn. Þú varst, ert og verður alltaf
litla ljósið hans. Með fæðingu þinni
færðir þú mér og fjölskyldunni minni
líka þá ánægju sem fylgir því að hafa
nýfætt barn inni á heimilinu. En það
var ekki það eina. Ég man vel eftir
því þegar mér var treyst fyiir þér í
fyrsta skipti. Ég fann til mikillar
ábyrgðartilfinningar og fékk vin-
konu mína til að vera með mér hjá
þér. Þegar það kom að því að setja
þig út í vagn var þessi vinkona mín
ekkert á því að hleypa mér að, sagð-
ist hafa miklu meiri reynslu af böm-
um en ég. Við rifumst um að fá að
sinna þer og ég gaf eftir í þetta
skipti. Ég var ósátt og ákvað að láta
þetta ekki koma fyrir aftur, þú varst
nú einu sinni litla frænka mín.
Frænkan sem brostir svo fallega og
hlóst svo innilega. Þú varst heldur
ekki gömul þegar þú sast við sjón-
varpið inni í Akraseli og horfðir á
dýralífsþátt í sjónvarpinu. Háhym-
ingur lék sér að sel og drap hann að
lokum. Þú horfðir gáttuð á sjón-
varpið og spurðir afa þinn hissa:
,Áfi, af hverju geta ekki bara allir
verið vinir?“ Þessi spuming segir
meira en mörg orð um þig. Þú sem
trúðir alltaf á það besta í hverri
manneskju. Þú sem kenndir okkur
hinum svo margt. Þú sem leiddir mig
svo fast. Ó - þú.
Seinna eignaðist þú systur og
bróður sem þér þótti ákaflega vænt
um. Missir þeirra er mikill því þú
varst ástrík stóra systir og hafðir
velferð þeirra alltaf ofarlega í huga.
Þú talaðir oft og innilega um þau
bæði. Sjöfn, litla frænka þín, spyr oft
um þig og segir mér að henni finnist
leiðinlegt að fá ekki að sjá þig aftur.
Hún er ekki ein um að vera leið yfir
því. Minningarnar um þig og tilfinn-
ingamar sem ég ber til þín ætla ég
að varðveita í hjartanu. Þær fær
enginn frá mér tekið. Ég get leitað í
þessar minningar hvenær sem mér
hentar og það er mikil huggun núna
þegar þú ert farin á undan okkur
hinum í ferðina löngu. Elsku litla
frænka mín, ég mun hugsa til þín á
hverjum einasta degi, mörgum sinn-
um á dag.
Erla Marfa Markúsdóttir.
Ég kynntist Helgu Sjöfn þegar ég
var sjö ára og systir mín og pabbi
hennar byijuðu saman. Hún var
yndisleg, svo full af orku og lífi. Ég
og Helga Björg systir mín elskuðum
hana og biðum alltaf eftir því að hún
kæmi til Jónu og Otta svo að við gæt-
um leikið okkur saman eða síðar
meir þegar Jón Ingi sonur þeirra
fæddist að fá að passa hann og vaka
lengi! Ég hef að vísu ekki haft mikið
samband við Helgu upp á síðkastið
en við hittumst alltaf öðm hveiju á
kaffihúsi og þá varð allt eins og í
gamla daga. Ég vildi óska að við
hefðum ákveðið að hittast þetta
kvöld og hún hefði aldrei farið þá
væri hún ef til vill að fara að hitta
mig á kaffihúsi í dag til að spjalla. Af
hverju hverfa alltaf þeir bestu? Ég
sakna þín, Helga, og vona að þér líði
vel hvar sem þú ert núna.
Þín vinkona,
Inga Þóra.
Birting afmælis- og
minningargreina
MORGUNBLAÐIÐ tekur afmælis- og minningargreinar til birtingar
endurgjaldslaust. Greinunum er veitt viðtaka á ritstjóm blaðsins í
Kringlunni 1, Reykjavík, og á skrifstofu blaðsins í Kaupvangsstræti 1,
Akureyri. Þá er enn fremur unnt að senda greinarnar í símbréfi (569
1115) og í tölvupósti (minning@mbl.is). Nauðsynlegt er, að símanúmer
höfundar/sendanda fylgi. Tilvitnanir í sálma eða ljóð takmarkast við eitt
til þrjú erindi. Greinarhöfundar eru beðnir að hafa skírnamöfn sín en
ekki stuttnefni undir greinunum.
Við birtingu afmælisgreina gildir sú regla, að aðeins eru birtar grein-
ar um fólk sem er 70 ára og eldra. Hins vegar em birtar afmælisfréttir
ásamt mynd í Dagbók um fólk sem er 50 ára eða eldra.
Mikil áhersla er lögð á, að handrit séu vel frá gengin, vélrituð eða
tölvusett. Sé handrit tölvusett er æskilegt, að disklingur fylgi útprent-
uninni. Það eykur öryggi í textameðferð og kemur í veg fyrir tvíverknað.
Auðveldust er móttaka svokallaðra ASCII-skráa sem í daglegu tali eru
nefndar DOS-textaskrár. Þá era ritvinnslukerfin Word og Wordperfect
einnig auðveld í úrvinnslu.
