Morgunblaðið - 31.10.2000, Blaðsíða 18
18 ÞRIÐJUDAGUR 31. OKTÓBER 2000
MORGUNBLAÐIÐ
AKUREYRI
Haustmót Skákfélags
Akureyrar
Ólafur sigraði
með fullu húsi
ÓLAFUR Kristjánsson bar sigur úr
býtum í opnum flokki á Haustmóti
Skákfélags Akureyrar en hann gerði
sér lítið fyrir og lagði alla 7 andstæð-
inga sína að velli. Olafur hlaut sæmd-
arheitið Skákmeistari Akureyrar
fyrir sigurinn og er þetta í fjórða
sinn sem hann hlýtur þann titil.
Rúnar Sigurpálsson hafnaði í öðru
sæti á Haustmótinu með 5,5 vinn-
inga og Jón Björgvinsson í því þriðja
með jafnmarga vinninga. Stefán
Bergsson hafnaði í fjórða sæti með 4
vinninga en 3,5 vinninga fengu þeir
Halldór Brynjar Halldórsson, Sig-
urður Eiríksson, Sveinbjörn Sig-
urðsson og Jakob Sævar Sigurðsson.
Framundan eru ýmis mót á vegum
félagsins, m.a. næstu laugardaga hjá
yngri kynslóðinni. Hið vinsæla
Kiwanismót fer fram í Lundarskóla
4. nóvember og Islandsmót í
drengja- og telpnaflokki verður
haldið á Akureyri 11.-12. nóvember
nk. Starfsemi Skákfélags Akureyrar
fer fram í skákstofunni í íþróttahöll-
inni.
Morgunblaðið/Kristj án
Umferðinni
stjórnað
TVEIR lögreglumenn stjórnuðu
miðbæjarumferðinni á Akureyri með
handafli síðdegis á föstudag, en
vegna framkvæmda í bænum er
gatnakerfið úr lagi. Þannig er til að
mynda Strandgatan lokuð á kafla í
miðbænum. Það hefur í för með sér
að umferðin gengur ekki jafn greið-
lega fyrir sig, en síðdegis á föstudög-
um er nokkuð þung umferð um mið-
bæinn.
Sveitarstjórn Eyjafjarðarsveitar vill draga úr sorpi
Komið verði í veg
fyrir urðun á endur-
vinnanlegum efnum
SVEITARSTJÓRN Eyjafjarðar-
sveitar samþykkti á fundi sínum í
síðustu viku að beina þeim tilmæl-
um til stjórnar Sorpeyðingar
Eyjafjarðar bs að hefja nú þegar
undirbúning að aðgerðum sem
hafi það að markmiði að minnka
eins og frekast er kostur umfang
þess sorps sem fer til urðunar.
Sérstaklega vill sveitarstjórnin
að möguleikar á heimajarðgerð
verði teknir til skoðunar eða aðr-
ar þær aðferðir við jarðgerð sem
henta mismunandi staðháttum á
starfssvæðinu. „Jafnframt verði
allra tiltækra leiða leitað til að
koma í veg fyrir urðun á öðrum
endurvinnanlegum úrgangi, s.s.
pappír og plasti, segir í ályktun
sveitarstjómar en hún beinir
þeim tilmælum einnig til stjórnar
Sorpeyðingarinnar að hún láti
kanna með hvaða hætti best
mætti standa að söfnun á land-
búnaðarplasti sem fellur til í sí-
vaxandi mæli í búrekstri.
Rætt um urðun sorps af öllu
Norðurlandi á einum stað
I greinargerð með ályktuninni
segir að í framhaldi af ákvörðun
bæjarstjórnar Akureyrar um að
hætta urðun sorps í Glerárdal sé
mjög brýnt að mótuð verði fram-
tíðaráætlun um meðferð sorps,
úrvinnslu þess og förgun. Nýr
urðunarstaður sé enn ekki fund-
inn en margt bendi til að hann
verði ekki á Eyjafjarðarsvæðinu.
