Dagur - 17.03.1999, Blaðsíða 3

MIÐVIKUDAGUR 17. MARS 1999 - 3
ro^ftr.
FRETTIR
Eirikur segir Þór-
ólf slá vindhögg
Kaupfélagsstjóri KEA
er ósammála kaupfé-
lagsstjóra KS í veiga-
mikluiii atriðum er
varða sameiningu af-
urðastöðva á Norður-
landi. KEA segir KS
fara með rangt mál.
Eiríkur S. Jóhannsson, kaupfé-
lagsstjóri KEA, segir rangt hjá
Þórólfi Gíslasyni, kaupfélags-
stjóra KS, að ekki hafi verið haft
formlegt samband við Þórólf
vegna undirbúnings sameiginlegr-
ar afurðastöðvar á Norðurlandi.
KEA, Kaupfélag Þingeyinga og
Sölufélag Austur-Húnvetninga
kanna nú samstarfsmöguleika á
sviði mjólkur- og kjötvinnslu, en
Þórólfur lýsti í Degi í gær efa-
semdum sínum um verkefnið.
„Þórólfur segir að aldrei hafi
verið haft formlegt samband við
hann vegna málsins en það er
ekki rétt. Eg veit ekki hvað þarf að
gera til að vera formlegur við
Þórólf. Bæði hef ég talað við hann
í síma og hitt hann augliti til
auglitis. Þá hafa stjórnarmenn KÞ
talað við hann, en
svarið sem við
höfum fengið er
mjög skýrt. KS
hefur ekki viljað
taka þátt í þessu
en það er högg
fyrir neðan beltis-
stað að halda því
fram að ekki hafi
verið haft sam-
band við hann,“
segir Eiríkur.
Áratuga iuitlir
búningur
Þórólfur sagði
jafnframt að far-
sælla hefði verið
fyrir KEA að fé-
Iagið kláraði sínar
skipulagsbreyting- ______
ar á innviðum fyr-
irtækisins áður en þeir færu
„þvers og kruss um landið“. Þessu
vísar Eiríkur á bug: „Það er hluti
uppstokkunarinnar að leita eftir
samstarfi við fleiri aðila og mér
finnst Þórólfur slá vindhögg með
því að halda þessu fram. Hann
segir líka að málið sé ekki nógu
vel undirbúið og heimavinnan
hafi ekki verið unnin. Það er búið
að ræða þessi mál í tvo áratugi
„Mér finnst þessi orð hans bera keim af því að hann
viiji fá að vera í friði á sinni þúfu, “ segir Eiríkur Jó-
hannsson um ummæii Þórólfs Gíslasonar í Degi í
gær.
innan KEA og í þessum félögum.
Hér liggja fyrir metralangar
skýrslur sem að hluta hafa verið
kynntar fyrir stjórn KS. Eg skil því
ekki þessi orð hans.“
Einn á sinni þúfn?
Þórólfur sagði í Degi að hann
teldi réttara að helja samstarf í
minni einingum og taka tillit til
Iandfræðilegra þátta. Þessu er Ei-
ríkur alfarið ósammála. „I dag
keppast menn við að segja að ver-
öldin sé að losna við öll landa-
mæri. Mér finnst því hjákátlegt
hjá Þórólfi að ætla að vinna eftir
fjallgörðum á hinu litla íslandi á
meðan menn keppast við að brjót-
ast út úr landinu. Mér finnst
þessi orð hans bera keim af því að
hann vilji fá að vera í friði á sinni
þúfu.“
Skiptar skoðanir í Skagafirði
Eiríkur segir alls ekki fullreynt
með þátttöku Skagfirðinga í fyrir-
huguðu samstarfsverkefni. Klár-
lega séu skiptar skoðanir meðal
íbúa héraðsins um framvinduna.
Ymsir hafi Iýst þeim vilja sínum
að fá að fylgjast vel með fram-
vindunni. „Með því skrefi sem
KEA, KÞ og SAH hafa nú tekið er
verið að efla atvinnurekstur á
landsbyggðinni og styrkja sam-
bandið milli bænda og afurða-
stöðva þeirra. 011 vinnan miðast
við að starfsemin verði i sem öfl-
ugustum einingum. Skagfirðingar
sem aðrir eru velkomnir til þeirra
viðræðna og þessa samstarfs,"
segir Eiríkur.
