Dagblaðið Vísir - DV - 23.11.1988, Blaðsíða 9

MIÐVIKUDAGUR 23. NÓVEMBER 1988.
9
Chun biðst
afsökunar
Chun Doo Hwan, fyrrum forseti
Suður-Kóreu, bað í morgun landa
sína afsökunar á hneykslismálum
þeim er komu upp í stjómartíð hans.
Með því vonast Chun, sem stjórnaði
Suður-Kóreu í átta ár, að kröfurnar
um að hann verði látinn mæta fyrir
rétti verði ekki jafnháværar.
Chun hét því að afhenda ríkinu fé
sitt og eigur og kvaðst mundu yfir-
gefa Seoul og koma sér fyrir úti á
landsbyggðinni. Var Chun sagður
hafa verið kominn að því að tárast
er hann tilkynnti þetta í sjónvarpi.
Stuttu eftir útsendinguna var ekið
með hann og grátandi konu hans á
ókunnan stað. Frá því var skýrt í
blaðafregnum að Chun myndi setjast
að í fjallaþorpi í norðausturhluta
landsins, nálægt landamærum Norð-
ur-Kóreu.
Það var núverandi stjórn landsins
sem hafði í raun sett saman afsökun-
arbeiðnina, sem Chun bar fram í
morgun, til að reyna að komast hjá
því að leiða hann fyrir rétt. En þrátt
fyrir fréttir um að Chun muni af-
henda meira en tuttugu milljónir
dollara í pólítíska sjóði er ekki víst
að stjórnarandstaðan og róttækir
stúdentar láti sér það nægja.
Kim Dae-Jung, sem lengi baröist
gegn haröstjóm Chuns, sagði að
flokkur sinn myndi ekki berjast fyrir
því að Chun yrði handtekinn en að
hann myndi halda áfram að krefjast
rannsóknar á meintri spillingu og
harðræði í tíð Chuns. Nefndi Kim
sérstaklega fjöldamorðin frá 1980
þegar hermenn bældu niður upp-
reisn borgara í Kwangju með þeim
afleiðingum að tvö hundruö manns
biðu bana.
Fyrstu viðbrögð róttækra stúdenta
voru á þann veg að þeir kváðust ekki
vilja afsökun heldur aftöku fyrrver-
andi forsetans. Til átaka kom milli
hundrað og fimmtíu námsmanna og
óeirðalögreglu og köstuðu náms-
menn bensínsprengjum.
Á meðan sjónvarpað var frá ávarpi
Chuns voru götur höfuðborgarinnar
næstum auðar.
Reuter
Fyrrum forseti Suður-Kóreu, Chun Doo Hwan, baðst i sjónvarpsútsendingu
í morgun afsökunar á því sem miður fór meðan hann var við völd. Frá þvi
að Chun lét af völdum í febrúar síðastliðnum hefur þess verið krafist að
hann verði látinn svara til saka. Chun og kona hans, Lee Sun-ja, yfirgefa
hér heimili sitt í Seoul. Simamynd Reuter
Ósýnilega vélin afhjúpuð
Bandaríski flugherinn afhjúpaði í
gær hina ósýnilegu Stealth sprengju-
flugvél, sem er framúrstefnuleg flug-
vél sem sést ekki á rátsjám.
Fimm hundruö boðsgestir og
starfsmenn Northrop fyrirtækisins
sem smíðaði véhna fengu að vera
fimmtíu og fimm metra frá véhnni,
sem kostar tæplega tuttugu og fimm
mihjarða íslenskra króna. Sýningin
fór fram í Palmdale í Kaliforníu.
í tíu ár var vélin í hönnun og fram-
leiðslu án þess að flugherinn vildi
viðurkenna að hún væri tíl.
B-2 sprengjuflugvélin, eins og hún
er opinberlega kölluð, er í laginu eins
og búmmerang og úr efnum sém
drekka í sig og trufla ratsjárgeisla.
Fjórir hreyflar vélarinnar eru faldir
í vængjunum sitt hvorum megin við
flugstjórnarklefann til þess að ekki
mælist úr henni útblásturinn á inn-
rauðum skynjurum.
