Dagblaðið Vísir - DV - 12.07.1986, Blaðsíða 5

LAUGARDAGUR 12. JÚLÍ 1986.
5
Fréttir
Fjolmennur fundur BHMR:
Aldrei aftur
Kjaradómur!
Úrskurður og störf Kjaradóms
vegna kjaramála háskólamenntaðra
starfsmanna ríkisins voru harkalega
fordæmd á fjölmennum fundi BHMR,
sem haldinn var á Hótel Sögu i gær.
Heimir Pálsson, varaformaður Hins
íslenska kennarafélags, sagði að með
þessum dómi hefði Kjaradómur kveðið
upp dauðadóm yfir sjálfum sér.
I lok fimdarins var samþykkt svo-
hljóðandi ályktun: „Fundur háskóla-
menntaðra ríkisstarfsmanna í BHMR
fordæmir starfshætti Kjaradóms og
lýsir sérstakri vanþóknun á þeim nið-
urstöðum sem dómurinn hefur komist
að.
Með þessum hætti hefur Kjaradóm-
ur sannað vanhæfni sína og fundurinn
telur að þessa leið megi aldrei aftur
fara. Fundurinn fagnar ákvörðun
launamálaráðs að segja upp samning-
um og kreíst þess áð fj ármálaráðherra
hefji þegar í stað samningaviðræður.
Fundurinn minnir á loforð fjánnála-
ráðherra um leiðréttingu dagvinnu-
launa og krefst þess að full leiðrétting
komi til á þessu samningstímabili.
Fundurinn skorar á launamálaráð
og aðildarfélög BHMR að finna leiðir
til að ná fullum samningsrétti félags-
manna.“ Þessi ályktun var samþykkt
samhljóða af um 350 til 400 fundar-
mönnum.
Ýmsir forystumenn innan BHM
tóku til máls á fundinum. Gunnar G.
Schram, formaður BHM, sagði að með
þessum dómi hefði Kjaradómur runnið
sitt skeið og frjálsir samningar yrðu
nú að taka við.
Ummæli forsætisráðherra í einu
dagblaðanna um að ríkisstarfemenn
gætu bara sótt um aðra vinnu ef þeir
væru ekki ánægðir með kjörin féllu
ekki í góðan jarðveg á fundinum.
Heimir Pálsson sagði þau vera eins
og mönnum væri sagt að flytja til
annars lands ef þeim líkaði ekki ríkis-
stjómin!
Þorsteinn A. Jónsson, formaður
launamálaráðsins, sagði að þolinmæði
félagsmanna væri á þrotum. Hann
sagði að BHMR myndi ekki standa
fyrir beinum aðgerðum. „Það er þó
ljóst að nú er skotgrafahemaður að
hefjast og félagsmenn verða að lýsa
yfir stríði á hendur viðsemjendum sín-
um. Hver og einn verður að finna sína
leið í þeim hemaði." -APH
Sérkjarasamningar í Mosfellssveit:
Samið um 11
prósent meðal-
talshækkun
Gengið hefur verið frá sérkjara-
samningi milli starfemannafélags
Mosfellshrepps og hreppsins. Samn-
ingurinn felur í sér að laun starfs-
manna hreppsins hækka að meðaltali
um 11 prósent og gildir sú hækkun frá
1. febrúar sl. Áætlaður kostnaður
hreppsins vegna þessa em rúmlega 5
milljónir króna.
„Þessi niðurstaða kom í kjölfar
starfemats sem fram fór á störfum
starfemanna okkar. Hún leiddi til þess
að nær. allir vom staðsettir í nýja
launaflokka. Hvert starf var metið eft-
ir ákveðnu punktakerfi sem síðan
ákvarðaði hvar hver einstakur starfs-
maður lenti í launakerfinu," sagði
Páll Guðjónsson, sveitarstjóri í Mos-
fellssveit, í viðtali viö DV.
Að sögn Páls em launahækkanir
mismunandi eftir störfum. Niðurstöð-
ur starfematsins skiluðu í nokkrum
tilfellum engri hækkun en í öðrum
allt að 7 launaflokka hækkun sem er
um 21 prósent hækkun. Hækkanimar
ná til um 70 starfemanna hreppsins
og er áætlað að á ársgrundvelli kosti
þessi samningur hreppinn um 5,5 millj-
ónir.
Páll sagði að í fjárhagséætlun hefði
verið gert ráð fýrir um 6% hækkun
launa. Einnig sagði hann að eftir
þennan samning væm mjög fáir starfe-
menn með laun undir 30 þúsund
krónum og enginn þeirra fengi greidd
laun undir 57. launaflokki BSRB.
-APH
cgSAMSUIUG
TÍft/LfVMNA
TAKN
ÖRBYLGJUOFN
meö snúningsdiski
A VERÐI
SEM SLÆR ALLT ÚT!
Kr. 10.900
stgr.
3.000 út — eftirstöövar á sex mánuðum!
íslenskur leiöarvísir
Námskeið innifalið í veröi

Laugavegi 63 - Siml 62 20 25
8oo fe
Bílinn í salinn — og bíllinn ■
^—* ________

bilasala
Lágmúla 7 - Sí
Bílo