Sj« einnig Víkurblaðið
- BÞ
Stefhuskrá
á lokastigi
Kosningastefnu-
skrá Samfylking-
arinnar verður
gerð opinber á
eða eftir sérstakt
stefnuþing Sam-
fylkingarinnar í
Rúgbrauðsgerð-
inni næstkom-
andi laugardag,
en þar munu
oddvitar á fram-
boðslistum allra
kjördæma og
kosningastjórar
hittast og leggja Iínurnar fyrir
komandi kosningabaráttu. Leið-
togar Samfylkingarinnar hafa leg-
ið á stefnuskránni og mikil leynd
hvílt yfir henni og ætla menn ekld
að endurtaka þau mistök á kynn-
ingu sem áttu sér stað með mál-
efnaskrána á sfðasta ári.
„Við ætlum að setjast niður
saman og stilla saman strengi. Til-
gangurinn er í fyrsta lagi að skapa
kjörið tækifæri fyrir efstu menn
og kosningastjórana til að hittast
til að fara yfir sviðið. Einnig verð-
ur lögð fram sú vinna sem átt hef-
ur sér stað með kosningastefnu-
skrána sem allir hafa beðið eftir.
Það verður farið vandlega yfir
hana í vinnuhópum og um leið
verður farið yfir praktísk atriði
kosningabaráttunnar," segir Há-
kon Gunnarsson, kosningastjóri
Samfylkingarinnar á landsvísu.
Reiknað er með því að kosn-
ingabarátta Samfylkingarinnar
fari síðan á fullt skrið með stórum
fundi í Háskólabíói 10. apríl.
- FÞG
Hákon Gunn-
arsson kosn-
ingastjóri Sam-
fylkingarinnar.
Flugleiðir hagnast um 250 miHjónir
króna á fLugvélasölu
Flugleiðir hafa selt qármálafyrirtækinu Boullion Aviation í Seattle
Boeing 737-400 flugvél og leigja vélina aftur af kaupanda til starf-
rækslu í þrjú ár. Hagnaður Flugleiða vegna þessarar sölu nemur 250
milljónum króna. Flugleiðir hafa nú selt allar Boeing 737-400 vélar
félagsins en leigt þrjár þeirra til áframhaldandi rekstrar. Arið 1997
ákvað félagið að þróa flugflotann til einnar flugvélagerðar, Boeing
757, og eiga í fastri pöntun fimm nýjar þotur, þrjár af gerðinni 757-
200 og tvær af gerðinni 757-300. Ein 757-200 þota kemur til af-
greiðslu í næsta mánuði. — GG
Þuríður leiðir VG eystra
Gengið hefur verið frá skipan framboðslista Vinstrihreyfingarinnar -
græns framboðs á Austurlandi fyrir alþingiskosningarnar í vor. Fyrsta
sæti listans skipar Þuríður Backman, hjúkrunarfræðingur á Egils-
stöðum og Gunnar Olafsson, jarðfræðingur á Neskaupstað er í öðru
sæti. I þriðja sæti er Gunnar Pálsson, bóndi á Refstað í Vopnafirði og
Karólína Einarsdóttir, nemi í Neskaupstað, skipar ljórða sæti. Heið-
urssæti Iistans, það tíunda, skipar Sigfinnur Karlsson í Neskaupstað,
fyrrverandi forseti Alþýðusambands Austurlands. — SBS.
Lilja Rafhey oddviti Viustra framboðs
Lilja Rafney Magnúsdóttir varaforseti Alþýðusambands Vestfjarða er
í fyrsta sæti á lista Vinstri hreyfingar - græns framboð á Vestfjörðum.
I öðru sæti er Gunnar Sigurðsson Bolungarvík, í 3. sæti Eva Sigur-
björnsdóttir Djúpuvík, Eiríkur Orn Norðdahl er í 4. sæti, Indriði Að-
alsteinsson Skjaldfönn Hólmavík í 5. sæti og Halldóra Játvarðardótt-
ir Miðjanesi Króksfjarðarnesi í því sjötta.
Vilja í Evrópsku fíkniefnamiðstöðiua
Ríkisstjómin ákvað á fundi sínum í síðustu viku að taka upp viðræð-
ur við framkvæmdastjórn ESB um aðild að Upplýsingamiðstöð sam-
bandsins um fíkniefni.
