Dagblaðið Vísir - DV - 15.09.1986, Blaðsíða 9

MÁNUDAGUR 15. SEPTEMBER 1986.
9
Utlönd
Enn er sprengt í París
Frakkland krefstvegabréfsárítunar
Einn beið bana og tveir særðust
er sprengja sprakk í neðanjarðar-
bílskýli í París í gær. Þjónustu-
stúlka á veitingastaðnum Pub
Renault nálægt Champs Elysees sá
grunsamlegan pakka uppi á borði
og var lögreglunni tilkynnt um
fundinn. Báru lögreglumennirnir
ásamt yfírþjóni veitingastaðarins
sprengjuna niður í nærliggjandi
bílskýli þar sem hún sprakk. Hlutu
mennimir þrír alvarleg brunasár
og lést annar lögreglumannanna
af brunasárum.
Við sprenginguna eyðilögðust
rafmagnsleiðslur þannig að ekki
var að hægt að horfa á sjónvarp á
mörgum stöðum í París. Slökkvi-
liðsmenn voru kallaðir út til þess
að bjarga fólki úr lyftum er höfðu
fest þegar rafmagnið fór af.
Sprengjan í gær var sú þriðja á
einni viku í París. Á föstudaginn
særðust 42 manns er sprengja
sprakk á þéttsetnum veitingastað
og á mánudaginn lést ein kona og
átján manns særðust er sprengja
sprakk í pósthúsi í ráðhúsi borgar-
innar.
Tvenn samtök frá Austurlöndum
nær hafa lýst ábyrgð sinni á
sprengingunni á mánudaginn en
þau krefjast lausnar skæruliða sem
eru í haldi í París.
Nokkrum mínútum eftir
sprengjutilræðið í gær tilkynnti
Jacques Chirac, forsætisráðherra
Frakklands, að krafist verði vega-
bréfsáritunar af öllum er koma til
Frakklands. Undanskildir eru þeir
sem koma frá Sviss og löndum
Efnahagsbandalags Evrópu.
Ákveðið hefur verið að hermenn
veiti landamæralögreglu lið og
fylgst er betur með þeim eru taldir
eru vera í tengslum við einhverjar
neðanjarðarhreyfingar.
Að sögn Chirac hefur verið
ákveðið að grípa til fleiri aðgerða
í baráttunni gegn hryðjuverka-
mönnum en hann vildi í gær ekki
segja nánar frá þeim. Aðgerðirnar,
sem kynntar voru í gær, voru
ákveðnar á ráðherrafundi fyrr um
morguninn.
Frakkar hafa nú hafið herferð gegn hryðjuverkamönnum. Lögreglumenn hafa hér beðið farþega að opna
tösku sina en hún hafði þótt grunsamleg.
Nancy og Reagan:
Etturlyf hættulegasti
óvinur Bandaríkjanna
Ólafiir Amaisan, DV, New York:
Ronald og Nancy Reagan ávörpuðu
bandarísku þjóðina í gærkvöldi vegna
fíkniefnavandans sem bandaríska
þjóðin á við að stríða. Þessi útsending
var með sérstæðu móti. Sent var út
úr fjölskylduálmu Hvíta hússins en
það mun mjög fátítt og aldrei áður
hafa bæði forsetahjónin verið í beinni
útsendingu frá Hvíta húsinu.
í upphafi fréttaútsendingarinnar vék
forsetinn að umfangi eiturlyfjavand-
ans í Bandaríkjunum og nefndi meðal
smnars að einn af hveijum tólf Banda-
ríkjamönnum reykir daglega maríjú-
ana. Fimm hundruð þúsund
Bandaríkjamenn eru háðir heróíni.
Forsetinn sagði jafhframt að það sem
helst ógnaði bandarískum unglingum
og bandarísku þjóðinni væri þó hið
nýja form kókaíns sem hægt væri að
reykja, hið svonefnda crack. Sagði
forsetinn að það væri einhver hættu-
legasti óvinur sem bandaríska þjóðin
hefði eignast.
Forsetinn vék að því að Nancy Re-
agan hefði ferðast nærri tvö hundruð
þúsund kílómetra á undanfomum vik-
um, haldið tugi ræðna um eiturlyfja-
vandann og hefði árangurinn af ferð
hennar verið góður.
Reagan ræddi um nýlega áætlun
sína í baráttunni gegn eiturlyfjum.
Tilkynnti hann jafnframt að á morgun
legði hann fram nýja áætlun. Sagði
hann að peningar væm ekki nóg til
að árangur næðist, einnig þyrfti sam-
takamátt þjóðarinnar.
Á næstunni mun hann kalla sendi-
herra Bandaríkjanna erlendis til
skrafs og ráðagerða um aðstoð við
aðrar þjóðir sem eiga við svipaðan
vanda að stríða.
Reagan sagði að Bandaríkjamenn
hefðu áður þurft að snúa bökum sam-
an og berjast við hættulegan óvin og
átti þá við heimsstyrjaldir þessarar
aldar. Sagði hann að nú væri aftur
komin sú stund að böm og fullorðnir,
karlar og konur, þyrftu að standa sam-
an og ekki láta deigan síga fyrr en
fullur sigur væri unninn. Sagði hann
að misnotkun eiturlyfja ógnaði öllu
því sem bandarískt væri.
