Dagur - 25.05.1987, Blaðsíða 11
25. maí 1987 - DAGUR - 11
Minning:
Jón Geir Stefánsson
t
Fæddur 20. júní 1970 - Dáinn
Hann Jón Geir er dáinn. Sunnu-
dagsmorguninn 17. maí, barst
okkur þessi harmafregn til eyrna,
þegar við fylgdum syni okkar er
var að fara í skólaferðalag með
bekkjarfélögum sínum. Fyrir ári
stóð Jón Geir í sömu sporum
með sínum félögum. Mann setur
hljóðan við slíka fregn, og spyr
„af hverju?" en það er fátt um
svör.
Af hverju er drengur í blóma
lífsins, tekinn frá okkur? Hann
sem var hvers manns hugljúfi,
ætíð glaður og tilbúinn að spjalla
um alla heima og geima.
Þessi fátæklegu orð skrifum við
hjónin, því við kynntumst Jóni
Geir mjög vel í gegnum okkar
starf. Hann kom nánast daglega í
búðina til okkar svo og vinur
hans er liggur nú á sjúkrahúsi eft-
ir þennan hörmulega atburð,
megi Guð senda honum styrk til
hjálpar.
Okkur fannst eitthvað vanta,
ef Jón Geir kom ekki, frískleik-
inn og lífsgleðin skinu úr augum
hans. Hann var einstakur ungl-
ingur í okkar augum.
Pað er stórt skarð höggvið í
fjölskyldu hans, en hann var
yngstur systkina sinna. Það verð-
ur eflaust erfitt fyrir föður hans
að fara á sjóinn nú, en Jón Geir
hafði róið með föður sínum frá
því að hann var smápolli og allt
til þess dags, er hann var tekinn
frá okkur.
Við kveðjum góðan dreng með
söknuði og þökkum ánægjulegar
samverustundir sem við áttum
með honum.
t7. maí 1987
Með þessum orðum biðjum við
góðan Guð að styrkja foreldra
hans, systkini og alla aðra ætt-
ingja sem nú eiga um sárt að
binda og sendum þeim dýpstu
samúðarkveðjur.
Pú Guð míns lífs ég loka
augum mínum
í líknarmildum föðurörmum þínum
og hvíli sætt, þótt hverfi
sólin bjarta,
ég halla mér að þínu föðurhjarta.
Æ, tak nú Drottinn, föður og
móður mína
í mildiríka náðarverndan þína,
og ættlið mitt og ættjörð
virstu geyma
og engu þínu minnsta barni
gleyma.
Ó sólarfaðir signdu nú hvert auga,
en sér í lagi þau, sem tárín lauga,
og sýndu miskunn öllu því
sem andar,
en einkum því, sem böl og
voði grandar.
(Matthías Joqhumsson.)
Elísabet og Bjami.
Þann 28. apríl sl. andaðist á
Fjórðungssjúkrahúsinu á Akur-
eyri Kristinn Reynir Jónsson.
Hann fæddist á Akureyri 2.
nóvember 1973, sonur Svönu
Kristinsdóttur og Jóns Reynis
Sigurjónssonar. Hann óist upp á
heimili móður sinnar og eigin-
manns hennar Harðar Gunn-
steins Jóhannssonar, sem reynd-
ist Kristni hinn besti faðir. Faðir
hans er búsettur í Mývatnssveit
ásamt eiginkonu sinni Ólöfu
Hallgrímsdóttur og tveimur dætr-
um þeirra.
Kristinn frændi minn var ekki
gamall þegar hann var svo
skyndilega kvaddur úr þessum
heimi. Hann var aðeins 13 ára og
hafði fermst skömmu áður eða
þann 12. apríl. Það var mikil
gleði á heimili hans að Búðasíðu
4 á fermingardaginn. Vinir og
vandamenn voru þar saman
komnir og menn sáu fyrir sér
glæsta framtíð þessa tápmikla
drengs.
En tilveran lætur ekki alltaf að
óskum okkar mannanna, því að
morgni annars dags páska veikt-
ist hann og var fluttur meðvit-
undarlaus á sjúkrahús. Þar sátu
ástvinir hans við hlið hans nótt
sem dag en skaparinn ætlaði hon-
um nýja veröld og ný störf.
Við fráfall hans er margs að
minnast. Hann var á heimili
mínu í nokkur sumur, þar sem
hann gætti lítillar dóttur minnar
ásamt fleiri störfum. Öllu þessu
sinnti hann með prýði og ábyrgð-
artilfinning hans var mikil.
Á sl. ári var hann þátttakandi í
reiðhjólakeppni Umferðarráðs og
vann til verðlauna hér á Akur-
eyri. Fór hann ásamt félögum
sínum til Reykjavíkur þar sem
hann vann fyrstu verðlaun, tölvu-
búnað, sem hann hafði mikið
yndi af.
Námsmaður var hann góður og
það var ánægjulegt að fylgjast
með honum og sjá hve létt hon-
um veittist að læra.
Þó ævi hans hafi verið allt of
stutt er samt margs að minnast.
Björtust er samt minning for-
eldra hans og bróður hans,
Jonna, og afa hans og ömmu í
Ægisgötu þar sem hann var tíður
gestur.
Þegar ég nú kveð frænda minn
hinstu kveðju er mér efst í huga
þakklæti fyrir vináttu hans. Þakk-
læti fyrir ánægjustundirnar og
þakklæti fyrir góðvild hans og
tryggð.
Með klökkum huga kveð ég nú
vin minn og frænda og bið honum
blessunar í því bjarta ódáinslandi
eilífðarinnar. Ég bið þann sem
öllu ræður að taka vel á móti
Kristni Reyni.