Ræddar hafi verið hugmyndir um
einn urðunarstað, jafnvel fyrir
allt Norðurland. Verði sú lausn að
veruleika skipti máli að minnka
eftir föngum umfang sorps með
tilliti til kostnaðar. Urðun á end-
urvinnanlegu efni sé í hrópandi
mótsögn við stefnumótun í um-
hverfismálum, markmið Staðar-
dagskrár 21 og ríkjandi viðhorf í
helstu nágranna- og viðskipta-
löndum okkar.
Það skipti miklu fyrir Eyja-
fjarðarsvæðið, sem vilji kynna sig
sem vistvænt umhverfi þar sem
matvælaframleiðsla er stór þáttur
í atvinnulífinu, að gæta ímyndar
sinnar að þessu leyti. „Því ber að
leita allra leiða til að draga úr
sorpförgun en leggja þess í stað
ýtrustu áherslu á endurnýtingu
og endurvinnslu, segir í ályktun
sveitarstjórnar Eyjafjarðarsveit-
ar.
Morgunblaðið/Kristján
Framkvæmdagleði á Krummafæti
BÖRNIN á leikskólanum Krummafæti á Grenivík,
voru í miklum framkvæmdahug er ljösmyndari
Morgunblaðisins var þar á ferð. Þau voru m.a. að
mála útihúsin á ieikskólalóðinni og notuðu pcnsil og
vatn til verksins. Það var kannski eins gott að þau
notuðu vatn en ekki málningu, því ekki er víst að
kuldagallarnir sem börnin klæddust hefðu sloppið
við málningarslettur og pensilför í öllum látunum.
Það gerði alla vega minna til þótt eitthvað af vatni
færi í fötin.
Átta athugasemdir við tillögu að endurhönnun
göngugötu, Skátagils og Ráðhústorgs
Yiðhorfskönnun á bila-
umferð í göngugötunni
ÁTTA athugasemdir bárust við til-
lögu að endurhönnun göngugötu,
Skátagils og Ráðhústorgs á Akur-
eyri, og voru athugasemdimar til
umræðu á fundi umhverfisnefndar.
Afgreiðslu tillögunnar var hins veg-
ar frestað þar til hönnuðir hafa tekið
til meðferðar þau atriði sem ábend-
ingar og athugasemdir bárust við.
I tillögunni er gert ráð fyrir bíla-
umferð um göngugötuna og eru m.a.
gerðar athugasemdir við þá hug-
mynd. Umhverfisráð samþykkti að
fela skipulags- og byggingarfulltrúa
að ræða við Rannsóknarstofnun Há-
skólans á Akureyri um að gera við-
horfskönnun meðal bæjarbúa á bfla-
umferð í göngugötunni og meta
hugsanleg áhrif bflaumferðar á
þjónustu og verslun við götuna. Um-
hverfisráð bendir jafmframt á að til-
lagan skapi auknar forsendur fyrir
aukna bflaumferð í götunni en að
ekki sé búið að taka ákvörðun um
hvort eða hversu mikil sú aukning
verður.
Einnig er í athugasemdum bent á
að ekki megi gera lítið úr því mið-
bærinn eigi við uppdráttarsýki að
stríða og vandséð hvemig hún verði
læknuð þar sem búið sé að ákveða
að aðal verslunarsvæði bæjarins
verði á Gleráreyrum um fyrirsjáan-
lega framtíð. Og úr því að sú
ákvörðun hafi verið tekin skipti ekki
máli fyrir viðskipti í göngugötunni
hvort bílaumferð er leyfð þar eða
ekki.
Umhverfisráð bendir á að vilji sé
fyrir því hjá Akureyrarbæ að stuðla
að áframhaldandi uppbyggingu mið-
bæjarins sem miðstöðvar þjónustu
og verslunar á Akureyri þrátt fyrir
að ákveðin uppbygging verslunar
hafi verið heimiluð á Gleráreyrum.
Eins og fram hefur komið er áætl-
aður heildarkostnaður við breyting-
arnar í miðbænum um 100 milljónir
króna en þar af kosta fyrirhugaðar
breytingar í göngugötunni um 50
milljónir króna.
