Dagblaðið Vísir - DV - 09.03.1994, Blaðsíða 11

MIÐVIKUDAGUR 9. MARS 1994
11
Fréttir
Framboð gegn sitjandi formanni Lögmannafélagsins:
Almenn óánægja með Ragnar
- segja lögmenn, pólitík spilar einnig rullu
„Þaö er almenn óánægja í félaginu
með Ragnar Aðalsteinsson. Hann
hefur komið þannig fram í embætti
sínu sem formaður að mönnum mis-
líkar það mjög. Það er bæði hvemig
hann hefur meðhöndlað ýmis mál
sem varða lögmenn sérstaklega og
félagið. Líka það að hann fer fram
með ýmislegt án þess að fjallað hafi
verið um það með viðhlítandi hætti
innan félagsins áður,“ sagði virtur
lögmaður í samtali við DV um
ástæðu mótframboðs þess sem komið
hefur fram gegn sitjandi formanni
Lögmannafélags íslands.
Eiríkur Tómasson hæstréttarlög-
maður hefur afráðið að bjóða sig
fram gegn Ragnari og er það í fyrsta
skipti í áratugi sem slíkt gerist.
Er mál lögmanna sem DV ræddi
við að á annan veg kristallist mót-
framboðið í fyrrsögðu og svo í póli-
tískum skoðunum mannanna
tveggja. Ragnar hefur þótt tengjast
of náið Alþýðubandalaginu og er
mótframboði Eiríks öðrum þræði
beint gegn þessu en Jón Steinar
Gunnlaugsson og Guðmundur Ingvi
Sigurðsson eru sagðir hvatamenn að
framboði Eiríks.
Ragnar hefur verið formaður í tvö
ár og gagnrýna menn helst fyrra
setuár hans. Nefndi einn heimildar-
manna DV hve margar ákvarðanir
hans væru ólýðræðislegar og lítt
bornar undir stjóm félagsins. Einnig
vora nefndar sem dæmi yfirlýsingar
Ragnars um EES í fjölmiölum þar
sem hann talaði sem formaður Lög-
mannafélagsins án þess að nokkurn
tíma hefði verið tekið ákvörðun um
stefnu félagsins í þeim málefnum.
Loks gagnrýna menn ekki síst mál
sem kom upp í tengslum við ábyrgð-
arsjóð félagsins. Það er sjóður þar
sem fé var lagt til hhðar til að standa
straum af fjárdráttarskuldum ein-
stakra félagsmanna. Tillögur um það
mál voru felldar í félaginu og í kjöl-
far þess lýsti Ragnar yfir óánægju
sinni með þessi málalok í útvarpi og
gekk að mati sumra lögmanna of
langt í yfirlýsingum í því viðtali.
Ekki náðist í Eirík Tómasson í gær
þar sem hann er erlendis. -pp
Elítan sem er
ámótimér
- segirRagnar Aðalsteinsson
„Mínum persbnuleika verður ekki
breytt. Ég hef minn stíl. Sumir segja
að einn af mínum göllum sé að ég
segi alltaf meiningu mína beint út.
Ég fer ekkert í kringum það sem ég
tel vera sannleika þó ég haldi að það
komi einhverjum illa. Ég tel að mað-
ur eigi að segja það sem maður þurfi
að segja á kurteisan hátt, án cfga.
Þetta eru ekki allir sammála um,“
segir Ragnar Aðalsteinsson, formað-
ur Lögmannafélags íslands.
Hann segir aö fullyrðingar um of-
ríki sitt séu úr lausu loft gripnar.
Öll mál hafi verið afgreidd í samráði
við sitjandi sfjóm og hann njóti
fyllsta trausts hennar. „Ég hef sam-
ráð við aðra trúnaðarmenn en
stjórnarmenn og fullt af öðrum lög-
mönnum sem ég þekki. Ég reyni að
ná tengslum við menn úti á akrinum.
Þetta er hins vegar ekki elitan sem
ég tala akkúrat við. Ég hef heyrt það
undanfama daga að það sé elítan sem
er á móti mér,“ segir Ragnar.
Um ásakanir á sínar hendur vegna
meintra yfirlýsinga í útvarpi í kjölfar
þess að tillaga um aukið tillag í
ábyrgðarsjóð lögmanna náði ekki
fram að ganga á félagsfundi segir
Ragnar: „Við lögðum fram formlegar
tillögur um ábyrgðarsjóð lögmanna
til að reyna að koma í veg fyrir að
misfarið væri með fé kúnnanna. Ég
tjáði mig um þetta mál í útvarpi og
gerði grein fyrir þessu og viðtalið var
mistúlkað á þessum tíma af Jóni
Steinari Gunnlaugssyni. Reyndar
hefur hann verið á móti öllum mál-
um sem mm stjom flutti og stjórnin
á undan minni gerði einnig," segir
Ragnar. Hann segir jafnframt full-
yrðingu um að hann hafl tjáð sig um
EES og titlað sig sem formann Lög-
mannafélagsins úr lausu lofti gripna.
Hið rétta sé að hann hafi forspurður
verið titlaður formaður félagsins og
reyndar hafi hann tjáð sig faglega
um vinnuaðferöir álitsgerðar um
EES-samninginn og íslenskan rétt.
