Dagblaðið Vísir - DV - 21.04.1986, Blaðsíða 40
40
DV. MÁNUDAGUR 21. APRÍL 1986.
Á-
þ
Andlát
Elín Guðmundsdóttir andaðist 4.
apríl sl. Útförin hefur farið fram í
kyrrþey að ósk hinnar látnu.
Þórdis Jónsdóttir Holm, Grenimel 28,
lést á Vífilsstaðaspítala 17. apríl.
Kolbrún Jónsdóttir, Laugavegi 133,
andaðist 18. apríl í Landspítalanum.
Helga Lára Óskarsdóttir, Skipholti
14, varð bráðkvödd að heimili sínu
16. þ.m.
Fríða Gísladóttir, Hjarðarhaga 46,
Reykjavík, lést í Borgarspítalanum
17. apríl.
Thor J. Brand, sem andaðist að
Hrafnistu 11. apríl sl., hefur að eigin
ósk verið jarðsunginn í kyrrþey.
Gróa Pálsdóttir, Elli- og hjúkrunar-
heimilinu Grund, verður jarðsungin
frá nýju Fossvogskapellunni þriðju-
daginn 22. apríl kl. 13.30.
Fríður Guðnadóttir, Leifsgötu 15,
verður jarðsungin frá Fossvogs-
kirkju þann 23. apríl kl. 13.30.
Sigurbjörn Árnason frá Landakoti,
Sandgerði, lést í Borgarspítalanum
að morgni 17. apríl.
Ymislegt
. Ljóstæknifélag íslands:
Ástralskur prófessor
f kvöld kl. 21 flytur ástralski prófess-
orinn WG. Julian erindi á fundi
Ljóstæknifélags fslands sem haldinn
verður að Hótel Sögu. Erindið nefnir
hann: Lýsing fyrir aldraða og sjón-
skerta. Fundurinn er öllum opinn. Á
undan fundinum kl. 20 fer fram aðal-
fundur Ljóstæknifélags íslands.
Lýsing fyrir aldraða og sjón-
skerta
Svo sem fram kom i tengslum við
Norræna ljóstæknimótið, sem haldið
var í Reykjavík á sl. ári, er í undir-
búningi sérstakt átak á Norðurlönd-
um til bættrar lýsingar fyrir aldrað
og sjónskert fólk. Ljóstæknifélag ís-
lands hefur nú fengið einn fremsta
sérfræðing á þessu sviði Dr. Warren
G. Julian, prófessor við háskólann í
Sydney í Ástralíu, til að flytja
fræðsluerindi á aðalfundi félagsins
og verður það ílutt á ensku undir
heitinu The lighting of buildings for
the partially sighted. Erindið verður
flutt að loknum aðalfundarstörfum
félagsins kl. 21 mánudaginn 21. apríl
að Hótel Sögu (hliðarsal inn af
Súlnasal, 2. hæð). Ljóstæknifélagið
væntir þess að sem flestir arkitektar,
raftæknimenn, augnlæknar og aðrir
sérfræðingar, svo og áhugafólk, sem
ber aðbúnað og allan hag aldraðra
og sjónskertra fyrir brjósti, sæki
þennan fræðslufund en hann er öll-
um opinn. Á hausti komanda hefur
félagið síðan í hyggju að koma upp
sýningu til skýringa á helstu þáttum
góðrar lýsingar með sérstöku tilliti
til þarfa aldraðra og sjónskertra.
Hugmyndin er að sýning þessi verði
færanleg, þannig að unnt verði að
setja hana upp á nokkrum völdum
stöðum.
Afmæli Reykjavíkur og
heillandi Vestfjarðamyndir
meðal efnis í nýju hefti
lceland Review
200 ára afmæli Reykjavíkurborgar
er meðal efnis í fyrsta tölublaði Ice-
land Review á þessu ári. Ritið er
fjölbreytt og ríkulega myndskreytt
að vanda. Davíð Oddsson borgar-
stjóri ritar ávarpsorð og fylgir þeim
myndskreytt grein Solveigar K.
Jónsdóttur um Reykjavíkurborg. í
tilefni afmælisins er líka þáttur í
blaðinu sem ber heitið 24 ástæður
þess að Reykjavík er spennandi borg.
Eru þær tilgreindar í máli og mynd-
um og þykja líklega mörgum for-
vitnilegar. Ýmislegt annað efni er
að íínna í þessu tölublaði: pistil um
kvennafrídaginn, nýja skákdrottn-
ingu, ferð Vigdísar Finnbogadóttur
forseta til Hollands og Spánar á síð-
asta ári og fleira.
