Dagblaðið Vísir - DV - 14.12.1987, Blaðsíða 32

32
MÁNUDAGUR 14. DESEMBER 1987.
Nauðungaruppboð
þriðja og síðasta á fasteigninni Heiðarbraut 37, neðri hæð, þingl. eigendur
Sigrún Daníelsdóttir og Þröstur Eðvarðsson, fer fram á eigninni sjálfri mið-
vikudaginn 16. des. 1987 kl. 11.15. Uppboðsbeiðendur eru Veðdeild
Landsbanka islands, Tryggingastofnun ríkisins, Gústaf Þór Tryggvason
hdl., Ævar Guðmundsson hdl., Jón Sveinsson hdl., Andri Árnason hdl.
og Landsbanki islands.
_________________________Bæjarfógetinn Akranesi
REYKJMJÍKURBORG
Jlau&cw Stöcúci
HEILSUVERNDARSTÖÐ REYKJAVÍKUR
óskar eftir að ráða eftirtalið starfsfólk:
Hjúkrunarfræðinga við heimahjúkrun
Hjúkrunarfræðinga við heilsugæslu í skólum,
um er að ræða bæði fullt starf og hlutastarf.
Upplýsingar gefur hjúkrunarforstjóri í síma 22400.
Skrifstofumann við skólatannlækningar
í 50% starf.
Skrifstofumann á skrifstofu Heilsuverndarstöðvarinnar
við tölvuinnslátt og almenn skrifstofustörf. Starfið er 50%-70%.
Upplýsinga eru gefnar á skrifstofu framkvæmdastjóra heilsugæslu-
stöðva í síma 22400.
Umsóknum skal skila til Starfsmannahalds Reykjavíkurborgar,
Pósthússtræti 9, fyrir kl. 16.00 mánudaginn 21. desember 1987.
FÉLAGMÁLASTOFNUN REYKJAVÍKURBORGAR
W FORSTÖÐUMAÐUR
FÉLAGSSTARFS ALDRAÐRA
Félagsstarf aldraðra hjá Reykjavíkurborg auglýsir
laust forstöðumannsstarf í Norðurbrún 1, félags- og
þjónustumiðstöð aldraðra.
Starfið felst í daglegri stjórnun, bókhaldi og skipu-
lagningu á félags- og tómstundastarfi fyrir Reykvík-
inga, 67 ára og eldri.
Góð menntun og reynsla æskileg.
Starfið er laust 1. jan. 1988.
Upplýsingar hjá yfirmanni ellimáladeildar Félags-
málastofnunar Reykjavíkurborgar, Þóri S. Guðbergs-
syni, í síma 25500.
Laun skv. kjarasamningi starfsmannafélags Reykja-
víkurborgar. Umsóknareyðublöð fást hjá Starfs-
mannahaldi Reykjavíkurborgar í Pósthússtræti 9 og
skal umsóknum skilað þangað fyrir 24. des. 1987.

Frábærir skór m/leðursóla
Verð 4.110,-
Memung
Nýr valkostur fyrir
unnendur geisladiska
Ekki fer á milli mála að íslend-
ingar hafa tekið geisladiskinn (eða
hljómdiskinn) upp á arma sér. Mik-
il og stöðug sala er nú í geislaspil-
urum og fer verð þeirra nú
hríðlækkandi.
Hins vegar hefur verð diskanna
sjálfra ekki lækkað í samræmi við
spilarana - er enn tæpar 1500 krón-
ur fyrir nýjar upptökur á sígildri
tónlist - sem endurspeglar ástandið
á hinum alþjóðlega geisladiska-
markaði þar sem stóru evrópsku
útgáfufyrirtækin hafa gert með sér
óformlegt samkomulag um að
lækka nýja geisladiska ekki svo
nokkru nemi.
Hvað er þá til ráða fyrir lítt íjáða
geisladiskaunnendur?
