Dagur - 04.05.1999, Blaðsíða 6
6 - ÞRIÐJUDAGU R 4 . MAJ1999
D*gur
ÞJÓÐMÁL
Dtoir
Útgáfufélag: dagsprent
Útgáfustjóri: eyjólfur sveinsson
Ritstjóri: elías snæland jónsson
Aðstoðarritstjóri: birgir guðmundsson
Framkvæmdastjóri: marteinn jónasson
Skrifstofur: STRANDGÖTU 31, AKUREYRI,
GARÐARSBRAUT 7, HÚSAVÍK
OG ÞVERHOLTI 14, REYKJAVÍK
Símar: 460 6ioo OG 800 7080
Netfang ritstjórnar: ritstjori@dagur.is
Áskriftargjald m. vsk.: 1.800 KR. Á mánuði
Lausasöluverð: iso kr. OG 200 kr. helgarblað
Grænt númer: eoo 7080
Netfang augiýsingadeiidar: omar@dagur.is
Símar auglýsingadeildar: (REYKJAVÍK)563-1615 Ámundi Ámundason
(AKUREYRI)460-6191 G. Ómar Pétursson
OG 460-6192 Gréta Björnsdóttir
Símbréf auglýsingadeildar: 460 6161
Simbréf ritstjórnar: 460 617KAKUREYRI) 551 6270 (REYKJAVÍK)
YfLrvofandi hætta
í fyrsta lagi
Skoðanakannanir mæla Sjálfstæðisflokkinn í stórsókn. Hann
er aftur að nálgast það markmið sitt að ráða einn í Iandinu
með hreinan meirihluta á bak við sig á Alþingi. Sumar nýjustu
kannanirnar gefa til kynna að sú hrollvekjandi tilhugsun sé
ekki aðeins slæm martröð sofandi þjóðar heldur yfirvofandi
hætta. Ein skýringin á þessu góða gengi Sjálfstæðisflokksins er
vafalaust sú að hann hefur fengið að sigla tiltölulega lygnan
sjó í þessari kosningabaráttu vegna þess að stjórnarandstæð-
ingar hafa fyrst og fremst eytt orku sinni í að skamma aðra
flokka en þennan yfirlýsta höfuðandstæðing.
í öðru lagi
Margrét Frímannsdóttir, talsmaður Samfylkingarinnar, sagði
að vísu nokkuð skilmerkilega um helgina að stjórnarsamstarf
hins nýja framboðs með Sjálfstæðisflokknum kæmi ekki til
greina. Það er góðs viti. Hins vegar er athyglisvert að Samfylk-
ingin hefur ekki nema að litlu leyti fylgt eftir þessari andstöðu
sinni við Sjálfstæðisflokkinn með því að sækja af kappi fram
gegn þessum höfuðóvini sínum í sjálfri kosningabaráttunni -
eins og þó væri eðlilegt. Mun meira púðri hefur verið eytt í að
skamma framsóknarmenn. Ætti þó öllum að vera ljóst að það
er Sjálfstæðisflokkurinn sem hefur verið að hirða fylgi af Sam-
fylkingunni síðustu doga og vikur, ekki Framsókn.
í þriðja lagi
Það yrði mikið áfall fyrir íslenskt lýðræði ef einn stjórnmála-
flokkur fengi hreinan meirihluta á Alþingi - ekki síst flokkur
þar sem forystan telur sig þess umkomna að atyrða alla þá í
þjóðfélaginu sem sýna ekki foringjanum tilhlýðilega undir-
gefni - hvort sem það eru nú prestar, háskólakennarar eða
hæstaréttardómarar, hvað þá minni spámenn. í þeim tölum
sem birst hafa í sumum nýjustu skoðanakönnununum felst því
alvarleg hryllingsspá sem allir íhaldsandstæðingar verða að
sameinast um að verði ekki að veruleika á laugardaginn.
Elias Snæland Jónsson
Gegn erdtíkinni
Þá hefur það verið vísindalega
sannað að munur er á viðhorf-
um karla og kvenna til nektar-
dansmeyja. I Degi um helgina
var greint frá niðurstöðu skoð-
anakönnunar um þetta efni og
í ljós kom að konur eru yfir-
leitt mjög mótfallnar starfsemi
nektardansstaða á meðan karl-
ar eru það miklu síður. Ólíkt
þeim viðmælendum Dags sem
um málið eru spurðir og segja
að niðurstaðan komi ekki á
óvart, er Garri al-
gerlega standandi
hlessa. Sannleik-
urinn er nefnilega
sá að Garri upp-
Iifði þá eldraun
fyrir margt löngu
að horfa á konur
horfa á karl dansa
svokallaðan nekt-
ardans á erótísk-
um veitingastað í
háskólahverfi er-
lendis.