Ritstjóri og útgefandi Iceland Revi-
ew er Haraldur J. Hamar. Fram
kemur í þessu hefti að Solveig K.
Jónsdóttir og Bernard Scudder
gegna nú störfum aðstoðarritstjóra
og Páll Stefánsson ljósmyndari er
orðinn ritstjóri myndefnis í Iceland
Review.
Fisklöoaður framtiðarínnar
Sjávarfréttir 1. tbl.
1986 er komið út
Þar er fjallað um þær miklu breyt-
ingar sem fyrirsjáanlegar eru í
íslenskum fiskiðnaði á næstu árum
samfara aukinni vélvæðingu og
sjálfvirkni. „Við erum í raun að tala
um verulega skipulagsbreytingu í
þessari atvinnugrein sem getur haft
víðtæk áhrif á íslenskt þjóðlíf," segir
Hjalti Einarsson, framkvæmdastjóri
SH, í þessari samantekt Sjávarfrétta
um fiskiðnað framtíðarinnar.
Þá ritar Sigurjón Arason hjá
Rannsóknastofnun fiskiðnaðrins um
marningsvinnslu í frystihúsum.
Af örðu efni má nefna grein eftir
Hrafnkel Eiríksson fiskifræðing um
kúfskel, sem fyrirhugað er að heíja
tilraunaveiðar á, um fram kemur að
veiðanlegi stofninn hér við land
skiptir hundruðum þúsunda tonna.
Við verðum að reyna allt annað
en kvótakerfi, nefnist viðtal við fiski-
vinnustjóra Færeyja, sem gerir grein
fyrir viðhorfum frænda okkar og
næstu nágranna til fiskveiðimála.
Hjálmar Vilhjálmsson fiskifræð-
ingur og Sævar Þórarinsson skip-
stjóri skiptast á skoðunum um hvort
rétt sé staðið að loðnurannsóknum
og veiðiráðgjöf, Rósmundur Guðna-
son hagfræðingur íjallar um dollar-
ann og sjávarútveginn, og Guðjón
Ármann Eyjólfsson ritar um NÁV-
TEX, öryggistæki fyrir sæfarendur.
Aðalfundur
Knattspyrnufélagsins Fram verður haldinn í félags-
heimilinu Safamýri 28 mánudaginn 28. apríl og hefst
kl. 20.
Venjuleg aðalfundarstörf.
Stjórnin.
Héraðsvaka 1986
Fyrsti dagur vökunnar er fyrst og
fremst helgaður æskunni. Héraðs-
vakan hefst á sumardaginn fyrsta,
24. apríl kl. 13.30, með íþróttahátíð í
Iþróttahúsinu á Egilsstöðum.
Íþróttahátíðin er á vegum Alþýðu-
skólans á Eiðum, Egilsstaðaskóla,
Menntaskólans á Egilsstöðum og
Verkmenntaskóla Austurlands í
Neskaupstað. Sama dag kl. 17.00
heldur Tónskóli Fljótsdalshéraðs ár-
lega vortónleika sína í Egilsstaða-
kirkju. Aðgangur að tónleikunum er
ókeypis.
Að kvöldi sumardagsins fyrsta
verður skólavaka í Valaskjálf í um-
sjá framhaldsskóla á Héraði og hefst
hún kl. 20.30. Nemendur skólanna
leggja til skemmtiefni. Auk þess sýn-
ir sýningarflokkur Hólmfríðar
Jóhannsdóttur „free-style“ dans.
Föstudagskvöldið 25. apríl kl. 20.30
hefst fjölbreytt skemmtun Ung-
menna- og íþróttasambands Austur-
lands í Valaskjálf. Þar verða meðal
annars á dagskrá úrslit í spurninga-
keppni UlA, einsöngur, félagar í
Harmóníkufélagi Fljótsdalshéraðs
leika og Mánatrióið syngur. Afhent
verða snyrtimennskuverðlaun
Menningarsamtaka Héraðsbúa.
Laugardagskvöld 26. apríl kl. 21.00
frumsýnir Leikfélag Fljótsdalshér-
aðs í Valaskjálf leikritiðSólsetur
eftir Sólveigu Traustadóttur.
Dansleikir verða bæði á föstudags-
og laugardagskvöld í Valaskjálf.
Héraðsvökunni lýkur með síðdeg-
isdagskrá í Valaskjálf sunnudaginn
27. apríl og hefst hún kl. 16.00. Verð-
ur þar sýnd af myndbandi kvikmynd
sem tekin var á Melarétt í Fljótsdal
sl. haust og er hún liður í heimilda-
sþfnun Menningarsamtakanna.