Jú, þeir geta haldið sig við endur-
útgáfur á geisladiskum en stór
útgáfufyrirtæki eins og DG og
Philips eru með tiltölulega ódýran
flokk geisladiska með endurútgáf-
um.
Margir þessara diska eru í hæsta
gæðaflokki, bæði hvað flutning og
hljómgæði diskanna varðar.
Hingað komnir kosta þessir disk-
ar samt um og yfir 1000 krónur
stykkið.
Annar valkostur er að komast í
sambönd við smærri útgáfufyrir-
tæki, sem kappkosta að gefa út
góða tónlist á geisladiskum gegn
viðráðanlegu verði.
Nú hefur Japis einmitt fengið
umboð fyrir geisladiska frá jap-
anska Denon fyrirtækinu sem
þekktari eru fyrir hijómtæki sín.
Undanfarnar vikur hef ég verið
með nokkra diska frá þessu fyrir-
tæki í stöðugri hlustun og tel að
þama sé yfirleitt um úrvals hljóm-
listarflutning og upptökur að ræða
- og á skaplegu verði. Nýjar upp-
tökur munu kosta um 1150 krónur
en eldri upptökur eru talsvert
ódýrari.
Fullkomlega stafræn
upptaka
Það þarf varla að geta þess að öll
klassísk tónlist, sem fyrirtækið gef-
ur út, er tekin upp fullkomlega
stafrænt (DDD).
Það sem Denon hefur tekist að
gera er að virkja ýmsa evrópska
hljómlistarmenn sem ekki eru á
þessu venjulega stórstjörnuróli
milli frægustu hljómsveita og díríg-
enta - fólk sem ræktar sinn garð í
kyrrþey eða hefur ekki enn brotið
ísinn hvað frægðina snertir.
Sérstaklega hefur fyrirtækið ver-
ið heppið með tórdistarfólk frá
Austur-Evrópu sem er með því
besta í heimi en á af ýmsum ástæð-
um ekki greiðan aðgang að stóm
Hermann Prey barítonsöngvari.
plötu- og geisladiskafyrirtækjun-
um.
Meðai þessa tónlistarfólks úr
austurblokkinni er ungverski
flautuleikarinn András Adotján,
samlandar hans, píanósnillingarn-
ir András Schiff og Zoltán Kocsis,
sem báðir eru á góðri leið með að
verða stórstjörnur, Tékkneska fíl-
harmóníuhljómsveitin og stjórn-
andi hennar Václav Neumann,
Hljómplötur/geisladiskar
Aðalsteinn Ingólfsson
Kammersveitin í Prag, Suk tríóiö,
Kocsian og Smetana strengjakvart-
ettamir og loks góðvinur okkar
íslendinga, sellósnillingurinn Jan-
os Starker.
Franskt-japanskt samstarf
Ég hiustaði á András Schiff, sem
stundum er kallaður Glenn Gould
Ungverjalands, leika píanókon-
serta eftir uppáhaldstónskáld sitt,
Bach (C37-7236) ásamt Ensku
kammersveitinni.
Þetta er píanóleikur í rómantíska
kantinum, hrynjandi er hægur og
mikið pedallað þó hvergi of eða
van.
Túlkun Smetana kvartettsins á
tveimur strengjakvartettum Moz-
arts, nr. 15 í D og nr. 17 í B („Veiði-
ferðin") er sömuleiðis alveg
óaðfmnanleg og upptakan er ekki
síðri (CO-1581).
En Denon virðist einnig hafa átt
mjög gott samstarf við ýmsa
franska, þýska og svissneska tón-
listarmenn. Frönsku flautuleikar-
amir Jean-Pierre Rampal, Aurele
Nicolet og Alain Marion spila
reglulega inn á geisladiska hjá Den-
on.
Þetta fransk-japanska samstarf
kemur oft skemmtilega út. Til
dæmis hefur verið gefinn út diskur
þar sem Rampal og hörpuleikarinn
Lily Laskine leika japönsk þjóðlög
(C37-7127) sem minna ótrúlega
mörg á íslensk þjóðlagastef.
