Dagblaðið Vísir - DV - 21.02.1986, Blaðsíða 4

4
DV. FÖSTUDAGUR 21. FEBRÚAR1986
Fréttir Fréttir Fréttir Fréttir
Frumkönnun á vegum
Krabbameinsfélagsins
Krabbamein í ristli og endaþarmi
er þriðja algengasta krabbameinið
hér á landi og deyja 30-40 manns
úr þessum sjúkdómi á ári hverju. A
vegum Krabbameinsfélagsins er
hafin frumkönnun sem felst í leit
að æxlum í ristli og endaþarmi.
Grundvöllur fyrir skipulegu eftir-
liti byggist fyrst og fremst á góðri
þátttöku í frumkönnuninni.
Könnunin nær til 6 þúsund ein-
staklinga, karla og kvenna, á aldr-
inum 45-69 ára og er markmiðið
að kanna hagkvæmni og árangur
slíkrar leitar.
Fólk finnur oft lítið eða ekkert
fyrir einkennum fyrstu árin, en
með rannsóknum má greina forstig
sjúkdómsins og koma í veg fyrir
hann. Könnun sem þessi ætti að
vekja fólk til umhugsunar um
krabbamein í ristli og endaþarmi
þar sem batahorfur ráðast mikið
af því á hvaða stigi sjúkdómurinn
greinist.
Orsakir þessa krabbameins má
meðal annars rekja til neyslu fitu-
ríkrar og trefjasnauðrar fæðu.
Krabbameinsfélagið hefur notið
aðstoðar ýmissa sérfræðinga við
undirbúning könnunarinnar, en
framkvæmd er í höndum Önnu
Pálsdóttur meinatæknis og Ásgeirs
Theódórs meltingarsérfræðings.
Frumkönnunin nær til höfuð-
borgarsvæðisins auk Bolungarvík-
ur og Egilsstaða og er gert ráð fyrir
að niðurstöður liggi fyrir eftir eitt
oghálftár.
-VAJ
Anna Pálsdóttir meinatæknir og Ásgeir Theódórs meltingarsérfræðingur,
sem munu sjá um framkvæmd frumkönnunar Krabbameinsfélagsins.
Rafmagnsveitur:
Allir
hitunar-
taxtar
undanþegn-
irsiUuskatti
„Ég hef ekki heimild til að
skýra frá niðurstöðum þessa
máls,“ sagði Garðar Valdimars-
son skattrannsóknarstjóri þegar
hann var spurður hver hefði
orðið niðurstaðan af athugun
skattaeftirlitsins á meintum
söluskattssvikum Rafmagn-
sveitu Reykjavíkur og Rafveitu
Hafnaríjarðar.
Forsaga þessa máls er sú að í
fyrra voru rafveiturnar kærðar
fyrir að innheimta ekki söluskatt
og verðjöfnunargjald af raforku
til iðnaðarhitunar eins og lög
gera ráð fyrir.
í gjaldskrám þessara aðila hef-
ur verið fallið frá tvískiptingu
hitunartaxta og eru nú allir hit-
unartaxtar undanþegnir sölu-
skatti og verðjöfnunargjaldi,
þrátt fyrir að Alþingi hafi ákveð-
ið á sínum tíma að aðeins raforka
til húshitunar skyldi undanþegin
þessum gjöldum.
Þagnarskylda
skattaeftirlitsins
Málið var kært til skattrann-
sóknarstjóra og er rannsókn þess
nýlokið.
Aðspurður hvort hann gæti
ekki upplýst hvort kæran ætti
við rök að styðjast, s'agði skatt-
rannsóknarstjóri „Nei, ég svara
því ekki.“ Vísaði Garðar til
ákvæðis skattalaga um þagnar-
skyldu starfsmanna skattaeftir-
litsins, en þar segir að starfs-
mönnum sé bannað að skýra frá
því sem þeir í starfi sínu kunna
að komast að um tekjur og efna-
hag skattaaðila.
Sú breyting á gjaldskrám raf-
veitnanna að hætta að inn-
heimta söluskatt og verðjöfnun-
argjald á raforku til iðnaðarnota
virðist gerð til þess að einfalda
gjaklskrána og koma á innbyrðis
samræmingu milli taxta.
1 bókun, sem gerð var á fundi
i bæjarstjórn Hafnafjarðar þar
sem þessi gjaldskrárbreyting var
samþykkt, segir að með þvi að
sameina þessar tvær tegundir
rafhitunar í einn taxta sé verið
að stinga undan lögboðnum
gjöldum sem renna eigi til ríkis-
ins og það sé bæði ólögmætt og
siðlaust. -VAJ
Tíu skermar til móttöku sjónvarps frá gervihnöttum bíða í bílskúr í Breiðholti þess að það skýrist hvaða stöðvar leyfilegt verði að horfa á.
Mikill áhugi á
gervihnattadiskum
„Það er gífurlega mikill áhugi á
þessu. Það liggur við að aðilar í
hverjum einasta kaupstað á landinu
hafi talað við mig. Húsfélög í fiestum
stærri fjölbýlishúsum á Reykjavík-
ursvæðinu hafa einnig haft samband
við mig.