Ármann Halldórsson og Rögnvaldur
Erlingsson lesa upp, Mánatríóið
syngur og félagar í Harmóníkufélagi
Fljótsdalshéraðs leika.
Fimm verðlaunahafar
í teiknimyndasamkeppni
Krabbameinsféiags
íslands um hugtakið
krabbamein
I tengslum við „Fræðsluviku ’86“ á
Kjarvalsstöðum, sem opnuð var í
janúar sl. voru skólabörn á aldrinum
10 til 12 ára beðin að teikna myndir
af einhverju sem þeim dytti í hug
þegar þau heyrðu talað um krabba-
mein.
Mörg hundruð myndir bárust og
voru um eitt hundrað þeirra sýndar
á sýningunni og hafa verið sendar
með henni víða um land, en
„Fræðsluvika ’86“ er farandsýning
og verður á ferðinni næstu mánuði.
Sýningargestir á Kjarvalsstöðum
völdu fímm bestu teikningarnar og
verða þær og höfundar þeirra verð-
launaðir með 5.000 krónum hver.
Höfundar verðlaunateikninganna
eru:
1. Sigurður St. Konráðsson og Ró-
bert Þ. Björgvinsson, Barnaskól-
anum í Neskaupstað.
2. Baldvin Kristinsson, Grunnskóla
Siglufjarðar.
3. Ingvar ísfeld Kristinsson, Barna-
skólanum í Neskaupstað.
4. Freyja H. Ómarsdóttir, Álftanes-
skóla.
5. Ásgeir Jónsson, Barnaskólanum í
Neskaupstað.
Krabbameinsfélagið þakkar nem-
endum og kennurum innilega fyrir
þátttökuna.
Sumarfagnaöur Húnvetninga-
félagsins
verður í Domus Medica miðvikudag-
inn 23. apríl (síðasta vetrardag) og
hefst kl. 22. Skemmtiatriði kl. 23.
Upplyfting leikur fyrir dansi.
Fyrirlestur á vegum Rann-
sóknastofnunar uppeldismála
Þriðjudaginn 22. apríl flytur Stefán
Baldursson kennslufræðingur fyrir-
lestur á vegum Rannsóknastofnunar
uppeldismála er nefnist: Hver eru
sérkenni uppeldisfræðilegra rann-
sókna? Fyrirlesturinn verður hald-
inn í Kennaraskólahúsinu við
Laufásveg og hefst kl. 16.30. Öllum
heimill aðgangur.
Ljósmyndasamkeppni,
Ijósmyndasýning
I tilefni 60 ára aímælis Ljósmyndara-
félags íslands fór fram ljósmynda-
samkeppni meðal félagsmanna og
nema þeirra. Sýning á myndunum fer
fram í Listasafni ASl við Grensásveg
frá 19. apríl til og með 4. maí. Sýning-
in verður opnuð kl. 15 í dag og er
opin virka daga kl. 16-20 og um helg-
ar kl. 14-22.
Námsmeyjar - Löngumýri
veturinn ’65-’66.
Hafið samband í tilefni 20 ára af-
mælis við eftirtaldar: Viddý s. 74800,
Elfa s. 622269, Dóra s. 82896, Ellen
s. 671028 eftir kl. 20 sem allra fyrst.
Tapað-Fundið
Páfagaukur fannst
Ljósblár páfagaukur fannst við
Kópavogsskóla á miðvikudagskvöld-
ið sl. Eigandi er vinsamlegast beðinn
að hafa samband í síma 45806.
Tónleikar
Karlakór Reykjavíkur í Hvera-
erði
kvöld, mánudagskvöld, kl. 20.30
syngur Karlakór Reykjavíkur í
Hveragerðiskirkju.
Burtfarartónleikar frá Tón-
listarskólanum í Reykjavík.
Tónlistarskólinn í Reykjavík heldur
burtfararprófstónleika á þriðjudag-
inn 22. apríl kl. 20.30 í sal skólans
að Skipholti 33. Brynhildur Ásgeirs-
dóttir leikur á píanó lög eftir: Scarl-
atti, Fauré, Beethoven Chabrier og
Prokofieff. Aðgangur er ókeypis og
öllum heimill.