„Ég veit að sagt hefur veriö að ég
sé vinstrimaður. Það er einkenni
margra manna að þeir eiga erfitt með
að skilja menn sem þeir geta ekki
stimplað. Máhð er að ég hef aldrei
verið í flokki, félagi og hef því ekkert
bakland í þeim skilningi. Sumir
mundu reyndar kalla mig pólitískan
utangarðsmann þó að rétt sé að ég
hef ætíð aðhyhst félagslegar lausnir
á samfélagsvandanum. Þannig er ég
óháður öllum skipulagsbundnum
öflum í þjóðfélaginu," segir Ragnar.
Hann segir að alhr félagsmenn í
Lögmannafélaginu séu þeirrar skoð-
unnar, þar á meðal mótframbjóðand-
inn og þeir sem stuðh að framboði
hans, að þau verk sem hann hafi
staðið að séu góð og þeir æth ekki
að draga Lögmannafélagið út úr Evr-
ópusamvinnunni sem hann hafi leitt
félagið inn í. Ekki sé heldur ætlunin
að hætta starfsemi lögmannavaktar-
innar. Þess vegna sé erfitt að skilja
mótframboðið af öðru en því sem
fyrst var nefnt. Hann líti jafnframt á
þetta sem tilraun til skerðingar á
skoðana- og tjáningarfrelsi sínu. -pp
Borgarstjóri:
Glappaskot ef
við kaupum ekki
byggingairétt
Keiluhallarinnar
„Við erum að velta fyrir okkur að
kaupa byggingarrétt Keiluhaharinn-
ar í Öskjuhhð út frá umhverfissjón-
armiði. Það væri mikið glappaskot
ef ekki yrði brugðist við núna og
komið í veg fyrir frekari byggingu á
svæðinú. Það er bara spuming um
verðið. Það verður að vera ásættan-
legt fyrir borgina," segir Markús Örn
Antonsson borgarstjóri.
Kaupin á byggingarrétti Kehuhall-
arinnar í Öskjuhlíð hafa verið tíl
skoöunar að undanfórnu og segir
borgarstjóri að borgaryfirvöld vilji
koma í veg fyrir að byggingin rísi
eins og upprunalega var gert ráð fyr-
ir árið 1981.
Jón Hjaltason, eigandi byggingar-
réttar Keiluhaharinnar, hefur óskað
eftir 20 mhljónum króna, auk þess
sem borgin fjármagni frágang utan-
húss fyrir sjö mhljónir króna. Borg-
arstjóri telur að 27 mhljónir króna
séu í hærra lagi. Frekar komi th
greina að greiða samtals 20 mihjónir
fyrir byggingarrétt og frágang.
Fyrirhugað var að fjallá um kaupin
á byggingarrétti Keiluhallarinnar á
borgarráðsfundi á þriðjudag en gögn
sem leggja átti fyrir fundinn voru
ekki thbúin. Málið verður að öhum
líkindum tekið fyrir á borgarráös-
fundi á þriðjudag í næstu viku.
-GHS
Mæður barna á skóladagheimilum í Reykjavik afhentu i gær Markúsi Erni Antonssyni borgarstjóra undirskrifta-
lista með nöfnum tæplega 700 foreldra. Foreldrarnir mótmæla lokun fjögurra skóladagheimila og styttri tima sem
opið er á hinum skóladagheimilunum í Reykjavík. Markús Örn Antonsson borgarstjóri sagði við þetta tækifæri
að mótmælin væru byggð á misskilningi og yrðu fulltrúar foreldra kallaðir á fund með fulltrúum Dagvistar barna
og Skólaskrifstofu Reykjavíkur innan tiðar. -GHS/DV-mynd GVA
Auglýsing um framlagningu skattskrár 1993 og
virðisaukaskattskrár fyrir rekstrarárið 1992
í samræmi við 2. mgr. 98. gr. laga nr. 75/1981 um tekjuskatt og eignar-
skatt er hér með auglýst að álagningu skatta og kærumeðferð er lokið
á alla aðila sem skattskyldir eru skv. framangreindum lögum, sbr. 1.
kafla laga nr. 75/1981.
í samræmi við 46. gr. laga nr. 50/1988, með síðari breytingum, um virðis-
aukaskatt, er hér með auglýst að virðisaukaskattskrá fyrir rekstrarárið
1992 liggur frammi en í henni er tilgreindur ákvarðaður virðisaukaskatt-
ur eða endurgreiddur virðisaukaskattur hvers skattskylds aðila.
Skattskrár og virðisaukaskattskrár verða lagðar fram í öllum skattum-
dæmum miðvikudaginn 9. mars 1994 og liggja frammi hjá skattstjórum
í hverju umdæmi og hjá umboðsmönnum skattstjóra í hverju sveitarfé-
lagi dagana 9. mars til 22. mars, að báðum dögum meðtöldum.
9. mars 1994
Skattstjórinn í Reykjavík, Gestur Steinþórsson.
Skattstjórinn í Vesturlandsumdæmi, Stefán Skjaldarson.
Skattstjórinn í Vestljarðaumdæmi, Elín Árnadóttir.
< Skattstjórinn í Norðurlandsumdæmi vestra, Bogi Sigurbjörnsson.
Skattstjórinn í Norðurlandsumdæmi eystra, Sveinbjörn Sveinbjörnsson.
Skattstjórinn í Austurlandsumdæmi, Karl Lauritzson.
Skattstjórinn í Suðurlandsumdæmi, Hreinn Sveinsson.
Skattstjórinn í Vestmannaeyjum, Ingi T. Björnsson.
Skattstjórinn í Reykjanesumdæmi, Sigmundur Stefánsson.