Morgunblaðið - 31.10.2000, Blaðsíða 64

64 ÞRIÐJUDAGUR 31. OKTÓBER 2000
MORGUNBLAÐIÐ
HESTAR
51. ársþing Landssambands hestamannafélaga
MorgunblaðiðA'aldimar
Fjölmargir hafa hlotið gullmerki LH og var stór hluti þeirra á þinginu en þau eru frá vinstri
talið Ingimar Sveinsson, Kári Arnórsson, Sveinn Guðmundsson, Hreinn Ólafsson, Hjalti
Pálsson, Elísabet Þórólfsdóttir, Leifur Jóhannesson, Ásgeir Guðmundsson, Jón M. Guð-
mundsson, Guðmundur Ólafsson, Þorkell Bjarnason, Sveinbjörn Dagfinnsson, Friðþjófur
Þorkelsson, Skúli Kristjónsson, Páll A. Pálsson, Egill Bjarnason og Arni Guðmundsson.
Það var létt yfir nýkjörinni stjórn LH í lok þingsins enda staða samtakanna býsna góð en
stjórnina skipa Sveinbjörn Sveinbjörnsson, Haraldur Þórarinsson, Sigurður Ragnarsson,
Páll Dagbjartsson, Sigrún Ólafsdóttir, Sigfús Helgason, Jón Albert Sigurbjörnsson for-
maður, Sigurður Steinþórsson, Ómar Antonsson, Einar Ragnarsson og Sigurður E. Ævars-
son en fjórir síðasttöldu eru varamenn. Á myndina vantar Oddnýju Jónsdóttur sem einnig
er í varastjórn.
Þinghald
á mettíma
Skipting Islandsmóta var helsta spennumál
51. ársþings Landssambands hestamanna-
félaga sem haldið var í íþróttamiðstöðinni
að Varmá í Mosfellsbæ um helgina. Móta-
hald og keppnisreglur voru fyrirferðar-
mestar í störfum þingsins og þykir mörgum
orðið nóg um þessar eilífu keppnisreglna-
breytingar, eins og einn þingfulltrúa orðaði
það. Valdimar Kristinsson sat þingið og tín-
ir hér til það helsta sem þar bar á góma.
Ármann Magnússon veitti viðtöku hinum eftirsótta unglingabikar fyrir
hönd Freyfaxa, en formaður LH, Jón Albert Sigurbjörnsson, afhenti
honum gripinn.
UM nokkurra ára skeið hafa þing-
fulltrúar á þingum hestamanna
reynt að fá þingin til að samþykkja
slíka breytingu á mótunum en það
ávallt verið blásið af. En tæpt var
það að þessu sinni því 51 þingfulltrúi
samþykkti breytinguna en 49 voru á
móti. Ef einn þeirra sem samþykkti
tillöguna hefði greitt atkvæði á móti
hefði hún fallið á jöfnum atkvæðum.
Það kom verulega á óvart þegar
oskað var eftir boðum í þau tvö
Islandsmót sem væntanlega verða
haldin á næsta ári að aðeins var boð-
ið í mót yngri flokkanna og voru tvö
félög sem buðu fram svæði sín, Sörli
og Hörður, en tillagan er frá því síð-
arnefnda komin. Öfugt við það sem
reiknað hafði verið með kom ekkert
formlegt boð í íslandsmót í opnum
flokki og ungmennaflokki en þegar
átti að hefja atkvæðagreiðslu gáfu
Harðarmenn eftir sitt boð en létu
þau orð fylgja með að félagið væri
alvarlega að hugsa um að taka að
sér mót opins flokks og ungmenna.
Samþykktin gildir aðeins til eins árs
og verður væntanlega tekin ákvörð-
un að ári í Ijósi þeirrar reynslu sem
fæst af þessari tilraun. En mótunum
í sumar verður sem sagt skipt þann-
ig að meistaraflokkur, opinn flokkur
og ungmennaflokkur verður saman
og börn og unglingar á sama mót-
inu.
Fáksmenn buðust hinsvegar til að
taka að sér íslandsmót 2002 og jafn-
framt að sjá um ársþing samtak-
anna það árið. Þar sem samþykktin
um skiptingu íslandsmótanna er að-
eins til reynslu í eitt ár er ekki ljóst
hvort Fákur muni halda mót fyrir
alla flokka eða hvort haldin verði tvö
mót í framtíðinni.
í lok þings lýsti fulltrúi Storms á
Vestfjörðum áhuga þeirra Vestfirð-
inga á að halda næsta ársþing sam-
takanna á ísafirði og vakti það
mikla athygli. Þar hefur þing aldrei
verið haldið og mátti glöggt greina
ferðaglampa í augum sumra þing-
fulltrúa.
