Dagblaðið Vísir - DV - 23.11.1988, Blaðsíða 11
MIÐVIKUDAGUR 23. NÓVEMBER 1988.
11
Ethel Kennedy leggur blómsveig á leiði mágs síns í Arlington kirkjugarðin-
um í gær. Símamynd Reuter
Frakkarnir hafa
fjarvistarsannanir
Bandaríkjamenn minntust þess í
gær að tuttugu og fimm ár voru liðin
frá því að John F. Kennedy, fyrrum
forseti Bandaríkjanna, var veginn í
Dallas. Mikill mannfjöldi heimsótti
grafreit forsetans í Arlington kirkju-
garðinum í Washington og þúsundir
sóttu minningarmessur. Fjölskylda
hins myrta forseta tók ekki þátt í
minningarathöfnunum. Fjölskyldan
segist frekar vilja minnast lífshlaups
Kennedys en hörmulegs dauða hans.
Edward Kennedy, öldungadeildar-
þingmaður frá Massachusetts, sem
verið hefur í forsvari fyrir fjölskyld-
una frá því að Robert Kennedy var
myrtur árið 1968, var staddur í Bret-
landi í gær. Hann sagði í gær að hann
teldi það þýðingarmeira að minnast
lífs forsetans og þess vegna vildi fjöl-
skyldan frekar halda upp á afmælis-
dag hans, 29. maí, en dánardægur.
Eini meðlimur fjölskyldunnar til
að heimsækja grafreit Johns F.
Kennedy var Ethel Kennedy, ekkja
Roberts Kennedy. Hún lagði blóm-
sveig á leiði hans og sleit síðan eitt
blóm úr sveignum til að leggja á leiði
manns síns sem 'er skammt frá.
í sjónvarpsþætti sem sýndur var í
íslenska sjónvarpinu í gærkvöldi er
því haldið fram aö þrír Frakkar hafi
drepið John F. Kennedy, en ekki Lee
Harvey Oswald eins og hingað til
hefur verið haldið fram.
Sauveur Pironti, einn Frakkanna
sem í myndinni er sakaður um morð-
ið, hefur lagt fram gögn um að hann
gegndi herþjónustu í franska sjó-
hernum þegar morðið var framið.
Franski sjóherinn hefur staðfest að
tundurspillirinn sem Pironti var á
hafi verið á sjó þann 22. nóvember
1963.
Joseph Bocognani var í fangelsi á
þessum tíma og Lucien Sarti, sá sem
á að hafa skotið forsetann hafði svo
slæma sjón að í desember 1962 var
hann sviptur ökuleyfi af þeim völd-
um. Allar þessar upplýsingar hafa
verið staðfestar með opinberum
gögnum.
Pironti hefur hótað að fara í skaða-
bótamál við framleiðendur þáttanna
fyrir ærumeiðingar.
Reuter
Geðsjúklingar í norskum fangelsum
Björg Eva Erlendsdóttir, DV, Osló:
Verkalýðssamtök norskra fanga-
varða hafa ákveðið að loka dyrum
eins stærsta fangelsisins í Noregi og
neita að hleypa inn fleiri afbrota-
mönnum. Þetta eru mótmæli gegn
norskum heilbrigðisyfirvöldum
vegna fjölda geðsjúklinga sem eru
lokaðir inni í fangelsisklefum án þess
að þeir fái læknishjálp.
Núna eru sautján geðsjúkir fangar
í einangrun í fangelsinu sem er í
Osló. Þeir eru hættulegir bæði sjálf-
um sér og öðrum. Óhugnanleg öskur
berast úr einangrunarklefunum og
út í ganga fangelsisins. En eina með-
höndlunin sem fangaverðirnir geta
veitt er að reyra fangana fasta viö
bekkina í klefunum.
„Og þannig eru þeir bundnir þegar
við þrífum klefana og það eru einu
■ samskiptin sem þeir hafa við fólk oft
vikum saman,“ segja fangaverðirnir.
„Nú viljum við ekki meira því það
er ekki hægt að vinna á svona stað’
og við getum ekki lengur átt hlut að
því að það sé farið svona með geð-
sjúklinga."
Viðskiptastríð framundan?
Gunnar Guðmundss., DV, Kaupmaimahöfn:
Sú ákvörðun Evrópubandalagsins
að banna frá áramótum innflutning
á nautakjöti frá Bandaríkjunum, sem
inniheldur vaxtarhormóna, lítur út
fyrir að ætla að leiða til viðskipta-
stríðs. Bandaríkin líta nefnilega á
bannið sem viðskiptahömlur og ætla
að svara í sömu mynt.