Virðulegar
konur
Þama voru virðulegar konur,
lektorar og doktorar, ritarar og
kennarar og nemendur. Allar
virtust þær mjög hlynntar
þeirri starfsemi sem þarna fór
fram, enda benti fas þeirra,
hróp, köll og hlátur eindregið
til þess að þær teldu enga
ástæðu til að stjórnvöld
beittu sér fyrir takmörkun á
sh'kri starfsemi. Vissulega skal
það viðurkennt, að þrátt fyrir
að þessi atburður hafi átt sér
stað í háskólahverfi, var hér
ekki um vísindalega könnun
að ræða af hálfu Garra. Engu
að síður fór ekki milli mála að
þessar konur voru í engum
takti við þær konur sem gáfu
upp skoðanir sínar í könnun
Dags á dögunum. Miðað við
V
lýsingar á íslenskum konum
sem horfa á dansatriði af
þessu tagi hegða þær sér þó á
nákvæmlega sama hátt og er-
lendar kynsystur þeirra gera.
Því kom niðurstaða könnunar-
innar Garra gjörsamlega í
opna skjöldu.
Ný sannindi
Um helgina gafst þó ráðrúm til
að meðtaka þessi nýju sann-
indi. Og eftir að
hafa lesið aftur og
aftur yfir ummæli
og skoðanir Ingi-
bjargar Sólrúnar á
þessu máli, rann
upp fyrir Garra
ljós. Ingibjörg seg-
ir m.a. i þessari
frétt: „Sá er eldur-
inn heitastur sem
á sjálfum brenn-
ur. Eg held að
konum finnist þessir staðir
vera lítillækkandi fyrir konur
og lítill menningarauki." í
þessu felast auðvitað mikil
sannindi. Garri hefur að vísu
ekki fylgst með kynbræðrum
sínum horfa á stúlkur dansa
erótískan dans, en eflaust lítil-
lækka menn sig verulega þegar
þeir gera það. Hitt er tvímæla-
laust - lítillækkunin er meira
áberandi hjá konum. Það er
vissulega lítill menningarauki
að sjá virðulegar frúr umturn-
ast við það eitt að horfa á karl
dansa og fækka fötum. Því
sannast það enn einu sinni að
viðhorf kvenna ber að hlusta á.
Það verður að takmarka starf-
semi erótískra staða til að
koma í veg fyrir að fólk lítil-
lækki sig við að heimsækja þá.
GARRI
JÓHANNES
SIGURJÓNS-
SON
skrifar
Það ber að þakka Stöð 2 fyrir að
bjóða upp á klukkutíma langt ein-
vígi um umdeilt samfélagsmál, í
þessu tilfelli miðlægan gagna-
grunn á heilbrigðissviði. Þetta
virkaði mun betur en umræðu-
þættir af svipaðri lengd þar sem
6-10 manns koma saman og eru
rétt bytjaðir að hitna þegar þætt-
inum er Iokið og áhorfendur litlu
nær um ágreiningsefnin.
Vonandi verður framhald á
löngum tveggja manna hólm-
gönguþáttum. Þannig væri ekki
ófróðlegt að fá einvígi um framtíð
Kísiliðjunnar við Mývatn, nú eða
vopnaskak Gunnars í Krossinum
og homma í prestastétt um sam-
kynhneigð, svo nefnd séu mál
sem brenna á landslýð með mis-
munandi hita.
Klar og kvittnr Kári
I sunnudagseinvíginu á Stöð 2
leiddu saman hesta sína Kári
Stefánsson, forstjóri Islenskrar
erfðagreiningar, og Sigmundur
Galopinn eða læstur
gagnagruimur?
Guðbjarnarson, formaður Mann-
verndar og þeirra í millum sat
„Ieikmaðurinn" Páll Magnússon.
Og fyrir leikmenn sem heima
sátu þá var niðurstaða þáttarins
svipuð og í öðrum slíkum þar sem
Kári hefur mætt andskotum sín-
um, Kári hafði greinilega vinn-
inginn. Og ekki kyn þó hann og
hans fyrirtæki njóti
stuðnings meiri-
hluta þjóðarinnar
því málflutningur
andstæðinga IE og
gagnagrunnsins
virkar ævinlega
þokukenndur, rugl-
ingslegur og mót-
sagnakenndur,
meðan flest hljómar klárt og kvitt
sem fram gengur af munni Kára.