Forsetinn minntist á þá sem hefðu
flúið til Bandaríkjanna frá Sovétríkj-
unum, Víetnam og víðar að. Sagði
hann það grófa móðgun við þá sem
flúið hefðu í frelsið ef eiturlyfin fengju
að grafa undan því frelsi sem Banda-
ríkin stæðu fyrir.
Nancy Reagan tók einnig til máls.
Hún sagðist hafa verið fyrir nokkm í
Kalifomíu og þá hefðu nokkrir krakk-
ar spurt hana hvað þeir ættu að segja
ef þeim væm boðin eiturlyf. „Segið þið
bara nei,“ sagði hún. Þetta var upp-
hafið að stofnun klúbbs meðal krakk-
anna sem starfar undir kjörorðinu:
Segjum nei. Núna, nokkrum vikum
seinna, em tíu þúsund bamaklúbbar
í Bandaríkjunum sem starfa undir
þessu sama kjörorði.
Peter Dennings, fréttamaður ABC
sjónvarpsstöðvarinnar, sem á morgun
mun hefja þáttaröð í baráttunni gegn
eiturlyfjum, segir að áætlun forsetans,
sem tilkynnt verður í dag, feli meðal
annars í sér að vissir opinberir starfs-
menn verði skyldaðir til að ganga
undir lyfjapróf.
Nancy og Ronald Reagan ávörpuðu bandarísku þjóðina í gærkvöldi og hvöttu
hana til þátttöku i baráttunni gegn eiturlytjum.
Yfirvöld í Póllandi:
Pólskir prestar
aka oft undir
áhrifum
Verð á áfengi hækkaði í gær að
meðaltali um 15 prósent í Póllandi
og er hækkunin liður í baráttu vfir-
valda gegn áfengisbölinu í landinu.
í mars hækkaði verðið um 10 pró-
sent en sú hækkun bar ekki tilætlað-
an árangur.
Áfengisneysla er alvarlegt vanda-
mál í Póllandi og samkvæmt áliti
yfirvalda em um fimm prósent allra
pólskra karlmanna áfengissjúkling-
ar.
Pólska kirkjan lýsti því yfir í sum-
ar að ágúst skyldi vera bindindis-
mánuður og samtímis sökuðu
nokkrir prestar vfirvöld um að fylla
þjóðina að yfirlögðu ráði til þess að
geta hagnast á áfengissölu.
Talsmaður stjómarinnar visar
þessum ásökuniun á bug og sakar
presta um hræsni. Skrifar hann í
grein, er birtist í nokkrum pólskum
blöðum um helgina. að næstum allir
prestar eigi bíla og það komi oft. fyr-
ir að þeir aki undir áhrifum áfengis.
Komi það jafnvel fyrir að þeir valdi
slysum. Ef birtur yrði listi jdir slík
atvik mvndi það valda kirkjunnar
' mörrnum miklum óþægindum.
Að sögn talsmannsins er tjón það
er þjóðfélagið verður fyrir vegna
áfengisneyslu miklu meira en hagn-
aðurinn af sölu áfengis.
Prestar, er ekki vilja láta nafns
síns getið, segja ásökunina grófa og
komi hún á þeim tíma er samskipti
ríkis og kirkju séu á viðkvæmu stigi.
Bentu prestamir á að ásökunin hefði
f>Tst komið frá opinbem fréttastof-
unni PAP í síðustu viku, skömmu
eftir að kirkjan tilkynnti að vegna
fyrirstöðu stjómarinnar hefði hún
látið af þeirri fyrirætlun að stofna
sjóð fyrir bændur með eigin rekstur.
Gert var ráð fyrir að fé frá Vesturl-
öndum rynni í sjóðinn.
Strax eftir að PAP haiði sleppt
greininni var hún dregin til baka.
Afritið sem birt var um helgina var
óbreytt.
Með sama símanúmer og KGB
Ritstjórar New York Newsday
héldu að þeir væm að gera reiðum
Bandaríkjamönnum greiða þegai-
þeir birtu símanúmer til aðalstöðva
KGB í Moskvu á laugardaginn.
Þvi miður gleymdu þeir að gefa
upplýsingar um hvemig ætti að
hringja út fyrir landsteinana og
herra og frú Marra, sem búsett em
í Wantagh í New York, fengu að
heyra það óþvegið er samborgarar
þeirra lásu yfir hausamótunum á
þeim varðandi meðferðina á banda-
ríska blaðamanninum Daniloff í
þeirri trú að þeir væm að tala við
KGB S Moskvu. Það vill nefhilega
svo til að þau hafa sama símanúmer
og sovéska leyniþjónustan.
ffiNlDORM
Beint leiguflug í sólina 18. september
2, 3, 4, 5 eða 6 vikur.
Hægt að fá Amsterdamdvöl á heimleið.
mT T ADfH ódýr vetrardvöl
UUvAvA 5 mánuðir. Verð frá kr. 49.000,-
FLUGFERÐIR
SGLRRFLUG
Vesturgötu 17 símar 10661,15331,22100.