Það mun koma sér sérstaklega illa
fyrir Dani sökum þess að Bandaríkin
eru næststærsti útflutningsmarkað-
ur þeirra fyrir svínakjöt. Þeir munu
tapa markaði sem svarar til andvirð-
is tvö hundruð milljarða íslenskra
króna árlega auk þess sem þúsundir
danskra svínabænda og slátrara
munu missa vinnuna.
Evrópubandalagið hefur reynt að
semja við Bandaríkin og meðal ann-
ars boðist til að flytja nautakjötið inn
sem hráefni í hunda- og kattafóður
en án árangurs. Bandaríkin óttast
nefnilega að bann Evrópubandalags-
ins leiði til þess að aðrir aðilar, með-
al annars Japanir, muni einnig grípa
til banns gegn innflutningi á kjöti
sem inniheldur vaxtarhormóna.
Utanríkisráðherra Dana, Uffe Elle-
mann-Jensen, hefur undanfarna
daga staðið í ströngu við að reyna
að fá Evrópubandalagið til annars
tveggja, grípa til alvarlegri viðskipta-
hamla gegn Bandaríkjunum eða fá
styrk fyrir þá tvö hundruð milljarða
sem Danir tapa. Hefur honum mis-
tekist hvorutveggja.
Stjórn Evrópubandalagsins segir
nefnilega að enn sé möguleiki á að
losna við viðskiptastríð og hefur
skotið málinu til alþjóða tolla- og við-
skiptastofnunarinnar GATT í von
um skjóta afgreiðslu.
Útlönd
Allt á huldu um
vegabréfsáritun
Sameinuðu þjóðirnar afhentu í
gær bandarískum yfirvöldum beiðni
um vegabréfsáritun handa Yasser
Arafat, leiðtoga Frelsissamtaka Pa-
lestínumanna. Arafat hefur sótt um
vegabréfsáritun til Bandaríkjanna til
þess að geta ávarpað allsherjarþing
Sameinuðu þjóðanna í New York í
næsta mánuði.
Bandarísk yfirvöld neituðu í gær
að hafa ákveðið að gefa Arafat vega-
bréfsáritun. Orðrómi um að banda-
rísk yflrvöld hefðu gefið í skyn við
yfirvöld í Egyptalandi að vænta
mætti vegabréfsáritunar var einnig
vísað á bug. Var bent á aö ekki væri
hægt að taka ákvörðun fyrr en Ara-
fat sjálfur sækti formlega um áritun.
Arafat, sem verið hefur í heimsókn
Enn er ekki vitað hvort Yasser Ara-
fat, leiðtogi Frelsissamtaka Palest-
ínumanna, fær vegabréfsáritun til
Bandaríkjanna. Símamynd Reuter
í Egyptalandi, sagði egypska leiðtoga
hafa tjáð sér að bandarísk yfirvöld
myndu veita honum vegabréfsárit-
un.
Árið 1974 kom Arafat að næturlagi
með þyrlu frá Kennedyflugvelli í
New York til aðalstöðva Sameinuðu
þjóðanna. Eftir ávarp þar var hann
samdægurs fluttur úr landi þar sem
óttast var um líf hans í New York
þar sem gyðingar eru fjölmennir.
Heimildarmenn hjá Sameinuðu
þjóðunum, sem venjulega hefur mátt
treysta, segjast undanfarna daga
hafa heyrt drunur í þyrlum. Sú
ályktun hefur verið dregin að verið
sé að æfa fyrir flutning á Arafat.
Reuter
Þegar þú kemur með bílinn í smurningu til okkar, færðu að sjálf-
sögðu fyrsta flokks alhliða smurningu. En það eru tvö atriði sem við-
skiptavinum okkar hafa líkað sérstaklega vel og við viljum vekja
athygli þína á. Þessi tvö atriði framkvæmum við án sérstaks auka-
gjalds á öllum bílum, sem við smyrjum.
í fyrsta lagi smyrjum við hurðalamir og læs-
ingar á bílnum. Þetta tryggir að hurðir og læs-
ingar verða liðugar og auðopnaðar, jafnvel í
mestu frostum.
í öðru lagi tjöruhreinsum við framrúðuna,
framljósin og þurrkublöðin. Þetta lengir end-
ingu þurrkublaðanna og eykur útsýni og öryggi
í vetrarumferðinni.
Tryggðu þér fyrsta flokks smurningu með því að panta í síma
695670 eða renna við á smurstöð Heklu hf. Laugavegi 172.
Hér erum við