Dagblaðið Vísir - DV - 15.08.1987, Blaðsíða 3

LAUGARDAGUR 15. ÁGÚST 1987.
41
Nú er allt úr næloni nema salt og blágrýti
Kunningi minn einn, sem hefur dagblaðanna, sagði mér um daginn
gaman af að lesa smáauglýsingar í óspurðum fréttum að hann vor-
kenndi alltaf því fólki sem auglýsti
til sölu annars vegar ónotaða brúð-
arkjóla og hins vegar lítið notuð
hjónarúm.
Honum fannst það hlyti að vera
einhver sorgarsaga á bak við slíkar
auglýsingar og sagði að konan sem
auglýsti ónotaða kjólinn hefði ör-
ugglega verið svikin í tryggðum.
- Og þarna hefur hún staðið á
kirkjutröppunum með brúðarvönd-
inn í höndunum, vafalaust í stór-
hríð og byl og grátið, þar að auki
komin fimm mánuði á leið á meðan
sá sem sveik hana hefur verið að
djöflast á diskótekum á suðrænum
sólarströndum með senjórítur á
hverjum fingri sötrandi viskí og
bjór á lága verðinu, sagði kunning-
in minn og taldi það ekki vera
notkun á kjól þótt staðið væri í
honum fyrir utan kirkju og beðið
eftir brúðguma sem léti ekki sjá sig.
Út í umræður um litla notkun á
hjónarúmi og ástæður fyrir henni
hætti ég mér hins vegar ekki í þetta
skiptið.
Ál og plast
Það sem sagt er hér að framan
dat't mér í hug vegna umræðunnar
um einnota hlutina sem tröllriða
nú íslensku þjóðfélagi og fólk hefur
tekið misjafnlega miklu ástfóstri
við: - Ætli menn fari ekki líka að
fá sér einnota eiginkonur, sagði ég
við konuna mína um daginn þegar
við vorum að fara í útilegu og hún
var í óðaönn að pakka niður dollu-
gosi sem hafði þann eiginleika að
hennar sögn að það mátti kveikja
í umbúðunum um leið og menn
væru búnir að sötra úr þeim inni-
haldið.
Þröngsýni
Nú er ég orðinn svo fjandi gamal-
dags allt í einu að ég þoli hvorki
sóun né bruðl, að minnsta kosti
Háaloft
Benedikt Axelsson
ekki hjá öðrum, og því finnst mér
grátlegt að ekki skuli vera hægt
að nota fallegar dollur undan gos-
drykkjum til dæmis sem blómavasa
eða stofustáss því að þær hafa þó
að minnsta kosti þann kost að þær
brotna ekki þótt þær detti í gólfið
og meiða mann ekki þótt þær detti
ofan á tærnar á manni, blómavasar
gera hins vegar yfirleitt hvort
tveggja.
En íslendingar hafa ekki alltaf
hugsað svona því að fyrir nokkuð
mörgum árum auglýsti verslun
nokkur að hún keypti flöskur
merktar ÁTVR, gott ef hún bauðst
ekki líka til að kaupa neftó-
bakskrukkur og dropaglös. en
prísinn var hins vegar svo lágur
að menn hentu almennt dropaglös-
um og neftóbakskrukkum í ruslið
en tómum brennivínsflöskum í hús-
veggi og sannaðist oft á þessum
árum að sjaldan brýtur gæfumaður
gler.
Þetta hefur sjálfsagt verið ein af
fáum tilraunum sem gerðar hafa
verið hérlendis sem hafa horft til
framfara og auðvitað mistókst hún.
Hvað er framundan?
Og um daginn las ég það í ein-
hverju blaði að nú væri farið að
framleiða einnota útvarpstæki og
einnota myndavélar og var tekið
fram að myndavélarnar væri gott
að hafa með sér á útiskemmtanir
þar sem fólk væri alltaf að stela
myndavélum hvert frá öðru í anda
ungmennafélagshreyfingarinnar í
landinu sem hélt fyrir stuttu lands-
mót í drykkjuskap í yngri flokkun-
um og sagði að því loknu að það
hefði farið vel fram og lögreglan
var lika ánægð með sinn þátt í
þessu en gat lítið skipt sér af kepp-
endum í brennivínsþambi sem ekki
höfðu aldur til að taka þátt i þeirri
grein vegna þess að þeir voru með
vökvann í kókflöskum og ef ég hef
skilið verði laganna rétt voru þeir
í svipaðri aðstöðu og sýslumaður
nokkur sem fékk kæru frá manni
sem hafði verið sleginn í rot i kaup-
félagsbúð en get ekkert gert i
málinu að eigin sögn af því að þetta
var ekki morð.
Margir hafa orðið tii að gagnrýna
ungmennafélagshreyfinguna fvrir
að græða hundrað og sjötiu millj-
ónir. eða hvað það nú var, á
útiskemmtun sem fór í alla staði
vel fram og angraði ekki sumarbú-
staðaeigendur nokkurn skapaðan
hlut og verður hver og einn að ráða
skoðun sinni á því hvernig heppi-
legast hann telur að fólk skemmti
sér.
En fólk má ekki glevma þvi að
áðurnefnd hreyfing hefur gert
marga góða hluti. til dæmis hefur
hún haldið ágæt glímumót í sjón-
varpssal og hefur þar aldrei sést
vín á nokkrum manni.
Kveðja
Ben.Ax.
__________________________Nr.56
Finnurðu
átta breytingar?
Þessar tvær myndir sýnast í fljótu bragði eins. En á neðri mynd-
inni hafa fallið burt hlutar af myndinni eða þeir breyst, alls á
átta stöðum. Það er misjafhlega erfítt að finna þessar breytingar
en ef fjölskyldan sameinast um að leysa þetta trúum við því að
allt komi það að lokum.
Merkið með hring eða krossi þar sem breytingamar eru og send-
ið okkur neðri myndina. Skilafrestur er tíu dagar. Að þeim tíma
liðnum drögum við úr réttum lausnum og veitum þrenn verð-
laun, öll frá versluninni Japis, Brautarholti 2. Þau eru Supertech
ferðatæki (verðmæti 3.680 kr.), LED útvarpsvekjari (verðmæti
2.350 kr.) og Supertech útvarpstæki (verðmæti 1.365 kr.).
I öðru helgarblaði héðan í frá birtast nöfn hinna heppnu en ný
þraut kemur í næsta helgarblaði.
Góða skemmtun!
Merkið umslagið:
Átta breytingar 56, c/o DV, pósthólf 5380, 125 Reykjavík
Verðlaunahafar fyrir 54. gátu reyndust vera Hlíf Andrésdóttir,
Hlégerði 12, 200 Kópavogi (ferðatæki), Jóel Einarsson, Melbæ 35,
110 Reykjavík (útvarpsvekjari), Birna Jónsdóttir , Reynilundi 10,
600 Akureyri (útvarpstæki). Vinningamir verða sendir heim.
§*6---------
NAFN .....
HEIMILISFANG
PÚSTNÚMER .