Söngtónleikar í Fríkirkjunni i
Reykjavik
Síðasta vetrardag, miðvikudaginn
23. apríl 1986, verða söngtónleikar í
Fríkirkjunni í Reykjavík. Efnt er til
þessara tónleika í tilefni afsöngnám-
skeiði, sem staðið hefur í Reykjavík
frá því 14. apríl síðastliðinn. Kennari
er prófessor frú Hanne-Lore Kuhse,
Wagner-söngkona frá Berlín, en hún
er Islendingum að góðu kunn fyrir
kennslu sína á alþjóðlega tónlistar-
námskeiðinu í Weimar í Austur-
Þýskalandi.
Á tónleikunum koma fram 12 nem-
endur prófessorsins er tekið hafa
virkan þátt í áðurnefndu námskeiði.
Undirleik á píanó annast þær Þóra
Fríða Sæmundsdóttir og Anna
Guðný Guðmundsdóttir.
Tónleikarnir heíjast kl. 20.30.
Fundir
Aðalfundur Félags raungreina-
kennara
i framhaldsskólum verður haldinn í
Fjölbrautaskólanum í Breiðholti
mánudaginn 28. apríl kl. 20. Fundar-
efni: 1. venjuleg aðalfundarstörf. 2.
Helgi Þórisson flytur erindi sem
hann nefnir: Tengslagreining, aðferð
úr lýsandi tölfræði til að vinna úr
talningu.
Bræðraféiag Bústaðasóknar
heldur fund mánudaginn 21. apríl í
safnaðarheimili Bústaðakirkju og
hefst hann kl. 20.30.
Tónlist
Jazzkvöld í
Stúdentakjailaranum
Þriðjudagskvöldið 22. apríl leikur
norrænn jazzkvartett í Stúdenta-
kjallaranum. Þar koma fram sax.
Anders Kortsen, píanó Sven-Eric
Johansson, bassi Birgir Bragason,
trommur Jón Björgvinsson. Jazz-
kvöldið hefst kl. 21.30 en barinn
verður opnaður kl. 21.
Tilkynningar
Úthlutun styrkja úr
Menningarsjóði árið 1986
8 dvalarstyrkir,
hver að upphæð kr. 60.000
Ásgerður Búadóttir, listvefnaður
Atli Heimir Sveinsson tónskáld
Einar Hákonarson listmálari
Guðbergur Bergsson rithöfundur
Kristján Davíðsson listmálari
Rut Ingólfsdóttir fiðluleikari
Sveinn Björnsson listmálari
Þorsteinn Gunnarsson leikari
5 ferðastyrkir,
hver að upphæð kr. 40.000
Bragi Ás^eirsson listmálari
Gísli J. Ástþórsson rithöfundur
Hafsteinn Austmann listmálari
Nína Björk Árnadóttir skáld
Steinar Sigurjónsson rithöfundur
9 ferðastyrkir,
hver að upphæð kr. 20.000
Hafliði Vilhelmsson rithöfundur
Hallgrímur Helgason listmálari
Jóhann Sigurðsson leikari
Jón Björnsson rithöfundur
Magnús Tómasson myndlistarmaður
Ólafur Ormsson rithöfundur
Theodór Júlíusson leikari
Þorsteinn Þorsteinsson þýðandi
Þórunn Sigurðardóttir leikritahöf-
undur
3 tónlistarstyrkir,
samtals upphæð kr. 80.000
íslensk tónverkamiðstöð kr. 40.000
ÞOR (Þorv. Ingi Jónss.) kr. 20.000.
Ingibjörg Þorbergs kr. 20.000
11 Vísinda- og
fræðimannastyrkir, hver að upphæð
kr. 10.000
Einar H. Einarsson, Skammadals-
hóli
Guðmundur Finnbogason, Hvoli
Ingólfur Jónsson frá Prestbakka
Jón Gíslason, póstfulltrúi
Jón Guðmundsson, Fjalli
Skúli Helgason, Reykjavík
Torfi Jónsson, fyrrv. lögreglum.
Valgeir Sigurðsson, Þingskálum
Þórður Jónsson, Hveragerði
Þórður Kárason, fyrrv. lögreglum.
Þórður Tómasson, Skógum
„Hvað er að ger-
ast um helgina":
Efhi berist
á þriðjudag
Eíhi, sem birtast á í „Hvað er að
gerast um helgina" í föstudagsblaði
DV, þarf að berast ritstjóm blaðsins
ekki seinna en á morgun, þriðjudag.
Sumardagurinn fyrsti er á fimmtudag-
rnn og þá er frí. Því verður efnið að
berast degi fyrr en venjulega. Hið
sama á raunar við um tvær næstu vik-
ur, þá verða einnig fimmtudagsfrí.