Þetta sagði Ari Þór Jóhannesson
rafeindavirki, sem hefur til sölu
búnað til móttöku sjónvarps frá
gervihnöttum fyrir um 160 þúsund
krónur.
Ari setti sjálfur upp lítinn disk við
heimili sitt í Krummahólum í Breið-
holti í vetrarbyrjun. Varð hann þar
með fyrsti einstaklingurinn hérlend-
is til að ná erlendum sjónvarpsstöðv-
um beint frá gervihnöttum.
Eutelsat-gervihnötturinn, en um
hann fer um einn tugur sjónvarps-
stöðva, er enn sem komið er eini
kostur íslendinga í þessum efnum.
Skýr mynd virðist nást frá honum
um allt land með um 1,2 metra breið-
um diski svo framarlega sem fjöll eða
mannvirki skyggi ekki á. Óvíst er
hvaða áhrif ýmsir veðurþættir, svo
sem snjókoma, hafa á móttökuna.
Reglugerðir takmarka mögu-
leikana
Tvær reglugerðir, sem stjómvöld
settu nýlega, takmarka mjög mögu-
leika landsmanna á að nýta sér
þennan tæknimöguleika. Ibúar í fjöl-
býlishúsum, 36 íbúða eða færri, eru
þó best settir.
Ibúar í 36 íbúða fjölbýlishúsi gætu
tengt sig við Eutelsat-hnöttinn og
opnað fyrir Sky Channel-stöðina
fyrir rúmar fimm þúsund krónur á
íbúð.
I reglugerð Sverris Hermannssonar
menntamálaráðherra um útvarp
samkvæmt tímabundnum leyfum
segir að móttaka á sjónvarpi, sem
bundin er við „íbúðasamsteypu, 36
íbúðir eða færri, sem eru innan
samfellds svæðis“ sé undanþegin
ákvæðum um að íslenskt tal eða
neðanmálstexti skuli fylgja erlendu
sjónvarpsefni.
í reglugerð Matthíasar Bjarnason-
ar samgönguráðherra um starf-
rækslu jarðstöðva fyrir móttöku
sjónvarpsefnis um fjarskiptatungl
segir að leyfi skuli bundin því skil-
yrði að umsækjandi hafi aflað sér
heimildar hinnar tilteknu sjón-
varpsrásar um afnot hennar.
Jafnframt segir að seljendur mót-
tökubúnaðar skuli fullvissa sig um
að kaupendur og notendur búnaðar-
ins hafi aflað tilskilinna leyfa áður
en hann er afhentur. Móttökubúnað-
urinn skuli við það miðaður að hann
taki einungis á móti þeim sjón-
varpsrásum sem umsækjandi hefur
tryggt sér afnotarétt á.
I sjálfheldu
„Þessi mál eru búin að vera í sjálf-
heldu síðan reglugerðin kom út. Eina
stöðin, sem gefið hefur opinbert leyfi,
er kristileg stöð,“ sagði Ari Þór.
Með leyfi frá kristilegu stöðinni
New World hafa þeir Skúli Pálsson
á Ólafsfirði og Karl Hálfdánarson á
Húsavík fengið leyfi frá samgöngu-
ráðuneytinu til að setja upp disk.
Karl setti upp disk við heimili sitt
að Sólbrekku 20 á Húsavík. Skúli
Pálsson varð hins vegar að setja upp
disk sinn að Kleifum fyrir norðan
Ólafsfjarðarkaupstað þar sem fjöllin
sunnan við fjörðinn eru fyrir sjónlín-
unni að Eutelsat-gervihnettinum.
Sky Channel
Ari Þór Jóhannesson hefur spurst
fyrir um leyfi hjá Sky Channel, sem
er einna mest spennandi stöðvanna
í Eutelsat-gervihnettinum. í svar-
bréfi lýsir Sky Channel sig reiðubúið
til að selja Ara nauðsynlegt tæki,
aftruflara, fyrir 415 sterlingspund,
um 25 þúsund krónur, til að hann
geti tekið á móti og dreift Sky
Channel til minnst tveggja ibúða en
mest 36 íbúða eða um hótel.
Sky Channel kveðst ekki leyfa
móttöku til aðeins eins heimilis
sökum ákvæða um höfundarrétt.
Ennfremur segir Sky Channel að
ekki sé hægt að dreifa dagskránni
um stór kapalkerfi þar sem enginn
íslenskur texti fylgi.
Music Box
Annarri breskri stöð í Eutelsat,
Music Box, sem sendir eingöngu út
popptónlistarþætti í 18 tíma á sólar-
hring, er umhugað um að sem flestir
horfi á dagskrá sína. Hefur Music
Box verið að kanna hvaða leiðir eru
í boði á íslandi.
fslenska sjónvarpsfélagið, sem Jón
Óttar Ragnarsson og fleiri standa að,
hefur rætt við Music Box um að
senda dagskrána þráðlaust um
Reykjavíkursvæðið.
Regla Sverris Hermannssonar um
íslenskan texta gildir ekki um söng-
texta. Hins vegar sendir Music Box
einnig út viðtöl við fræga tónlistar-
menn, sem yrði að þýða áður en fs-
lendingar fengju að sjá þau.
Meðan mál þessi eru að skýrast
bíður Ari Þór Jóhannesson með tíu
skerma í bílskúr uppi í Breiðholti.
-KMU