Franski fiðluleikarinn Jean-
Jacques Kantorow, margverölaun-
aður tónlistarmaður, er einnig
tíður gestur á þessum diskum og
ótrúlega fjölhæfur ef marka má
upptökulista.
Af þýskum og svissneskum tón-
listarmönnum sem spOa fyrir
Denon má nefna barítonsöngvar-
ann Hermann Prey, óbóleikarann
Heinz Holliger, Camerata hljóm-
sveitina í Bern og Basel Ensemble,
Staatskapelie hljómsveitina í Berl-
ín (sem flytur allar sinfóníur
Beethovens undir stjórn Otmars
Suitners), útvarpshljómsveitina í
Frankfurt (sem sérhæfir sig í sinfó-
níum Mahlers), Kammerhljóm-
sveitina í Munchen og blásara- og
strengjasveitir stóru sinfóníu-
hljómsveitanna í Berlín sem allar
eru mannaöar fólki af einleikara-
kalíber.
Undrandi og hrifinn
Ég skal alveg játa að ég hafði
hvorki heyrt minnst á útvarps-
hljómsveitina í Frankfurt né
stjórnanda hennar, Eliahu Inbal,
áður en ég hlustaði á 8. sinfóniu
Mahlers, „Þúsundmannasinfó-
níuna“, (CO-1564/65), en játa mig
nú bæði undrandi og hrifinn.
Túlkun Inbals er bæði skýr og
ástríðuþrungin - fullkomlega í
anda tónskáldsins.
Af annarra þjóða tónlistarmönn-
um ber mest á portúgalska píanó-
leikaranum Maria Joao Pires,
Hollensku blásarasveitinni og Nu-
ovo Quartetto frá Ítalíu.
Mín eyru segja mér að Pires sé
með bestu túlkendum á sónötum
Mozarts sem nú er uppi ef marka
má leik hennar á sónötum númer
9 -11 (C37-7388).
Svo er auðvitað talsverður fjöldi
japanskra tónlistarmanna, sem
ekki eru þekktir á Vesturlöndum,
en þurfa ekki að vera síðri fyrir
það.
Helstu annmarkar á útgáfunni
eru þeir að óperutónlist fær þar
ekki inni, sömuleiðis er fjarska lítið
af annarri sígildri söngtónlist.
Stóra, og næstum eina, undan-
tekningin eru stórgóðar upptökur
á söng Hermanns Prey á „Vetrar-
ferðinni" og „Fallegu myllustúlk-
unni“ eftir Schubert (C37-7240 og
CO-1072),
Upplýsingar í meðfylgjandi bækl-
ingum eru einnig soldið tilviljunar-
kenndar og sérviskulegar, kannski
stílaðar á japanska áheyrendur,
hvað veit ég.
Sígildur jass
Langmest er lagt upp úr klass-
ískri tónlist hjá útgáfunni en jass-
listinn er samt af sæmilegri lengd.
Þar ber mest á jöxlum eins og
Armstrong, Basie, Archie Shepp,
Chick Corea, Ellington, Art Far-
mer, Getz, Hampton, Mingus, MJQ,
Monk o.fl. og er tónlist þeirra eldri
oftast tekin upp eftir „masterum”
frá Frakklandi (AAD eða ADD).
Upptökur af MJQ frá 1958 hljóm-
uöu eins og sveitin væri inni á
stofugólfi hjá mér, sem er að sjálf-
sögðu kostur - ef maður vill hafa
jassband inni á stofugólfi hjá sér.
Nútímatónlistin og popptónlistin
á skrá hjá Denon virðast hins vegar
vera í ætt við músakk.
Allt í allt er hér um að ræða
umtalsverða búbót fyrir íslenska
unnendur sígildrar tónlistar á
geisladiskum.
-ai
András Schiff pianóleikari.