Miðstöð þessi er í Lissabon í Portúgal og hefur það hlutverk að
safna tölfræðilegum upplýsingum frá aðildarríkjum ESB, í því skyni
„að öðlast þekkingu á útbreiðslu, dreifingu, sölu og neyslu fíkniefna
til þess að treysta forvarnir og draga með því úr fíkniefnaneyslu í að-
ildarríkjunum,“ eins og segir í frétt frá heilbrigðis- og tryggingaráðu-
neytinu. Viðræðurnar eru teknar up.p á grundvelli EES:Síunningsin,s.
- FÞG
Menntasetrið hefnr
mikil áhrif á húsetu
Það skiptir hreinlega
í tvö (lands)hom hvar
útskrifaðir hjúkrun-
arfræðingar frá HÍ og
IIA hafa kosið sér
starf.
Aðeins sjötti hver hjúkrunar-
fræðingur sem útskrifaðist frá
Háskóla Islands á árunum 1993-
98 hefur ráðið sig til starfa á
Iandsbyggðinni. En munstrið er
þveröfugt þegar litið er til út-
skrifaðra hjúkrunarfræðinga frá
Háskólanum á Akureyri sömu ár,
því næstum 80% þeirra eru starf-
andi á Iandsbyggðinni, en aðeins
rúmur fjórðungur hefur farið
„suður“ til starfa, samkvæmt
nýrri skýrslu; „Mannekla í
Hjúkrun“. Hvar ungt fólk stund-
ar háskólanám virðist þannig
geta haft afgerandi áhrif á fram-
tíðarbúsetu og þar með búsetu-
þróun í landinu.
Fáar Ili hjiiklun út á laml
Samtals um 530 hjúkrunarfræð-
ingar útskrifuðust frá skólunum
Frá kennslu í hjúkrunarfræði við Háskólann á Akureyri.
tveimur á þessu árabili, þar af
111 frá Háskólanum á Akureyri.
Rúmlega 450, eða 85% alls
hópsins, hafa gerst félagsmenn í
Hjúkrunarfélaginu. Af útskrifuð-
um frá HÍ starfa nú 74% á Land-
spítala eða SHR, en 2% á Fjórð-
ungssjúkrahúsinu á Akureyri. Af
hjúkrunarfræðingum frá HA er
meira en helmingurinn (52%)
starfandi á Fjórðungssjúkrahús-
inu á Akureyri en tæplega 20% á
stóru sjúkrahúsunum í Reykja-
vík. Tæp 7% alls hópsins starfa á
öldrunarstofnunum en rúm 2%
hjá einkafyrirtækjum.
Háskóli íslands tekur nú inn
um 60 nemendur í hjúkrunar-
fræði á ári en Háskólinn á Akur-
eyri 30 nemendur, eða alls 90 á
ári. Til að koma í veg fyrir viðvar-
andi skort á hjúkrunarfræðing-
um þarf að stækka þennan hóp í
120-130 á ári, er ein meginnið-
urstaða áðurnefndrar skýrslu.
Hlutfallslega er hjúkrunarfræð-
ingaskorturinn mestur á öldrun-
arstofnunum en minnstur í
heilsugæslunni í Reykjavík.
- HEI
Lögfræðingar í hópferð til Kína
Lögfræðingafélag íslands efnir til
hópferðar til Kína 19. apríl nk. til
að kynnast kínverskum dóms-
málum og kínverska dómskerf-
inu. Komið verður á Torg hins
himneska friðar og forboðna
borgin heimsótt sem og sumar-
höllin- Hópurinn mui? .21- .apfíl
heimsækja dómsmálaráðuneytið,
kínverska lögfræðingafélagið,
þingið og hæstarétt landsins og
ennfremur hefur kínverska lög-
fræðingafélagið boðið íslenskum
kollegum sínum til kvöldverðar.
A fimmtudeginum heimsækja
íslensku júristarnir emhætti sak-
spknara,, lag^deild.háskólans sem
og stjórnmáladeild og loks verður
lögmannsstofa heimsótt. A föstu-
deginum verður Kínamúrinn
heimsóttur ásamt Minggröfun-
um. Olafur Egilsson sendiherra í
Peking mun hafa móttöku fyrir
hópinn áður en haldið verður til
baka heim á klakann. — GG