Ég sendi systur minni og mági
og ástvinum hans öllum mínar
innilegustu samúðarkveðjur og
bið Guð að blessa þau öll. Verum
minnug þess „að hér þótt lífið
endi rís það upp í Drottins dýrð-
arhendi."
Guðný Kristinsdóttir.
Dagur kemur út alla virka daga vikunnar
eins og venjulega nema föstudaginn 29. maí,
vegna frídags 28. maí.
Skilafrestur auglýsinga er sem fyrr,
fyrir hádegi daginn fyrir útgáfudag.
í mánudagsblaðið 1. júní þurfa auglýsingar
að berast fyrir kl. 12.00 föstudaginn 29. maí.
Takið eftir!
A.llar auglýsingar sem þarf að vinna sérstak-
lega, þurfa að berast til auglýsingadeildar
tveimur til þremur dögum fyrir birtingu.
Auglýsingadeild Dags.
Hótel:
Fleiri bókanir
en í fyrra
Við höfum skýrt frá því, að lík-
ur séu á auknum ferðamanna-
straumi í sumar. Margir koma
til með að gista á hótelum, þó
aðrir valkostir svo sem, gisti-
heimili, farfuglaheimili,
bóndabæir og tjöld séu einnig
mikið notaðir. Við könnuðum
hvað liði bókunum á helstu
hótelum bæjarins svo og á
Edduhótelum í nágrenninu.
Hjá Ferðaskrifstofu ríkisins
varð Tryggvi Guðmundsson fyrir
svörum, og sagði hann að mikið
væri búið að bóka á hótelin
þeirra í sumar, og að aukning
væri frá því í fyrra, sérstaklega að
Stóru-Tjörnum, Hrafnagili og á
Akureyri.
Gunnar Karlsson, hótelstjóri á
Hótel KEA, kvaðst bjartsýnn á
gott sumar, og sagði að meira
væri búið að bóka nú, en á sama
tíma í fyrra. Hann bjóst við að
öllu meira yrði um erlenda ferða-
menn nú, og að svo færi
„lausaumferðin“, eins og Gunnar
orðaði það, alltaf eftir veðri.
Bókanir á Hótel Varðborg í
sumar eru að sögn Arnfinns Arn-
finnssonar, nokkuð svipaðar og í
fyrra, og vildi hann ekki treysta
um of á spár um aukningu ferða-
manna, sagði reynsluna vera þá,
að yfirleitt kæmi eitthvað óvænt
uppá, sem felldi svona spár.
Hótel Akureyri hefur svo
nýlega skipt um eigendur að ekki
var um að ræða neinn samanburð
frá því í fyrra, en bókanir munu
víst ganga vel, og er búist við
góðu sumri.
Á Hótel Stefaníu fengust þær
upplýsingar, að vel gengi að bóka
fyrir sumarið, og að greinileg
aukning væri frá því í fyrra. Júní
mun vera svo gott sem fullbókað-
ur hjá þeim, og ríkti bjartsýni um
gott sumar hjá þeim. VG
Hólar í Hjaltadal:
Byggt
við
skólahúsið
I sumar verður byggð 250 fer-
metra viðbygging við skólahús-
ið á Hólum. I viðbyggingunni
sem er stækkun á anddyrinu
sem fyrir er og liggur frá því,
meðfram endilöngu leikfimi-
húsinu og suður fyrir enda
þess, verður aukið rými fyrir
móttöku, auk snýrtingar og
stofu sem mun nýtast fyrir
kennslu. Það er Trésmiðjan
Borg á Sauðárkróki sem hefur
verkið með höndum.
í sumar verða haldin á Hólum
námskeið fyrir unglinga í íþrótt-
um, sveitabúskap og hesta-
mennsku og einnig verður sér-
stakt reiðnámskeið. Þegar er upp-
pantað á þessi námskeið. Þá
verður boðið upp á stutt nám-
skeið í hirðingu loðdýra fyrir þá
sem eru að byrja að búa við þessi
dýr. Þau námskeið verða auglýst
á næstu dögum.
Lausar stöður
1. Kennarastaða. Kennsla yngri barna.
2. Forstöðumaður mötuneytis.
3. Húsvörður V2 staða.
4. Kennarastaða við tónlistardeild.
íbúðir á staðnum.
Nánari upplýsingar hjá skólastjóra, sími 96-43225
og formanni skólanefndar, sími 96-43308.
Umsóknarfrestur til 5. júní.
Stórutjarnaskóli
645 Fosshóll • S.-Þing.
Nauðungaruppboð
á fasteigninni Ásabyggð 8, Akureyri, þingl. eigandi Haraldur
Árnason, fer fram í dómsal embættisins Hafnarstræti 107, 3
hæð, Akureyri föstud. 29. maí kl. 15.15.
Uppboðsbeiðendur eru: Helgi V. Jónsson hrl., Verslunarbanki
Islands, Innheimtumaður ríkissjóðs, Ingvar Björnsson hdl.,
Veðdeild Landsbanka íslands, Ásgeir Thoroddsen hdl., Othar
Örn Petersen hrl., Ólafur Garðarsson og Iðnaðarbanki islands
hf.
Bæjarfogetinn á Akureyri.
Nauðungaruppboð
á fasteigninni Hafnarstræti 88, 1 hæð, s-hl. Akureyri, þingl.
eigandi Stefán Sigurðsson, fer fram í dómsal embættisins
Hafnarstræti 107,3. hæð, Akureyri föstud. 29. maí kl. 13.30.
Uppboðsbeiðandi er: Innheimtumaður ríkissjóðs.
Bæjarfógetinn á Akureyri.