BFÖ-blaðið - 01.07.1989, Blaðsíða 4

Á leið í leyfið
Nú fer í hönd tími sumarleyfa. Margir
halda á erlenda grund en aðrir ferðast og
skoða sig um hér á landi. Allir sem möguleika
eiga á fara úr bænum og eyða helgi eða lengri
tíma í tjaldi, í sumarbústað eða heimsækja
kunningja í öðrum landshluta.
Mikill farangur
Það sem einkennir oft þá bíla sem ferðast
um landið er mikill farangur. Tjaldið, svefn-
pokarnir, matur, útigrillið og fleiri ómissandi
hlutir verða að vera með. Til þess að koma
þessu öllu fyrir í bílnum er nauðsynlegt að
vera góður skipuleggjandi. Þá kemur topp-
grind oft að góðum notum. Reynið þó að hafa
létta hluti á henni, því bæði er auðveldara að
koma þeim fyrir og eins breytist þyngdar-
punktur bílsins ef allir þyngstu hlutirnir eru
settir á toppinn.
Miklu skiptir að það sem á toppgrind er sett,
sé vel og rækilega bundið niður, svo engin
hætta sé á að það losni. Til eru sérstakar teygj-
ur á flestum bensínstöðvum, til að festa niður
farangur. Ef laust eða illa er bundið, getur það
ekki einungis valdið óþægindum fyrir þig að
týna eða skemma það sem dettur af toppgrind,
heldur getur farið svo að bílar sem þú mætir
fái slíkt á sig eða rétt fyrir framan sig og það
valdið hættu. Sama má segja um bíla sem á
eftir þér aka.
Það sem þú setur inn í bílinn má aldrei
skyggja á útsýni bílstjórans um glugga
eða spegla bílsins. Hafðu það hugfast og rað-
aðu farangri í samræmi við það. Það er góð
regla að skorða vel þann farangur sem þú
kemur fyrir inni í bílnum, svo ekki sé hætta á
að hann fari af stað á ósléttum vegi eða þegar
þú þarft að hemla snögglega.
Varahlutir í bílinn
Það er margt sem hafa þarf með í ferðalag
innanlands. Þegar búið er að finna til allan
viðlegubúnaðinn, fatnaðinn og matinn, er
ekki alveg allt komið. Ekki má gleyma bíln-
um sjálfum. Flestir vita hvers skuli gæta áður
en farið er af stað. Það er góð regla að láta
smyrja bílinn áður en lagt er af stað, athuga
4 hvort öll ljós séu í lagi, hemlar og hjólbarðar.
Ekki sakar að kanna ástand pústkerfis, því oft
vill mikið reyna á það á erfiðum malarvegum.
Undir vélarlokinu þarf að athuga hvort ekki
sé í lagi með bremsuvökva, olíu, vatn, vökva á
sjálfskiptingu (ef hún er fyrir hendi) svo og
vökva fyrir aflstýri. Athugið ástand viftu-
reima. Hafið auka viftureim meðferðis,
kveikjulok, kveikjuhamar og kerti.
Þú skalt athuga ástand varadekks, hvort
felgulykill og tjakkur er ekki örugglega með-
ferðis og í lagi. Öryggisþríhyrningur ætti
einnig að vera í skottinu, ásamt kaðli. Ein-
hver verkfæri ættu að vera með í ferðinni, því
það er fleira en bíllinn sem getur bilað.
Sem betur fer lengist árlega sá hluti
íslenska vegakerfisins sem er með bundnu
slitlagi. Þó er ætíð fyrir hendi sú hætta að fá
grjót í framrúðu og að hún brotni. Það er því
alls ekki óskynsamlegt að hafa meðferðis
svokallaða neyðarrúðu úr sterku plasti sem
líma má fyrir ef framrúða brotnar. Slíkar
neyðarrúður fást á flestum bensínstöðvum.
Börnin í bílnum
Við megum ekki gleyma börnunum ef þau
eru með í för, þegar langt er ekið. Þau eru mun
fljótari til að þreytast í bíl en þeir sem eldri
eru. Því ættir þú að taka tillit til þeirra og
stöðva bílinn öðru hverju og leyfa þeim að
teygja úr sér.
Þá er gott að vera með eitthvað afþreyingar-
efni fyrir þau. Til eru margvísleg spil, sem
nota má í bíl, ýmsir leikir, sem fara má í og
ekki síst er hægt að fara í leiki er tengjast
umhverfinu, svo sem nafnaleiki og fleira.
Umferðarráð hefur verið með ýmislegt efni
fyrir börn í bíl. Nú síðast í vor var gefin út
snælda með ýmsum þekktum barnalögum og
hreyfisöngvum til nota í bíl fyrir börn á ferða-
lagi. Ánægð börn í bíl auka á öryggi annarra
farþega og bílstjórinn fær að aka í friði.
Hreint land - fagurt land
Þegar allur búnaður fyrir útileguna og bíl-
inn er kominn á sinn stað ætti að huga að ein-
hverju íláti fyrir rusl. Það er ekki svo lítið af
rusli sem fellur til í ferðalögum, bæði í bíl og á
áningarstað. Við skulum ætíð skilja við
áningastaðina eins og við sjálf viljum koma að
þeim.
Að lokum munið bílbeltin og ökuljósin -
alltaf. E.G.