Málstefna um íslenska
tung-u á sal Menntaskól-
ans á Akureyri
Islensk
tunga í
lok aldar
MÁLSTEFNA um stöðu íslenskrar
tungu verður haldin á sal Mennta-
skólans á Akureyri laugardaginn 18.
nóvember næstkomandi í samvinnu
við menntamálaráðuneytið og ís-
lenska málnefnd.
Fyrirlesarar munu meta hvernig
íslensk tunga, ein fornlegasta þjóð-
tunga Evrópu, hefur gegnt hlutverki
sínu sem félagslegt tjáningartæki í
umbyltingu 20. aldar, þegar íslenskt
þjóðfélag breyttist úr einangruðu og
einhæfu bændaþjóðfélagi í marg-
skipt þjóðfélag á upplýsingaöld í
stöðugum daglegum tengslum við
umheiminn. Gerð verður grein fyrir
því hvemig horfir fyrir fámennu
málsamfélagi á tímum alþjóða-
hyggju og nýrrar sjálfstæðisbaráttu
smáþjóða þar sem miklir búferla-
flutningar setja mark sitt á mörg
samfélög.
Fyrirlesarar á málstefnunni verða
Andri Snær Magnason rithöfundur,
dr. Bima Arnbjömsdóttir málfræð-
ingur, dr. Hallfríður Þórarinsdóttir
mannfræðingur, dr. Kristján Árna-
son prófessor, dr. Hrafnhildur
Ragnarsdóttir prófessor, Kristinn R.
Ólafsson, fréttamaður, rithöfundur
og þýðandi í Madrid, Ólafur Jensson
verkfræðingur, Sigmundur Ernir
Rúnarsson, fréttamaður og skáld,
Þorsteinn Gylfason prófessor og
Þórarinn Eldjárn, rithöfundur og
skáld. I upphafí mun Björn Bjarna-
son menntamálaráðherra ávarpa
málstefnuna.
Um 300 einstaklingum, fyrirtækj-
um og stofnunum hefur verið boðið
sérstaklega að taka þátt í málstefn-
unni íslensk tunga í lok aldar, sem
þó er opin öllum sem áhuga hafa á
efninu. Þátttökugjald er 3.000 krón-
ur og eru þar innifalin ráðstefnu-
gögn, léttar veitingar á meðan stefn-
an stendur og bók sem gefin verður
út að stefnunni lokinni og hefur að
geyma fyrirlestra og umræður á
málstefnunni. Þátttökutilkynningar
skal senda skólanum fyrir 10. nóv-
ember nk.
Kostendur málstefnunnar eru
KEA, Landsvirkjun, Mjólkur-
samsalan, menntamálaráðuneytið,
Samherji, Sparisjóður Norðlendinga
og Vátryggingafélag íslands.
Dalvíkurbyggð,
Ólafsfjörður og
Siglufjörður
Jarðgöng
um Héðins-
Qörð eru
arðbær
Á SAMEIGINLEGUM fundi
bæjarráða Dalvíkurbyggðar,
Ólafsfjarðar og Siglufjarðar
sem haldinn var nýlega var
samþykkt bókun vegna þeirra
efasemdaradda sem fram hafa
komið á opinberum vettvangi
að undanfömu vegna jarð-
gangagerðar um Héðinsfjörð.
Fundur bæjarráða þessara
þriggja kaupstaða bendir á að
fyrirhuguð jarðgangagerð um
Héðinsfjörð sé samkvæmt
gögnum og útreikningum sem
fyrir ligga arðsöm framkvæmd
fyrirþjóðarbúið.
„Fljótséður er sá mikli
ávinningur sem verður af til-
komu jarðganganna, ekki síst
hvað varðar spamað í opinber-
um rekstri með sameiningu og
öflugu samstarfi sveitarfélaga á
svæðinu. Fullur skilningur er á
þörf fyrir samgöngubætur sem
víðast á landinu og er hvatt til
þess að samgönguverkefnum
sem augljóst er að eru arðsöm
sé hraðað sem kostur er.
I þeim efnum er nýsamþykkt
vegaáætlun metnaðarfull og
hvetja bæjarráðin til þess að
hvergi verði hvikað frá því að
framfylgja henni,“ segir í bók-
un bæjarráðanna og bent á að
til framtíðar litið muni það
verða til farsældar fyrir land og
þjóð.