Vísir - 04.06.1965, Blaðsíða 8
8
V I S I R . Föstudagur 4. júní 1965.
VISIR
Qtgefandi: Blaðaútgáfan VISIJR
Ritstjóri: Gunnar G. Schram
Aðstoðarritstjóri: Axel Thorsteinso
Fréttastjórar: Jðnas Kristjánsson
Þorsteinn ó. Thorarensen
Ritstjómarskrifstofur Laugavegi 178
Auglýsingar og afgreiðsla Ingólfsstræti 3
Áskriftargjald er 80 kr á mánuði
I lausasölu 7 kr. eint. — Simi 11660 (5 línur)
Prentsmiðja Visis - Edda h.f
Tilbúin hús
JTyrir tæpu ári birtist forystugrein hér í blaðinu,
þar sem á það var bent, að eitt áhrifaríkasta og fljót-
virkasta ráðið til þess að bæta úr húsnæðisskortin-
um og lækka verð íbúða væri að flytja inn tilbúin
hús í stórum stíl. Síðan hefur það gerzt, að einn
af stórkaupmönnum landsins hefur aflað sér um-
boðs einnar stærstu verksmiðju Finna í þessari grein
og býður nú þannig hús til sölu. Tilbúin hús eiga
mjög vaxandi gengi að fagna í nágrannalöndunum.
í gerð þeirra hafa átt sér stað miklar framfarir og
þótt við íslendingar séum vandlátir er fjöldi þeirra
við okkar hæfi. Okkur skortir bæði vinnuafl og fjár-
magn til þess að fullnægja húsnæðiseftirspum-
inni. Hér geta innflutt, tilbúin hús leyst vandann.'
Fimm herbergja hús, 120 fermetrar með bílskúr kost-
ar 550 þúsund krónur hingað komið. Vitanlega er
nokkur kostnaður við uppsetningu og frágang, en
í augum uppi liggur að slíkt hús verður a. m. k. þriðj-
ungi ódýrara en verð jafns stórs húss sem nú tíðkast.
Þó er sá hængur á, að 60% tollur er á innfluttum
húsum. Væri hann lækkaður, sem sýnist sjálfsagt,
mundi verðið lækka enn verulega.
Hér er mikið verkefni fyrir Húsnæðismálastjóm,
bæjarfélög og aðra þá aðila, sem vinna að húsnæðis-
málum landsmanna. Stórt átak í þessu efni myndi
mjög draga úr húsnæðisspennunni og hafa um leið
áhrif á lækkun hins almenna markaðsverðs húsnæð-
is, sem allir eru sammála um að er allt of hátt í dag.
Þar með væri fengin fram ein mikilvægasta kjara-
bótin fyrir alla launþega í landinu. Kauphækkunar-
kröfur stéttanna stafar ekki að minnstu leyti af sí-
hækkandi húsnæðis og byggingarkostnaði. Og hér
væri ekki um neitt tilræði við iðnaðarmannastétt
landsins að ræða. Hún hefur ærin verkefni á öðmm
sviðum næstu árin. Þess vegna er skynsamlegasta
sporið í húsnæðismálunum í dag að hefja stórfelldan
innflutning tilbúinna húsa og greiða fyrir byggingu
þeirra með Iækkun tolla.
Lífeyrissjóður landsmanna
Ríkisstjórnin hefur látið fara fram könnun á því,
hvort ekki sé ráðlegt að stofna lífeyrissjóð fyrir alla
landsmenn. Enn liggja niðurstöður ekki fyrir, en hér
er um hið merkasta mál að ræða. Margar stéttir og
starfshópar eiga sína lífeyrissjóði. En þúsundir laun-
þega og annarra standa utan þeirra og njóta aðeins
launa Almannatrygginga. Er það vissulega réttlætis-
mál að þeim verði gert kleift að njóta lífeyrisrétt-
inda og þá einmitt á svo breiðum grundvelli, sem
hér er í ráði. Færi vel, ef þessu máli væri hraðað og
niðurstaða fengin hið fyrsta.
Þrastamóðirin í hreiðrinu og í glugga blómaskálans.