Þrátt fyrir að vélin hafi í fyrsta
skipti komið fyrir almenningssjónir
í gær er hún þegar orðin mjög um-
deild í Bandaríkjunum. DeUt er um
það hvort hún sé virði þeirra peninga
sem settir hafa verið í smíði hennar
og einnig hvort hún geti framkvæmt
þau verkefni sem henni eru ætluð.
Hönnuðir vélarinnar segja að hún
geti farið hvert sem er án þess að
sjást og muni þar með styrkja stöðu
Bandaríkjanna gífurlega.
Áætlað er að smíða eitt hundrað
þijátíu og tvær B-2 sprengjuflugvélar
og gert er ráð fyrir því að vélin fari
í sitt fyrsta flug innan sex til tólf
vikna.
Reuter
Útlönd
Christina Onassis nokkrum dögum áður en hún lést. Símamynd Reuter
Líkflutningur heimiladur
Argentínsk dómsyfirvöld heimiluðu í gær að lík Christinu Onassis, en
hún lést á laugardaginn í Buenos Aires, yrði flutt úr landi. Úrskurðað
hafði verið að líkið yrði um kyrrt í Argentínu á meðan á rannsókn á
dauða Christinu stæði.
Christina, sem var dóttir stópakóngsins Aristotelesar sáluga, var ein
ríkasta kona heims. Hún var 37 ára að aldri er hún lést úr lungnakvilla
sem gæti hafa orsakast af hjartaáfalli, að því er tilkynnt var fyrr í vikunni.
Sprengjutilræði í Madrid
Einn maður lést og rúmlega fjörutíu og fimm særðust þegar bíla-
sprengja sprakk við aðalstöðvar þjóðvarðliðsins í Madrid í gærkvöldi.
Talið er að aðskilnaðarsinnar Baska hafi komið sprengjunni fyrir.
Að sögn vitna var sá sem beið bana ökumaöur er átti leið fram hjá til-
ræðisstaðnum. Þriggja ára gamalt bam særðist alvarlega og foreldrar
þess einnig.
Fimm metra stórt gat kom á eina bygginganna þar sem fjölskyldur þjóð-
varðliðanna búa. Um tuttugu bílar eyðilögðust, þrjátíu skemmdust og
gluggarúður í þrjú hundruö metra fjarlægð brotnuðu.
Loftárásir á Líbanon
Palestinumenn virða fyrir sér skemmdimar eftir loftárás ísraela á flótta-
mannabúðir í Suður-Libanon í gær. Simamynd Reuter
ísraelar geröu loftárásir á ílóttamannabúðir Palestínumanna i suður-
hluta Líbanons í gær þegar Líbanir héldu upp á fjörutíu og fimm ára
afmæli sjálfstæðis þjóðarinnar. Og í úthverfúnum í suðurhluta Beirúts
börðust stríöandi fylkingar shíta.
Embættismenn héldu upp á daginn með því að horfa á hersýningu.
Leifar eiturgass fundnar
Starfsmenn á breskri rannsóknastofu segjast hafa fundið leifar efna-
vopna í jarðvegssýnum sem tetón voru í íraska hluta Kúrdistan. Kúrdar
hafa haldið því fram að írakar hafi beitt eiturgasi gegn þeim.
Sendiherra íraks i Bretlándi vísar þessu á bug sem tilbúningi einum
og segir eiturgasið vera komið frá írönum.
Bandaríkin hafa sakað íraka um notkun efnavopna gegn Kúrdum sem
búa í norðurhluta íraks. Rúmlega fimmtíu þúsund Kúrdar.hafa flúið -til
Tyrklands og írans frá þvi að sókn íraka gegn Kúrdum hófst í júlí. Hafa
margir fullyrt að heil þorp hafi verið þurrkuð út í efnavopnaárásum.
Yfirvöld í Bagdad hafa stöðugt vísað þessum ásökunum á bug.
Gott, fr ábært oi ÍLX T QAA ódýrt í 4 daga
Buxur Bolir frá kr. 500,- Nýjarvörur 1. desember
Jakkar frá kr. 1.950,-
Pils frákr. 1.200,- r I E "Hl Laugavegi 41
1 T I