Það kom a.m.k. flatt upp á
„Ieikmann" að heyra það sjónar-
mið Sigmundar að einn helstur
galli á miðlægum gagnagrunni
væri sá að ekki væri hægt að rekja
upplýsingar í honum aftur til
sjúklings, í þeim tilfellum þegar
líf lægi við. Vernd persónuupplýs-
inga væri of mikil! Hingað til hafa
menn andskotast út af því að
hugsanlega væri persónuverndin
ekki næg í gagnagrunninum.
Enda kom það síðar í Ijós að Sig-
mundur efaðist mjög um að
vernd persónuupplýsinga væri
nógu trygg í grunn-
inum. Eftir þáttinn
var þeirri spurn-
ingu því ósvarað
hvort Mannvernd
vildi galopinn
gagnagrunn eða
harðlæstan.
Niður með teóríur!
í annan stað virtist Sigmundur í
upphafi þáttarins telja það sið-
Iaust að selja upplýsingar um
heilsufar íslendinga. En síðan fór
hann að ræða um að hugsanlega
mætti hugsa sér aðrar tegundir af
gagnagrunnum sem hægt væri að
græða miklu meira á! Og í þriðja
lagi fordæmdi Sigmundur það
háttalag Islenskrar erfðagreining-
ar að Ieyfa sér að koma fram með
tilgátur og kenningar um tiltekin
fyrirbæri erfðavísinda, áður en
sannanir lægju fyrir. Með öðrum
orðum, vísindamenn eiga að
þegja þar til teóríurnar hafa verið
sannprófaðar í þúsund ár eða svo.
Og þar með væri auðvitað gengið
að allri vísindastarfsemi og rann-
sóknum dauðum.
Eftir stendur að þegar jafn
ágætum manni og fluggreindum,
eins Sigmundur Guðbjarnarson
augljóslega er, mistekst algjörlega
að koma fram með haldbær rök
gegn Islenskri erfðagreiningu og
miðlægum gagnagrunni, þá fara
„leikmenn“ endanlega að efast
um að slík rök séu yfirleitt fyrir
hendi og álykti sem svo að ein-
hverjar aðrar ástæður Iiggi að
baki andstöðunni við IE, gagna-
grunninn og síðast en ekki síst,
Kára Stefánsson.
Kári Stefánsson og
Sigmundur Guðbjarnarson.
spiirífs
svairauð
Borgar þitt fyrirtæhi í
kosningasjóði sijóm-
málaflohhanna ?
Guðbrandur Sigurðsson
jfamkvæmdastjóri UtgeáaifélagsAk■
ureyringa.
„Við borgum í
kosningasjóði
stjómmála-
flokkanna
eins og ég
held raunar
að flest fyrir-
tæki geri.
Framboðin fá
frá okkur tiltölulega jafna upp-
hæð, þó ég vilji ekki upplýsa hver
hún sé, en þetta gerum við til
þess að efla lýðræðið í landinu.
Eigi Iýðræðið að vera virkt þarf
íjárhagslegan stuðning víða frá. I
síðustu bæjarstjórnarkosning-
um studdum við einnig öll þau
framboð sem þá komu fram hér
á Akureyri og þá fengu þau öll
sömu upphæð frá okkur.“
Sigurður Svavarsson
framlivæmdastjóri Máls og
menningar.
„Nei, það ger-
um við eklti,
en vissulega
er leitað eftir
slfku. Sú
stefna hefur
verið ríkjandi
hjá okkur
undanfarin ár
að veita ekki beina styrki í pen-
ingum, en við höfum aftur á
móti verið til viðræðu um að gefa
vinninga eða slíkt til félagasam-
taka og þá er ég að tala um bæk-
ur. Eftir slíkum vinningum er
mikil ásókn, það er leitað til okk-
ar með slíkt, nánast á hverjum
degi, og komið hefur fyrir að
slíkar óskir berist frá stjórnmála-
flokkunum."
Ólafur B. Thors
framkvæmdastjóri Sjóvár ■ Almennra.
„Það gerum
við, það er að
segja við
borgum til
allra „alvöru“
framboða
sem fram
koma. Við
höfum litið
svo á að með þessu séum við
styrkja lýðræðið í landinu og telj-
um einnig rétt að stjrkja öll
framboðin, enda hafa viðskipa-
vinir okkar jafn ólíkar stjórn-
málaskoðanir og þeir eru marg-
Jón Adolf Guðjónsson
banltastjóri Búnaðarbanka íslands.
„Meðan við
vorum ríkis-
banki var það
ekki gert, það
voru reglur
sem giltu. En
nú er Búnað-
arbankinn
orðinn hluta-
félag og þá kann þetta að breyt-
ast, málið er til umræðu hér inn-
an bankans og ákvörðun um
þetta mál verður tekin síðar í
þessari viku.“