Tölvukerfi í sjónmáli
Dýrásta tillaga þingsins var án
efa frá tölvunefnd þar sem nefndin
Jagðí til að ráðist yrðií kaup á forriti
. fyrir mótahald. Tillágan var sam-
þykkt samhljp.ða en í henni segir að
þingið heimili stjórninni að ráðast í
þetta verkefni hafi hún tryggt fjár-
magn í verkefnið og henni gert að
sækja um styrk til Hestamiðstöðvar
Islands og átaksverkefnis í hrossa-
rækt. Tekið er fram að kerfið skuli
vera í eigu LH. Kostnaðaráætlun
hljóðar upp á 3,5 milljónir króna og
verður það unnið á þremur árum en
skal þó verða tilbúið til notkunar í
einhverri mynd næsta vor. Forrit
þetta mun nýtast við framkvæmd
hestamóta við skráning á mót, úr-
vinnslu einkunna og röð keppenda
meðan á móti stendur. Þá mun nið-
urstaða mótanna ásamt móta-
skýrslu fara sjálíVirkt inn á gagna-
banka samtakanna og verði
aðgengilegt á Netinu, á stöðluðum
heimasíðum hestamannafélaganna.
Þá mun kerfið sækja upplýsingar
inn á Feng, gagnabanka Bænda-
samtákanna, og skila þangað aftur
niðurstöðum mótanna. Ljóst er að
með þessu verkefni mun skapast af-
ar áhugaverður og gagnlegur
gagnagrunnur með margháttuðum
upplýsingum. Sem dæmi má nefna
að auk upplýsinga um árangur ein-
stakra hrossa verða aðgengilegir
listar yfir árangur knapanna.
Allnokkrum tillögum var vísað til
milliþinganefnda sem sumir vildu
kalla að þær væru sendar til svæf-
ingar. Þar væri oft um að ræða rót-
tækar breytingar sem þingheimur
væri ekki tilbúinn að kalla yfir sig.
En auðvitað má um það deila hvort
verið sé að senda tillögur til með-
ferðar eða í svæfingu. Ein af þeim
tillögum sem vísað var til milli-
þinganefndar var tillaga frá And-
vara þar sem lagt var til að spyrnt
verði fótum gegn frekari fjölgun
hrossa á landsmótum og jafnvel
fækkað í sumum greinum. Þá var í
tillögunni lagt til að gjörbreyta fyr-
irkomulagi á vali þátttakenda í A-
og B-flokki gæðinga á mótinu. I til-
lögunni er gert ráð fyrir að hvert fé-
lag fái að senda einn hest að lág-
marki í hvorn flokk en síðan verði
haldnar staðlaðar úrtökur víða um
land þar sem öllum skuldlausum fé-
lögum verði heimil þátttaka. Auk
þessa verði sett lágmarkseinkunn til
þátttöku í landsmótinu. Með þessu
móti væri verið að tryggja að aðeins
úrvalsgóð hross og öll þau bestu á
landinu mættu til leiks en byggða-
stefnuformið sem nú er viðhaft þyk-
ir ekki tryggja að öll bestu hrossin
séu með. Tillagan vakti sterk við-
brögð en það sem gerði líklega út-
slagið eru áhrif þessara breytinga ef
fram næðu að ganga á fjárhag sam-
takanna. Formaðurinn Jón Albert
Sigurbjörnsson tók til máls og benti
á að ef núverandi kerfi yrði lagt til
hliðar, þar sem fjöldi félagsmanna
ræður hversu marga hesta viðkom-
andi félag má senda á landsmót,
myndi fækka stórlega í hesta-
mannafélögum og slíkt gæti haft
ófyrirséðar afleiðingar á fjárhag
samtakanna með ýmsum hætti.
Þingið á Varmá mun vafalaust
teljast með rólegri þingum til þessa,
ef ekki það rólegasta. Málefnaleg
stáða samtaka hestamanna virðist
með þeim hætti að ekki sé tilefni til
átaka eða skarpra skoðanaskipta.
Ef litið er yfir farinn veg undan-
farna tvo áratugi má glöggt sjá að
mikið hefur verið únnið í að koma
málum í góðan farveg. Það er þó eitt
atriði sem nokkuð var rætt á þing-
inu aðallega með veggjum en einnig
komu nokkrir þingfulltrúar inn á þá
hluti og er þá verið að tala um þess-
ar eilífu breytingar á keppnisregl-
um eins og það var orðað. Þótti
mörgum nú keyra um þverbak því af
36 tillögum sem lágu fyrir þinginu
upphaflega fjölluðu 27 þeirra um
keppni og mótahald og þar af voru
12 þessara tillagna frá einu félagi.