Þrastahreiður í íbúð Haralds
Það er mikið Iíf umhverfis
Harald Bjömsson leikara, bæói
í einkalífinu og leikhúslífinu.
Um daginn heimsóttu Vísis-
P menn Harald á heimili hans í
Þingholtunum. Þegar og kom-
ið er að garðinum sést að hann
hefur mikinn áhuga á blómum,
allur garðurinn er þakinn blóm
um, en garðurinn nægir Har-
aldi ekkí tii þess að sinna sín
um blómum og er því allt hús
ið fullt af blómum. í flestuin
herbergjunum • er pláss fyrir
fólk auk blóma, nema í einu
herbergjanna, sem er eingöngu
blómaskáli (það sem kallað er
vinterhave í Danmörku). Inn
um glugga á þessu herbergi
flaug þröstur fyrir um það bil
þremur vikum, sá að þama
voru ágætis uppeldisskilyrði
fyrir unga, sótti maka sinn og
byggði sér þar hreiður.
Ungarnir eru nú að verða
stálpaðir og er ágíett samkomu
lag milli Haraldar og þrastar-
hjónanna. Haraldur dundar við
sín blóm en þrastarhjónin við
sína unga. Einstöku sinnum
flýgur þrastamóðirin að Har-
aldi ef henni finnst hann vera
einum of nærgöngull við hreiðr
ið, en allt fer þó fram með
fyllstu vinsemd.
Frá hinu árlega vormóti Hraunbúa. Skátastúlkur úr Reykjavík ganga til mótssetningar.
• • ________ JT
FJOLBREYTT DAGSKRÁ
A VORMOTI HRAUNBUA
Skátafélagið Hraunbúar í
Hafnarfirði heldur nú um Hvíta
sunnuna árlegt vormót sitt í
Krýsuvík. Að þessu sinni verð
ur um merkis atburð að ræða,
þar eð þetta verður 25. vormót
félagsins, auk þess sem fjörtiu
ár eru liðin frá því, að skáta-
starf hófst í Hafnarfirð'i.
Að sjálfsögðu verður því sér
staklega til mótsins vandað.
Búizt er við mikilli þátttöku.
Sex til átta hundruð skátar
hafa að jafnaði sótt síðustu
mót. Er nú ekki seinna vænna
fyrir skáta. sem hyggja á þátt-
töku, að hafa samband við for
ingja sfna. Öllum skátafélögum
landsins er heimil þátttaka.
Mótsgjaid er krónur 200. Fyr
ir það fá þátttakendur móts-
merk'ið, mótsblað, mjólk og
fleira, en hvorki matur né ferð
ir á mótið er þar innifalið.
Vormótið verður með líku
sniði og verið hefur. Dagurinn
verður notaður til leikja og
s'tarfa. Og á kvöldin á allur
hópurinn skemmtilega stund
við varðeld undir rótum Arnar
fells. Guðþjónusta verður á
sunnudagsmorgun og verður
mótssvæðið opið gestum þann
dag. Þá gefst foreldrum og vel
unnurum skátastarfs kostur á
að sjá þátt útilífsins í skáta-
starfinu.
Á mótinu verða fjölskyldu
búðir, en slíkar búðir hafa not
ið sívaxandi vinsælda á undan
fömum skátamótum.
Skátar annast sjálfir lög-
gæzlu með aðstoð lögreglunn
ar í Hafnarfirði, en auk þess
verður á mótinu sjúkravarzla
og aðrar þær stofnanir, sem
nauðsynlegar eru.
Nýmæli er það, sem Hraun-
búar bjóða nú upp á, að á mót
inu verður barnagæzla fyrir
fjöldskyldubúðirnar, 5 tímar
dag hvern, meðan mótið stend
ur.
Mótið verður sett klukkan
21,30 á föstudag. Mótslit verða
klukkan 14 á mánudag, annan
í hvítasunnu.
Eins og áður er sagt verður
mótið opið gestum á hvíta-
sunnudag frá kl. 14 og þar til
varðeldi er lokið um kvöldið.