ALFREÐ
EYMUNDSSON
+ Alfreð Eymunds-
son fæddist í
Flögu í Skriðdal 18.
mars 1922. Hann
andaðist á Sjúkra-
húsinu á Egilsstöðum
21. ágúst síðastlið-
inn. Faðir hans var
Eymundur Einars-
son, bóndi í Flögu í
Skriðdal, f. 1900, d. í
janúar 1938. Móðir
hans var Helga Vil-
helmína Jónsdóttir,
húsmóðir í Grófar-
gerði, f. 1897, d.
1984. Systkini Al-
I dag kveðjum við vin minn og
frænda Alfreð Eymundsson frá
Grófargerði.
Alfreð fæddist í Flögu í Skriðdal,
en fluttist ársgamall ásamt móður
sinni að Grófargerði í Vallahreppi.
Þar bjó hann í eitt ár en fluttist þá að
Kveldhólum í sama hreppi, þar sem
hann bjó næstu tvö árin. Þaðan flutt-
ust mæðginin aftur í Grófargerði þar
sem Alfreð bjó í 65 ár og stundaði
búskap frá unglingsaldri til ársins
1990. Tæplega sjötugur brá hann búi
og fluttist að Miðvangi 22 á Egils-
stöðum.
Að Grófargerði bjó Ásmundur
móðurbróðir Alfreðs og var Helga
móðir Alfreðs ráðskona hjá honum
meðan hann lifði. Vegna heilsubrests
Ásmundar fór Alfreð fljótt að sinna
búverkunum. Þegar Ásmundur dó
1951 tók Alfreð formlega við bú-
stjórninni ásamt móður sinni.
Að Grófargerði vom einnig til
heimilis móðuramma Alfreðs, Þór-
unn Bjarnadóttir, d. 1949, og móð-
ursystkini hans; Gróa, d. 1953,
Bjarni barnakennari, d. 1981, og
Snjólaug, d. 1985.
Alfreð vann allan sinn starfsaldur
að hefðbundnum landbúnaðarstörf-
um. Vom bústörfin honum mjög
hugleikin og vora þau alla tíð hans
helsta áhugamál ásamt lestri góðra
bóka.
Alfreð var hæglátur maður, vel
greindur og víðlesinn. Hann átti
mikið safn góðra bóka sem hann
hafði safnað gegnum árin.
Kynni mín af Alfreð vom því
miður alltof stutt. En þau ár sem við
þekktumst vom okkur báðum mikils
virði. Hann naut þess að spjalla við
mig um gamla tíma og ræða um
freðs samfeðra eru:
Sigríður, f. 1.5.1930,
búsett í Reykjavík
og Einar Birgir, f.
15.5.1935, búsettur í
Reykjavík.
Alfreð var bóndi í
Grófargerði á Völl-
um til ársins 1990 er
hann fluttist að Mið-
vangi 22 á Egilsstöð-
um.
Útför Alfreðs fer
fram frá Valla-
neskirkju í dag og
hefst athöfnin
klukkan 14
atburði líðandi stundar.
í dag mun hinsta ferð Alfreðs
verða að Vallanesi, en þar hvíla þeir
vinir hans sem famir em á undan
honum.
Ég og fjölskylda mín emm þakk-
lát fyrir þau kynni og þær stundir
sem við áttum saman, því maður
kynnist ekki mörgum mönnum eins
og Alfreð á lífsleiðinni.
Guð geymi einstakan öðlings-
mann.
Steinarr Magnússon.
Formáli
minningar-
greina
ÆSKILEGT er að minningar-
greinum fylgi á sérblaði upplýs-
ingar um hvar og hvenær sá,
sem fjallað er um, er fæddur,
hvar og hvenær dáinn, um for-
eldra hans, systkini, maka og
börn, skólagöngu og störf og
loks hvaðan útför hans fer fram.
Ætlast er til að þessar upplýs-
ingar komi aðeins fram í for-
málanum, sem er feitletraður,
en ekki í greinunum sjálfum.
UTFARARSTOFAISLANDS
Sjáum um alla þá þætti sem hafa ber í huga
er andlát verður
Útfararstjórar okkar búa yfir áratuga reynslu af störfum við
útfararþjónustu.
Sjáum um útfarir á allri landsbyggðinni.
\ ~ '~4i Sverrir Il3
4 -- íM Einarsson Sverrir
útfararstjóri, sími 896 8242 Olsen útfararstjóri.
I Baldur
I Frederiksen
] útfamrstjóri,
isími 895 9199
Útfararstofa íslands, Suðurhlíð 35, Fossvogi.
Sími 581 3300. Þjónusta allan sólarhringinn.
www.utfararstofa.ehf.is
.
mmmeJ'
Þegar andlát
ber að höndum
Önnumst alla þætti utfararinnar.
Vesturhlíð 2
Fossvogi
Sími 551 1266
www.utfor.is
Við Útfararstofu kirkjugarð-
anna starfa nú 14 manns
með áratuga reynslu við
útfaraþjónustu. Stærsta
útfararþjónusta landsins
með þj6nustu allan
? sólarhringinn.
Mfs
Prestur
Kistulagning
Kirkja
Legstaður
Kistur og krossar
Sálmaskrá
Vai á tónlistafólki
Kistuskreytingar
Dánarvottorð
Erfidrykkja
UTFARARSTOFA
KIRKJUGARÐANNA EHF.