Ingimar Sveinsson á Hvanneyri
kvartaði undir liðnum önnur mál yf-
ir því að ekki skuli meiri tíma varið í
umræður um ýmis innri málefni
samtakanna. Þingstörf væru svo
hart keyrð áfram að ekki væri tími
til annars en að fjalla um tillögurn-
ar. Líklega var sett met í tímalengd
því þingið hófst klukkan 13 á föstu-
dag en hingað til hafa þau verið sett
klukkan 10. Þá var þinginu slitið á
slaginu 16 á laugardag sem hefur
líklega aldrei gerst áður og nefndir
höfðu lokið störfum fyrir klukkan 22
á föstudagskvöld. Það er því hægt
að fullyrða að þetta sé stysta þing
hestamanna sem haldið hefur verið
til þessa.
Endurskoðunar þörf
En þrátt fyrir góða málefnastöðu
eru hestamenn meðvitaðir um að
ekki má sofna á verðinum. Á þinginu
fóru fram umræður um mótahald og
keppni en þar þykir mönnum stefna
í óefni og þörf sé á að fara ofan í
saumana í þeim hlutum. Þessi um-
ræða er að vísu ekki ný af nálinni því
það hefur lengi verið ljóst að hesta-
mót er mörg hver of löng, þau draga
almennt of fáa áhorfendur að og
mótin svo að segja öll illa sniðin fyr-
ir sjónvarp. Þá virðast menn flestir
hverjir sammála um að huga þurfi
frekar að styrkleikaflokkakerfinu
sem verið hefur við lýði í nokkur ár.
Það má því ætla að framundan sé
endurskoðun á mótahaldi og keppn-
ismálum hestamanna. Fram kom á
þinginu uppástungu um að halda
málþing um þessi efni í vetur sem
gæti þá orðið undanfari víðtækrar
endurskoðunar.
Fjórir kunnir hestamenn og fé-
lagsmálajaxlar fengu gullmerki LH,
þau Ejísabet Þórólfsdóttir, And-
vara, Ásgeir Guðmundsson, Gusti,
Guðmundur Jónsson, Herði og
Hreinn Olafsson, Herði. Öll eiga þau
sameiginlegt að hafa unnið ötullega
að málefnum hestamanna um langa
tíð, bæði á vettvangi LH og eins inn-
an sinna féiaga. Töluverður fjöldi
gullmerkishafa samtakanna mætti á
þingið bæði sem fulltrúar félaga
sinna en aðrir sem áheyrnarfull-
trúar og greinilegt að eldri kynslóð
hestamanna hefur sterkar taugar til
samtakanna þótt sumir þeirra hafi
dregið sig til hlés í framlínunni.
Röleg-heit í stjórnarkjöri
Stjórnarkjörið á þinginu var mjög
tilþrifalítið. Fjórir stjórnarmenn
sem út áttu að ganga gáfu allir kost
á sér til endurkjörs og voru kjörnir
með lófaklappi. Þeir voru: Jón Al-
bert formaður, Páll Dagbjartsson,
Sveinbjörn Sveinbjörnsson og Sig-
urður Ragnarsson. Öll varastjórnin
gaf kost á sér til endurkjörs en
stungið var upp á tveimur þar fyrir
utan. Kjör hlutu Sigurður Ævars-
son, Oddný Jónsdóttir, Sigurður
Steinþórsson, Ómar Antonsson og
Einar Ragnarsson sem kemur nýr
inn. Ekki var annað að sjá en að
ánægja væri með frammistöðu
stjórnar LH á árinu.
Undir lok þingsins var afhentur
hinn svokallaði unglingabikar LH
sem veittur er því félagi sem þykir1
bera af í æskulýðsstarfi á árinu.
Bikarinn kom að þessu sinni í hlut
Freyfaxa á Héraði og veitti Armann
Magnússon, stjórnarmaður í félag-
inu, honum viðtöku. Sagði Armann
að öflugt æskulýðsstarf hafi lengi
verið rekið hjá Freyfaxa. I sumar
var þar haldið veglegt æskulýðsmót
fyrir ungt hestafólk á Austurlandi
og var það í annað sinn sem slíkt
mót er haldið og tókst mjög vel til að
sögn Ármanns. Árangur af þessu
blómlega starfi sagði Ármann hafa
endurspeglast í góðum árangri unga
fólksins að austan á landsmótinu í
sumar og það væri mikil og góð
hvatning að fá þessa viðurkenningu.